教育王國

標題: 仲有五個星期就知派位結果, 好緊張 !!!!! [打印本頁]

作者: JUNEYEUNG 時間: 12-4-25 00:50 標題: 仲有五個星期就知派位結果, 好緊張 !!!!!

仲有五個星期, 每日都諗派唔到點呢? 大家有乜B PLAN ? C PLAN ?
我乜都無人仕, 好煩,!!!!

作者: pooh仔 時間: 12-4-25 10:44 標題: 回覆：JUNEYEUNG 的帖子

睇咗你條帖還有五星期，忽然個心＂卜卜跳＂！超緊張呀！

作者: JOJA 時間: 12-4-25 11:25

本帖最後由 JOJA 於 12-4-25 11:47 編輯

完全不緊張

因控制不到, 單講彩數

而我估咋.....

現在 or 月尾前已編定了學校

因五月份
職員也要打印
覆文件

五月份有幾多個工作天呀, 所以相信4月份內都已成定局

但現在我都做緊portfilio
作6月2日, 唔中, 就四圍叩門

作者: Haz-mama 時間: 12-4-25 11:39

我都好緊張呀! 重未做portfolio,..

作者: chaukwan 時間: 12-4-25 15:31

睇到個標題我都緊張埋, 我乜都冇做到呀

作者: Tatyi 時間: 12-4-25 18:23 標題: 回覆：仲有五個星期就知派位結果, 好緊張 !!!!!

大家會唔會一早去派位中心睇結果呀

作者: JUNEYEUNG 時間: 12-4-25 19:26

我會晨早就去, 可能果晚都訓唔著

作者: Tatyi 時間: 12-4-25 19:48 標題: 回覆：仲有五個星期就知派位結果, 好緊張 !!!!!

我有問過啲friend.佢哋話會按我哋封信嘅學生編號排番自己條隊，然後有人派張紙俾你叫你睇下名啱唔啱！係噤兒同你講小朋友派咗邊間學校，幾時註冊

作者: CF2010 時間: 12-4-25 21:13

回想派釆當日在放榜中心等候時，氣氛沉重的想死。當時，我只想快點走、快些知道結果。一是天堂、一是地獄，沒有中間的！結果是滿意的。但是，眞的有不少媽媽忍不着哭了出來，還要強忍走出放榜中心，真的十分十分痛苦！！

所以切記不要帶小朋友一起去放榜中心，免終生留下不愉快印象！另外，請一些好彩的家長好好控制一下自己情緒，不要歡呼大叫，慌死人地唔知你得咗！自己大大聲向電話講自己得咗！要全世界、全個中心都知你得咗！眞的十分十分討厭！！！
當時，我還在後面排隊等消息，未知結果，心中眞的十分痛恨這些人，十分討厭。最後，雖然自己十分好彩，我也不發一聲，盡快離開。因為太多失落的家長，眞的是一個傷心地！！！

作者: Tatyi 時間: 12-4-25 21:39 標題: 回覆：仲有五個星期就知派位結果, 好緊張 !!!!!

多謝分享

我諗控制當時情緒係最緊要！不論得咗或者衰咗結果已成定局！喊會影響人好緊張，大叫得咗個樣又會令唔得嗰啲好難受！大家盡量保持得一個樣（講笑啫

）

作者: CF2010 時間: 12-4-25 22:27

回復 Tatyi 的帖子

那一種明明傷心得要死、傷心欲絕、有愧於兒女的痛，但又不能流露、強忍在心、扮作無嘢、強顏苦笑的痛（特別在小朋友面前），真的十分痛苦難受!要過來人才能明白，不能言傳!
試想想、如失手，則表示遊戲未玩完，玩了一年，還要繼續玩下去!真的想死!叩門面試要玩下去，怎樣和小朋友說。人家小朋友都已知九月讀那間小學，現正買校服搵校車，自己小朋友還要玩下去，未有著落，真的想死，所以請你明白不要笑!!!亦真的希望當日你能笑出來!祝好運

作者: JUNEYEUNG 時間: 12-4-25 22:53

其實都有諗緊如派二三志願要唔要, 因我選左一間二線小學做第二, 如第一無行, 第二機應該好大, 因佢有OVER100個位, 而且同區沒有名氣!!!!

第一志願的學校, 我一定去叩門, 因為我由自行到大抽獎也是選佢, 但萬一叩門也失敗, 都唔知點同兒子說好, 希望唔會傷害到佢

作者: JANETHIM 時間: 12-4-25 22:57 標題: 回覆：CF2010 的帖子

我都好明白大家的心情，係我今早返工仲係度擔心的同時，終於收到之前waiting list 的學校話收阿仔，果一刻真係䦕心到喊！所以大家晤好放棄，祝大家都派到心儀的小學！

作者: hellojl 時間: 12-4-25 23:03

呢个moment可以預備吓以下的嘢, 以防不時之需, 當然希望派位果日唔洗用當癈紙!:

1) 定期留意多幾間心儀的學校website, 有d約5月中-尾會post叩門的安排 or post form ! eg: 軒官, 新,舊油天 (上1-2年website話會接受1st & 2nd round冇選過的學生, 但會優先處理選過的學生wor, 總叫有希望!)

2) 亦都要留意吓1d自己認次選d的school, 以防萬1!

3) 整定小朋友updated的profile ,不需太多頁, 亦不需持特別釘裝, 只買$4-5有兩个孔的膠folder己ok! 因有d學校會連 application form 1齊釘住, 活動性大d!

4) 可send定信比round 1 & 2的1st學校校長, 我有朋友1st round 己寄定了!

Good Luck!!

作者: Tatyi 時間: 12-4-26 06:54 標題: 回覆：仲有五個星期就知派位結果, 好緊張 !!!!!

講得冇錯！係參唔多時候準備！我仲度緊叩門信點寫呀！

作者: 小殷子 時間: 12-4-26 12:27

回復 JUNEYEUNG 的帖子

我囝又係N無....希望到時係好消息...

作者: wwting 時間: 12-4-26 13:47

上年我個女就是派到第十三志願(個校網total得15間),真係差到貼地,收到派位通知後,兩公婆即時冇反應呆晒!之後我先識喊,感覺徬徨無助.之後開始我們的叩門行動,現在回想起真是好辛苦,大熱天時周圍去交叩門信,又要同公司請假去面試,真係仲慘過自己去見工.不過女兒好生性,見爸媽唔開心,主動話面試時會努力表現自己,叫我們不用擔心!當時真係感動到喊,但我同自己講,既然上天安排一條不平坦的路我們行,我們就要更加努力,不要放棄,機會只會留給有付出的人.最終到6月尾成功叩到心儀的學校!
所以,就算大抽獎派得唔好,大家千萬不要灰心,現在回想起只是當一個經驗和磨練,只要肯努力, 結果可以和原先不一樣的!
提提大家:現在要預備定小朋友的個人履歷,到5月尾上網check下心儀學校網頁(有些學校會公佈叩門要帶備文件),小朋友相片,膠水剪刀(貼相在表格上),公文袋(因有些學校放榜當日已收叩門信,會有個紙皮箱收集).
祝各位成功派到心儀學校! Good Luck!

作者: ew911 時間: 12-4-26 14:53

回復 wwting 的帖子

看到你這經歷，我回想上年的類同經歷，你都好有老公陪你去睇結果，我自己一個人去面對。當時知道結果真的很想哭出來。現在看回都差點眼淚跑出

作者: JOJA 時間: 12-4-26 14:56

本帖最後由 JOJA 於 12-4-26 14:57 編輯

我都好努力做緊portfilio

雖然知道二三百人去爭幾個位
但都要照做
始終叫做為亞女盡力過

結果係點, 都唔論到我話事

作者: Tatyi 時間: 12-4-26 15:08 標題: 回覆：仲有五個星期就知派位結果, 好緊張 !!!!!

大家一齊努力呀

我相信努力唔會白費！學校會感受到我哋嘅誠意！因為我地都愛我哋嘅子女！

作者: wwting 時間: 12-4-27 13:31

回復 wwting 的帖子

都叩左大約12間,但有幾間撞左時間面試,所以放棄了.最終有5間收,最開心係心儀學校打電話來,真係仲開心過中六合彩!

提提大家:到6月時記得隨身帶住手提電話,我果時連去洗手間都帶住,有miss call 都即刻覆電話!

作者: hugub 時間: 12-4-27 13:41

平常心去面對la, 我一對囝囡同一個校網, 2個都有私小backup,6年前阿囝派第5志願,上年到阿囡我只填區內top果2間女校, 一心唸住唔得就讀私小,結果派左第1志願

歡迎光臨教育王國 (/)