教育王國
標題: 有關學鋼琴問題 [打印本頁]
作者: Shum123 時間: 12-4-20 00:11 標題: 有關學鋼琴問題
小兒上年9月老師話得到一級程度(約5歲)，今天問她幾時考ニ級，她說要等今年七八月出歌譜，下年才可報，但聽聞學鋼琴是平均一年升一級，為何她上年9月至現在沒有為她練歌呢？而要2年升一級呢？是否呃錢拖長來教呢？這個老師有否問題呢？還是我收錯料，每升一級需時兩年呢？請各位多多指教。
作者: marcuscyrus 時間: 12-4-20 11:16
Shum123 發表於 12-4-20 00:11 
小兒上年9月老師話得到一級程度(約5歲)，今天問她幾時考ニ級，她說要等今年七八月出歌譜，下年才可報，但聽 ...
學琴進度因人而異，過到考試也不等於有該級水準，今年皇家術科考試的報名而截止
孩子才5歲，正常老師都未必會考慮讓這麼年幼的孩子去考試，多數只是家長提出
以往有跟老師提出過嗎?
作者: Shum123 時間: 12-4-20 13:23
有呀！上年9月她話己達一級水準時己說過，問題是以為這幾個月所教的是根據考試範圍而教，原來唔係，咁教法咪幾年都唔駛升級，點解有人可一年升一級呢？我相信是老師針對性教考試的範圍。各位家長的老師是怎樣教的呢？
作者: marcuscyrus 時間: 12-4-20 13:29
Shum123 發表於 12-4-20 13:23
有呀！上年9月她話己達一級水準時己說過，問題是以為這幾個月所教的是根據考試範圍而教，原來唔係，咁教法 ...
不考級也不=沒有該級的水準哦
繼續學，可能下次考試時一考考3級呢?
我教仔，基本功為主，覺得想考試時就看看他能應付哪個級別的要求
並不會"只"根據考試範圍教的哦
而自己的其他學生也多數用呢個approach，除非一黎上堂時自己已經報了考試
作者: w_y 時間: 12-4-20 14:11
對, 不考級也不代表沒有該級的水準.
由我女第一天學琴我已同老師講明, 無乜事唔去考級, 只練歌, 一年只去一次校際, 年年報高一級. 直到三月尾才練了一首3 級考試歌俾老師睇下佢夠唔夠料, 老師話無乜問題, 我地反而決定SKIP 埋3 級, 下年一次過考4 級, 少考少煩惱.
作者: xanax1mg 時間: 12-4-20 14:37
年年考試會唔會專注左係D考試歌度呢?!
我囡都係5歲, 彈緊3級既歌仔, 我仲未有比佢去考試既打算, 我情願佢彈多D歌仔, 等佢自己想考級先考.
作者: lillymarie 時間: 12-4-20 15:43
我細囝的老師每一級都有一定數目的樂曲和練習曲，加埋大約40﹣60首。裏頭包括了考試曲目，學完哂之後就可以去考試。老師係要我細囝每一級都考的，但唔係年年考，而係學完所有歌就去考。
不過，細囝老師教小提琴教咗近三十年，個套教材係佢自己精心設計的呀！
作者: 哈比 時間: 12-4-20 17:38
首先, 我覺得即使考咗一級或二級, 又如何!
同埋, 咁多問題, 點解唔直接問老師?
我有一朋友, 佢囡囡由K3開始學琴, 現在小二,
由一開始學琴, 佢媽咪要求明年(小一)考二級琴,
半年後, 媽咪以為可以考二級, 再問老師幾時考得,
老師告訴媽咪, 囡囡仲未適合去考試, 個媽咪大發雷庭, 又係話老師呃錢拖時間, 同樣周圍問人, 點解? 點解?
點解學咗兩年仲未考得? 點解佢表妹學得短時間巳可考二級....最終, 媽咪一定要老師比佢個囡考, 老師老實不客氣, 因為佢囡囡根本都冇練琴, 唔識睇諳,
每星期只有上堂, 回家跟本冇練琴, 我朋友好嬲好嬲, 跟住.....專咗老師...
作者: lillymarie 時間: 12-4-20 17:51
哈比 發表於 12-4-20 17:38 
首先, 我覺得即使考咗一級或二級, 又如何!
同埋, 咁多問題, 點解唔直接問老師?
作者: 哈比 時間: 12-4-20 19:12
上年共轉咗兩個老師, 今個月尾考二級!
作者: 哈比 時間: 12-4-20 19:13
上年共轉咗兩個老師, 今個月尾考二級!
作者: bebebe12345 時間: 12-4-21 12:26
哈比 發表於 12-4-20 17:38
每星期只有上堂, 回家跟本冇練琴
作者: whitesky 時間: 12-4-27 13:42
回復 lillymarie 的帖子
Hi Lillymarie,
Could you tell me your reference of your child's violin teacher? I hope to find an experienced teacher for my child. Thank you.
Whitesky
作者: lillymarie 時間: 12-4-27 13:51
whitesky 發表於 12-4-27 13:42
回復 lillymarie 的帖子
Hi Lillymarie,
作者: yipcharie 時間: 12-4-27 17:32
鋼琴一年一級,咁初級+ 1級係咪都當1年完成呢?
作者: ClaraC 時間: 12-4-28 00:03
我有個學生~未跟我時學左1年就準備考二級
但我要佢由初級學起，但俾二級價錢
打好個底重要過升級!
作者: ahyaha 時間: 12-4-30 20:56
提示: 作者被禁止或刪除 內容自動屏蔽
作者: ClaraC 時間: 12-4-30 21:39 標題: 引用：Quote:ClaraC+發表於+12-4-28+00:03+我有個
原帖由 ahyaha 於 12-04-30 發表
基本上9成學生轉過黎跟我學, 都係學左幾個月準備考二級三級,
但完全唔識睇譜數拍子....真係好得人驚... ...
有d 老師寫哂d letter name上去，
小朋友就睇住letter name 彈。
以為小朋友細，大d會自己識，
所以就成年都係咁=.=
作者: ahyaha 時間: 12-4-30 21:46
提示: 作者被禁止或刪除 內容自動屏蔽
作者: ClaraC 時間: 12-4-30 21:50 標題: 引用：Quote:ClaraC+發表於+12-4-30+21:39+彈歌仔
原帖由 ahyaha 於 12-04-30 發表
係............... 有d 咁樣學下學下就去到5級.... 考完5級都唔識睇譜 :p 我細個老師就係咁 .............. ...
btw，我有興趣想知你跟演藝老師的事，可以pm 談嗎？
作者: bebebe12345 時間: 12-5-1 14:28
回復 yipcharie 的帖子
通常不會一年一級。
作者: Na‧Na 時間: 12-5-6 02:39 標題: 回覆：有關學鋼琴問題
學琴嘅嘢因人而異，正如好多人話齋考咗又如何？不過每個人都有不同原因去考試，撫心自問你個原因係咩？如果係為證書都不妨同老師直言，鋼琴二，三級死谷都有機會考到合格，甚至merit都有可能。不過考完出嚟小朋友可能唔識數拍子，認音，可能只識彈三首考試歌。如果咁樣都唔介意嘅，又不妨同老師講，請老師幫手谷一谷。但可以話你知，咁谷住考二，三級，考完有排打返好個底，下一次可以再考就要浸多幾年。只要知道結果覺得無問題，go ahead!
作者: mw7183 時間: 12-5-6 22:44
請問點知佢掂唔掂?
作者: ClaraC 時間: 12-5-6 22:59
mw7183 發表於 12-5-6 22:44
請問點知佢掂唔掂?
你可以睇下同老師教既是否一樣
唔同既可以問下老師，睇下佢點答你!
如果老師無教姿勢手型就知點做啦!
認音拍子既野~家長唔識睇音同拍子真係無咩辦法
你試下俾首新歌小朋友(同佢彈緊的程度相若)
佢彈到幾個音俾你聽的~最少知道佢睇譜OK...
有D小朋友俾「老師」教壞左...一定要寫哂音名先肯彈，咁就唔得喇!
仲有~如果連你自己都覺得小朋友彈琴有問題
老師話大大下就無問題
咁你都要小心...
正如小朋友唔識abc, 難道大大下就會識嗎？
打好個底好重要!!!
作者: mw7183 時間: 12-5-11 22:21
回復 ClaraC 的帖子
咁佢一開始有教佢姿勢,有鬧佢.我都有比新歌佢試彈.佢都彈到下.
作者: ClaraC 時間: 12-5-11 23:07 標題: 回覆：mw7183 的帖子
就咁睇應該ok
但姿勢教過之後平時有無執？
很少學生平時上堂可以唔使理姿勢
作者: artist66 時間: 12-5-13 02:25
家長們:多D同老師溝通啦，一些家長不喜歡考試、一些家長成日想考試(有D重要報高D)。其實2年考一次幾好，定期比目標學生，又唔會忽略其他曲目。老師多數唔會拖時間呃錢，高一級不是學費更高嗎?每個人能力性格都不一樣，同齡也不可作比較。同意老師質素有高低，同老師溝通下，你大概都感受到D功力掛
建議聽人介紹，唔好以學費平為先。
作者: bebebe12345 時間: 12-5-14 13:50
很高興聽到"功力"這二個字!
最難明白的也就是這二個字!
或許知多D要求就會高D,上得越高越明白知得太少!
作者: bswong 時間: 12-5-14 18:33 標題: Shum123 的帖子
市面上太多唔健康既學琴風氣，而這些風氣大多係d家長造成。本人有一真實例子：話說我大囡在k3時候有某同學仔媽咪榮耀自己囡囡考獲2級(原來用咗年半時間每星期3堂只操考試歌)，短時間睇你會見到有成績，但大家一估吓宜家過了3年已經小三了，結果佢囡囡基礎打得差，只將d歌背晒入腦，根本唔識數拍子和睇譜到3級停了無学，而我囡囡今年考4級，我只係想講今慾速不達，打好基礎最重要，健康學習先可以走長遠既路。
作者: bebebe12345 時間: 12-5-14 19:46
本帖最後由 bebebe12345 於 12-5-14 20:06 編輯
基礎是十年、廿年或以上的事,重要的是均衡。中間那段灰色地帶足夠我們費盡心思去安排....去追尋!老 師、家長、孩子的配合,缺一不可。
作者: minab 時間: 12-5-15 10:02
若果學鋼琴或其他樂器、音樂是為了考琴，我認為，孩子會學得不快樂也吸收不了任何音樂知識、鋼琴知識。 試想想，以ABRSM 為例，3首pieces , scale, sight reading, aural 4部份，是否能完全肯定孩子的能力呢?
作為一個鋼琴老師，我認為孩子當然要考級，但是同時間，也要學多一些其他的樂曲，才能充實「音樂旅程」。
此外，以我為例，我不會讓學生每級考試，若不是家長要求通常不會「級級上」，一來孩子會討厭這種考試學琴模式，二來只是浪費金錢，三來孩子吸收到的技巧、知識很有限。
又以我其中兩個學生為例，一個是中途跟我學琴，一個是最初就跟我學琴，都是要考五級鋼琴的，前者已考了1、3級，但她對自己所彈的樂曲一無所知，如: 時期、風格、彈奏方法等，但她能準確彈對所有音，可是音樂講求的氣氛、感情、句子呢? 後者第一次考級，卻能充分表達樂曲。我問前者: 「你彈多久了這三首考試歌? 」他答:「4個月左右。」我再問:「你現在有沒有彈其他歌呢?」他答:「沒有。」
其實如果孩子只彈考試歌，反而使他的眼界縮小。所以，我認為，鋼琴沒有很明確的級數分明，老師 不為 學生專注練考試歌可令學生學到更多，增加趣味，也是為了打好基礎，為未來鋪路。
另外，我再多口說一句，日後，當孩子長大自己回憶學琴生涯，「是否只有考試歌呢?」若是，他到底學了什麼呢?
作者: chole媽媽 時間: 12-5-15 11:04
我都想分享下自己的經歷:我個小朋友由2.5歲開始學琴,今年小一先開始考二級,但我從來無懷疑個老師,因為我覺得只應付考試並不難,最重要佢掌唔掌握到個技巧,彈來彈去都係個幾首考試歌,反而令佢有D煩悶.
作者: yipcharie 時間: 12-5-21 01:21
平時,我叫我囡彈一首歌(程度—樣)比我聽,她只彈了幾個音,之後就說老師仲未教、好難、唔識彈,但當老師教左,當晚叫佢彈,佢又好怏上手!係咪小朋友對音樂無興趣?
| 歡迎光臨 教育王國 (/) |
Powered by Discuz! X1.5 |