教育王國
標題: GFDF diet 交流區 [打印本頁]
作者: free_style 時間: 12-5-3 18:51 標題: GFDF diet 交流區
歡迎做緊 GFDF 的家長一齊交流，如何在食物方面，為小朋友創造愉快生活。我的女兒有自傾，現在戒口(gluten and dairy free)，再戒埋驗到敏感的食物及食補，而家近七個月了，情況明顯好轉。對話有多層次交流，眼神定左好多。
GFDF Diet 唔易做，一不小心就會食錯野，但睇住佢情況不斷進步，覺得是值得的。所以我一直努力研究如何炮製他們可吃的食物..........
作者: myson727 時間: 12-5-4 12:06
我幫我個仔做GFDF二年了，真係一D都唔簡單，屋企自己煮還可以，出街都唔知點算，一食錯野濕疹、鼻敏感、脾氣、發夢又走番晒出離，有次在學校食左老師送的綿花糖，都煩左幾個星期，最煩果次近考試，個人反應慢左，變蠢左。
作者: free_style 時間: 12-5-4 13:54
係呀，食錯野，好覺有反應。阿女早前飲左有阿巴斯甜(人造甜味劑，有研究指會影響腦細胞)的濃縮橙汁，即刻有一日發大脾氣。停左無飲，就回復正常。前日佢應該在學校偷食，昨天早上返學，扭計扭到飛起，又周身痕。今天過左氣吧....一切回復正常，笑住口起身兼返學。
作者: free_style 時間: 12-5-4 13:55
好彩喎，我從老師口中得知，佢地下星期整生果雪糕甜點，我會呢個周末，整定 dairy free 雪糕，等佢可以在學校，享受跟同學仔一齊整香蕉船的樂趣。
作者: myson727 時間: 12-5-4 15:05
『天下無難事，只怕有心人;天下無易事，只怕粗心人』！
加油
作者: 小肥mama 時間: 12-5-7 02:51
我想問GFDF diet係咩黎?係咪都係生物療法?
作者: xixi1218 時間: 12-5-7 22:55
太難了，難道一輩子都這麼過嗎？？而且也不是每個人都有效。
作者: myson727 時間: 12-5-8 11:07
回復 小肥mama 的帖子
GF 即Gluten Free -- 不吃含麩質食物，例如小麥、大麥等麵包、蛋糕、意大利粉、麵條的食物
DF即Dairy Free 或 CF 即Casein Free-- 不吃含牛奶(酪蛋白)的食物，例如牛奶、芝士、牛油、雪糕
我仔也對雞蛋及花生有敏感，所以要買Egg and Peanut Free及GFCF的食物。
作者: 嘉儀媽咪 時間: 12-5-8 12:41
xixi1218 發表於 12-5-7 22:55 
太難了，難道一輩子都這麼過嗎？？而且也不是每個人都有效。
雖然香港已經開始普及 Gluten Free 和 Dairy Free 的食物(外國相當普遍了)，但價錢仍然比較高。我本人和女女也有牛奶過敏，飲完一定肚痛，面出紅色粒粒。如果想食旦糕，就要食不含牛奶成份的，但唔會係新鮮><連方包都唔食得，食法包。
作者: free_style 時間: 12-5-8 18:45
其實我從來無問醫生，戒口要戒幾耐。因為，現時戒口係好高難度，但我要的是效果，要小朋友的溝通、情緒及專注力全面改善，追得幾多得幾多。所以我的全部焦點，都集中在呢度。
亦因如此，我不斷思考及研究，如何整美味的 GFDF 食物，令他們有選擇下，不致偷食，而令情況變得反覆。當然，一時食錯野難免，但要提高成功率，有食物選擇是很重要。
將來的事，將來先算。誰料將來情況好轉，他們已沒有問題，那是最好的。但若要繼續戒口，則已戒了咁耐，都沒什分別了。
作者: free_style 時間: 12-5-8 18:47
一年前，阿女叫又唔明，教又唔聽。今日，佢有對答，有交流，係食錯野才發脾氣，若戒口戒得好，是又開朗又活潑的小朋友，我已滿足了。但求佢表達能力不斷改善，那當然更好。.......
作者: free_style 時間: 12-5-8 18:50
嘉儀媽咪 發表於 12-5-8 12:41 
冇辨法啦，最起碼可以知道敏感個源頭，避免吃下可以致敏的食物，因為食物敏感除了影響情緒，仲會死架。
雖 ...
我整在準備寫 BLOG ，將整野食的心得紀錄下來。每一款食物，都是為阿女而設計及研究，每次的成功，都代表佢又多一款野食，這是我可以將不時出現的憂慮發洩之處。
作者: free_style 時間: 12-5-8 19:01
xixi1218 發表於 12-5-7 22:55
太難了，難道一輩子都這麼過嗎？？而且也不是每個人都有效。
唔係無得食，只是要揀擇 D ，盡量自製，外國很多人，因此整到出食譜，或許如此譜出自已的事業。是福是禍，有時好睇我地的態度。至於是否每個人都有效，我唔敢講。但我個女就好有效。我好肯試不同療法，未夠三歲，已捉佢去針灸，為的只是要有改善，要有進步。只能說，現階段我要的是效果，其他的事已變得次要。
阿女而家唔可以食雞，雖然有點限制，但聽到不少小女孩，因為食得雞多而提早到小四已發育，那麼，可以食雞是好是壞? 有時很難說...........可以確定的一點是，今天食物很多被污染而我們卻不易察覺，為了長遠的健康著想，戒口或食得小心一點，或許是有益無害呢......
作者: xixi1218 時間: 12-5-9 10:50
戒口對你女女有用是一件幸運的事，但是，說到現時的食物，哎，戒得幾多？這個又說有致癌，那個又說會影響，總之，要真的做到，那就什麽也別吃了。
我說GFDF戒口難，是因為現時的食物，太多太多都有這兩種東西了，麥類和奶類，簡直很難倖免。我小朋友驗到食物無任何過敏，只有塵蟎類過敏。。。。真的是避無可避，難道到太空去？。。。。。
作者: myson727 時間: 12-5-9 12:44
回復 xixi1218 的帖子
我相信GFCF對好多A仔都好有效，也對好多人有益，剩講牛奶，幾年前鏗鏘集都講過，飲牛奶的問題:
http://www.youtube.com/watch?v=7bt-8ZFDN-c
"牛奶是小牛飲的，根本不是給人飲的，因牛奶蛋白質太高，對於人的消化系統，帶來嚴重壓力，破壞腸道健康，引起過敏、濕疹、鼻敏感、...癌症等。"
牛奶有益只是'廣告商'及'生產商'手段。
作者: apple~y 時間: 12-5-9 14:43
回復 free_style 的帖子
可以給blog個網址比大家分享嗎??
thanks
作者: apple~y 時間: 12-5-9 15:39
生物療法貴嗎??
一個月大約幾錢
作者: free_style 時間: 12-5-9 23:43
apple~y 發表於 12-5-9 14:43
回復 free_style 的帖子
可以給blog個網址比大家分享嗎??
個 BLOG 呢.....係好歡迎大家參觀的.....但實在呢.....仍在建構中，所以是只聞樓梯響的呢。快啦快啦，因為看到戒口的 小朋友，能享美食，真的是滿心歡喜，我是決心搞好個 BLOG的了。
至於生物療法，靜係計睇醫生及買 supplement ，一個月三千幾蚊，另，買小朋友可以吃的食物，包括一些預製食物及烘焙用材料，每月一千左右啦，這個是看你要求到什麼程度。我自己鐘意研究整野食，會買多幾款材料來試。
咁貴唔貴呢...其實搵個姑娘，一個月來上四堂，一個月都駛二千，效果一般，相比之下，生物療法兼買食物的開支，效果好好多，咁我覺得才是真正的抵。自從戒口，我基本上無再積極尋求其他療法，那些行為治療，就當係輔助。因阿女處於高速改善期，所以繼續上堂，等佢吸收多些。
作者: free_style 時間: 12-5-9 23:48
呀，講漏左的開支，是初期驗血及驗大便，果度都駛合共七千左右。後來因為有效果，做左半年，再驗埋重金屬，果度又三、四千。其實呢，我係因為見到有朋友的孩子做呢個療法，一年間真的睇住佢改變，變得控制到情緒，理解力及變通方面進步，所以我才最終決意一試。
我好肯試新方法的，未夠三歲捉阿女去針炙，去之前一晚真的腦交戰，因為太細個，都幾驚，但為求有效果，點都試。都針左半年有多才停。
作者: free_style 時間: 12-5-9 23:52
阿女，本來返學是笑笑口的，但過去兩個禮拜日日喊住返學，喊到我心都煩，但終於，喊到前日，終於問得出個原因，原來佢掛住之前去旅行太開心的時光，好想再去。佢唔明旅行唔係日日去。知道呢個原因後，我即刻做野，買定佢心愛的小公主精品，臨瞓前又同佢做定心理輔導，終於今朝唔喊 LU。笑住口起身、食藥、食早餐、返學.......這些就是進步。佢識講，才能跟我們溝通，我才可以理解佢的傷心及幫到佢。呢一點，對我來說是很重要的推動力。
作者: yauman76 時間: 12-5-10 11:16
回復 free_style 的帖子
可否pm係邊度做化驗同睇邊位醫生? 謝謝!
作者: apple~y 時間: 12-5-10 15:12
thanks你詳細解答
樣樣療法都有一套理念
做媽媽有時都好迷惑,時時想點先幫到兒子
作者: free_style 時間: 12-5-10 16:05
apple~y 發表於 12-5-10 15:12
thanks你詳細解答
樣樣療法都有一套理念
作者: xixi1218 時間: 12-5-15 13:28
若本身對牛奶過敏的，戒了一定有明顯的好處。但如果查出是不過敏，那麼戒口的效果或許也不明顯吧。
我并不針對或反對任何的治療方法，只是講開就講。
作者: free_style 時間: 12-5-16 22:31
今晚帶阿女去睇傷風咳，佢對醫生好 FRIENDLY，一入去就叫人，又同醫生傾計，話俾醫生知佢去過動物園，醫生問問題，佢又肯答，有來有往，同埋答案係有意思又對題的交流，在別人看來是平常不過，但作為媽咪，或者只有自已才知花了多少心機及力量才達致的效果。我都滿足了。
雖然她說話能力仍未追到足，但是，只要唔好再食錯野，她真的是很可愛又懂事的小孩。
作者: fatpam 時間: 12-5-17 00:29
佢每學到一樣新野都有感動嘅感覺，希望有更多更多第一次。
作者: Melissa_Tam 時間: 12-5-26 23:45
我亞仔都有試過GFCF,試左半年，效果其實真係唔錯，最明顯是眼神接觸，不過現在已沒有再戒，因真是超麻煩，同埋醫生話戒半年就可以，所以冇再堅持了
作者: kicks_collector 時間: 12-5-28 00:11
請問大家睇邊位Dr,係咪姓高？有冇電話可PM我！thank you
作者: ppmommy 時間: 12-5-28 12:05
回復 free_style 的帖子
support!! you will help alot of families!
作者: free_style 時間: 12-5-28 13:47
回復 Melissa_Tam 的帖子
咁而家小朋友的眼神接觸如何? 無戒口後，情況是好左/差左/無變 ?
作者: free_style 時間: 12-5-28 13:49
戒口係麻煩，但效果好，我已心滿意足了。相較 a 仔無得醫的絕望，若有方法解決且成效明顯，而代價只係麻煩，我反而覺得找到了出路。
我仲記得第一次去睇 dan doctor，我同佢講，呢個方法真係得的嗎? 我是抱著破爷沉舟的心態來的，只許成功，不許失敗。而這段時間的戒口，醫生亦驚訝於我地研究左咁多野食俾阿女選擇，因為醫生是顧問，會叫你朝呢個方向去做，但佢唔係廚師，所以佢唔知如何炮製gfdf 的美食。
而家整阿女的野食，我會預雙份，因為毋須戒口的哥哥都會想食，反映食物的味道及賣相已達一定水平。這點，也算我的小小成就了。
我會堅持俾佢戒口，同時透過不斷在試整食物，令佢有得揀，戒口亦變得可持續發展。身體的敏感，不是一時半刻可以解決，急唔來。
若佢唔戒口，表現已經跟普通小朋友一樣的話，咁就真係唔駛戒口了。
作者: apple~y 時間: 12-5-28 15:13
回復 free_style 的帖子
你真係好叻呀
要照顧兩個小朋友唔簡單,仲要一個發展上遇到問題
你真係好勁,0甘有心機研究食物
唔怪得連醫生都驚訝
作者: free_style 時間: 12-5-28 15:22
我好彩，幾年前為親子，開始在家玩烘焙，買了焗爐，累積幾年睇書自學經驗，去年發現阿女有問題，開始戒口後，全面研究她的食物。是錯有錯著。而家變成任務，每周要抽時間整小吃給她。因為有選擇，那些預製包裝食物，已變成次選。她的至愛有蛋糕，趣怪麵包仔，朱古力粒曲奇，朱古力波波，煎豬肉丸(好鬼似麥樂雞，連哥哥都話搬左麥當勞返屋企)。
作者: ppmommy 時間: 12-5-29 21:27
回復 free_style 的帖子
不如你gather 有興趣mommy 開個班教下我地？
作者: apple~y 時間: 12-5-29 22:50
回復 free_style 的帖子
多謝你分享
我想自製bread,請問你係點做呀
因為市面好多包,餅都加0左好多添加劑,都想自己學做
作者: free_style 時間: 12-5-30 13:36
普通麵包，我以前試過好幾次，但淨係睇書學，成功率得六至七成。整曲奇餅及蛋糕反而有九成幾把握。至於 gluten free 的麵包，我是買 bread mix 整的，推介品牌 king aurthur bread mix 。效果好好。
開班教整小吃，我唔敢當啦，因為還在摸索階段，俾阿女食可以，教人整就有點....懶醒......分享心得還可以。遲下等我解決技術困難，再整 d 相出來俾大家睇下。整野食只要俾 d 心思，其實會有好多開心發現，當小朋友食得開心，我也樂透!
作者: fatpam 時間: 12-5-31 06:36
請問食早，午，晚餐方面，有無d 容易方便買到同整到嘅食物?
我相信最頭痛係早餐，因為麥同奶要介，而且一早趕時間，大多食咩?
有無食物係對A 仔特別有益?
作者: free_style 時間: 12-5-31 13:10
fatpam 發表於 12-5-31 06:36
請問食早，午，晚餐方面，有無d 容易方便買到同整到嘅食物?
我相信最頭痛係早餐，因為麥同奶要介，而且一早 ...
午餐及晚餐，多數係飯菜肉。不過呢，小朋友仲細加上有敏感，可選擇的肉有限。我主要俾佢食某幾種無敏感的魚，及豬肉，所以每種食材都要多變化。例如豬肉，可以係煎豬扒，免治，或加少少 corn flour and potato flour 打成為豬肉丸，可放湯可煎炸。
小吃方面呢，就多好多。例如 gluten free cereal，好多的嘛。你再買些 dairy free 的朱古力，融左佢，包住 d cereal ，就可以變成為朱古力脆米/脆波。不斷咁樣變種，令每次發現一樣新食材/食品，就可以一開三。
作者: free_style 時間: 12-5-31 13:15
本帖最後由 free_style 於 12-5-31 13:29 編輯
我又試過將蛋糕仔，用朱古力沾滿外層，變左 gluten free dairy free lemington dessert。咁都得喎，都幾似架有奶有蛋的效果。小朋友喜歡。
你若有興趣，可以選定某款野食，我試下打返個食譜出來。分享下點整。
作者: free_style 時間: 12-5-31 13:22
我仲試過整個一磅裝的生日蛋糕，嘩，呢個真係我烘焙生涯的高峰。無奶，無蛋，無 gluten 的忌廉生果黑森林生日蛋糕。那次為了準備這個蛋糕，我思想及實際上籌備了個多星期呀。
作者: free_style 時間: 12-5-31 13:27
至於對 a 仔特別有益的食物.....暫時未搵到呀......無益的我就知。例如人造代糖阿斯巴甜。試過一次，我女飲完後，當天真的脾氣勁差，扭計時大叫，後來發現是那枝新買的濃縮果汁惹的禍，立即停用，過兩日後就回復平常，扭計一般只係扭一陣咁囉。自此，連我自已都唔食有阿斯巴甜的野，因為有機會致癌及可能影響腦細胞之間的溝通。
另一樣係奶，若阿女錯食有牛奶的野，濕疹番發的同時，反應即時轉慢，戒口後，平時叫一聲已經即應，上次食錯有牛奶的野，叫三至五聲先應，感覺有異，即時尋找死因，後來發現是一包新買的有 朱古力粒的小吃出事。佢包野係 gluten free 呀，但當中的朱古力粒，唔係 dairy free 囉，一不小心，好鬼中招。
作者: fatpam 時間: 12-5-31 20:35
係專門店買的A 仔食品都好貴，份量又少，一般家長點長期負擔，個個都已經有勁多項支出。
家長重要番工同做家居訓練功課，要整食物都真係要快同容易買到d 材料。
作者: free_style 時間: 12-5-31 22:29
係呀，所以最好自己整大部份。現成的食物只做輔助。好似豬肉丸，gfree 粉麵，其實又唔係特別貴，只是要花點心思。其實做gfree bread,可以自己溝麵粉整，木薯粉，potato flour, 等等。自己構粉整，可以再平d。當然要少少技術去令食品質素穩定。一定有方法的又平又正的。那些都是唔算難買的材料呢。
作者: free_style 時間: 12-5-31 22:34
本帖最後由 free_style 於 12-6-1 19:32 編輯
我計過，現成gfree dfree 曲奇餅，預製包裝，拆開即食，兩蚊一塊。買預拌粉自己焗，一口曲奇餅size，成本應該唔駛一蚊塊。自己開料溝粉，可以再平d.。平時會焗定一批在家，以備隨時有得食。
作者: myson727 時間: 12-6-1 09:28
回復 fatpam 的帖子
如果"生物療法"適合你小朋友，可以節省好多訓練的時間和$，最重要系自己心態都輕鬆晒，我仔現在自己處理倒自己的工課、學習、收拾書本用具等。
現在小學課程好深又教得快，如果下下追住提住佢做，全職都唔掂la。
作者: ppmommy 時間: 12-6-1 10:02
我個仔介咗10日牛奶，不過飲緊豆奶，D濕疹好番好多。但係早餐都係要食下面包同蛋糕，吾多吾少都有牛奶。真係好難介得清。
作者: myson727 時間: 12-6-1 12:09
回復 ppmommy 的帖子
我都系上網訂GFCF的面包和蛋糕。
如自己做我估要請教free_style
作者: free_style 時間: 12-6-1 13:50
其實a 仔的眼神接觸，是經常要處理的一大問題，但是，眼神是表徵，深層是專注力不足及自我控制力的問題。你訓練到眼神，仲要訓練閱讀、情緒，呢個係我覺得家居訓練點都會有用，但唔係根本性處理問題的方法。我個人而言，對此不排斥，但不會用作主導工具。
亦因如此，我一試戒口，就全面戒到盡，咁先試到呢個方法得唔得。關乎小孩子的發展，若有方法係得的，要盡力去。
講真，個個人病情唔同。有些人病情淺些，少少 training ，食下魚油，已經 ok。我個女唔係呢種囉，所以去到戒口兼食營養補充劑，才見到佢有明顯反應。個個人唔同，無得直接比。我都係有實際需要，才迫得出呢個戒口程度.........為勢所迫呀......都係果句啦，大路好過窄路，窄路好過無出路
作者: fatpam 時間: 12-6-1 17:38
有無人可分享有關食譜，如用麵包機會簡單d 嗎?
粉麵係咪得米河粉可以食?
作者: free_style 時間: 12-6-1 19:32
本帖最後由 free_style 於 12-6-1 19:49 編輯
fatpam 發表於 12-6-1 17:38
有無人可分享有關食譜，如用麵包機會簡單d 嗎?
粉麵係咪得米河粉可以食?
...
有些米粉、意粉，是註明 gluten free 的。
至於麵包，老實，你屋企有無電動打蛋、電子磅及焗爐?
麵包機，我屋企無呀，所以唔多熟，要研究下。
作者: fatpam 時間: 12-6-1 19:39
就係無電動打蛋、電子磅及焗爐 
作者: apple~y 時間: 12-6-1 21:19
回復 fatpam 的帖子
你諗住自行戒口??
作者: apple~y 時間: 12-6-1 21:23
回復 free_style 的帖子
呢3樣(電動打蛋、電子磅及焗爐)我有
攪拌機都有
0甘你個女番學,你預先整定食物拿去學校定點??
平時0的食材係咪專門店買呀??
作者: fatpam 時間: 12-6-2 08:54
其實我諗yip 肉類時係咪都要用特別調味料呢?
平時用開的成分好多，唔知食唔食得或有害，都有味精架。
作者: free_style 時間: 12-6-2 09:12
apple~y 發表於 12-6-1 21:23
回復 free_style 的帖子
呢3樣(電動打蛋、電子磅及焗爐)我有
阿女返全日的，姐姐會每晚或早上，煮好佢的午飯，放入暖杯，等佢帶返學。我地會自已用盒仔俾佢帶埋小食。佢有一個膳食的小袋，放午飯，小吃等等，每天帶埋返學。
食材：主要在專門店買，平時會經常行超市、 CITY SUPER，YATA，UNI，JUSCO 等等，發掘新食材，也會跟同樣需要的家長互通消息，咁大家就可以集合力量，搵多些選擇俾小朋友。另外，亦透過將新鮮食材演變，來增加選擇。
專門店方面，一站式的專門不多，但還是有的。有些提供網購，中環也有幾間，我都特登去行過，每間都有些獨特，但唔齊，所以唔駛成日去，得閒去下就OK 了。
你有齊這些工具，已具備優良條件為小朋友整食物啦。推介 預拌粉品牌：Cherrybrook。呢隻牌子的朱古力粒曲奇餅，好易整，又好食。另，KING AURTHUR BREAD MIX ，我視佢為gfree 麵包預拌烘焙粉的皇牌，整出來的包包，我自已都會食。若你買到這些，我再教你整丫。
其實我試過自已開料來整造型曲奇，都算 ok ，但要買的材料就多些，這點待你準備全面啟動時，才同你分享丫。
作者: free_style 時間: 12-6-2 09:28
fatpam 發表於 12-6-2 08:54
其實我諗yip 肉類時係咪都要用特別調味料呢?
平時用開的成分好多，唔知食唔食得或有害，都有味精 ...
你地是否有戒口? 跟醫生戒定自已戒?
那時我地開始戒口時，先研讀醫生俾的資料，全面檢視一下，由食材到調味料，有那些要換，跟住逐步買，大約準備了一星期，就開始戒口。
我覺得跟醫生戒口會好些，因為有問題可以問佢及營養師，唔駛乜都唔食，只係戒一些有問題，及疑似有問題的東西就好了。其實戒口，最怕估估下，搞到心理壓力好大。要生活得開心，有得揀，無乜壓力，咁大人及小朋友才可以持續地，做好戒口呢項任務。
作者: apple~y 時間: 12-6-2 14:33
本帖最後由 apple~y 於 12-6-2 15:11 編輯
0甘如果你囡囡學校開生日會,又唔可以好似0的同學仔食蛋糕,樣樣都唔食得
有無試過唔開心??
我又想問調味料,係味用最簡單最好,好似pepper,salt ,sugar
食油方面邊隻好?
食物專門店kowloon區有無呀,我以前未有小朋友時有玩整蛋糕,餅,apple pie所以公具有晒係度
我都有同爸爸傾過,我0地覺得只要唔影響健康試一試無壞
我仔仔一早約2age戒了飲牛奶,平時就飲0下豆奶
我覺得戒小麥難0的,包,蛋糕,餅,通心粉係仔仔至愛(當中呢0的食物都有牛奶)
平時都無食零食習慣,飲食都好健康
其實我想戒0下牛奶同小麥一排,睇0下小朋友情況先
先決定跟唔跟醫生,始終都係負擔,仲有訓練開支,錢銀有限呀
你都講得對搵到出路,戒口麻煩小小都唔怕,總好過困自己入死角
時時聽到人講自閉症天生,無得醫,就係呢句,都令自己入0左死角
2age開始密集訓練都2年幾,有時都諗幾時先完
出年選小學,人都開始緊張
多謝你分享,令我了解很多
作者: free_style 時間: 12-6-2 16:28
生日會: 自備小蛋糕，加即食米 cream，可以扮生日蛋糕。一齊食，但食唔同野。咁其他糖果佢係唔食得，所以要搵更好食的替代。耐左，會慣。
食品專店。九龍可能有，但唔齊，可考慮網購，都方便的。
調味。其實有好多gfree 調味料，例如一枝台灣出，大豆製鼓油，嘩，食落居然重溫鼓油是有豆味的，不是死咸，那一刻居然有點感動。還有其他醬料。至油，鹽糖，全都安全的。
作者: apple~y 時間: 12-6-2 21:57
多謝你提點,講起鼓油,我即刻睇0下屋企支鼓油,原來含小麥
我都諗住去專門店買預拌烘焙粉,因為要預備材料唔多,又簡單易做
打算試整蛋糕,餅,pancake先,
包我就無信心做得好
你囡囡除0左牛奶同小麥,仲有什麼要戒口??
想問0下Bob's Red Mill 隻麵粉好用嗎?
我見專門店買4送1,
來緊個星期預備材料同試整先,希望順利
作者: free_style 時間: 12-6-2 22:24
我女戒好多喎，奶蛋小麥，雞牛，部份魚，所以戒口都為我們帶來挑戰。但做左七個月，算是投資與回報成正比啦。
烘焙。建議由預拌粉開始，蛋糕及曲奇餅，成功率有九成。multi purpose flour,牌子無乜所謂。代蛋建議用 enerG, 外國唔少 recipe 網站用佢，跟起來方便些。
Gfree multi purpose flour, 待你有好些recipe 在手先買都唔遲。我在 page one 掃了一堆 gfree cook book (又係錢)，咁做些初期研究。其實要有埋 potato flour, corn flour, 還有不含鋁的 baking powder, xythan gum, 等等常用材料，才可以真正自己開料焗野。
作者: free_style 時間: 12-6-2 22:41
我個女自戒口後，情況很大改善，所以cut 左好個training, 慳返些時間及錢，唔駛成日來來去去，集中搞戒口，成個毎家庭都舒服好多。淨係佢成日開心事主動走來同我分享，扭計只係小扭，情緒基本穩定，無乜固執行為，我已經開心返好多。
作者: apple~y 時間: 12-6-3 23:05
本帖最後由 apple~y 於 12-6-3 23:11 編輯
我巳經構思好小朋友食的食物
早餐可吃gluten free 穀物早餐加豆奶吃或者整pancake
食譜蛋糕,餅都有,仲可以整乾果米通, 焗合桃
我想問0下用糙米麵粉會唔會好些,
我見糙米麵粉比白麵粉的纖維、維他命及礦物質的要高
仲有整蛋糕常用cream,dairy free牛油用那隻好呢??
作者: free_style 時間: 12-6-4 01:48
糙米麵粉 ，是否等如 brown rice flour ? 其實你可以去 king aurthur 的網站，佢有教人，自已溝 brown rice flour 的黃金比例。因為佢地自已有 實驗廚房，所以好多微細位，佢地都好有心得。我覺得果個黃金比例，值得一試，只是我未有時間。
你的構思很好丫，可以慢慢開始。 cereal 其實有幾幾款可以揀。有隻黑猩猩、澳洲牌子的 cereal 波波，九龍塘百佳有特價，$30元，是我見過最平的價錢，呢款好脆口，值得試。
GFCF 蛋糕，好少用 CREAM，若真的用，就係用腰果浸過夜，再加水，用攪拌機打十幾至二十分鐘。我睇完人地的cook book，都嚇左一跳，原來可以咁做，真係最天然的做法。我試過，真係得的，不過，若要入口好味， 就可以加融左的朱古力，俾 D 味佢。若加現成打起的 soy whipping cream ，就更可口。呢個配搭，我試過用來做生日蛋糕，OK好味。
牛油 = 我用椰樹牌馬芝蓮 ，專門店買的，抵用。
作者: apple~y 時間: 12-6-4 10:20
本帖最後由 apple~y 於 12-6-4 10:25 編輯
糙米麵粉唔使自己溝,專門店有得買,
你講整cream方法,我真係第一次聽大開眼界
你介紹0的食材我記低晒
我諗住由最簡單開始做起先,再觀察0下小朋友情況
正餐食飯或gfree 粉麵......全部構思好晒,要自製部份應該唔會好煩
自己自製部份,0甘開支又唔會大好多
我一陣會去百佳,taste看看
作者: free_style 時間: 12-6-4 10:25
本帖最後由 free_style 於 12-6-4 10:45 編輯
單純用糙米麵粉，整出來會唔夠好食。佢地教的黃金比例，可以將麵包或糕點的口感調到最好。小朋友愛好吃的食物，這方面不妨研究研究。
另，Bob's red mill 的朱古力蛋糕粉，也是好吃。佢地教人用天然殼物，溝成為代蛋，我也大開眼界，蛋糕的食味又真係更好喎。所以集各家之大成，樣樣試下。
必須讓食物選擇夠多、夠好味，連毋須戒口的人都食，仲要易整兼夠天然，咁就係殿堂級生活。另，搵本簿，寫起每次的烘焙心得，因為整的款式多左，可以成日用來看看，那些程序可以簡化或有變化，如何 cross over。睇到網站有就料，就寫埋 D 心得落去，咁先可以進步神速。
作者: apple~y 時間: 12-6-6 11:14
想問0下你焗蛋糕,餅係用牛油紙墊,定掃0的牛油係個盤到
明天食材到,開始整啦
作者: free_style 時間: 12-6-6 22:49
點知點樣 POST 相上來，我地可以放 D 相係度， 大家交流下心得丫。但係，我唔識係呢度 POST 相。
作者: free_style 時間: 12-6-6 23:48
好想去朝聖......
http://www.kingarthurflour.com/visit/
作者: free_style 時間: 12-6-7 00:13
本帖最後由 free_style 於 12-6-7 00:14 編輯
呢個勁野呀，GFCF 的 donut recipe。簡真係要搵日認真試下整。
http://www.allergyfreedelights.com/gluten-dairy-soy-nut-and-egg-free-maple-glazed-donuts/
作者: apple~y 時間: 12-6-7 18:09
今日第一日整0左香蕉蛋糕,味道都ok唔錯
當然仲有要改善空間,希望小朋友喜愛
同老師傾好下星期開始戒口,老師都很配合,仲話中心都有小朋友戒口
希望可以幫到仔仔同喜愛我用心做的食物
作者: free_style 時間: 12-6-7 18:51
Good la! 努力！
作者: apple~y 時間: 12-6-8 21:04
想問0下豆腐係咪gluten free
因為豆腐有加石膏粉,唔多肯定
作者: myson727 時間: 12-6-8 21:51 標題: apple~y 的帖子
豆腐應是GFCF
作者: apple~y 時間: 12-6-11 20:51
GFCF試0左3日,仔仔都鍾意吃我整的食物,最方便係整pancake
加豆奶開粉糊,整出來都幾好食
暫時最明顯係poo poo問題
之前隔幾日先有小小去,仲要係好深色,但巳吃很多菜,水果都係0甘
GFCF日子就日日都有得去,0的色係正常色
唔知是否巧合,再留意0下
作者: kicks_collector 時間: 12-6-12 00:16
知道大家都為小朋友GFCF diet 以努力，我都開始了兩個月，但總時不時撞板，最近看了生物療法的書籍及上網找資料，想分享下，有關GFCFSF diet 的，大家努力！
http://www.tacanow.org/family-resources/what-is-soy/
作者: apple~y 時間: 12-6-12 10:29
本帖最後由 apple~y 於 12-6-12 10:35 編輯
GFCF diet 都可以接受,
嘩,如果GFCFSF diet 大豆0都要戒,小朋友會唔會唔夠營養
我心目中大豆真係好有營養,唔錯食物,比較難接受
作者: myson727 時間: 12-6-12 12:33
apple~y 發表於 12-6-11 20:51
GFCF試0左3日,仔仔都鍾意吃我整的食物,最方便係整pancake
加豆奶開粉糊,整出來都幾好食
暫時最明顯係poo po ...
GFCF可以減輕腸的負荷，腸健康，個人先會健康，相反條腸壞左(腸炎)，好多營養吸收吾倒外，惡菌會在POO POO到寄生，排出毒素。
作者: apple~y 時間: 12-6-12 20:45
回復 free_style 的帖子
請問有無些簡易食譜做包
係免搓,同用焗爐就可以
我之前網上見過免搓做包食譜
但搵唔番
作者: free_style 時間: 12-6-16 15:06
你有無用 BREAD MIX ? 即預拌粉。其實大多數 GFCF 的麵包，都唔駛點搓。講真，我覺得易整過普通麵包。若你想要食譜，去 king aurthur flour 的網站，佢地有好多 GFREE 食譜，我幾鐘意佢地喎，我認為是我所見過做得最好的網站，美國佬野來的。
http://www.kingarthurflour.com/recipes/gluten-free
作者: apple~y 時間: 12-6-16 15:29
本帖最後由 apple~y 於 12-6-16 20:38 編輯
呢個星期GFCF日子就日日poo poo暢順,真係好耐好耐未試過0甘
今早我媽媽過了來探小朋友,話仔仔比之前面色好0左
仲支持我比仔仔吃GFCF食物,爸爸都支持
因為大家都見到仔仔腸胃真的明顯改善
老師又關心我,怕我辛苦整仔仔食物拿學校吃
我話唔辛苦,只要幫到仔仔我都會去做
仲有如果用BREAD MIX做包,係咪不用時間發酵
我見就0甘加水或奶用電動攪拌機打到完全混合,就可以焗
作者: free_style 時間: 12-6-16 22:10
恭喜哂喎!!! 難得你家人都咁支持，唔好浪費，俾心機做，真係有效果，會令你覺得一切努力都係值得的。前晚，我同阿女讀學校課本，佢逐字逐句跟住我讀，讀左大半本書，我都已經好滿足。希望 GFCF 可以幫佢專注及理解，令佢可以學習順利。
至於 BREAD MIX ，大部份唔駛搓，但仍須發酵的。發酵的麵包會好食些。我建議跟 King aurthur 的方法，那佢首輪及次輪，分別發酵半小時，即合共一小時。有無買 dairy free chocoloate chips。可以用來做麵包餡，簡單快趣。另外，我建議你買埋 yeast ，因為 bread mix 盒內，雖然有 yeast，但有時我覺得會唔夠用。(因為小朋友食量少，為令佢地成日有得食新鮮野，我會將bread mix or cake mix or cookies mix ，一盒分四次整，若宴客的話先會整半盒)
作者: free_style 時間: 12-6-16 22:12
若你有興趣整，不妨研究下 KAF 的網站，因為人地係有個實驗廚房，不斷試各種配搭，又會幫你解疑難，在佢地個網站或 FB 內，你問，佢會答的，好鬼勁，但又好有用。唔自已試十萬次，問問佢，等佢試完，我地可以抄答案。所以我真係幾鐘意佢地......
作者: myson727 時間: 12-10-12 15:30
昨晚，用kenwxxd麵包機，DIY左GFCF & egg free的方包，超似樣，味道好，比街賣的硬小小，2hr30攪掂，跟住包GFCF麵粉的recepit，用電子磅磅好材料，預先攪云，才放麵包機再攪，用麵包機好處，唔洗睇火，唔怕焗壞。
作者: wilyun 時間: 12-10-17 12:52
回復 free_style 的帖子
希望你都可以分享埋你個blog出黎喇!我都想試下同佢試下呢個食療法,但我個仔好鐘意食包...
作者: wilyun 時間: 12-10-17 12:55
回復 free_style 的帖子
可否pm我有關生物療法的資料呢？我有興趣呢！謝謝！
作者: AbbyB 時間: 12-10-31 18:24
可吾PM生自然療法&生物療法資料比我 Thanks!
| 歡迎光臨 教育王國 (/) |
Powered by Discuz! X1.5 |