教育王國

標題: 2歲可以學游水嗎？ [打印本頁]

作者: yukai 時間: 12-4-20 01:31 標題: 2歲可以學游水嗎？

如題，有無媽媽比2歲小朋友學游水？

作者: moonly 時間: 12-4-20 05:46 標題: 回覆：yukai 的帖子

提示: 作者被禁止或刪除內容自動屏蔽

作者: stchiubb 時間: 12-4-20 06:10

絕對可以！當然你唔好諗住佢會好快就識！其實兩歲學游水係為左等佢唔好怕水，同埋學識浮。外國係有呢種概念，因為BB喺媽媽個肚入面都係游緊水，所以佢地主張半歲就去學，係因為想幫BB recall memory，有時你去泳池都有機見到外國人帶幾個月大嘅bb去，其實愈細學愈好

作者: moonly 時間: 12-4-20 07:02 標題: 引用：絕對可以！當然你唔好諗住佢會好快就識！其

提示: 作者被禁止或刪除內容自動屏蔽

作者: himuimui 時間: 12-4-20 08:33

提示: 作者被禁止或刪除內容自動屏蔽

作者: VaVaBaby 時間: 12-4-21 11:44 標題: 回覆：2歲可以學游水嗎？

作為一個教練，我唔贊成小朋友咁早去學，起碼都要3歲，一個3歲既小朋友都未必可以聽得明晒教練講野同做到出黎，難道你覺得2歲佢有可能可以學到？如果你想學都得，但首先係佢頭一期可以淨係系泳池喊，根本學唔到咩。你有心想佢早d開始就得閒帶小朋友去泳池玩下重好，起碼對小朋友黎講泳池係個玩既地方，而唔係迫佢上堂既地方

作者: ckbaba 時間: 12-4-21 17:48 標題: 回覆：2歲可以學游水嗎？

提示: 作者被禁止或刪除內容自動屏蔽

作者: stchiubb 時間: 12-4-21 19:38

回復 ckbaba 的帖子

講得啱！兩歲你期望會識到咩？揾個教練係因為佢地有專業知識，佢地知咩野先適合小朋友，唔係浸下就叫唔怕水

作者: VaVaBaby 時間: 12-4-22 01:23 標題: 引用：回復+ckbaba+的帖子講得啱！兩歲你期望會

原帖由 stchiubb 於 12-04-21 發表
回復 ckbaba 的帖子

講得啱！兩歲你期望會識到咩？揾個教練係因為佢地有專業知識，佢地知咩野先適合小朋友 ...

但係有d家長連帶都無帶過小朋友去泳池，佢地完全唔知有個咁既地方，你就叫佢去學，佢連去做咩都未知。我當然唔係話浸完水就唔怕水，但至少小朋友唔怕洗面面，有水滴到落面面度，我地先可以進一步氹佢地浸埋面仔落去，我地教過有太多小朋友連滴水都驚，一見到個泳池就掂都唔敢掂，叫佢坐底係池邊就即刻想走佬，抱佢落去直情喊到好似豬頭咁。我地都想俾佢地學快d,如果佢地堂堂都吹波波，其實我地都好大壓力，你地家長話就話唔期望可以學到咩，但係俾得錢我都想你真係有野學到番去，唔只小朋友悶同辛苦，我地教練都一樣，所以希望你明白我地處境，去學之前多帶你既小朋友去玩水，就算係浸下都好，唔好一開始就迫佢地上堂，盞佢地喊到豬頭咁，你唔肉赤我都心痛啦@@

作者: yukai 時間: 12-4-22 02:05

Thanks all. 請問有無邊間學游水可以介紹？最緊要教練有耐性，細心。Thanks again.

作者: VaVaBaby 時間: 12-4-22 16:24 標題: 引用：Thanks+all.++請問有無邊間學游水可以介紹

原帖由 yukai 於 12-04-22 發表
Thanks all. 請問有無邊間學游水可以介紹？最緊要教練有耐性，細心。Thanks again. ...

唔敢介紹怕係賣廣告了~不過要有耐性建議揾私人或者一對二班（當然不是史xx啦）

作者: birdbird 時間: 12-4-22 23:12

本帖最後由 birdbird 於 12-4-22 23:12 編輯

VaVaBaby 發表於 12-4-22 01:23
但係有d家長連帶都無帶過小朋友去泳池，佢地完全唔知有個咁既地方，你就叫佢去學，佢連去做咩都未知。我當然唔係話浸完水就唔怕水，但至少小朋友唔怕洗面面，有水滴到落面面度，我地先可以進一步氹佢地浸埋面仔落去，我地教過有太多小朋友連滴水都驚，一見到個泳池就掂都唔敢掂，叫佢坐底係池邊就即刻想走佬，抱佢落去直情喊到好似豬頭咁。我地都想俾佢地學快d,如果佢地堂堂都吹波波，其實我地都好大壓力，你地家長話就話唔期望可以學到咩，但係俾得錢我都想你真係有野學到番去，唔只小朋友悶同辛苦，我地教練都一樣，所以希望你明白我地處境，去學之前多帶你既小朋友去玩水，就算係浸下都好，唔好一開始就迫佢地上堂，盞佢地喊到豬頭咁，你唔肉赤我都心痛啦@@

教練,
香港有好多家長就係以為咩都要個仔女去去學, 仲要愈細個學愈好.
但係好多家長只會坐埋一邊睇小朋友學, 平時佢地唔會自己帶仔女去做果樣運動或者係做果樣興趣.
e.g. 游水, 打網球, 彈琴.

以游水為例, 好多家長正係如教練所講, 未帶過小朋友去泳池玩過水,
一個2歲小朋友對著陌生人已經怕, 仲要有水入眼入口過面..... 我覺得個家長係用錢黎難為個教練和個小朋友.
我唔希望d有教練收咁細的學生, 因為佢地肯收, d家長就以為自己諗法好o岩.

我作為家長, 我唔覺得2歲的bb要跟教練學游水, 反而, 我覺得我有責任帶阿b去感受什麼是水, 所以, 當我仔還小時, 我係自己帶個仔去游水(可以說玩水). 到個仔5歲, 佢個人開始聽得明指令, 我先至比佢跟教練學游水, 一來佢會比年紀少的學得快一點, 2來教果個真係在教游水, 而唔係湊仔.

家長們, 不要被唯利是圖的教練欺騙呀.

作者: moonly 時間: 12-4-22 23:30

提示: 作者被禁止或刪除內容自動屏蔽

作者: VaVaBaby 時間: 12-4-23 01:11 標題: 引用：+本帖最後由+birdbird+於+12-4-22+23:12+編

原帖由 birdbird 於 12-04-22 發表
本帖最後由 birdbird 於 12-4-22 23:12 編輯

我非常贊同這位家長的說法，但我也明白現今家長的壓力，不想子女輸在起跑線的這種心情，因為我也在香港exam-oriented 的制度下長大，而我從小也是每日參加很多課外活動，唯一好彩的是我只向運動及音樂兩方面發展，不用每天補習。相比現今的小孩已經輕鬆很多了，聽到我學生排得密密麻麻的schedule，上課外活動像趕場似的，真的十分誇張，更明白家長和小朋友的辛苦。
希望家長們可以盡量滅少一些非必要的課外活動，而把時間放在親子的互動上，這比起一連串的學習班更為重要。

作者: VaVaBaby 時間: 12-4-23 01:31 標題: 引用：不單是唯利是圖的教練,仲有唯利是圖的大集

原帖由 moonly 於 12-04-22 發表
不單是唯利是圖的教練,仲有唯利是圖的大集團泳會.

泳會說到底也是商業機構，目的都是大賺錢。不過我也認識一些泳會及教練真的很有心，不只想著要賺錢，也為小朋友好，本著良心經營。事實上，學游泳可以學到的不只是泳術這麼簡單，遇上好的教練還可以改變小朋友的性格，我也見証過好幾個例子，也見過教練幫家長教仔，所以選擇好的教練真的很重要。（唔好人地話好就去試，起碼個教練點好法你都要問清楚，最好就係熟人介紹。同埋以我所知，網上有好多「打手」專幫人宣傳同幫自己收私人學生，如果係咁誤中陷阱真係白白浪費金錢，最重要係自己既時間。有好多例子係小朋友因為上手教練教得唔好，之後要再教就難上加難，因為小朋友比第一次學的時候更害怕。）

作者: Eumama 時間: 12-4-23 10:30

我囡囡都係兩歲左右開始去「學」游水。當然我都唔係期望佢真係上完十堂就識得游。旨在希望佢唔會怕水、識得「未」下水咁，同埋做下運動，令肌肉有伸展的機會……….我覺得出去跟正式教練學，有個好處係佢地有好多得意小工具輔助個小朋友「學」游水／玩水，一般家長唔會自己買呢啲嘢同個小朋友去泳池玩。同埋個教練真係有一套方法另到一個兩歲幾嘅小朋友聽佢個指令做得頭頭是道。講真，我個囡唔係果啲好乖嘅小朋友，佢會聽老師話多過聽父母話。所以有時啲錢都唔慳得，真係要搵「專業人士」幫下手。不過，真係唔好諗住一個仲包緊尿片嘅小朋友，上完幾堂就可以游蛙式俾你睇。只要放低「望子成龍」嘅心態，小朋友會玩得好開心，家長睇小朋友「游」水都好過癮。

作者: VaVaBaby 時間: 12-4-23 12:56 標題: 引用：我囡囡都係兩歲左右開始去「學」游水。當然

原帖由 Eumama 於 12-04-23 發表
我囡囡都係兩歲左右開始去「學」游水。當然我都唔係期望佢真係上完十堂就識得游。旨在希望佢唔會怕水、識得 ...

通常小朋友對住嚴厲既教練會乖過對住爸媽，因為小朋友已經掌握好家長的脾性，對教練就會怕俾人鬧，同埋始終都係陌生人。所以點解我話好既教練可以幫到你教仔就係咁解~

呢位媽媽，其實我都好鐘意睇住d bb學游水，好得意架。所以先咁鐘意教佢地

作者: jackal 時間: 12-4-24 09:50

我諗最有愛心的教練係媽咪自己，呢D應該係親子樂的課程：）

作者: VaVaBaby 時間: 12-4-24 11:00 標題: 引用：我諗最有愛心的教練係媽咪自己，呢D應該係

原帖由 jackal 於 12-04-24 發表
我諗最有愛心的教練係媽咪自己，呢D應該係親子樂的課程：）

贊成，因為bb對得最多就係爸爸媽媽，自己教番bb會學得特別快同特別開心

作者: Mighty 時間: 12-4-24 18:56

其実如果家裏有浴缸、可以同BB在水裏浸下、頭也可「未」入水、等BB習慣頭入水都不怕。　我家B女５－６個月就這様的、所以去到泳池、簡直如魚得水。E家好多父母真係有好大希望、６歳前希望小朋友十項全能。　BB係池到喊哂、都要継続。　初初最重要真的是自己帯去泳池LOR.

作者: VaVaBaby 時間: 12-4-24 20:03 標題: 引用：其実如果家裏有浴缸、可以同BB在水裏浸下、

原帖由 Mighty 於 12-04-24 發表
其実如果家裏有浴缸、可以同BB在水裏浸下、頭也可「未」入水、等BB習慣頭入水都不怕。　我家B女５－６個月 ...

千萬不要淨係叫工人帶去，我地真係試過家長淨係報名，幾期之後都淨係見到姐姐，連小朋友游成點都唔知，好過分

作者: jackal 時間: 12-4-25 14:02

所有興趣班都需要父母監場,稱讚,小朋友就學得開心....

作者: birdbird 時間: 12-4-26 20:16

Mighty 發表於 12-4-24 18:56
其実如果家裏有浴缸、可以同BB在水裏浸下、頭也可「未」入水、等BB習慣頭入水都不怕。　我家B女５－６個月就這様的、所以去到泳池、簡直如魚得水。E家好多父母真係有好大希望、６歳前希望小朋友十項全能。　BB係池到喊哂、都要継続。　初初最重要真的是自己帯去泳池LOR

我就係覺得而家好多家長淨係識比錢人教自己仔女學運動或其他興趣班,
但係自己就得個'望' 字, 什至係只靠個工人姐姐帶出帶入,
平時係唔會同仔女一齊去做運動..... 我可以話, 係病態囉.

運動係一生活的一部份, 我希望d家長諗清楚比小朋友學游水或其他運動的目的,
一項運動唔係只係一個 '技能'.... 我們要將運動溶入生活 (i.e. healthy lifestyle),
將運動精神溶入小朋友的做人態度之中.

我諗, 家長除了比錢小朋友去學一門運動之外,
其實自己本身都要以身作則!

作者: birdbird 時間: 12-4-27 17:27

本帖最後由 birdbird 於 12-4-27 17:27 編輯

deleted post

作者: Karlhui 時間: 12-4-27 17:42

分享下D無聊野................
我記得我好細個時,應該係岩岩識行冇耐,(即係3歲???)呀爸同一個鄰居既哥哥帶我去泳池還,我當時緊係未識游水.本來呀爸想自己去大池游返轉,叫呀哥哥仔睇我一下.點知我見到呀爸係池邊跳落水,當時哥哥仔又冇睇實我,我就學呀爸跳水......當然跳水之後就一路沉,呀爸聽到有人叫就擰轉頭睇下水入面發生咩事,見到我真係嚇到面青(佢話),之後佢就游過黎單手捉住我,跟住發生咩事就唔記得啦.......講起都有D羞家

作者: VaVaBaby 時間: 12-4-28 00:34 標題: 引用：分享下D無聊野................我記得我好

原帖由 Karlhui 於 12-04-27 發表
分享下D無聊野................
我記得我好細個時,應該係岩岩識行冇耐,(即係3歲???)呀爸同一個鄰居既哥哥帶 ...

所以真係要睇緊d,有好多小朋友就係因為咁浸過一次，就更加驚游水。變左我地要用多好多時間去令佢克服，愈細個學番就愈好，我有d大人學生就係因為咁所以一落水就好驚，但佢最後努力一陣都學識左。反而最難教係四五年班驚水既學生，因為佢咁大個人，如果佢唔肯做既話，你真係耐佢唔何

作者: bobocatty 時間: 12-4-28 17:28

My son learnt swimming when he was about 6 months old @ Harry Wright. He is not scare of water and can swim 10 m on his own.

作者: jollyma 時間: 12-4-29 12:53 標題: 引用：+本帖最後由+birdbird+於+12-4-22+23:12+編

原帖由 birdbird 於 12-04-22 發表
本帖最後由 birdbird 於 12-4-22 23:12 編輯

超對

呢啲肯收兩歲小孩既學校同老師，只是向錢看，沒其他。

作者: relay 時間: 12-4-30 02:47 標題: 引用：Quote:原帖由+birdbird+於+12-04-22+發表本

原帖由 jollyma 於 12-04-29 發表
超對
呢啲肯收兩歲小孩既學校同老師，只是向錢看，沒其他。

只想分享：我家小朋友7個月上親子游泳班(12月出生）第2年夏季再去親子游泳班，之後1對1教，冬天1堂、夏天2堂，年中無休！K2已學3式，K3學已會蝶泳！現可直出浮台（因想佢強壯D）但無參賽，現在無學了

作者: relay 時間: 12-4-30 02:50 標題: 回覆：relay 的帖子

只要有愛心教練，同小朋友有興趣，其實2歲都可以學游水

作者: manmanchubb 時間: 12-5-1 01:56

本帖最後由 manmanchubb 於 12-5-1 01:57 編輯

我自己就因為純粹想小朋友氣管好 d ,同時可以發洩梗 d 精力,
所以都安排左兩個月前開始比佢學游水,
囝囝大概幾個月大起到上年暑假都間中有落水/沙灘的.
而家 2歲3個月,好老實,兩歲人仔只係比佢學下浮,踢下水同唔怕水,
亦稱唔上叫學游水,玩水區多,
不過睇住小朋友玩水真係好開心

囝囝都有幸跟到個有愛心既教練,所以一報再報報到10月,
到近冬天時先再考慮今年冬天學唔學啦~
(ps, 囝囝原本氣管並唔係咁好,游水真係有幫助的)

作者: SuperJunior2 時間: 12-5-12 00:07

提示: 作者被禁止或刪除內容自動屏蔽

作者: 閒人一名 時間: 12-5-18 11:10

如果爸爸媽媽一齊同小朋友去玩下水會好過參加泳班, 又可以增進感情...not bad

作者: danielboy 時間: 12-5-18 14:11 標題: 回覆：2歲可以學游水嗎？

我覺得2歲玩下水訓練佢唔怕水甚至浸頭仔落水學蔽氣都等，但要真係游嘅起碼3歲，我仔都係咁。

歡迎光臨教育王國 (/)