教育王國

標題: 我的天!響囡囡間房見到本摩門經??! [打印本頁]

作者: chuntam 時間: 12-5-3 20:34 標題: 我的天!響囡囡間房見到本摩門經??!

如題。我真是快被她氣死了!

作者: Yanamami 時間: 12-5-3 21:03

扮唔知係乜, 問下佢係乜東東先la. 可能行過人地派俾佢呢. 我都試過係街俾果班人拉住講一大堆, 又俾d小冊子我.....後尾借尿遁! 瞭解左再對策啦.

作者: ANChan59 時間: 12-5-3 22:23

回復 Yanamami 的帖子

非常認同，可能冇事呢! 冷靜面對。

作者: chuntam 時間: 12-5-3 22:41

回復 ANChan59 的帖子

佢枱面放左張紙,上面手寫滿晒摩門教同天主教D分別,又擺左本天主教教理,我估佢比人動搖左啦...點解明明係天主教徒又讀天主教學校都會遇上呢D事?

作者: ANChan59 時間: 12-5-3 23:03

你可以提她比較埋基督教，或其他宗教，一來淡化兩者比較，二來亦令她更強化她的信仰，最後信咗基督教唔好怪我。

作者: Snakemama 時間: 12-5-3 23:52

回復 chuntam 的帖子

同意ANChan59 同Yanamami 的意見。在年輕時（特別在髙中\大學時期）對宗教、政治、哲學等等會產生濃厚的興趣。在適當的引導下，不失為一個好現象。想當年，我亦不時挑戰教會嘅長老，對自己的信仰抱懷疑的態度。
所以，不用太擔心，找機會開心見誠地同佢傾，隨機應變吧。

作者: JustAParent 時間: 12-5-4 09:24 標題: 回覆：我的天!響囡囡間房見到本摩門經??!

每個人都應享有宗教自由，作為父母，只要孩子不是誤入邪教，那信仰只好引導，不能強迫。其實，摩門教徒生活很檢點，很有規律，不吸煙亦不喝酒，就是對聖經、唯一真神、婚姻觀的看法和天主教不同罷了。前二者我理解為宗教自由，後者多妻制香港法律已禁止，也非香港摩門教徒強調的，故不會發生。和子女多討論，人家可影響你孩子宗教觀，當然你也可以。

作者: schoolrun 時間: 12-5-4 12:48

It's time for research and data analysia ...... do that together with your kid.
Browse it through Yahoo and lots of reference to 摩門教 can be found.

作者: Yanamami 時間: 12-5-4 13:11

本帖最後由 Yanamami 於 12-5-4 13:11 編輯

印出來放在當眼處?

http://www.christianstudy.com/data/misc/mormons02.html

作者: chuntam 時間: 12-5-4 23:44

佢知我發現左,收埋晒D野

作者: Yanamami 時間: 12-5-5 08:26

chuntam 發表於 12-5-4 23:44
佢知我發現左,收埋晒D野

扮輕鬆d啊~~~佢知你緊張, 怕你鬧會越走越遠架. 學其他家長話齋, 同佢一齊研究下其他宗教添, 等佢咪focus係摩門教上.

作者: chuntam 時間: 12-5-6 16:28

我已經唔敢再入佢間房……
今日同佢行行下街有張摩門教D單張響佢個袋跌出黎,我扮唔知問佢係乜,佢答:「E&RE老師送聖相。」
明明寫住唔知乜野末世聖徒教會仲可以咁冷靜講大話

作者: JustAParent 時間: 12-5-6 17:59 標題: 引用：我已經唔敢再入佢間房……今日同佢行行下街

原帖由 chuntam 於 12-05-06 發表
我已經唔敢再入佢間房……
今日同佢行行下街有張摩門教D單張響佢個袋跌出黎,我扮唔知問佢係乜,佢答:「E&RE ...

為什麼信教要那麼神秘？出街也要帶著傳單，以前信天主教時有那麼熱心嗎？不管是什麼教派，子女突然出現此行為要非常留意，是否誤入邪教？之前我所言的宗教自由都是建基在光明正大、非邪教上的。摩門教就有公認的邪教分支，而非基督天主教所稱的異端。她平日的生活習慣和朋友你了解嗎？可從那裏著手吧。

作者: chuntam 時間: 12-5-6 21:11

本帖最後由 chuntam 於 12-5-6 21:12 編輯

回復 JustAParent 的帖子

其實究竟摩門教係咪邪教?

作者: Snakemama 時間: 12-5-6 21:24

回復 chuntam 的帖子

所謂「知己知彼，百戰百勝」。我認為在你和囡囡傾之前，自己先有些關於此教的基本概念（或者和她一起上網找資料-如她願意的話）。

作者: chuntam 時間: 12-5-6 22:37

chuntam 發表於 12-5-6 21:11
回復 JustAParent 的帖子

其實究竟摩門教係咪邪教?

殺細路…活人祭…果D呀?好似好恐怖……
另:原來佢仲有本英文版同一個長老嘅電話,一切都完了。我等緊佢同我坦白講:「我想入摩門教。」我由得佢算,冇計。

作者: JustAParent 時間: 12-5-6 23:10 標題: 引用：+本帖最後由+chuntam+於+12-5-6+21:12+編輯

原帖由 chuntam 於 12-05-06 發表
本帖最後由 chuntam 於 12-5-6 21:12 編輯

回復 JustAParent 的帖子

在你心目中，邪教定義是什麼？摩門教肯定違反基督天主教義，所以一般被視為異端，我由小至大都在教會學校長大，也沒有牧師會一刀切說它是邪教。美國共和黨總統羅姆尼也信奉摩門教，早前就因為有傳媒用上邪教一詞而引起風波。個人認為，只要某宗教教義不違反道德法律，我們皆不應以邪教名之。可能大家還有印象，小時候曾短時間活躍的「天父的兒女」，他們包裝很好，在電台傳道，在澳門開牧場招呼小朋友騎馬，但一看其單張，鼓吹女性以身體救贖，毫無疑問就是邪教。無可否認，摩門教一些支派，尤其在美國，確是邪教。但摩門教大部分信徒還是正正常常的。當然我也明白，家長身為教徒，兒女信其他宗教，尤其異端，內心難受。但現在重點是，你女兒為何那麼神秘？中國人常說，君子，事無不可對人言。是孩子真的入邪教了，還是她覺得你連一個其他宗教也容不下呢？要好好搞清楚。我個人認知裏，正常信仰須要時間，慢熱的。很少忽然熱心起來，更不會神神秘秘，孩子行徑如此，即使發現的是一本聖經或佛經，同樣擔心。

作者: Yanamami 時間: 12-5-6 23:50

"但現在重點是，你女兒為何那麼神秘？中國人常說，君子，事無不可對人言。是孩子真的入邪教了，還是她覺得你連一個其他宗教也容不下呢？要好好搞清楚。我個人認知裏，正常信仰須要時間，慢熱的。很少忽然熱心起來，更不會神神秘秘，孩子行徑如此，即使發現的是一本聖經或佛經，同樣擔心。"

*****************************
所言甚是. 但現在應有何對策?
可否從她傾得埋的朋友同學口中探到一點風聲?

作者: ANChan59 時間: 12-5-6 23:56

chuntam 發表於 12-5-6 21:11
回復 JustAParent 的帖子

其實究竟摩門教係咪邪教?

我既理解係未至於 "邪教"，似"異端"多d。

作者: chuntam 時間: 12-5-7 00:12

回復 Yanamami 的帖子

我連本野點得黎都唔知……淨係知平時佢日日準時回家,假日有時同朋友出街都會問我得唔得,只知佢上星期去完教會活動之後比原定時間遲返,我問佢點解,佢答:「同人食雪糕。」因為之前都試過,上次佢衫袋有張「嚇緊大」甜筒紙,所以今次我沒有為意。
過幾日就發現左本野。

作者: Yanamami 時間: 12-5-7 00:29

chuntam 發表於 12-5-7 00:12
回復 Yanamami 的帖子

我連本野點得黎都唔知……淨係知平時佢日日準時回家,假日有時同朋友出街都會問我得 ...佢,

你本身有無信教? 如果你同佢一齊番教會(唔係當check住佢, 只當突然你想認識神), 一來截一截佢借番教會同摩門教人接触, 二來認識佢教會中弟兄姊妹/ 神父, 一人計短二人計長?

作者: HY412 時間: 12-5-7 00:29

本帖最後由 HY412 於 12-5-7 00:30 編輯

回復 chuntam 的帖子

發生左不足一個星期, 會影響到囡囡講:「我想入摩門教。」

然後妳就: 我由得佢算, 冇計。因為 “佢仲有本英文版同一個長老嘅電話,一切都完了。”

妳都放棄 !! 還有誰會救她? 妳選擇放棄去救佢? 還是選擇關心 + 同佢好好溝通 ?

作者: chuntam 時間: 12-5-7 00:44

回復 Yanamami 的帖子

囡囡D教會活動多數比細路玩的,大人去唔到架,不過教會活動D人個正正經經一定唔會帶壞佢。我反而估佢回家沿路遇上「長老」比人呃。

作者: chuntam 時間: 12-5-7 00:46

回復 HY412 的帖子

有時針唔吉到肉唔知痛,我已經失眠左幾晚.

作者: JustAParent 時間: 12-5-7 00:48

chuntam 發表於 12-5-7 00:12
回復 Yanamami 的帖子

我連本野點得黎都唔知……淨係知平時佢日日準時回家,假日有時同朋友出街都會問我得 ...

如果無估錯, 是長老送的. 摩門教一般是兩男(長老)或兩女(姊妹)在街主動找人搭訕傳教, 會問吓你有無讀過Bible, 你知唔知還有摩門經呀? 其實這些也是神的話語等等 ... 你願意和他們談下去, 他們就會送摩門經給你, 很豪爽的. 最後會請你留下聯絡方法或他們給你電話, 你女兒手上的東西, 應該是這樣得來的.

作者: JustAParent 時間: 12-5-7 01:11 標題: 引用：回復+Yanamami+的帖子囡囡D教會活動多數

原帖由 chuntam 於 12-05-07 發表
回復 Yanamami 的帖子

囡囡D教會活動多數比細路玩的,大人去唔到架,不過教會活動D人個正正經經一定唔會帶壞 ...

我對摩門教有少許認識，少時候也有長老向我傳教，老實說，我實在看不出此教有什麼特別的吸引力可以令一個天主教徒短時間撲過去。你女兒多大了？我反而懷疑她是否受朋輩影響。就算不能參與她的教會活動，也可借故送出送入，了解一下她身邊朋友，或私下和她教會神父談談。

作者: HY412 時間: 12-5-7 09:33

回復 chuntam 的帖子

囡囡正值青少年成長階段, 只要任何人對佢好D, 關心佢多D, 她地都會覺得對方係大好人.

趁她未沉迷下去, 走錯路既時候, 要及時去幫佢.

作者: Snakemama 時間: 12-5-7 09:59

回復 JustAParent 的帖子

Dear Chuntam,

我讀中學個陣時，放親假（特別係暑假）經常都會有「摩門教」嘅人來㩒鐘傳教。幸好一直在「基督教」學校讀書，而且亦是「基督教」家庭，所以知道此教是異端。他們亦都會留下單張，很多小冊子和雜誌。（我父母亦見過）但就不會太擔心我（因平時溝通得好？）所以我的意見還是一樣：乘事情剛開始，盡快自我裝備，同囡囡傾，態度要正面，不要一開始就覺得佢唔啱。多問問題，讓自己先了解多一些同明白事情到了哪個階段。才能對症下藥。
自怨自艾、撒手不管和諸多藉口對解決此事並沒有幫助。在這帖子上有回應的家長都是想幫手，大家亦明白你的愛和擔心。
願你早日解決問題
Snakemama

作者: schoolrun 時間: 12-5-7 13:22

chuntam 發表於 12-5-7 00:46
回復 HY412 的帖子

有時針唔吉到肉唔知痛,我已經失眠左幾晚.

I really think, you should talk to your daughter now.

Say to her that you are not comfortable.
Express yourself honestly how you feel.

Talk it through openly!
Do it now before it's too late.

Good luck.

作者: chuntam 時間: 12-5-8 20:05

回復 Snakemama 的帖子

尋晚同佢傾左陣,發覺事態嚴重. 當我問佢係咪對摩門教有興趣,佢馬上指正話已經改左名叫摩爾門教,我問佢知唔知摩門教係某些人眼中係異端邪教,又問佢知唔知上帝的兒女都係異端邪教,佢話上帝的兒女叫人賣淫然係邪教,摩門教係believe in being honest, true, virtuous, and in doing good to all men,又話佢地對任何有品德,美好,受
好評或者值得讚揚嘅事都追求,希望教徒做「完人」,又叫我唔好因為佢叫「摩門教」(魔門教)就當人邪教,我指出摩門教信三位三體多神論,佢反駁天主教信聖人都係多神,何況BIBLE無話過三位一體係D人估估下又當真,又話joseph smith叫佢地除了魔鬼的教會,要尊重任何教會.天呀!若她不是我的乖女,我真的以為自己在和一名摩門教徒傾緊.

我忍不住想走去摩門教堂大罵一聲:「還番個女比我!」

作者: Yanamami 時間: 12-5-8 20:28

本帖最後由 Yanamami 於 12-5-8 20:28 編輯

回復 chuntam 的帖子

禁其實佢不滿天主教d乜? 佢覺得天主教有乜不足既地方, 令佢要轉向摩門教? 我諗你真要同神父&教會中姊妹商量一下對策.

作者: ChiChiPaPa 時間: 12-5-8 20:38

回復 chuntam 的帖子

唔洗想，真係去。你可要求她每次返教會，都帶你一起去。如果她真心相信摩門教，她應很歡迎你和她ㄧ起去。你每次都看顧她，就有個照應。也認識一下教會的人，出了事也知找誰，也向負責的人清楚表明你反對孩子入教。如果讀宗教學校，可請學校的宗教老師幫忙。

作者: chuntam 時間: 12-5-8 20:42

回復 Yanamami 的帖子

佢話佢好想知真理在何方,我問佢響天主教咁多年都唔搞得清?佢話天主教有D真理冇左,摩門經正好補充番,我問佢點解信,
佢答:「望住本摩門經你自然感覺到架喇,係一種一望就相信嘅強烈感覺!我可以借比你睇。」
我心寒極了。

作者: JustAParent 時間: 12-5-8 23:16 標題: 引用：回復+Yanamami+的帖子佢話佢好想知真理在

原帖由 chuntam 於 12-05-08 發表
回復 Yanamami 的帖子

佢話佢好想知真理在何方,我問佢響天主教咁多年都唔搞得清?佢話天主教有D真理冇左,摩 ...

我之前也講過，摩門教非邪教，係異端，係宗教角度有很大分別。你未清楚她入了那個支派前，不應將它和「天父的兒女」此等邪教並列，否則，說話終了。她說強烈感到真理，可以借給你看。太好了。不只要看，和她討論，了解一下她入教的心路歷程，不如叫佢帶埋你及一些可幫忙的朋友去參加教會活動呀，去九龍塘聖堂看看。不知你對摩門教有多認識，一、此教對教徒是比較控制的（可能我用字不準確），二、相對天主教，基督教，其教堂就比較有神秘感，這是我經常路經該處的感覺，三、如果我無記錯，教徒要抽出年半至二年時間全職服務教會傳教，自費，很多都在19，20這些年紀，我不知這些人如何處理學業。

作者: Snakemama 時間: 12-5-9 01:40

chuntam 發表於 12-5-8 20:05
回復 Snakemama 的帖子

尋晚同佢傾左陣,發覺事態嚴重. 當我問佢係咪對摩門教有興趣,佢馬上指正話已經改左 ...

我寫回覆之前，再上網看了些資料。因為從你的文字中，感受到你的憂慮、失望、徬徨及憤怒。當這樣一件事，發生在女兒身上，毎個母親都會有同樣的心情。我希望可以找到一些有用的資料，幫助解決問題。現在，你掌握了一定的資料。從你女兒的回答中，我看到以下幾點：
1）摩爾門教追求所有好的品德，美好、受好評和值得讚掦的事，希望教徒做「完人」---請問女兒曾否向你提過對自己所返的「天主教」教會有所不満？當我們年輕的時候，對公義、道德有強烈的追求，是非觀念很強，非黑即白。加上對基督徒/天主教徒相對高的要求，當令我們失望的事情發生時，會產生強烈的失落感。可能㑹引起另找「更好」的宗教的行為。
2）除了魔鬼的教會，要尊重任何教會---我們所受的教育：尊重人，人人平等，不要歧視與自己不同的人和事。對，這是一個正確的觀念，但容易被「有心」人利用。
3）她（女兒）並不認為摩爾門教是邪教---當然！只有有問題的人才會信邪教。
4）追求真理---同第一點相同。
解決方法：
溝通--當自己是女兒的朋友，仲要係佢做乜都撐佢嘅朋友。我知好難，特別係依家咁嘅心情，但是一定要咁做（她好容易築起圍牆）再知多啲。
找外援--如果她不是對返開嘅天主教會有不滿，找教會中人幫手；如是，找社工（明愛、任何天主教團體）
一起和她返摩爾門教集會。呢個係破釜沈舟的做法，可以一試（希望唔洗用到）

作者: Snakemama 時間: 12-5-9 01:50

chuntam 發表於 12-5-8 20:05
回復 Snakemama 的帖子

尋晚同佢傾左陣,發覺事態嚴重. 當我問佢係咪對摩門教有興趣,佢馬上指正話已經改左 ...

最好自己坐下想想：調轉自己係個女，有咁嘅事發生，希望阿媽會點做？照住做，應該會有用。畢竟，我們做女兒的時間比做媽媽長。還有，我們都曾經年輕過。
希望我的意見幫到你。為你和女兒禱告，願全能的天父與你們同在。

Snakemama

作者: minijelly 時間: 12-5-9 11:10

見到咁樣我都好擔心,搵D宗教人士幫幫手啦,希望早日雨過天x

作者: dad1234 時間: 12-5-9 11:33

好其一問,如果樓主看見女兒抬面上不是摩門經而是佛經,樓主會怎樣面對?

利申:我冇宗教

作者: torunpoland 時間: 12-5-9 22:15 標題: 回覆：chuntam 的帖子

別太擔心先。你自己要定先！記得祈禱。我也會為你和令嬡禱告。（我是基督徒）

作者: chuntam 時間: 12-5-10 18:09

問過下佢個最老友嘅同學,同學仔話上星期勸佢請教下教會啲人先再算,跟住呀囡問左五六個人,得一個大佢少少嘅姐姐勸得掂佢,不過近幾日連呢位姐姐都勸唔掂喇。
同學仔仲話其實好多冇信仰嘅人都勸過呀囡唔好入摩爾門教,不過呀囡都只係話:「我想知真理在哪裏.。」
養到個女咁大,最怕佢學壞入黑X會,點知仲衰,走去信邪教!

作者: JustAParent 時間: 12-5-10 19:09 標題: 引用：問過下佢個最老友嘅同學,同學仔話上星期勸

原帖由 chuntam 於 12-05-10 發表
問過下佢個最老友嘅同學,同學仔話上星期勸佢請教下教會啲人先再算,跟住呀囡問左五六個人,得一個大佢少少嘅 ...

愛是恆久忍耐，又有恩慈。慢慢氹、慢慢教啦。其實，對孩子而言，仼何宗教的愛不論有多大，始終還是及不上父母的。孩子終會明白。

作者: chuntam 時間: 12-5-10 22:59

回復 JustAParent 的帖子

呢樣佢都知,尋日佢都話短期內不會再去摩門教的支會,也不會入教,不想我們難受,但跟她談聖經時她那雙空洞到不得了的眼神,我真的嚇壞了,我又告訴她當太空人在太空看到浩翰的宇宙之後,對自己的信仰又會堅定了些,相信任何宗教的人都會,包括摩門教徒,佢先講左句:「係咩?」佢做其他事時跟平時沒有兩樣,可是一談及宗教,她又擺出一副茫茫然的樣子。佢問我:「如果我入左摩爾門教,你會不會很傷心?」
我答:「我知你不會。」
佢苦笑,說:「你高估我了。不過,我短期內不會的,直到我完全相信摩爾門教為至。如果我入左摩爾門教,咁好多時D新年聖誕復活節我地都唔可以一齊開開心心去mass喇!」跟住喊到傻傻下咁。
其實我覺得佢自己都知入摩爾門教唔啱,但係我估唔到點解佢明知錯都心思思想入摩爾門教。
我聽見佢話「如果我入左摩爾門教,咁好多時D新年聖誕復活節我地都唔可以一齊開開心心去mass喇!」,我都眼濕濕。

作者: tungyanmama 時間: 12-5-11 13:49

回復 chuntam 的帖子

加油CHUNTAM , 現在D青少年有反叛心態,你越唔想佢做,佢越做比你睇, 再比多D耐心引導一下她,真的自己處理唔到,一定要搵社工或天主教會求助,唔好自己一個去解決.或者報一D制服團體(如民安隊,童軍,聖JONH.....)分散一下她對摩門教注意力,平時識得她的同學(一定要乖同肯幫你),拜託她幫你勸導女兒,(因為佢地聽朋友講一句,好過我講十句),一定能解決

作者: palmchristy 時間: 12-5-25 19:02 標題: chuntam 的帖子

如果孩子的動機真是尋求真理，至少你可以參與，和她一起尋真理。以基督徒的背景，我會說真理不會在這個地方。上上自己或其他教會，看看相關書藉(eg 真理的尋索)也可。但一個動作背後，或者有其隱藏的動機也說不定。學業壓力？朋輩影響？那裡有她很想見的人？可能要費力先找出真正原因，才能對正下藥。

作者: ANChan59 時間: 12-5-25 22:33 標題: 回覆：palmchristy 的帖子

Well said

作者: pingoj 時間: 12-5-28 00:31

回復 chuntam 的帖子

Chuntam，
請你的女兒看看這個網站：http://www.brunstad.org/en/。

作者: Charlotte_mom 時間: 12-5-28 13:52 標題: 回覆：我的天!響囡囡間房見到本摩門經??!

樓主，要記住後生女，難免覺得自己大個好有智慧，阿媽都吾識咁多，呢個階段你同我都經歷過，放下身段，承認自己係吾識，開心見誠一齊搵返教會，叫導師黎引領個正確答案，嘗試helpful一
點，吾好一野就超級反對，小朋友難落台就會包our頸，大家都薑晒就咩都吾駛講。希望你早日解決到問題

作者: chuntam 時間: 12-5-28 17:42

我現在也沒有留意她了,只見她每個星期日都睡到日上三竿,沒有去摩門教會,也沒有去天主教堂,不知她在幹什麼

作者: snowyfu 時間: 12-6-10 15:38

宗教信仰向来是人类心灵追求平衡的道路，既是道路必然要去行走，行走路上必有沙石。但别忘记天父在创造你和女儿时，必也同时赋予你们足够的智慧，爱心，耐性，良知去面对生命途中任何沙石。冷静下来，不要惊慌。对自己，女儿，信仰，亲请怀有信心，一步步来。加油！

作者: whmama 時間: 12-6-11 14:25

回復 chuntam 的帖子

Long ago, one of my good friends was very into 摩門教. She joined the activities held by it every week. In order to convince her mother to accept her “faith”, she had once stopped eating or drinking for 24-48 hours (I don’t remember how long exactly). She called this “禁食”. She was really serious about摩門教 at that time. Since she was a practical person, it was a big surprise to me to see her actions and fascination.

However, around half year later, she totally withdrew from摩門教. She refused to tell the reasons but I guessed she should have discovered the differences between摩門教 and the traditional churches.

Teenagers take time to find out the truth. I think you can keep giving her supports during this period of time. She will realize your love and care one day.

作者: CatEgg 時間: 12-7-10 00:19

樓主,我覺得你女兒遇到的不只是宗教/真理的迷惑,撇除宗教問題,你有向她了解她的生活嗎?
從你的留言,我感到你對一知道女兒開始接觸摩門教會便關上和女兒溝通、關懷的門,當女兒在尋道尋真理的過程中,除了教會的神父、修女、朋輩可幫助她,最能幫助她的是你。
你說得對,養大女兒真的很多擔心,又怕她學壞、又怕她不潔身自愛、又怕她被人呃......但她是你女兒、你是她母親,這是任何宗教都改變不了的事實。繼續關懷她、了解她心中的鬱結,別拱手將女兒送到你不想她入的教會!

歡迎光臨教育王國 (/)