教育王國

標題: 太古城寶寶幼稚園同聖安娜幼稚園 [打印本頁]

作者: hellocheese 時間: 12-4-26 12:23 標題: 太古城寶寶幼稚園同聖安娜幼稚園

有無家長可以講下議見~

作者: creamsicle 時間: 12-4-26 18:50

St. Anna for sure!

作者: crystal媽咪 時間: 12-4-26 22:56

我會選bobo, 有蒙特梭利教學, 間唔中都有美術日及開放日, 入過去見小朋友有得玩影子遊戲, 表演... 有創意同自信.

作者: TY33819 時間: 12-4-27 14:15

寶寶的老師及校長很照顧小朋友, 而且, 很重視小朋友的自理及紀律... 聖安娜比我感覺較 commerical, 唔係太以孩子品德著手, 而學校收生也會因為小朋友肢體上有缺而唔收... (我聽到我朋友親口講, 我覺得帶歧視成份, 不太喜歡)

如果因為他們有好的英語環境, 我會自費在外邊學, 因為, 在學校要學做人, 所有品德教育都無法在外間學習, 然而, 語文技巧不難在學校以外找到資源學習..

視在家長想小朋友在學校學到什麼, 兩間學校很不同呢~

作者: creamsicle 時間: 12-4-27 17:29

二選一本人prefer St Anna 並非因為英語環境.只覺得St Anna能讓小朋友明白學校及上學是怎麼一會事, 對日後轉校或升學實際d.
我覺得St Anna老師態度親切, 資歷比較深, 校長相比低調,且著重小朋友禮貌言行舉止.每學校當然都有缺點.
Handicap children,維記都寫明唔收.商業味濃的多是如此,很可惜,但這是現實的香港:(
其他observation講之不盡,不如樓主親自去看看吧!
可在番學放學到正門觀察. St Anna可在平台花園等老師帶小朋友出來做早操.當年的我還有在不同時段兜路寶寶後面的通道"窺探"校內情況...

申報: 本人兩間都有考慮,但無讓女兒入讀.最後選擇的是一所品德教育為重,無英文堂的PN.

作者: bopui0607 時間: 12-4-27 17:49 標題: 回覆：太古城寶寶幼稚園同聖安娜幼稚園

我小朋友歲幾時有去寶寶玩過playgroup，坦白講，你話正式讀PN or K, 係比人感覺唔夠pro.

作者: hellocheese 時間: 12-4-27 18:12

多謝大家意見,因為小女未有學校收,而問過呢2間仲有位,想了解多d,
個人重視德育多過學術,雖然學校生活每日只有3小時,但佢地模仿力好強,而且佢地未必識分好定唔好,真係要搵間同自己理念啱嘅學校,

作者: a328 時間: 12-4-27 18:13

I have help my son to enrol bobo pn, cos i am more concern of his 自理及紀律 during his terrible 2. For english, I will apply extra class for him twice a week, i think that is enough.

作者: mirobaby 時間: 12-4-28 00:42 標題: 引用：二選一本人prefer+St+Anna+並非因為英語環

原帖由 creamsicle 於 12-04-27 發表
二選一本人prefer St Anna 並非因為英語環境.只覺得St Anna能讓小朋友明白學校及上學是怎麼一會事, 對日後 ...

我是St. Anna的家長，每家學校都有長短處，只能說我的孩子很期待每天去上學，除了語言表達上的進步外，亦變得獨立懂事，學校的主任、老師、ee都很有禮貌，並且都很了解小孩在校狀況，可能家長們比較不常上討論區，所以較少學校資訊。
每人要求不同，建議親自去看看詢問，不喜勿插！

作者: pingping321 時間: 12-4-29 17:28

大仔係10年前嘅畢業生, 因為生理上有些特殊(唔想講係咩), 所以需要特別照顧. 當年我都唔係住係太古城, 只係聽姑娘說仔仔可以試讀正式幼稚園, 並特別介紹聖安娜給我（聽講係之前有家長報讀後覺得非常好, 是姑娘跟進時得到的資料）, 所以就申請報讀. 記得當年見蕭校長時, 因為仔仔的特別情況, 她建議仔仔讀下午班, 並解釋因為下午班學生比較少, 老師能更多時間特別照顧佢……. 言談間感受到校長對我們有特殊需要孩子的父母尊重和支援和對小朋友的愛, 真的很感激!

雖然仔仔生理上有缺陷, 但畢業典禮當日老師仍然有安排仔仔出席, 並在表演節目中做一些簡單動作, 我同老公都非常感動

, 所以, 絕對不同意學校對家長或學生帶有任何歧視成份. 細仔而家都係聖安娜讀K2, 日日帶仔仔返學同放學,仍然見到校長、主任同老師對個個小朋友親切友善, 而小朋友亦好有禮貌, 自己擺書包,攞功課….等, 家長之間亦互相認識, 好有親切感! 從兩個仔身上, 我見到他們無論認知或品行方面都是天天進步的! 這是我的個人體驗!

作者: TY33819 時間: 12-4-30 13:03

BoBo for PN is ok... 因為2歲多主要係學自理及紀律, 他們的茶點時間, 我見小朋友除了自己要收野, 接毛巾外, 還會輪流有小朋友抹 table...

建議樓主都係去兩所學校比較, 有時學校都係人夾人, 好似 pingping 大仔當年得到聖安娜照顧, 我朋友卻無.. 都可能係夾唔到...

歡迎光臨教育王國 (/)