教育王國

標題: 語言遲緩 " [打印本頁]

作者: C奶黃 時間: 12-4-26 11:32 標題: 語言遲緩 "

本帖最後由 C奶黃於 12-7-2 18:52 編輯

語言遲緩

仔仔2012年5月就滿3歲了,'
孩子兩歲三個月左右開始說話，
兩歲半後可以說雙詞,
現在可以說組合的句子...
例如:(唔該..爸爸..幫我沖奶奶/ 抹鼻鼻，俾糖糖...等)

見了言語治療師評估,孩子的能力比同齡兒童相差一歲多!!
而且療師評估孩子有些自閉症傾向...眼神接觸比較差..

我是新手全職媽媽,
我現在可以點做?
做D咩可以幫到小朋友?(如何訓練及指導小朋友?)

作者: pollybell 時間: 12-4-26 15:33

三歲講倒短句，一定無差一年咁多啦，語言治療師無資格話你小朋友有自閉傾向，只憑短短評估時間加上眼神接觸唔太好就自閉，佢都好有問題，小朋友有無返學?平時同佢講多些，見倒乜，做緊乜，都講，真係要辛苦晒你，不停咁講架，語言治療搵些有信譽既中心或者返健康院。

作者: pollybell 時間: 12-4-26 15:54

你可以上毋嬰健康院個網頁有講唔同年齡小朋友既發展，有講語言發展，你睇睇先，有咩問題可以直接返去見姑娘。

作者: autunmbb 時間: 12-4-26 21:47

想快d去睇政府評估，可以直接叫私家醫生寫轉介信，普通科醫生就ok，等睇評估都要半年，再排政府服務要1－3年，我覺得排左政府先啦，如果只係語言發展遲都可以去E位有治療師跟下。

作者: autunmbb 時間: 12-4-26 21:50

還有，你個仔都應該有返playgroup，幼稚園，你見咁多其他小朋友，覺得你個仔有乜大問題，如行為，情緒，溝通，自理等等..... 未必係無眼神接觸就自閉架～～

作者: sunflower00 時間: 12-4-26 22:16

回復 C奶黃的帖子

遲係遲左小小,不過唔需要甘擔心,呢個時間係孩子學習語言既黃金時間,媽媽可以帶佢去超級市場行,見到物就講物,等佢多啲語言刺激,另外,又可以同佢講多啲故事,又可以係佢lou計要食物或者玩具時,一定要佢講到一些短句如:我要車....,我想要面包......堅持要佢講左先俾佢,持之以恆,應該有改善的.
同步進行的重要係媽媽帶孩子去母嬰健康院,話俾姑娘知,發現孩子有問題,請佢幫你轉介,快啲睇醫生,又或者如果孩子讀緊書可以請學校寫封轉介信(會快D),其次如果經濟許可,可以去私家度做評估,亦可以去協康或者明愛等資助機構,會比較經濟.

作者: C奶黃 時間: 12-4-27 00:09

排 0左政府要到2014年4月先可以見E生....
係健康院轉介我去見語言治療師的,
小朋友８月才番～Ｋ１
母嬰健康院姑娘話無Ｄ咩可以幫到我，要等２０１４年睇左Ｅ生點評估再說
。。。。。。。。。。:好想naughty:

作者: sunflower00 時間: 12-4-27 11:28

回復 C奶黃的帖子

2014年先有得評估,甘咪成5歲,已經過哂佢既黃金時間啦.

作者: 洋蔥頭媽咪 時間: 12-4-27 16:51 標題: 回覆：C奶黃的帖子

妳唔駛太擔心住，小朋友嘅語言除左本身問題外，照顧佢嘅人其實對佢影響好大。先講我囝當年情況比妳囝應該更差，佢兩歲半都只係講一、兩個字。平常幾乎完全冇乜聲，由於係99湊，平常唔識教佢，呀仔要野只要手指下我99就會比佢，所以三歲都冇乜講野，經健康院轉介後話佢語言得一歲，排政府治療要等兩年，結果我一面排一面響出面搵治療師（私人），好彩我遇到一個好好嘅治療師，上左兩三堂我囝已開始開聲講，由（要、比）呢d字開始，佢會比我同仔一齊上堂，教你方法引小朋友表達，呀仔跟左佢半年已見明顯進步，後黎因為該治療師轉工，所以換左第二個，但呢個麻麻地，上堂都唔比我睇，學左幾個月我就停學，當時仔仔已經成四歲多，好彩佢間學校老師亦好包容，好用心慢慢教佢，後黎就收到政府回覆政府有位可以提早治療，之後就由政府跟到上小學，現在我仔已追返上其他小朋友。
所以妳必須把握現在黃金時期，如果負擔得起，一定要快些找人跟進治療，如果跟得好，孩子係會進步番，千萬唔好灰心。順帶一提係妳孩子會入學讀書，搵間有愛心、會包容老師係好重要好重要，我仔以前間須然係好普通學校，但老師從來唔會笑佢，只會不停鼓勵佢，所以我囝雖然講野唔叻但好有自信，小一時佢學校由於用普通話教中文，老師請小朋友讀課文好多同學都唔敢舉手反而我囝係第一個舉，當時老師對着全班同學講我仔雖然讀得唔正，但比起讀得好但手都唔敢舉同學更抵讚，所以讓孩子有自信係好重要。
我講出黎係希望妳正面d，唔好灰心。唔好等啦！越早作決定，孩子得益越大，孩子係好須要妳。加油！

作者: C奶黃 時間: 12-4-27 19:51

回復洋蔥頭媽咪的帖子

謝謝你的經驗分享,

我想問問係邊可以找治療師（私人）??

作者: aa1117hk 時間: 12-4-27 20:35 標題: 回覆：洋蔥頭媽咪的帖子

我都想要相關資料，因為囝囝情況其實比你囝囝情況更差。謝謝！

作者: 洋蔥頭媽咪 時間: 12-4-27 21:53

回復 C奶黃的帖子

協康或者明愛等資助機構唔知會否比較平 , 我就唔係用呢D , 但妳可以比教下先 .

作者: aa1117hk 時間: 12-4-27 22:01 標題: 回覆：洋蔥頭媽咪的帖子

想請問你用過邊間私人機構？因為囝囝情況比較差，想儘快比佢開始訓練，希望可以於開學前有進步。謝。

作者: Surveyor 時間: 12-4-28 01:40

回復 C奶黃的帖子

It is impossible to wait over 1.5 year to see government doctor for assessment,

For the urgency, I suggest you to see special doctor or go to step / links /???? to do the assessment provided that such assessment is acceptable by government to go list for E/I/S. The fee is about or over HK$ 6,000

作者: clfun527 時間: 12-4-28 23:16 標題: 回覆：洋蔥頭媽咪的帖子

洋蔥頭媽咪
我個仔既情況都不好，已經2歲，但仍然不願用說話表達，亦只懂講幾個單字（如爸，媽，謝）！請問你的孩子在那兒做治療？
謝謝！

作者: C奶黃 時間: 12-4-29 22:28

唉.....................

作者: szeszes 時間: 12-4-30 16:18

樓主, 如果能力可以就同佢上私家言語治療, $650/堂, 1堂50分鐘

孩子已16個月，但仍未能說單字。
孩子重複別人的講話(詞語或單句)即鸚鵡式說話，或沒有原因地不斷重複某人單字或句子。
孩子缺乏目光接觸。
孩子對自己的名字沒反應，家人在身後呼喚他的名字，他也沒有回頭。
孩子已12個月，但仍不懂以手勢指向自己需要或有興趣的物件。
孩子沒有興趣興同齡的小朋友玩耍。
孩子興趣狹窄，只重覆玩同一類的玩具。
孩子有重覆性的動作，如自轉。

作者: Surveyor 時間: 12-5-1 01:38

本帖最後由 Surveyor 於 12-5-1 01:39 編輯

回復 Surveyor 的帖子

Sorry,

作者: szeszes 時間: 12-5-1 13:05

本帖最後由 szeszes 於 12-5-1 13:06 編輯

C奶黃, 我試下幫你翻譯過來啦!! 我中文既書寫未必好流暢

無可能花超過1年半既時間去等政府幫佢做評估
It is impossible to wait over 1.5 year to see government doctor for assessment,

情況緊急, 我建議你去睇專科或去 STEPS 邁步 / LINKS 領思 / ???? (應該代表某些機構), 而政府又接受佢地所發既評估報告 (即係有呢個報告就已經可以幫小朋友去排 S位/E位/I位) 既機構去做評估, 費用大約 $6,000 或以上
For the urgency, I suggest you to see special doctor or go to step / links /???? to do the assessment provided that such assessment is acceptable by government to go list for E/I/S. The fee is about or over HK$ 6,000

作者: hc1018 時間: 12-5-1 23:07 標題: 回覆：sunflower00 的帖子

我都想知你用邊間，我仔仔兩歲半好少講野，雖然返學半年，但仍未聽到大人話，單中一兩個字，數1至10都有，但就少，同唔準，其他攞野都唔講，叫或喊多，排政府測試要到七月先有，到時差不多三歲，是否遲，之前睇過聖雅各，話遲了一年，幾歲才是黃金時間？

作者: 咩咩聲(仔仔) 時間: 12-5-4 14:48

回復 hc1018 的帖子

STEPS 邁步，上年做評估$3,000

作者: kokoalex 時間: 12-5-4 17:24

洋蔥頭媽咪
我個仔今月都2歲喇,,咩都唔識講..,E及S都未到,你可以PM資料俾我嗎??MANY THX

作者: Bigheadha 時間: 12-5-12 16:13

kokoalex,
你bb除咗唔講嘢,有其他發音嗎,仲有冇其他慢咗呀?
因我女13個月都係未識講嘢,剩係呀呀咁叫.

作者: pocoyo123 時間: 12-5-13 13:07

無話幾多歲先最好, 但語言係俞早俞好, 因語言會影響理解, 學習, 溝通,情緒, 社交.....一連串問題,相反, 可能佢快改善言語問題, 又會令佢好快改善一連串問題,.
我兒4歲前言語也是不好, 所以有一連串問題,,,,直到5歲後, 言語上有改善, 所有問題亦有進步, 但由兩歲開始, 上言語治療, 進度也是不太多, 中間亦有失望的時候, 不過, 最後也堅持著, 直到5歲, 發現佢好像進步很多, 我也不知是否咁多年來的訓練成果, 不過我覺得一定有用

作者: antheaanthea 時間: 12-5-18 23:56

我個仔都係2歲3個月都仲係bb話，之前有醫生話阿仔有d慢，排政府就現在都未有得評估，之後服務仲要等，跟著朋友介紹我去links上言語治療，我個仔上左一堂之後已經開始講合唇音（爸爸，包包，mum mum，bye bye），真係神奇到不得了，同埋阿仔去上堂係自己一個入去嘅，但就一堂都冇哭鬧，老師好有愛心比同信心同安心我，現在阿仔都上到第6堂了，已經識講比，要，姐姐，姨姨，餅餅，奶奶，食mum mum，我覺得唔好錯過小朋友嘅黃金時期，經濟上可以的話，及早找專業人仕幫助，但都唔好比小朋友太大壓力，大家一齊努力。

作者: C奶黃 時間: 12-7-2 18:52

2-7.2012

仔仔接受了6堂的私人訓練,

又參加了一些兒童興趣班,

現在講說話,聽指領都好左~

只欠眼神接觸比較差,不過都比之前的進步了dd

作者: fandd 時間: 12-7-2 20:39

為了confirm囝囝的情況，建議找私人機構作評估，然後再決定囝囝在哪方面最急切需要接受訓練。不妨瀏覽下列兩間私人訓練中心，佢哋既評估報告都受政府認可，可以用嚟申請排期讀政府資助的課程。

邁步
http://www.step-hk.com/2010/

領思
http://linkscdc.com/

黃金時間一般指2-3歲之間!

作者: leung714 時間: 12-7-3 14:09

提示: 作者被禁止或刪除內容自動屏蔽

歡迎光臨教育王國 (/)