教育王國

標題: 請問有無家長帶小朋友學下棋興趣班 ? [打印本頁]

作者: mandy304 時間: 12-4-27 15:06 標題: 請問有無家長帶小朋友學下棋興趣班 ?

請問有無家長帶小朋友學下棋興趣班 ?

結果如何或有經驗家長分享下意見?

作者: 長生不老 時間: 12-4-27 15:20

提示: 作者被禁止或刪除內容自動屏蔽

作者: HaYi 時間: 12-4-27 16:22

我個差不多學左一年圍棋, 現在K3 23級, 眼見阿仔上堂時間都好多幼稚園同小學生 (一半半) , .. 初學時以為我阿仔唔會學下去, 點知學下學下又ok, 可以學下點輸同反敗為勝的耐性..

其它都有不少小學生學象棋, 象棋rule 較多, 小學生會好些

作者: aria 時間: 12-4-27 16:31

我兩個囝都有去棋會學捉國際象棋.型式是一班小朋友圍埋先聽老師講解,然後找對手互捉.

作者: mandy304 時間: 12-4-27 17:05

好多謝各位媽媽分享, 因我個仔現k1, 最佳年齡是否在k3學比較好, 學圍棋或象棋較好???thanks

作者: Rainy 時間: 12-4-30 16:17

我打算自己教.... 唔知work唔work.... 細個果時都係自學的

作者: marcuscyrus 時間: 12-5-2 13:13

我兒4歲半開始上圍棋班，現6歲，仍然有上，不時去比賽，棋藝比賽的好處(可能是辛苦之處吧)是一般是5局或以上，孩子從中要學懂輸了也要重整心理再去應戰，我兒去年一場7局的比賽，上午4仗全敗，飯後他檢討自己，下午可以獲全勝，這對孩子的成長很有益處呢
棋院建議圍棋可以4歲半開始學

作者: HaYi 時間: 12-5-2 13:57

mandy304 發表於 12-4-27 17:05
好多謝各位媽媽分享, 因我個仔現k1, 最佳年齡是否在k3學比較好, 學圍棋或象棋較好???thanks ...

細的小朋友應該圍棋較易上手, 好似我個仔都是K2開始, 比較坐得定, K1就要睇下坐不坐到, 如果家中有人教, 自學都應不難, 不過我家冇人有時間, 出去就可以一星期一堂易安排些, 同埋有比賽可以試下.

作者: marcuscyrus 時間: 12-5-2 14:17

Rainy 發表於 12-4-30 16:17
我打算自己教.... 唔知work唔work.... 細個果時都係自學的

如果本身識應該都可以自己教
不過在棋院有個好處是可以同多d唔同的人對奕，有時上課前後跟師兄們玩下都有所得益的

作者: mandy304 時間: 12-5-2 15:28

原來咁細個就咁利害. 請問你們係邊度學, 我家住九龍東, 謝

作者: HaYi 時間: 12-5-2 20:24

回復 mandy304 的帖子

我係大大" 國x港棋院, 官塘, tko 同太古有分店..

作者: marcuscyrus 時間: 12-5-2 21:46

我兒則在中x香x棋院
他參加過兩次朝9晚5的7局比賽，老實說我做陪戰的都好累，不過對他來說是很好的磨鍊

作者: macymary 時間: 12-5-3 14:30 標題: 回覆：請問有無家長帶小朋友學下棋興趣班 ?

What's the minimum age for 圍棋 competition in hk?

作者: marcuscyrus 時間: 12-5-3 15:32

回復 macymary 的帖子

我兒所報的，都是設上限的，並非下限
一般6歲以下為幼兒組

作者: marcuscyrus 時間: 12-5-3 23:15

hayi：你1/5有去比賽嗎?在黃大仙那個?我兒都有參加哦

作者: karenlyk 時間: 12-5-4 08:16

亞女都係上小一後喺學校學

作者: 瑩瑩老豆 時間: 12-5-4 13:40

我囡她自己話要參加學校的圍棋興趣班 , 冇級

作者: 瑩瑩老豆 時間: 12-5-4 13:40

長生不老發表於 12-4-27 15:20
回復 mandy304 的帖子

在學校參加圍棋興趣班 , 現在15級 .

其實D 級數點定?

作者: marcuscyrus 時間: 12-5-4 14:14

回復瑩瑩老豆的帖子

好像是有一套棋力級數的國際標準的
類似"能夠做到xxx"就有xxx級咁
我地棋院每完成一期課，老師會有evaluation派返，上面會寫老師認為小朋友棋力為何(不過都是pr野吧，而老師說過，初階的棋力不太能作準)，棋院又會有定位賽，老師會提議小朋友挑戰某一個棋力(通常比現有棋力略高)，好像5戰3勝就挑戰成功，另外一些公開比賽，勝出者的獎品，有時會包括棋力級數證書

作者: marcuscyrus 時間: 12-5-4 14:29

分享一下棋藝比賽，我和我先生本身都不懂圍棋，有朋友推介可讓他學棋藝(朋友兩個兒子都是出色的棋手)，說對孩子的成長是很好的訓練，棋藝比賽中一般以5-7局作賽，每完成一局根據累積分數再抽籤，幼兒來說，13路棋，其實15-20分鐘多數已完成一局，其餘都是等候下一局開始的時間，孩子們有的說說笑笑，有的玩猜皇帝，當然也有輸了局哭著要走的孩子，除了個別高手和剛學棋的孩子外，大多數孩子都是有勝有負，這個就是有趣的地方，輸了一局不一定會輸哂落去，聽朋友說，某些棋賽是2人賽或團體賽，這個更考孩子的心理，拍擋輸了，你是鼓勵並為大家繼續作戰，還是埋怨他呢?現在我等弟弟大一點一起學，他們倆可以對奕

作者: marcuscyrus 時間: 12-5-4 23:14

manmanchubb 朝9晚5的7局比賽...聽落去都覺得應該會好攰, 妳大仔耐性好好呀
<----佢耐性係幾好的，而且佢常常一做起野上黎就好似唔停得咁，但一停落黎就會即謝，o個次比賽，搭車走時，不消2秒就訓著

作者: manmanchubb 時間: 12-5-4 23:14

回復 marcuscyrus 的帖子

其實之前o係某 d 講座時都見有講者分享,
亦有講者建議以圍棋作某類小朋友解決某 d 問題,當時不太了解,睇見妳既回覆後了解多了,
多謝妳既分享

作者: manmanchubb 時間: 12-5-4 23:16

回復 marcuscyrus 的帖子

haha, 其實作為媽媽,見到小朋友可以興趣同時磨練真係會好安慰同感動~

作者: marcuscyrus 時間: 12-5-4 23:24

我比仔學圍棋，一直不是要他點樣勝出，反而希望他能培養不放棄的精神，在劣勢時如何減少失地，這些根本就是做人的道理麻，不過有一段時間，我也去棋院跟老師上了幾課，自己明白多點可以跟他對奕，現在有時我們一起玩線上圍棋，大家一齊想想如何可以勝局

作者: manmanchubb 時間: 12-5-4 23:52

回復 marcuscyrus 的帖子

真係好好既磨練,解決問題,耐性同承受失敗調整心理再扭轉局面,終身受用,
將來囝囝夠年齡我定必比佢學,thx

作者: marcuscyrus 時間: 12-5-8 13:30

HaYi 妳真投入, 我自己就真係投降, 佢靠自己啦, 所以上級比較慢都可以接受啦... 最重要學下耐性同不怕輸..
我本來都不想投入，我自己對圍棋冇乜興趣，不過仔同我捉時覺得我唔識

作者: mandy304 時間: 12-5-8 15:18

原來棋藝一點也不簡單. 好多謝各位媽媽分享..

作者: 唔係化 時間: 12-5-9 15:10

any course in Tusen Wan or Tsing Yi ?

作者: ireneyklo 時間: 12-5-10 01:39

我囡囡都在棋院學圍棋, K2 (26級)

歡迎光臨教育王國 (/)