教育王國

標題: 請問你地當初點發現小朋友有問題? [打印本頁]

作者: cody2Amama 時間: 12-4-18 23:15 標題: 請問你地當初點發現小朋友有問題?

係唔係由言語遲緩開始?
因為我唔敢肯定阿仔係唔係有問題, 佢兩歲幾, 未識講野只有小量單字, 我應該做言語治療評估定自閉症評估? 請幫忙

作者: Torres 時間: 12-4-19 00:26

孩子已16個月，但仍未能說單字。
孩子重複別人的講話(詞語或單句)即鸚鵡式說話，或沒有原因地不斷重複某人單字或句子。
孩子缺乏目光接觸。
孩子對自己的名字沒反應，家人在身後呼喚他的名字，他也沒有回頭。
孩子已12個月，但仍不懂以手勢指向自己需要或有興趣的物件。
孩子沒有興趣興同齡的小朋友玩耍。
孩子興趣狹窄，只重覆玩同一類的玩具。
孩子有重覆性的動作，如自轉。

以上我仔仔當時中了9成

作者: sally722 時間: 12-4-19 09:43

回復 cody2Amama 的帖子

由健康院測試已經時常不達標,發展慢,與實際年紀不符,之后轉介兒童Ｅ院做評估

作者: cody2Amama 時間: 12-4-19 23:09

回復 Torres 的帖子

我仔仔中了以下幾項:

孩子16個月時仍未能說單字。
孩子只有單字, 沒有句子。
孩子缺乏目光接觸。(不夠多)
孩子興趣狹窄，只重覆玩同一類的玩具。(只玩波波和車車)
孩子有重覆性的動作，如自轉。

作者: cody2Amama 時間: 12-4-19 23:12

回復 sally722 的帖子

仔仔而家27個月, 健康院轉介了做評估, 但評估也要排9個月, 到時仔仔已經三歲,會否太遲?

作者: Torres 時間: 12-4-20 00:34

我在1歲8個月發現, 去了step 做自閉証評估, 心理學家可以寫信去排政府位, 之後等了6個月才等到CAC評估! 當然去私人評估會快D, 仲重要係比適當既訓練小朋友, 要珍惜時間啊!

作者: kaka1128 時間: 12-4-28 23:57

亞囝2歲冇乜語言, 唔會望人, 叫佢N次都唔會比到反應.
有次睇醫生, 醫生就話擔心佢自閉, 但我冇理會.
之後返協康PLAYGROUP, 問過導師佢係未自閉, 導師話, 佢既行為好似, 但仲細個, 好難確定.
到3歲, 本身諗住報暑期班, 但比果間中心既導師建議我帶佢做評估, 當時先醒覺, 原來呢D行為唔會大大下冇既.
跟手去健康院, 起初姑娘話佢冇乜問題, 打發我走, 結果, 佢過左Office hours call 我返去幫我個囝做檢查, 原因係, 我個囝有d中, 所以安排我見醫生, 醫生再安排我去見cac做評估, 結果係自閉徵狀, 排緊e位

作者: YingYin 時間: 12-4-29 22:40

E位預算要排2年,如3歲排要5歲才有服務

所以我提議大家找私家評估,唔好等CAC,我東九龍個間等了9個月...條隊只會越來越長

作者: momotang 時間: 12-5-17 18:32

      孩子已16個月，但仍未能說單字。
      孩子重複別人的講話(詞語或單句)即鸚鵡式說話，或沒有原因地不斷重  複某人單字或句子。<-- 28個月大只重覆到單字.
      孩子缺乏目光接觸。<--- 唔係無,唔夠多.
      孩子已12個月，但仍不懂以手勢指向自己需要或有興趣的物件。 <--- 到18個月先識少少
      孩子沒有興趣興同齡的小朋友玩耍。 <--- 佢鍾意大過自己的小朋友 (小學生)
      孩子興趣狹窄，只重覆玩同一類的玩具。 <---  所有有碌的車,火車,飛機
      孩子有重覆性的動作，如自轉。 <--- 鍾意執野,將啲玩具排隊

我小朋友啱啱做完政府評估,得出懷疑有自閉傾向,年半後要返去覆檢. 我好希望佢只係內向...

作者: pyalisa 時間: 12-5-18 07:44 標題: 回覆：請問你地當初點發現小朋友有問題?

Monotong 你的意思係CCAC 乜位都無比你。乜都無轉介？
CCAC 佢有無話佢語言delay?

你會唔會至少去下協康參加下d 平平社交班，又或者見下speech therapist 唔睇自閉都睇下d語言先？

作者: HopeLJ 時間: 12-5-18 09:07 標題: 回覆：請問你地當初點發現小朋友有問題?

點都要醫生俾你排e 位先，我咁建議係你小朋友都差唔多 3 歲，第日轉隊如 s 或 I 位係攞番同一個位置，你唔洗係隊尾，等唔到 service 就要上小學。之後唔需要，係可以 cancel 排隊。

作者: ppmommy 時間: 12-5-23 10:18

回復 momotang 的帖子

我個仔同你差吾多，會講嘢，不個重覆別人講嘢多，隨非有時想要一些嘢事時會講要嘅物件名，但好少全句溝通。

喺學校吾鐘意跟instructions, 鐘意就跟，吾鐘意就行開。

會同玩得熟嘅朋友仔玩，較小主動。

喜愛玩車

佢而家2歳半，呢個禮拜會去做assessment, 希望係小事。好擔心。

作者: momotang 時間: 12-5-24 17:44

pyalisa 發表於 12-5-18 07:44
Monotong 你的意思係CCAC 乜位都無比你。乜都無轉介？
CCAC 佢有無話佢語言delay?

依家排緊e位,語言方面,兒科醫生話佢一定會講野,現階段佢只係唔想講,只要攪清楚社交問題,語言就會改善到. 佢語言評得1歲頭咋,delay咗年幾呀!

但我見佢張list度,下次做評估只係click咗見兒科醫生同醫務社工.

邊度可以睇到有咩平平地的社交班上呀? 我想知呀. 我負擔唔到再上私人治療堂喇.

作者: pyalisa 時間: 12-5-24 18:12 標題: 回覆：請問你地當初點發現小朋友有問題?

協康健樂會，心橋，東華三院。

歡迎光臨教育王國 (/)