教育王國

標題: 點解現在的小朋友這麼強 [打印本頁]

作者: rogerlam123 時間: 12-4-25 10:34 標題: 點解現在的小朋友這麼強

現在的小學及小學生真強！好多學校要教早兩三年，鋼琴、小提琴已經唔算＂樂器＂！升中要求除非8級w/distinction或者考到演奏級，否則唔考慮。世界在變！

作者: Chowsf 時間: 12-4-25 17:05 標題: 回覆：點解現在的小朋友這麼強

係架！我阿哥個仔小三已8級小提琴Distinction,考試年年排名要頭三名。但我個囡，而家6歲就一級都未考過。我反而唔想佢太大壓力，有表哥，表姐做人板...

作者: Yanamami 時間: 12-4-25 18:06

冷靜! 冷靜! 人比人, 比死人. 做好自己本份就好了, 路不止一條啊~~~禁比較法只會加添自己壓力, 自己又會俾壓力小朋友, 何必呢?

作者: rogerlam123 時間: 12-4-25 20:33

回復 Chowsf 的帖子

超勁! 無言!

作者: rogerlam123 時間: 12-4-25 20:35

回復 Yanamami 的帖子

有感而發, 無聊呻吓!

作者: JUNEYEUNG 時間: 12-4-25 20:55

小三已經8級, 咁佢都好有天份,無得迫......... 相信我兒這些凡夫俗子, 中學考到8級要還神.

NEWS 也在報導, 三歲已學4種語言, 又普,又英,又廣東,又日文.....有D仲學西班牙文, 法文, ....小一前要劍橋英語STARTER 15盾...勁

小兒教琴老師說, 曾經有媽咪比一倍人工佢, 教佢個3歲仔學琴, 不過要在小一前考到6級, 叫老師教授只集中考試範圍,其他考試唔出用唔著不用教, 因為要怏, 考小一時用, 聽到都想死, (係佢個仔)

作者: AlanShirley 時間: 12-4-25 21:06

提示: 作者被禁止或刪除內容自動屏蔽

作者: rogerlam123 時間: 12-4-26 00:05

回復 AlanShirley 的帖子

考Trinity咪唔洗5級樂理囉!

作者: 林嬌嬌 時間: 12-4-26 00:23 標題: 引用：小三已經8級,+咁佢都好有天份,無得迫......

原帖由 JUNEYEUNG 於 12-04-25 發表
小三已經8級, 咁佢都好有天份,無得迫......... 相信我兒這些凡夫俗子, 中學考到8級要還神.

NEWS 也在報導, ...

急功近利。廷續下一代。讀書是長途賽，要學會失敗，爬起身，享受過程，欣賞自己的努力。細個時樣樣一帆風順，事事完美，長大少少基於自尊成形未必承受得起丁點失敗。我相信有強者呢回事，但，事實高處不勝寒，站在高位，要付巿更加多努力去保持位置，怎會身心健康快樂？小三已經8級，仲會繼續學習和練習學器嗎？如非，音樂的好處有領略到嗎？8級已到達，一旦失去目標，那豈是無聊？

作者: marcuscyrus 時間: 12-4-26 00:31

天外有天，總有很強的小朋友，也有被催谷變成很強的小朋友
欣賞有才華的孩子的同時，最緊要認清自家孩子的能力和性格，予以配合，就好了

作者: 已刪除用戶 時間: 12-4-26 08:35 標題: 回覆：點解現在的小朋友這麼強

世界變，係！我女小六，讀間冇咩壓力嘅學校，有直升中學。我都同佢講：你好彩，吾駛考中學，否則我吾會俾佢慢慢考琴（舊年考左4級），我一定一早迫佢考7級，4級點見人呀？

作者: 小星兒 時間: 12-4-26 10:59

新時代.....不進則退

作者: littleyan10 時間: 12-4-26 12:25

所以宜家啲細佬幾慘

作者: hw1115 時間: 12-4-26 15:23

My son studied clarinet since Jul 2011, still G1,

作者: rogerlam123 時間: 12-4-26 22:51

以前以為6年級考到8級會對報升中有幫忙, 點知到報學校至知基本上係無MUG用. 不過反而對讀書幾有用(同時發展左右腦嘛).

作者: MaMaHH 時間: 12-4-27 12:08

如果真的要比較, 不妨轉個角度, 比一下 '恆心' , '努力', '耐性' , '積極' , 樂觀' .......這些元素可以造成永遠的「強」!

作者: ANChan59 時間: 12-4-27 14:03 標題: 回覆：林嬌嬌的帖子

非常同意

作者: manmanchubb 時間: 12-4-27 22:42

回復林嬌嬌的帖子

非常同意, 所以而家呢代有咁多小朋友,青少年會有咁多問題或睇唔開,甚至比以往多好多悲劇發生...

有唔少人誤解單純係因為沉迷電腦/打機缺乏社交溝通所致等....

但其實有很多因素,當中包括呢代太幸福,所有生活學業上大小事情都有人安排,

路一直好行或易行,何來有機會自己跌跌踫踫,面對失敗,呢 d 所謂的失敗,面對到就係成功既基石

作者: nintendo 時間: 12-4-27 23:22

JUNEYEUNG 發表於 12-4-25 20:55
小三已經8級, 咁佢都好有天份,無得迫......... 相信我兒這些凡夫俗子, 中學考到8級要還神.

NEWS 也在報導, ...

我覺得藝術係要 "浸" 得耐先得
求其狂練幾首歌為考試，考到八級都未必真正係高手

作者: kwan1981 時間: 12-4-28 00:00

阿仔一樣都冇學，佢唔鍾意，我又唔想逼。前幾日，佢問我暑假俾佢學游水得唔得？其實我一直都想佢學游水，樂器我都希望佢可以精一樣，問題係我想，而唔係佢想，佢對樂器冇興趣，你逼佢都冇用。

作者: fany 時間: 12-4-28 08:59

現在的家長都好慘...

作者: edea 時間: 12-4-28 10:49

fany 發表於 12-4-28 08:59
現在的家長都好慘...

呢D只係因果...你要行呢條路就當然慘.
我從來只要囡囡搞掂學業就OK, 課外活動係為興趣, 唔係要佢變超人, 唔要學音樂都谷.

作者: ANChan59 時間: 12-4-28 11:28 標題: 回覆：nintendo 的帖子

當年自己學中國山水畫，八歲到二十歲，在香港參加校內及一兩次青年學藝比賽而已，攞咗少少獎。父親的單純目的只是陶冶性情，根本冇任何學校會重視，因為冇巿㘯所以真係為興趣。

到英國讀書時反而受重視，因為外國同學及大學反而非常重視，因此在英國大學內開了兩次畫展，同時被BBC的地區電視臺訪問。返回香港，都是興趣而已。事實上家父是一位頗著名的畫家，但他看得很透。

作者: 已刪除用戶 時間: 12-4-28 11:33

其實唸下, 我個女而家一年(重申, 佢唔需要咩cert考中學, 只係學野就順便比下賽, 已經攪成咁)時間表如下:
一年學校考試3次
11月校際朗誦
體操一年比賽2次左右
3月校際音樂節
2月校際舞蹈
黎緊暑假學樂理
隔年又考下琴

你話係咪一年年頭忙到年尾丫

我已經無特別去報其他d朗誦比賽同鋼琴比賽架喇wor (報埋的話, 一年比賽多10次都仲得呀)

作者: ANChan59 時間: 12-4-28 12:37 標題: 回覆：Charlotte_mom 的帖子

若果佢應付到，又有興趣咪繼續。如果佢應付不來，或者時間不足應付多條戰綫，大家要坐下來，商量下cut邊些項目。

可能我多口，妳所列的項目看似不多，但預備功夫及綀習不可少。我個人覺得偏多了，試將每星期的時間分配一下，足否合適。

正如妳所說，因為冇乜升中壓力，我建議俾多少少free time 佢。

作者: ANNAFRIEND 時間: 12-4-28 15:03

rogerlam123 發表於 12-4-25 10:34
現在的小學及小學生真強！好多學校要教早兩三年，鋼琴、小提琴已經唔算＂樂器＂！升中要求除非8級w/distinc ...

o甘我小朋友小一都未開始學樂器咪死得, 中學都唔駛旨意讀?

作者: tws2010 時間: 12-4-28 15:33

回復 ANNAFRIEND 的帖子

If you really learn it for fun, it's never too late. My kid learn piano and violin, I never ask him for attending exam. One of my friend learn piano when he's 15 years old, now he's at grade 8. He learn it purely for interest.

作者: fany 時間: 12-4-28 16:16

edea 發表於 12-4-28 10:49
呢D只係因果...你要行呢條路就當然慘.
我從來只要囡囡搞掂學業就OK, 課外活動係為興趣, 唔係要佢變超人, 唔 ...

我也只要求學業ok，可是現今的課程也不是每位小朋友都可以輕鬆應付⋯全日制加埋車程，回到家已不早，做功課食飯練樂器，已差不多時候睡覺。尤其仔仔係做野慢，樣樣要提，唔知幾時先開竅！

作者: rogerlam123 時間: 12-4-28 17:06

每個星期亞仔課外活動要留校三至四天, 每日一小時功課, 平均半小時做project, 一小時練琴,半小時課外書, 晚飯沖涼, 仲要照顧佢隊車隊. (還未計比賽時的額外時間), 計計吓真係冇乜時間一陪我!

作者: ANNAFRIEND 時間: 12-4-28 18:00

tws2010 發表於 12-4-28 15:33
回復 ANNAFRIEND 的帖子

If you really learn it for fun, it's never too late. My kid learn piano and ...

原本唔遲, 但係而家學校小三考音樂都用樂器, 係唔學唔得, 仲唔可以太遲.

作者: rebecca0113 時間: 12-4-28 18:23

係ka..我兒間學校音樂考試有1part 係耍考樂器,如果個小朋友唔考就無左2分,total 係10分,即就算音樂考得full mark 但自己無考自選樂器都係得8分,其實個時代已經唔同左ka la......學校都有咁既policy我們無奈都要跟

我知道有的學校係小1時已經講到明上到小5一定要考到ABRSM 5級or above tim ah

作者: TMMA 時間: 12-4-28 22:54

31#
發表於 4 小時前 |只看該作者
係ka..我兒間學校音樂考試有1part 係耍考樂器,如果個小朋友唔考就無左2分,total 係10分,即就算音樂考得full mark 但自己無考自選樂器都係得8分,其實個時代已經唔同左ka la......學校都有咁既policy我們無奈都要跟

我知道有的學校係小1時已經講到明上到小5一定要考到ABRSM 5級or above tim ah

乜嘢學校咁得人驚

官津？直資？私校？

作者: tws2010 時間: 12-4-28 23:16

回復 ANNAFRIEND 的帖子

咁真無奈, 明明彈琴真係為興趣...Sighhhhhhhhh

作者: 已刪除用戶 時間: 12-4-28 23:56

ANChan59:
其實我女都算係臨急抱佛腳既人, 平時學野都係hea hea下, 我都想佢學音樂係開心, 所以我好少要佢練琴

, 除左比賽前lor, 老師都唔係要佢練足幾個月既, 都有教其他歌, 費事"悶死佢"wor (岩岩學校要求校際得獎同學o係週會表演, 我同琴老師講起, 佢話"可唔可以唔再彈果隻歌呀

", 真係大家都悶了)
體操佢學得開心既, 唔開心一早咋我型啦! 連續4個鐘wor, 其實早幾年因為時間同學費貴問題, quit過1,2年的, 而家又pick up返教練都讚佢上心左, 我當運動lor
朗誦已經無學好多年(幼稚園年代就有學), 而家, 勁呀, 比賽前我train佢

哈, 竟然有個季軍, 我都好佩服自己
跳舞係學校校隊, 佢自己好榮幸架! 玩埋呢2個月就升中了, 升左中人地揀佢至算啦, 我唔再出去學架喇, 真係太忙了

作者: rogerlam123 時間: 12-4-29 00:01

咁亞囝間學校勻真D, 每人一支牧童笛, 無論你其他樂器幾勁都係考同一支笛.

作者: marcuscyrus 時間: 12-4-29 00:28

其實我以前讀書時音樂和體育都要考practical的，問題是相當年，天份不在此的同學會接受自己分數比較低，咁其實亦會有筆試可以比佢地拉下分，只是現在家長往往都要"爭分(數)奪秒"，要拎盡任何一分，當然，好大機會是因為需要參於升中，音樂科也要呈分

作者: 瑩瑩老豆 時間: 12-4-29 00:30

本帖最後由瑩瑩老豆於 12-4-29 09:55 編輯

rebecca0113 發表於 12-4-28 18:23
係ka..我兒間學校音樂考試有1part 係耍考樂器,如果個小朋友唔考就無左2分,total 係10分,即就算音樂考得full mark 但自己無考自選樂器都係得8分,其實個時代已經唔同左ka la......學校都有咁既policy我們無奈都要跟

我就話其實係家長助纣為虐, 對學校這些要求, 家長可以有意見甚或唔讀, 如果大部份家長都反對, 看看學校仲可唔可以咁. 我囡讀官小, 個個學牧童苖, 考又係考返牧童苖, 冇得自選樂器.

"有的學校係小1時已經講到明上到小5一定要考到ABRSM 5級", 當自己係音樂學院? 那如果小5考唔到ABRSM 5級又如何? 留班? 趕出校?

作者: 孺子牛 時間: 12-4-29 00:44

其實現代小孩早熟早强，完全是現代家長的功勞，小學生不就是家長要你做什甚麼就做甚麼；學什麼就做什麼？　以前的家長邊得閒迫同時間同錢搞幾多嘢呀。

但最大的問題是，當小孩長大後，有自己想法時，好難再迫時，佢可唔可以有興趣及自主性去學去進修？以音樂為例，佢考８級時仲矇矇地，不是自己喜歡才去學，咁可能一達標便遠離音樂，有８級文憑但冇８級功力，咁長遠計又叫唔叫叻？有時小時了了，大未必佳，拔苗助長未必是一件好事。

作者: marcuscyrus 時間: 12-4-29 00:47

瑩瑩老豆發表於 12-4-29 00:30
我就話其實係家長助纣為虐, 對學校這些要求, 家長可以有意見甚或唔讀, 如果大部份家長都反對, 看看學校仲 ...

雖然音樂考practical 對我仔係有利d，但我仍然覺得應該用返音樂堂教的東西來考是最公平最理想
牧童笛是最好的考核，唱歌次之，最好筆試佔上大部分
不過如果入讀前已知該校對音樂有如此要求，最好先衡量孩子在音樂上是否能配合，合則來不合則去

作者: 瑩瑩老豆 時間: 12-4-29 01:00

marcuscyrus 發表於 12-4-29 00:47
雖然音樂考practical 對我仔係有利d，但我仍然覺得應該用返音樂堂教的東西來考是最公平最理想
牧童笛是最 ...

仲有就係如果可自選樂器, 老師有能力對各種樂器評分, 有d 鋼琴, 有d 小提琴, 又有d 大號, 甚或有d 係中樂器二胡古笋等又如何?

作者: rebecca0113 時間: 12-4-29 10:13

瑩瑩老豆發表於 12-4-29 01:00
仲有就係如果可自選樂器, 老師有能力對各種樂器評分, 有d 鋼琴, 有d 小提琴, 又有d 大號, 甚或有d 係中樂器 ...

我兒間學校我就覺得最主要睇下個小朋友有無利用課餘時間去學樂器,至於精唔精就不太重要,因為好似話如果有考自選樂器的同學無論考得好唔好都會有果2分(自選樂器分).......

我就咁諗,學校咁樣做有1部份係為自己間學校個level 提升,學得樂器自然就會去參加各種比賽,學校就會出名的.......

我自己就覺得要培養1個小朋友既興趣如果連試都唔俾佢試只係問佢喜歡興與否就做決定是否太兒戲?當佢試過而領會到學習時得到既樂趣同滿足已經好好,雖然學習過程中一定會有的梗頸位,但只要父母不停的鼓勵他們,就一定有所成就......

像我小兒最近她因為學校的功課和測驗令到她自己壓力好大,她常常拿出個小提琴出來自己彈自己喜歡的歌曲,然後就會再去溫書,我覺得她已懂得利用音樂幫佢減壓,這已是1種收穫,之前我常常懷疑自己迫佢學小提琴是否不對,直到最近我先發覺到是對的

作者: rebecca0113 時間: 12-4-29 10:26

瑩瑩老豆發表於 12-4-29 00:30
我就話其實係家長助纣為虐, 對學校這些要求, 家長可以有意見甚或唔讀, 如果大部份家長都反對, 看看學校仲 ...

呢間學校係有中學,學校就暗示過如果達不到他們學校要求咁咪無得直升中學.......咁個個聽到都驚,有理無理都堆左他們的小朋友去學左先啦...

作者: ANChan59 時間: 12-4-29 18:37

回復 Charlotte_mom 的帖子

You know her more than us and also know what best fit her.
Just ignore my previous post.

Keep it up.

作者: tws2010 時間: 12-4-29 22:48

回復 rogerlam123 的帖子

It's fair then.

作者: JustAParent 時間: 12-4-30 16:46 標題: 回覆：點解現在的小朋友這麼強

不客氣說句，其實大部分的小孩都不強，他們只是辛苦和受壓。要考上八級其實不難的，才幾首曲，就算你sight reading不考也不難合格。自己小時琴老師常說，肯練，雙手不是傷殘的也可考到八級，問題是孩子真的愛音樂嗎？世上沒有一定要學樂器的理由。我孩子也只是五級鋼琴考到心儀中學，我對孩子說，考官如果問你為何只有五級，你就對他說，學音樂要打好基礎，要慢慢浸，自己學琴不是用來爭學校的。

作者: Snakemama 時間: 12-4-30 23:07 標題: 引用：Quote:瑩瑩老豆+發表於+12-4-29+00:30+我就

原帖由 marcuscyrus 於 12-04-29 發表
雖然音樂考practical 對我仔係有利d，但我仍然覺得應該用返音樂堂教的東西來考是最公平最理想
牧童笛是最 ...

同意。學生上學就是為了學知識，考試考番在學校學過的知識，正常不過。這對所有學生都公平。

作者: marcuscyrus 時間: 12-4-30 23:12

回復 JustAParent 的帖子

非常同意，近年不少學生家長小四就開始跟我說六年級前要考到八級
我也老實跟他們說，如果你確實有八級的功力便考，否則這些時間還是努力讀好書罷了，依我所見，呈分次第還是主打，用苦練八級的時間去讀書，隨時收獲更豐
他們常誤以為8級樂器已算是特異功能，在中學主考來說，這根本不值一提，除非碰上樂團缺人

作者: 瑩瑩老豆 時間: 12-5-1 11:12

本帖最後由瑩瑩老豆於 12-5-1 13:57 編輯

rebecca0113 發表於 12-4-29 10:26
呢間學校係有中學,學校就暗示過如果達不到他們學校要求咁咪無得直升中學.......咁個個聽到都驚,有理無理都 ...

我懷疑考試名列前茅的學生但達不到音樂級數要求也不能直升中學?

作者: 瑩瑩老豆 時間: 12-5-1 11:14

marcuscyrus 發表於 12-4-30 23:12
回復 JustAParent 的帖子

非常同意，近年不少學生家長小四就開始跟我說六年級前要考到八級

我覺得音樂當係興趣可以, 但靠操音樂升中倒不如讀好書考好試.

作者: tws2010 時間: 12-5-1 12:12

回復瑩瑩老豆的帖子

Absolutely agreed.

作者: ANChan59 時間: 12-5-1 12:27

回復 marcuscyrus 的帖子

講得好!!!
作為家長要三思，升中收生以成績為先，而非可有可無的八級鋼琴。小兒在小四考獲5級後，便停止考琴，轉而學單簧管，有興趣而無壓力，大家磨擦都少好多。

作者: 麥兜媽 時間: 12-5-2 00:13

我囡咩證都無。有俾佢上下D興趣班。但唔會逼佢

大家都辛苦。今年九月K3揀自行派位。會放棄我間小學（好谷）

作者: lestat 時間: 12-5-2 16:07

JustAParent 發表於 12-4-30 16:46
不客氣說句，其實大部分的小孩都不強，他們只是辛苦和受壓。要考上八級其實不難的，才幾首曲，就算你sight ...

完全同意.... 我以前學琴, 初學為興趣, 學得好開心, 但到後來被家人迫練琴, 越迫越抗拒越厭惡, 所以唔想阿囡重蹈覆轍, 但又想俾阿囡學一種樂器, 咩都好只要佢鐘意, 唔係想佢攞張咩CERT, 而係想鍛鍊恆心同毅力, 又好似有少少矛盾.

作者: BB小WIN神 時間: 12-5-2 18:13

一體一藝的真正意義已名存實亡，現在已變成面試叩門的工具而矣，看來不久，競爭將蔓延到各人的基因裏.............

作者: 瑩瑩老豆 時間: 12-5-3 23:34

BB小WIN神發表於 12-5-2 18:13
一體一藝的真正意義已名存實亡，現在已變成面試叩門的工具而矣，看來不久，競爭將蔓延到各人的基因裏...... ...

咪係, 學乜都話為比賽/為考試, 總之要攞獎/攞證書為升小升中, 睇到其他貼學下圍棋都話要考幾多級/參加什麼比賽.

作者: 林嬌嬌 時間: 12-5-4 00:08 標題: 引用：Quote:BB小WIN神+發表於+12-5-2+18:13+一體

原帖由 瑩瑩老豆 於 12-05-03 發表
咪係, 學乜都話為比賽/為考試, 總之要攞獎/攞證書為升小升中, 睇到其他貼學下圍棋都話要考幾多級/參加什麼 ...

呢個情況，可能是成人專業人仕生活投射，大學畢業后，為升職加薪，仍然要為各樣專業資格考試。累！

作者: ANChan59 時間: 12-5-4 07:09 標題: 回覆：林嬌嬌的帖子

興趣班跟專業資格拉在一起，似乎有少少牽強。再者，取得專業資格后，CPD, 亦是與時並進的合理安排。

若果己有會計師資格，再讀及考律師是個人取向，而且double degree 亦是新趨勢，平常心視之則可。

歡迎光臨教育王國 (/)