教育王國

標題: 在家講廣東話, 讀國際幼稚園會否不適應? [打印本頁]

作者: cloudwingwing 時間: 12-4-26 15:57 標題: 在家講廣東話, 讀國際幼稚園會否不適應?

在家大部份時間同小朋友講廣東話
如果幫小朋友選國際幼稚園, 小朋友會否混淆語言 (早幾天報紙也有報導過)
小朋友會否不願說話?

又或者各位小朋友讀國際幼稚園的父母
你們平時同小朋友講咩語言?

作者: datejust 時間: 12-4-26 16:07

我都有呢個疑問 ! 但我諗小朋友適應力好強 , 同埋越細學語言越容易上手 , 聽其他家長講小朋友可以自動轉台 , 廣東話 , 英語 , 普通話都能對答 , 我都希望我小朋友做到 !

有時去會所playroom玩 , 聽到3-4yrs小朋友都可以中英對答如流 !

作者: hobby 時間: 12-4-27 09:49

回復 cloudwingwing 的帖子

我相信, 如果小朋友本身母語都講得好, 應該返國際學校都唔會有好大問題; 我囡囡讀緊國際班(唔係國際學校), 主要英語, 屋企人都係講廣東話, 返學校之前都有時教吓佢英文生字, 不過都係colours, fruits 嗰時成日見到的嘢, 返學之後, 老師都話佢ok, 仲話佢識得用英文答 (<-- 呢個我都唔係好信, 因為屋企佢都好少講英文; 但返咗幾個月學之後, 囡囡係用多咗英文講嘢, 我哋用英文同佢講, 佢會聽得明, 最好笑係6299用廣東話問佢, 佢有時都答咗英文)

但唔好期望佢一返學, 或返幾個月會講得好好, 因為屋企冇英文語境, 加上語言係要時間浸的, 就算聽得明白, 小朋友都要用時間消化, 吸收先講得返出來, 所以都要有心理準備, 要好幾個月時間都聽到小朋友講英文句子; 而且初返學, 最好同老師了解多啲, 觀察小朋友多啲, 因為小朋友唔一定因語言問題而唔習慣, 可能只因新環境

作者: silee 時間: 12-4-29 11:44

其實只要大家貫徹同一個人用同一種語言跟小朋友溝通，佢地係唔會混淆的。如：工人姐姐用英文、父母用廣東話，佢地會自動轉台架!但不可以同一個人對佢說多種語言lor!

歡迎光臨教育王國 (/)