教育王國
標題: 請問有無試過做自閉症評估出來的結果是沒有自閉症 [打印本頁]
作者: cody2Amama 時間: 12-4-22 00:17 標題: 請問有無試過做自閉症評估出來的結果是沒有自閉症
因我懷疑阿仔有自閉, 但老公又覺得佢好正常, 我排咗協康同政府做評估, 但老公又唔想去
唉! 孤軍作戰好辛苦, 其實我係呢個世界上最唔想阿仔有事既人
作者: pyalisa 時間: 12-4-22 00:38 標題: 回覆：請問有無試過做自閉症評估出來的結果是沒有自閉症
去油麻地中華書局買本step 評估，或到step website download，你同老公一齊tick 下。再同老公相討一下人哋一般用d criteria fair 唔fair .
作者: szeszes 時間: 12-4-22 01:22
講真一句, 你覺得小朋友咩野問題似自閉呢?
做評估時, 有部份係問家長小朋友既日常野, 你自己都會講返似自閉小朋友特徵出來, 咁九成九都會話有
作者: pollybell 時間: 12-4-22 01:42
回復 szeszes 的帖子
AGREE : 乜野評估都有人為因素,判斷唔會好似驗血咁,係就係,唔係就唔係,唔同既人做評估結果可能好唔同,今日評估係...........再跟進覆診可能完全唔係,將FILE抽起唔再跟進都有,懷疑既問下學校,上網睇多些資料.睇下有無必要做.
作者: Olympian 時間: 12-4-22 17:41
如果你係為個仔著想，我勸你快D 做個評估。
我個仔一歳多還未懂行，有朋友同我講唔多正常，我冇理，覺得只是個別孩子發展的差別。
到一歳半返playgroup，個個小朋友玩得好開心，阿囝係咁咸，導師話我個仔未望過佢一眼，可能有問題，當時我覺得個導師有問題多D，認為囝囝只是較害羞。
兩歳時，仔仔仲未識講野，個個朋友都話無問題，話男仔講野係慢D，一返學就會講好多，於是又放心下來。
其間老公借了好幾本有關自閉的書籍，我地研究過都都認為囝囝唔係。
終於，兩歳一個月時評估係自閉症。
好在老公有排期評估，否則唔知拖其耐，白白浪費訓練的黃金時間。
同埋，自己評個仔一定有bias。
評到係唔係都好，知道自己個小朋友的強弱項，就可以更有針對的training比佢。
作者: pyalisa 時間: 12-4-23 09:16 標題: 回覆：請問有無試過做自閉症評估出來的結果是沒有自閉症
我諗Cody 媽媽也有一點點明白評估同早期介入訓練的重要。爸爸似乎唔信評估的制度同特殊界的運作。更未接受小朋友的情況。在私人評估界，協康一定唔係個評估背後要你買佢d service 的公司。信得過。事關佢條服務龍排得也幾長。我覺得似身體檢査，檢査完，安樂d。 爸爸方面，佢的步伐慢過你，比d時間佢消化下理解下。搵d 男人buy 的理姓方法去讓他與你同歩。在這個孤獨走的時間，揾個善解人意的朋友陪下你，例如陪你評估。
作者: cw36 時間: 12-4-23 09:25
本帖最後由 cw36 於 12-4-23 09:26 編輯
回復 Olympian 的帖子
我仔仔現2歲，都係上playgp或到陌生環境好慢熱,會不合群的。想請教下你仔仔兩歲知道有自閉情況後，你們安排那些治療/訓練去幫佢呢？我明白治療黃金期有限，所以想知成效如何？那些較有用？萬分感謝！
作者: cody2Amama 時間: 12-4-23 23:47
回復 szeszes 的帖子
阿仔言語遲緩, 現在兩歲多, 返緊學, 但只有單字
無時停
專注力低
易發脾氣, 而且脾氣很大
唔怕痛, 但知道痛的, 只是很小因為整親而喊, 就算喊都好快收聲
眼神接觸, 有, 不過唔多
成日打人
老公覺得佢只係性格問題, 不是自閉
作者: cody2Amama 時間: 12-4-23 23:50
回復 Olympian 的帖子
我阿仔同你差不多, 我曾經都好似你咁諗, 但我現在知道可能佢睇太多電視, 老公都知唔可以睇太多, 不過堅持要比阿仔睇
作者: Olympian 時間: 12-4-24 16:25
本帖最後由 Olympian 於 12-4-24 16:30 編輯
他只是上私人S位，沒有做其它任何治療。囝囝主要係語言遲緩，肌張低，唔望人，無重覆行為，智能尚算ok。
佢兩2歲1個月已會25個單字，到2歲2個月就有約50個。現在3歲半己會講短句，最近仲會改下歌詞。囝囝情緒都可以，尤其當他問了口，會表達的時候，少發了脾氣。
當時我辭了份工，自己跟他做家屋訓練。其實最有用都係自己教，學校有好多野要你做要你教，如果做得足小朋友一定會有進步，所以，自己的進步都好重要。教仔真係好有學問...
作者: Jcmfong 時間: 12-4-24 20:01 標題: ...........
本帖最後由 Jcmfong 於 13-7-13 01:28 編輯
............
作者: cody2Amama 時間: 12-4-24 23:39
回復 Olympian 的帖子
咩係私人S位? 同我成日見人講E位, I位, 其實係咩嚟?
作者: daddykei 時間: 12-4-26 13:49
請問STEP 評估表可以係邊度download得到? 謝謝
作者: Olympian 時間: 12-4-26 17:52
本帖最後由 Olympian 於 12-4-26 18:00 編輯
回復 cody2Amama 的帖子
S位即係特殊幼稚園，裏面有語言治療師、職業治療師、物資治療師、幼兒導師跟進小朋友
E位係早期訓練: 一星期按需要比一兩堂訓練，小朋友可返主流幼稚園
I位係兼收位，即係主流幼稚園兼收一些較輕微的個案
都係政府提供的，坊間亦有私人S位
唔好意冇時間寫太多Details...
你評估完又有需要的話，醫生就會refer你去排呢d學位。
呢個亦係要早D做評估的原因，因為要排1-2年先有得讀。
作者: szeszes 時間: 12-4-26 21:02
本帖最後由 szeszes 於 12-4-26 21:11 編輯
cody2Amama 發表於 12-4-23 23:47 
回復 szeszes 的帖子
阿仔言語遲緩, 現在兩歲多, 返緊學, 但只有單字
我仔都係有呢方面問題 (即係樣樣中少少), 保母, 親友及老公都係唔好接受, 成日話係性格, 而精神科醫生確診為: 非典型自閉, 要觀察到小學三年級 (半年回去一次跟進, 暫時醫生無任何訓練或藥物給他); 我仔主要係言語及社交弱, 與人討論及合作差些, 我就比佢返小童軍
你自己搵到你小朋友有自閉既三大問題, 總之自閉唔一定係好嚴重既, 有些只係一些小問題, 你可以在旁邊糾正下佢, 訓練下佢 或 幫助一下佢, 佢都可以與正常小朋友沒大分別的
言語方面: 言語遲緩
社交方面: 眼神接觸短暫
行為方面: 專注力低, 易發脾氣, 成日打人
你話唔怕痛, 可能連 "感統體" 果方面都有少少
你小朋友仲細, 真係唔好過左黃金期
信我啦!! 只要你肯比其他人花時間, EQ 及 心機, 同佢打開溝通果道門, 就會見到小朋友有脫胎換骨感覺的. 我仔係一個好例子
作者: pyalisa 時間: 12-4-27 07:33 標題: 引用：請問STEP+評估表可以係邊度download得到?+
原帖由 daddykei 於 12-04-26 發表
請問STEP 評估表可以係邊度download得到? 謝謝
個link 最下面嗰個
作者: apple~y 時間: 12-4-27 11:38
本帖最後由 apple~y 於 12-4-27 11:42 編輯
回復 Olympian 的帖子
training 係重要,但小朋友本身能力都好重要
你小朋友有0甘大進步,係好好
我仔仔2age評估後,
即刻番私人s位,我都算積極,小朋友其間開始講單字,有好大進步,我以為見到轉機
評估之後都兩年幾,都好積極教小朋友,之後番政府s位,老師同我都好比心機幫仔仔
治療師,政府s位老師都話我小朋友自閉徵狀好輕微,私人s位老師,上門訓練導師話係發展遲緩唔係自閉
諗住情況不算太差
可惜現在4age幾都仲單字,詞語,對話,表達都無咩,最鍾意叫
真係好sad,好down
我0甘辛苦都係希望小朋友第日,可以出番主流小學
原來有0的0野,係點努力都無用,.........
好似我哥哥仔仔,2age時係無語言
其間只等政府服務,經濟問題,所以無番過私人訓練
只係平時多些同小朋友講0野
到現在(政府服務仲未有),3age都開始講到短句
巳經能力好過我仔仔,但我仔仔大人一年有多
真係好down,可能係命運
唔好意思只係想呻0下
作者: pollybell 時間: 12-4-27 14:12
回復 apple~y 的帖子
絕對同意，什麼黃金期其實睇你點演繹，跟本好睇小朋友本身能力。
作者: Olympian 時間: 12-4-28 18:14
其實某程度上我都認同。
囝囝3-3.5yr時，進步得好慢，亦可以話有點退步，屋企人同老師都有點失望，又唔知點解，我都教到有點迷失。但係之後個兩個月，突然間又進步得好快。
其實一定係有原因突然學得慢下來，只係唔知/唔肯定點解。但無論點都要積極教，因為係自己個仔，唔可以放棄。
作者: QCutebb 時間: 12-5-9 14:25
想問各位媽咪如懷疑仔仔有可能有自閉特徵，點可以排政府做評估？
作者: fatpam 時間: 12-5-10 08:21
講真，我地每去一個訓練地方，同一個導師，小朋友能力唔同，見住各人進步好唔同。
不過一定係有幫助嘅，倒轉想吓，做左都係咁，唔做可能仲差，何況你點知而家做左教左既，第日會唔會佢用番出來，自己盡左力都算盡左責任。
我都好明白人地唔訓練都咁自然有進步嘅感受，人人命運際遇唔同，好似訓練咁，有無遇到合適學校，老師，教法都好講彩數！
作者: why-me 時間: 12-5-13 20:29
回復 QCutebb 的帖子
去健康院同醫生講並作初步評估, 如醫生認為有問題會寫轉介信, 排期去CAC見醫生.
作者: why-me 時間: 12-5-13 20:33
回復 apple~y 的帖子
每個A仔能力都唔同, 有時可能去到某一個階段有"平台期"但你唔好氣餒, 要繼續 INPUT 比佢, 佢地會記係腦入面, 終有一日會爆發出黎, 要記住:希望在明天, 永不放棄!
作者: why-me 時間: 12-5-13 20:36
"黃金期"只係D人搵錢其中一個手法.
我仔在6歲後學習進度比以前好, 所以6歲後亦可以進步, 唔好比"黃金期"嚇親:;pppp:
作者: apple~y 時間: 12-5-13 22:18
回復 why-me 的帖子
你小朋友係咪番主流小學??
學習情況如何?
作者: idak 時間: 12-6-16 12:46
cody2Amama 發表於 12-4-23 23:47
回復 szeszes 的帖子
阿仔言語遲緩, 現在兩歲多, 返緊學, 但只有單字
我個女d行為同你個仔一樣, 做咗評估係有自閉特徵, 以家係協康做緊幼兒訓練, 改善行為, 之前去咗另一個機構做, 無時停及專注力有改善, 七月就去精神科驗血見醫生。 唔洗怕好似得自己一個人面對, 以家我老公見到個女有改善, 佢都會跟住我的教法, 我見咗咁多社工同醫生, 其中一個社工講得好好, 佢話你發現問題先係你聰明, 改變自己係容易過改變別人, 當老公見到我日日都同個女係屋企訓練, 每日都有進步, 個女坐定咗, 講生字多咗, 以家係老公提我七月去見醫生添﹗
作者: 淇淇0223 時間: 12-6-17 00:54 標題: 回覆：cody2Amama 的帖子
我仔又係成日打人周街拍人。見小朋友就會好肉更好大力咁㰖。係公園玩會重複㰖人好多次。現在2歲半了。一歲8個月時確診自閉症。我俾好多好多治療他所有別人話有機會進步的我也去試，由確診到依家已經進步了很多。唯獨重複打人㰖人咬人哩種行為我每日教到口水乾埋都無咩進步。。。！
作者: idak 時間: 12-6-17 01:11 標題: 引用：想問各位媽咪如懷疑仔仔有可能有自閉特徵，
原帖由 QCutebb 於 12-05-09 發表
想問各位媽咪如懷疑仔仔有可能有自閉特徵，點可以排政府做評估？
作者: veroshea 時間: 12-6-19 13:25
回復 cody2Amama 的帖子
會唔會係亞氏保加??
| 歡迎光臨 教育王國 (/) |
Powered by Discuz! X1.5 |