請問SFA的老師有愛心嗎？

kat828

成績好就有愛心~~成績5好就放埋一邊由佢自行發現

kat828

可能我真係非常唔好彩我小朋友係因為資優由心理學家推薦入聖方濟既,原本我地從來冇想過比佢入名校,所以小朋友係一間普通既中文幼稚園畢業,英文水平底,第二日返小一預備班已經比老師用英文係全班同學面前問佢:有冇帶個腦返學?講左兩次見我小朋友唔明白,佢再用廣東話講多一次~~成班同學都笑佢,之後所有英文既書佢就連睇都未睇就話唔識,因為咁我就搵學校既心理學家幫忙,會談幾次之後都有改善,但仲係好冇自信,同埋周時同我地講(自己係永遠都冇可能好似其他同學一樣,因為佢係全班最失敗既一個),我地不停鼓勵佢都作用唔大,佢其實最希望得到英文老師既認同,佢原本係一個好守紀律既人,一年級中文默書完全唔需要我地同佢溫習,佢自己攪哂仲可以有97分,於是我決定用呢個話題同佢英文老師溝通,希望老師可以憑佢係中文科既自學表現,套上英文科上鼓勵一下小朋友,點知得到既回應係:(我唔相信講一句說話就可以令到你個小朋友突然好鐘意英文囉),我小朋友最初英文默書0分到40分到90分,連一句鼓勵既說話都冇講過,唔緊要因為我會講大話同小朋友講,英文老師打比我讚揚過佢,佢開心到不得了,我見到心都痛埋,我地已經一個星期5日都搵人上門補英文,不過英文成績都未可以達標,所以我地又在外面搵心理學家幫手,當心理學家問佢係預備班老師同佢講過D咩,小朋友即時喊到連野都講唔出,事隔7個月佢都有咁大反應,佢根本仍然放係心入面~~(我地從未係佢面前提過呢件事)心理學家要佢去面對呢句說話係正確?定係錯誤?嗰次面對之後小朋友明顯開朗左好多,我地都感覺到佢對英文既態度改善左好多好多,換言之一句冇心之失既說話係絕對可以影響到小朋友既自信心,而家小朋友英文考試成績都係唔合格,所以英文老師將我既小朋友掉位,掉左去一行只有兩張枱,座佢後面既同學仔係全班都認為係最百厭既一個小朋友,仲要經常拍打我小朋友,咁做同放棄我小朋友有咩分別呢?不過我對呢間學校仍然有信心既,因為校長好好抽左好多時間去了解我小朋友既需要,同埋好長細咁同我地去分析,所以我地決定留底,希望同學校合作可以幫到我既小朋友提升返自信心啦~~

kat828

我見到你地對老師咁信任~~我預到既應該只係個別例子~~係我既小朋友唔好彩姐

kat828

好多謝你地既支持~好感動~嗰位唔係外面既老師~~因為囝囝話仲有見到佢係2年級既班主任

kat828

回復 BB0628 的帖子

我好認同你既講法,因為自己由細個已經被父親不斷傷害自信心,所以唔希望囝囝好似自己一樣被傷害,傷害只需數分鐘,重建自信心我地花左半年時間,浪費左半年學習英文既時間,值得嗎?

kat828

回復 gifthoney 的帖子

因為我成日講大話~話英文老師打電話比我讚賞佢既進步,所以囝囝好鐘意間學校,亦唔想轉校作為家長好心痛每講一次大話見佢反應好開心就心痛一次,1A班囝囝