教育王國

標題: 轉唔轉校好？勁煩惱！ [打印本頁]

作者: kc1016 時間: 12-4-29 00:37 標題: 轉唔轉校好？勁煩惱！

我想同我大仔插班讀三年班, 哥哥的性格比較活潑, 有少少情緒, 行為和社交溝通問題, 但成績中上和聰明, 好喜歡英文. 而加讀緊傳統天主教小學，紀律都好嚴，想問下大家意見，轉唔轉校好？Thanks.

作者: 孺子牛 時間: 12-4-29 01:46

想轉去邊間？

作者: kc1016 時間: 12-4-29 22:01

回復孺子牛的帖子

唔知邊間學校有多d資源, 如社工, 心理學駐校呢? 可以幫到小兒. 請指教.

作者: Yanamami 時間: 12-4-29 22:28

Creative?

作者: kmmum 時間: 12-4-29 23:06

回復 kc1016 的帖子

你去小學網逐間睇下,佢地既特殊教育培訓有多少個%
好似荃灣基慧小學有58%, 老師對於亞氐/專注力不足既小朋友有一定'認識及了解',比較有耐性/方法去處理.

作者: Sindy 時間: 12-4-30 20:32

如果讀書無問題, 唔郁好過郁... 真係有幾多學校可以跟到丫.... 如果果間學校好有經驗呢類小朋友, 即係你個仔將會同要特別處理既一堆小朋友一齊, 佢地通常學業情緒都有問題, 係咁既情況成長, 我覺得未必係好事...

作者: kc1016 時間: 12-5-9 00:57 標題: 回覆：轉唔轉校好？勁煩惱！

謝謝你的意見，但而加學校都留意到我個仔有時攪攪震，我覺得老師不太喜歡佢。所以我怕留下來老師會對佢不好。

作者: 巴不得爸爸 時間: 12-5-9 07:36

本帖最後由巴不得爸爸於 12-5-9 21:34 編輯

是否你的小孩與同學溝通方式有問題,他可能以為攪攪震能帶給其他小朋友歡樂,我認為你應與小朋友坐下來傾談一吓.

作者: 五歲仔 時間: 12-5-9 13:37

學業跟到, 唔建議轉校, 嘗試比佢在學校的課外活動中, 學一樣佢最有興趣的東西, 佢可以從中識多d同學朋友, 學懂溝通, , 如果佢活潑好動, 可以學田徑/球類運動, 又可發洩精力

你放心, 到佢5年班, 會定好多, 就算佢有過度活躍, 一般去到五六年級, 會好少少

作者: VKwan 時間: 12-5-9 22:52

Sindy 發表於 12-4-30 20:32
如果讀書無問題, 唔郁好過郁... 真係有幾多學校可以跟到丫.... 如果果間學校好有經驗呢類小朋友, 即係你個 ...

超同意！樓主你咪傻啦，個個都係打份工，又忙到死，有邊個老師會中意製造麻煩既學生？你去邊都係一樣，如果你真係去間"咁特殊"的學校，個仔咪仲缺乏同其他同學交往的機會，佢咪更唔明白一般大眾社交既規律！如果你怕老師唔中意你仔，你反而應該多同老師溝通，態度謙和有禮d，向老師表達你既難處同時多同老師配合合作，人心肉造，老師會體諒你，動之以情，佢地都唔會難為個細路。

作者: Chun32 時間: 12-5-10 10:04

俾多D耐性和愛心, 好多男仔都係咁, 我都正在努力中.
學校又越來越嚴, 差不多每個月都有電話, 次次訓練我D“EQ”

作者: kc1016 時間: 12-5-11 12:34 標題: 回覆：轉唔轉校好？勁煩惱！

其實老公都唔想哥哥轉，因哥哥都叫讀到書，而且又有細老跟尾，為有比D心機慢慢教啦。

作者: Chun32 時間: 12-5-11 12:58

加油

作者: kc1016 時間: 12-5-11 15:23 標題: 回覆：Chun32 的帖子

Thanks a lot!

作者: motherotk 時間: 12-5-12 11:50

Have you ever see the school social workre or the guidance counselor to explore an assessment for this child, see if he has special needs, then get some helps? The school social workers know the schools nearby your home that best suit your child?

作者: 小魚兒正正 時間: 12-5-18 10:08

;我都諗緊....轉吾轉好..成績佢又ok....呀仔本身係口快時常...比個老師咆哮....同勁大聲...罵..有時聽番呀仔番來講....個老師跟本都冇聽佢講就巳話.左係佢吾啱...因吾只一次..有一次跟本冇查過件事....寫手册話佢屈同學...後尾我問佢咁你有冇問番對方家長係咪佢買件物品...佢話冇問..我巳知再講都哂氣...跟本玩針對....但仔又ok like間學校......但..放學番來一有吾開心就..咩都吾合作....問佢做咩點解又吾合作..會咁.又話冇野...唉....但係d行為巳話比我知有吾妥...唉....家吓小一...幾時捱到小六

..近來時常諗中學個校網係好正...但係再咁下去..都吾知點算...

作者: Chun32 時間: 12-5-18 13:09

唉, 你個小一, 都仲可以轉, 我個小五, 今年個班主任同你個老師一樣

點算

作者: 小魚兒正正 時間: 12-5-18 19:10

忍囉....唯有...努力加油....吾止你一個重有好多人煩緊呢樣野.....唯有教自己個醒當幫忙

作者: kc1016 時間: 12-5-19 14:29

琴日英文老師又話佢上堂OK喎, 有時仲雖要佢幫其他小朋友, 因為我個仔對英文好有興趣, 佢都叫我唔好轉校, 大大下會好.

作者: Octopusma 時間: 12-5-21 11:25

kc1016 發表於 12-4-29 00:37
我想同我大仔插班讀三年班, 哥哥的性格比較活潑, 有少少情緒, 行為和社交溝通問題, 但成績中上和聰明, 好喜 ...

過來人意見, 如果跟得上, 小朋友無好強烈抗拒返學, 或對學校有恐慌感覺, 不宜轉校, 因為佢已有一班相處兩年既同學朋友仔, 一轉校佢既情緒可以令你非常痛苦....

我大仔當日小一開學第3日轉校, 都足足喊左兩個半月, 日日拉扯上校車, 校門外同訓導主任角力先入到校門, 直到升小3佢先講番, 話覺得當日轉校黎時, 自己係怪人一個, 佢標籤自己係插班生, 非常唔開心, 所以不停喊.... 我自責左好耐覺得自己做錯決定, 好在後尾佢讀得都唔錯, 學校有社工同心理學家, 但支援其實不足, 因為單係讀寫障礙, 過度活潑, 阿士保加等小朋友, 已經應接不暇, 學校支援越多, 代表需要支援既學生越多... 除非做左評估真係好有需要給予特別支援, 否則佢依家讀得ok就唔好亂郁佢囉...

我細仔能力同阿哥唔同, 但我都唔100%肯定會俾細仔讀阿哥果間, 始終要按佢地既能力同好多客觀因素喇!

既然學校老師/校長同你既溝通都唔錯, 個別老師既態度, 不能作準, 升左上小三老師又會唔同既者.. 除非你覺得全校老師都好麻麻啦....

作者: kc1016 時間: 12-5-21 14:51

回復 Octopusma 的帖子

真係好感謝你的意見, 而加為有希望佢三年班會"丁"一聲乖咗啦. ha ha.

作者: wister 時間: 12-5-22 22:56

而家已經學期尾囉wo..要轉都等新學年啦。。？

作者: flora-kan 時間: 12-6-22 00:32

轉唔轉校真系好煩惱呢，我個女9月升小三，我都仲煩惱耿幫唔幫佢轉呢！唔轉就路途較為遙遠，轉左又怕學校唔夾佢！轉得好以後細女上小一就無甘多煩惱咯！

歡迎光臨教育王國 (/)