教育王國

標題: 面試教材 - Baby Love Learning HD [打印本頁]

作者: wivernyeung 時間: 12-4-26 12:16 標題: 面試教材 - Baby Love Learning HD

今日想去玩具店買些砌圖/數字遊戲比個小朋友練習幼稚園面試, 順便學英文生字。結果發覺全部動不動要60,70元，仲易整爛。跟住心想或者有電子版, 反正功能又似，又唔會易整懷。在蘋果找呀找, 發現這款聲稱係比小朋友早期學習的軟件, 有動物砌圖, 又有教數字, 顏色, 圖形. 最超值係有讀音, 去玩具店有讀音都要成百二元. 超值, 超值. 最緊要係大小姐又肯玩, 仲很易掌握呀. 值得推介. 起碼出街時都可以拿來練習面試.

作者: TerryC 時間: 12-4-26 12:49 標題: 回覆：面試教材 - Baby Love Learning HD

咁細個最好唔好用咁多電子產品，用實物學習會較好，咁先可以用視覺觸覚達至手眼協調。我以前係深水涉玩具果條街左手面最後一間鋪買左好多類似玩具，佢話幼稚園面試都係用這些，結果我買左四種有三種真係在面試時考。：木製磁石立体動物拼合：1合六隻$50，其他拼圖$20，珠珠...？仲有好多蒙梳教具都平過出面

作者: wivernyeung 時間: 12-4-26 13:04 標題: 回覆：TerryC 的帖子

我有買呀，只係要隨身帶就真係唔方便。但小朋友要避電子我有小小保留，世界係電子年代，要小朋友早些練習是有幫助。凡事係不要過量就得。

歡迎光臨教育王國 (/)