教育王國
標題: 囡囡好倦, 係咪太多課外活動呢? [打印本頁]
作者: Chowying 時間: 12-4-18 19:42 標題: 囡囡好倦, 係咪太多課外活動呢?
小囡P. 1 , 今季加多3樣.
星期五 ~ 4 :30 - 5: 00 鋼琴 (樓下距離屋企5 min 路程) 3月開始 新加
星期六 ~ 7 : 30 - 8 : 30 游水 同 grammar 同一地方學, 新加
9 : 15 - 10 : 45 grammar 新加
11 : 30 - 1 : 00 British council English 油麻地
3 : 30 - 4 : 15 Ballet
星期日 ~ 9 : 30 - 10 : 45 攀石
2 : 30 - 3 : 15 Ballet
我發覺鋼琴要認真練習, 一星期大約 3 - 4 日練半小時.
咁問過囡囡, 佢話樣樣都鐘意, 唔 想cut. e+ 可以搬時間既有:
A. 游水可搬至 星期一 5 : 15 - 6 : 15 (要 $150 but 平日一班可能少D人)
B. Ballet 星期六堂可改至 星期四 4 : 15 - 5 : 00 (唔洗錢 but 老師唔同 and 隋時可改回原來時間)
C. 唔變
囡囡自細有上playgroup, 英文對佢來講好輕巧, 因為佢讀中文津小, 想比佢keep 下D音.
我諗左好耐, 唔知點好, 請大家比下意見啦! Thank you.
作者: babybear 時間: 12-4-18 20:35
本帖最後由 babybear 於 12-4-18 20:41 編輯
一星期返足五日學，星期六同日重要學嘢？係兩日都要而唔係只學一日！
咁佢一星期七日都好唔得閒！一日真正休息日都冇
可以的話，將星期六、日嘅活動combine成一日進行，謄出一整日真嘅day off 比佢，做family day 又好，比佢自由活動都好，可能冇咁攰！
作者: Yanamami 時間: 12-4-18 20:59
Sat４樣野~~~點會唔累呢?
作者: marcuscyrus 時間: 12-4-18 21:18
星期六踩4場仲要有一樣係體力消耗，應該真係好累
ballet一定要跳兩日?
攀石同游水都是運動，我覺得可以兩者選一，除非小朋友是運動型
作者: panala 時間: 12-4-18 21:27
俾我齋睇都覺得星期六好攰， 同埋我覺得唔駛一日上兩堂英文， 2選1啦， 何況你又覺得佢英文OK
作者: vickylyy 時間: 12-4-18 21:54
本帖最後由 vickylyy 於 12-4-18 21:56 編輯
真係好攰喎,最好一天全休息,同佢去公園,郊外玩下,這樣的童年才不枉過!!
仲有成世人,知識有排佢學,但係快樂的童年生活只得幾年!!
作者: csy_ma 時間: 12-4-18 22:38
假如係小一，俾小朋友多接觸不同既課外活動，等佢搵出自己既興趣，都無可厚非。
不過，咁細個唔駛用咁多時間學芭蕾舞？
響舞蹈中，我唔贊成細個開始多學芭蕾同拉丁舞，兩者多跳都有可能影響腳部發育。拉丁係因為成日要著有踭鞋，雖然舞鞋已特別加軟，但如要應付比賽成日練就可能會有影響。芭蕾佔半堂都係基訓動作，冇錯技巧係日子有功先練到，但係……您可以上網查一下，朋友話好似已有研究顯示芭蕾影響足部發育。我囡細時冇學，所以我冇去查，但囡囡既舞蹈老師係跳芭蕾出身既，佢而家對腳要成日去拮針，醫生話佢已用盡咗對腳肌肉既限額，要好小心保護……（不過呢個係專業舞者既通病，咁細個唔駛咁擔心）
芭蕾舞其實係有好多跳各種舞既共通技巧，不過可能大少少學會對腳部更好？我囡而家小六，佢學開芭蕾爵士同現代舞，教爵士既老師都特別撥時間教佢地學芭蕾基礎動作，佢話都會叫成人班既學員去學芭蕾，咁會更易掌握某d技巧。不過，除非您想早早為囡囡鋪下舞者路，否則咁細個唔駛一個星期學兩堂？
另外，響中文小學要英文好，關鍵係及早養成佢睇英文書既習慣。英文文法靠死記，效率不佳。我囡自小四小五（太遲了，早d仲好）真正有睇英文字書既習慣後，考試好少低過9x。口語keep住練習係好，但係British Council既人數比例好似幾多？每堂每個小朋友可以練幾多呢？
我建議不如留多d時間佢睇書同睇英文影碟好過？或者響屋企附近上英文拼音唱遊班，較初小就學抽象既文法事半功倍得多？
仲有，學琴仲要每日練，呢個時間都要計埋……
作者: 孺子牛 時間: 12-4-18 22:39
You answer your own question already.
作者: lee_lamlam 時間: 12-4-18 22:47
提示: 作者被禁止或刪除 內容自動屏蔽
作者: csy_ma 時間: 12-4-18 22:57
係勒，我囡都係從小就參加咗好多樣課外活動既，佢前年cut咗琴同國畫書法，都仲有：畫畫，小演員，爵士舞（2-3小時不定)，現代舞，英文朗誦，英文作文（小五先加既）等……周六日都要花來回兩個鐘既車程上跳舞（周六既爵士舞佢由5歲學開，老師唔只教舞，仲教做人，唔會停；周日既現代舞係獎學金班，唔可以調時間）。再加上佢學校一周有兩堂課後補課，佢既時間就好緊。結果係－－
佢會好易發燒同病，因為同學校距離遠，平日六點幾要起床，周六周日都未能好好休息，所以每一兩個月就發燒或病一次……有時候，有得必有失，確係需要有所取捨……
作者: kochiman2004 時間: 12-4-19 06:39
回復 Chowying 的帖子
Seems too much lor ... how about free up Sunday to let her/him rest ...
作者: mokchingyin0910 時間: 12-4-19 08:35 標題: 回覆：囡囡好倦, 係咪太多課外活動呢?
星期六太busy,七時半就去游水？早上?比佢訓下好過！
作者: letea 時間: 12-4-19 08:58
太太太攰，對小朋友既健康唔好。
或者咁呀，你問下個小朋友，了解下佢其實邊樣唔想學，將活動減至三四項拉
作者: kit_mama 時間: 12-4-19 09:12
好多啊, 我就星期日一定係休息日
作者: Chowying 時間: 12-4-19 09:49
回復 babybear 的帖子
多謝意見, 我諗緊點做. 因為爸爸返星期一至六全日, 星期日大部分返半日, 我地根本無family day. 有時見個囡好悶, 星期六, 日得我同佢兩個人, 因為囡囡無兄弟姊妹, 堂兄弟姊妹, 或表兄弟姐妹, 所以想佢多D 同其他小朋友一齊玩, But 今次睇黎報多左.
作者: Chowying 時間: 12-4-19 09:53
Yanamami 發表於 12-4-18 20:59 
Sat４樣野~~~點會唔累呢?
報果陣都有諗過, 但唔想安排係平日, e+睇黎唔掂, 我會再安排過. 多謝意見.
作者: Chowying 時間: 12-4-19 10:12
回復 marcuscyrus 的帖子
Ballet 因為要考試, 所以一定要跳2日, 唔係話考試好緊要, 因為我自己都有跳, 所以行內既事我知得好清楚, 唔考試既話, 個老師再好都唔會多執你動作, 隻腳歪小小唔執, 拍子爭d唔話你, 唔好以為係細眉細眼既野, 一年唔考唔多覺, 兩年唔考問題會慢慢浮現, 再學上去會好辛苦(唔係話要跳得好好). 你講得好啱, 睇黎攀石同游水要二選一, 我太貪心喇, 多謝意見.
作者: vnghk0001 時間: 12-4-19 10:12
其實游完水會好tired架，仲點會有精神學野？
作者: alice44 時間: 12-4-19 10:23
見到個行程表都已經頭暈, 真正落場嗰個點會唔累呀!
作者: Chowying 時間: 12-4-19 10:46
panala 發表於 12-4-18 21:27
俾我齋睇都覺得星期六好攰， 同埋我覺得唔駛一日上兩堂英文， 2選1啦， 何況你又覺得佢英文OK ...
多謝意見. 係呀, 我都覺星期六安排唔好, 因為唔想平日上, 所以 pack 成咁.
至於英文, 我覺得有d麻煩, 本來我當 BC 英文班係大 playgroup 咁, 主要去聽多d, 講我知係應該唔多, 當keep吓. 小學課程唔難, 阿囡應該識 side, 但最近發覺學校係功課同小測越出越深, 好多要 answer in complete sentences, 佢地課程根本無教到, 要答 complete sentences 涉及好多 grammar 問題, 又賴低比我自己去教, 所以就報左個 grammar course. 我覺得英文實際聽講好緊要, 而grammar 或 grammar + writing 既班唔多講英文或用中文教令我好難決擇, 呢2堂英文唔知踢走邊堂好, 請問有無2合1介紹呢? Thank you.
作者: Chowying 時間: 12-4-19 11:01
vickylyy 發表於 12-4-18 21:54
真係好攰喎,最好一天全休息,同佢去公園,郊外玩下,這樣的童年才不枉過!!
仲有成世人,知識有排佢學,但係快樂 的童年生活只得幾年!!
多謝意見. 我有時見放假都係 hea 係屋企, 阿囡好悶, 因為囡囡無兄弟姊妹, 堂兄弟姊妹, 或表兄弟姐妹, 爸爸多數星期日/假期都要返工, but e+ 睇黎 hea 有 hea 好, 同埋琴真係要練.
作者: munce 時間: 12-4-19 11:53
my girl also P1 now.
schedule as follows:
Mon - piano
Wed - ballet
Sat - ballet, choir, drawing
Sun - 主日學
now she wants to try girls scout on Sat, and she suggests to quit ballet, what do you mommies think? thanks
作者: Chowying 時間: 12-4-19 12:11
本帖最後由 Chowying 於 12-4-19 13:09 編輯
回復 csy_ma 的帖子
首先, 多謝你既意見.
關於芭蕾舞上2堂, 因為要考試, 所以一定要跳2日, 唔係話考試好緊要, 因為我自己都有跳, 所以行內既事我知得好清楚, 唔考試既話, 個老師
再好都唔會多執你動作, 隻腳歪小小唔執, 拍子爭d唔話你, 唔好以為係細眉細眼既野, 一年唔考唔多覺, 兩年唔考問題會慢慢浮現, 再學上去會好辛苦(唔係話要跳得好好).
如果你講既係某大學校教芭蕾爵士既XXX院士, 咁我同佢可算係同校師姐妹(芭蕾舞), 都有一齊上個堂嫁, HAHAHA. 對於脚部問題, 我是知道的, 多謝關心, 我明白~理論上只要老師正確教導, 係唔會有發育上既問題, 不過係理論上囉, 我都好清楚. 學跳舞或其他野, 我都唔係想佢成為專業, 純粹想佢認真學就OK (但個囡點諗唔知).
至於英文, 我覺得有d麻煩, 本來我當 BC 英文班係大 playgroup 咁, 主要去聽多d, 講我知係應該唔多, 當keep吓. 6歲前有去開某間唔錯, 但6歲後冇班, 同埋我發覺坊間6歲後多數係操練班, 我唔想揀呢D. 我覺得英文實際聽講好緊要, BC 油麻地 centre 近屋企, 同埋一時間唔知去邊間好. 囡囡3歲升讀K1時, 試過停1季playgroup, 嘩! D 音即刻走side 樣.
其實囡囡一早就養成睇英文書既習慣, 平日係屋企佢日日 nickelodeon, 但最近發覺學校係功課同小測越出越深, 好多要 answer in complete sentences, 佢地課程
根本無教到, 要答 complete sentences 涉及好多 grammar 問題, 又賴低比我自己去教, 我好唔滿意學校呢樣野, 咁樣就算識睇書都學唔到要對應問題既 grammar, 我以為簡單D, 報個 grammar course 解决. 所以, 我好苦惱, e+咁既情況, 究竟唔要邊班好? Thank you.
作者: Chowying 時間: 12-4-19 12:19
lee_lamlam 發表於 12-4-18 22:47
不如cut左9 : 30 - 10 : 45 攀石佢啦
玩得唔耐，而且又要早起身
多謝意見. 睇黎下一季都要啦, 攀石要讓路比游水, 等冬天再攀過.
作者: Chowying 時間: 12-4-19 12:43
mokchingyin0910 發表於 12-4-19 08:35
星期六太busy,七時半就去游水？早上?比佢訓下好過！
多謝意見. 啱啱上星期六上左第1堂, 真係好早. 平時因為唔返學佢都一樣咁早起身, 又見天氣開始暖, 咁咪同佢報游水, 不過, 呢幾日囡囡真係好攰, 我諗我會將游水搬去星期一放學後.
作者: Chowying 時間: 12-4-19 12:46
回復 letea 的帖子
多謝意見. 我問囡囡 cut邊樣好呢, 囡囡答：「cut 無樣」, 有D激c 
作者: Chowying 時間: 12-4-19 12:56
vnghk0001 發表於 12-4-19 10:12
其實游完水會好tired架，仲點會有精神學野？
多謝意見. 請問你覺得搬去星期一放學校後 OK嗎? 我其實只想佢學"識"游水, 唔洗叻, 大吉利是掉落水唔會即刻瓜, 有d時間比人救, 我怕太大學會怕水, 我就因為咁冇學識到.
作者: miffy 時間: 12-4-19 13:22
提示: 作者被禁止或刪除 內容自動屏蔽
作者: kochiman2004 時間: 12-4-19 13:47
It's very important to balance in learning and resting, 星期日一定係休息日 or family gathering day or playing day .... 
作者: Yanamami 時間: 12-4-19 14:05
本帖最後由 Yanamami 於 12-4-19 14:13 編輯
Chowying 發表於 12-4-19 12:56 
多謝意見. 請問你覺得搬去星期一放學校後 OK嗎? 我其實只想佢學"識"游水, 唔洗叻, 大吉利是掉落水唔會即刻 ...
若果你只係想佢學識游水而唔係比賽羅牌, 我建議暑假得閒d先學. 私鐘1:2(搵個朋友仔一齊), 每周2~3堂, 一個月唔洗應該識3式. 點解要2~3堂/week? 因教練話1堂/week, 每次要花半堂從溫上堂教過d動作, 進度慢又唔連貫. 所以1堂/week會學得無禁好. 考慮下.....學識後可keep住一個星期游一日當運動.
作者: vnghk0001 時間: 12-4-19 14:07
其實，如果係咁，不如暑假先學，除非你想佢有好標準嘅泳式，如果唔係話水性太差，一般都好快識，我以前都係參加學校游泳班，一個暑假已經學識自由式同蛙式啦。
至於話驚水，除非試過比水＂jum"親，如果唔係，一般都冇話驚水架，我都係中一暑假先學，同啲同學一齊學，不知幾開心。
作者: anna59 時間: 12-4-19 14:09
回復 Chowying 的帖子
嘩,獨生女中既獨生女呀! 連表,堂兄妹都冇;依家好多小朋友都系咁,唔怪得你比佢參加咁多活動啦!
可唔可以cut左 2,3樣,因為上到三年級佢玩開咁多野系好難cut,因為佢已經有主見喇
作者: babybear 時間: 12-4-19 14:15 標題: 引用：Quote:mokchingyin0910+發表於+12-4-19+08:
原帖由 Chowying 於 12-04-19 發表
多謝意見. 啱啱上星期六上左第1堂, 真係好早. 平時因為唔返學佢都一樣咁早起身, 又見天氣開始暖, 咁咪同佢 ...
如果比我揀，我會盡量將游水放係星期五或星期六。
作者: Hiu_Yau 時間: 12-4-19 14:31
游水真係好需要體力，你試下自己游一小時便知有幾辛苦。
星期六太多野學，冇精神之下學英文= 浪費錢同時間。如果游水改去星期一唔係咁好，佢又要做功課，又要溫書，第二日要返學仲要早起返學，跟本唔陪休息，仲有崖一星期。樣樣都係體能，冇可能唔倦。小朋友都會口不對心，你覺得佢樣樣都鐘意，可能佢怕你唔開始心先唔講，你再問下佢先幫佢安排啦~ 長遠可能太倦應響平時成績TIM~
作者: Koala_Chu 時間: 12-4-19 18:36
本帖最後由 Koala_Chu 於 12-4-19 18:38 編輯
游泳係全身帶氧運動,我覺得會比攀石好,所以我覺得可以cut攀石
會考慮請個外籍老師喺平日上門教英文嗎? 可以cut埋grammar同英國文化協會個course!!! 外籍老師可教grammar,phonics同會話
可以keep住彈琴同跳舞,亞女又冇咁辛苦
作者: csy_ma 時間: 12-4-19 19:04
Chowying 發表於 12-4-19 12:11
學跳舞或其他野, 我都唔係想佢成為專業, 純粹想佢認真學就OK (但個囡點諗唔知).
既然您唔想阿囡操水，咁游水不如1.先多帶佢去玩水，2.到暑假，搵個教練1對1/2咁教佢，就好快會學識。我囡兩樣都上過，單對單既教練執既姿勢標準好多，不過1對1，上果個鐘頭不停咁游，都咪話唔辛苦
；且冇上泳班，好明顯係少咗鬥心，鍾意學識游水後自由玩水既感覺多過想游快過人。
攀石可以訓練意志，都值得學。我囡初小時暑假都玩過，但係個子小，又唔鍾意咁挑戰自己……其實，趁學前同初小課業壓力冇咁重時，讓子女多接觸唔同既課外活動，都真係值得支持
。
不過，我囡暑期活動既經驗係：試過暑假一日趕幾場，實行玩盡佢，結果係大人細路都辛苦。過咗個暑假，假如佢參加既班一個人都唔識，咁就算上咗個幾月，可能都冇咩特別既感覺，可有可無
。但假如當中有合作活動，例如要分組去採訪做報告咁，之後就算冇同果班人再聯絡，但都係有比較深既回憶。而有朋友仔一齊學既活動，就最能夠維持得耐，到而家，佢視為最好既朋友，唔係同學，而係由細到大一齊學舞既朋友。
至於英文，我既角度係：初小階段，係口語同口音發展既重要形成期，呢樣野好似游水咁，學咗之後就算冇咩接觸，之後再遇就好快搵返出已有既感覺。不過，我覺得單係每星期一兩個鐘既playgroup係唔夠既，最好輔以大量影碟或者故事CD。
至於學校測考，我比較受以前班資深讀書派網友影響，認為只要有咗讀書習慣，基礎已奠，成績遲早追到。而家一時既唔適應，可能係智力年齡既問題，只要家長唔太心急，遲早都跨過，未必需要花時間去解決（有位讀書派既資深網友，而家用另一個名響呢度再次分享佢既經驗，雖然佢個囝明顯既天才，但佢既讀書法都好值得參考）。
係勒，通常響學前已形成讀英文書習慣既小朋友，慢慢就會抗拒睇中文書（中文書明顯冇咁吸引），所以，您既注意力可能還要平衡中英？
作者: Mighty 時間: 12-4-19 19:11
Hiu_Yau 發表於 12-4-19 09:31
游水真係好需要體力，你試下自己游一小時便知有幾辛苦。
星期六太多野學，冇精神之下學英文= 浪費錢同時間 ...
ＨＩＵ ＹＡＵ
我覚得你全中、好多時小朋友真係驚ＭＵＭ唔開心、才説様様不ＣＵＴ，同埋有小朋友習慣了様様都係ＭＵＭ安排了、被問「ＣＵＴ辺様」？ 有時真係費時想。 ６歳人仔、単看星期６的ＰＲＯＧＲＡＭＭＥ、誇張Ｄ講、差不多是ＣＨＩＬＤ ＡＢＵＳＥ （＾－＾）。
我個女学了３年ＢＡＬＬＥＴ，現在ＣＵＴ了。 因要上２堂、真係需要時間、如果不是認真学、無謂。 ＳＷＩＭＭＩＮＧ、我就賛成現在可以継続、大個才学、真係会難Ｄ，当然不是無可能。
作者: csy_ma 時間: 12-4-19 19:25
我囡都係獨生女，阿爸又需要返夜班，所以佢都好黏其他小朋友。不過，最好既方法可能唔係俾佢多上活動班（只係上活動班，一星期果一次未必建立到友誼），而係多D約佢既同學仔（無論係學校定活動班既）一齊出黎玩，或者課後一齊食吓tea咁。
我囡細個時都唔鍾意留響屋企，有得揀就要去同朋友仔一齊食飯，我地試過當搭檯咁同同學仔既公公婆婆一齊慶生……不過佢大咗，有咗閱讀習慣後好d，更好既係響居所附近識咗幾個差唔多年齡既朋友仔（都係唔同學校既），假日就好有動力盡快做完功課去搵朋友仔玩
作者: Mymaggie 時間: 12-4-19 20:24
回復 vickylyy 的帖子
好讚成，我囡今年六年級，至今好堅持星期日唔學嘢，只上主日學，有時會同老公帶阿女去郊外走走或在樓下運動場玩，有時則用來完成功課或溫習(呈分試好緊張呢!)，其實做人總要有休息時間，我也不想囡囡成長後回望童年沒有了我呢!
作者: Mymaggie 時間: 12-4-19 20:36
回復 csy_ma 的帖子
呱....唔講唔知學芭蕾舞影響發育，我囡囡在幼稚園時學過兩年，現在學緊中國舞，但她發現對腳的膝頭哥內則位置較大，不能把雙腳完全緊貼，有無得醫?又會唔會果兩年影響咗呢?
我囡囡都有由小一開始補英文，由於囡囡的性格(我知她是九型人格中的那格)，她要做一些習以為常的嘢，她才會做得較恆久，我又知我英文有限，所以由細開始補英文至今.......不過，都是補一個課程，平時都是睇新聞和睇小說和做練習來令她加強英文能力呢! 英國文化協會，我囡都在五年級上學期補過，她覺得好開心，但太淺，幫唔到她考呈分試，所以要向現實低頭，放棄。
作者: bellbellbear 時間: 12-4-19 21:04
我個女都係獨生女,佢學野都唔少,其中游水係佢做得比較好,游水好費力運動,我安排係星期五學,星期六可以比佢睡夠先,同日唔會安排用腦課程如中/英/數,攀石可以比佢暑假先玩,短期玩幾個月, Ballet如要發展卞去,要恆常練習先升到Grade, Grade愈高,每個星期投入時間愈多,英文可否安排上門one on one 學,效果會更好,又免卻舟車勞頓同時間,星期日要比休息,可以約同學仔去Disneyland, 公園踏單車,去沙灘游水,參觀博物館,睇戲,或參加一些親子班如整cake, bear bear熊,亦可做些義工如賣旗/探訪老人院,知識學習不限於課堂上,小孩眼界必比一天七日為上堂而上堂闊.
作者: 囝囝mama 時間: 12-4-20 00:02
回復 Chowying 的帖子
星期六第一樣就游水太疲倦啦!!留番星期日休息啦!!!星期六都有Ballet!!唔好玩攀石啦!!!游水可否安排最後!!
作者: letea 時間: 12-4-20 10:01
回復 Chowying 的帖子
咁就順佢意思拉，到佢真係頂唔順，自然會同你提出，而且你而家夾硬cut佢亦無謂
作者: Chowying 時間: 12-4-20 12:01
miffy 發表於 12-4-19 13:22
星期六日比佢訓晏d, 眼訓集中唔到精神, 比錢學黎都嘥晒
多謝意見. 因為唔返學囡囡都一樣咁早起身, 所以想報d野等佢無咁無聊, but e+ 要再安排過.
作者: Chowying 時間: 12-4-20 12:09
Yanamami 發表於 12-4-19 14:05
若果你只係想佢學識游水而唔係比賽羅牌, 我建議暑假得閒d先學. 私鐘1:2(搵個朋友仔一齊), 每周2~3堂, 一 ...
多謝意見. e+囡囡睇泥唔想去游水住, 我都諗緊暑假先再學, 唔好迫佢啦, but 唔知揾唔揾到朋友仔一齊夾
作者: csy_ma 時間: 12-4-20 12:33
Mymaggie 發表於 12-4-19 20:36
回復 csy_ma 的帖子
英國文化協會，我囡都在五年級上學期補過，她覺得好開心，但太淺，幫唔到她考呈分試，所以要向現實低頭，放棄。...
MyMaggie：
咁即係話：您囡現時是小五？
我囡幼稚園時也在學校學過兩年課餘芭蕾舞班，學前的興趣班，多半是訓練小朋友手腳協調，每周一次，大概不會造成很大的影響？我所指的，是學下去的話，因為芭蕾舞除延伸動作外，還有很多半空控腳既動作，到後來，更需以足尖支撐整個身體重量，腳部肌肉自然需要練得超強？那跟學體操的可能有點類似吧？不過，那都是練得多練得深才會有影響的吧？
至於膝頭哥內側位置較大，雙腳未能完全緊貼，那大概是天生多一點？我囡也訴說她雙腳很難完全貼地，所以爵士舞考試未能取得honour plus云云
我覺得體型很難要求完美吧？重要在學習態度？學舞有很多優點，但走專業路就真係……要等屋企養同埋好辛苦
如果係成長期藉拉筋動作令女孩子腳長得長一點，儀態好一點，樂於照鏡和有照鏡的自信，那學甚麼舞其實也沒所謂吧？
至於英文，我囡也分別試過跟NET 1對1、playgroup和小組上課（口語我很少考慮逾6人以上大班)。感覺上，一對一要看小朋友跟老師合不合得來？我囡還好，有好奇心，愛聊天，她上NET時是小一。之前在K2-K3時，已每星期上兩/三堂（忘了是兩定三堂）個半鐘的NET playgroup，所以不介意用英文跟人聊天。但試過在她同學仔家中等上NET既口語拼音課，看到同學仔不願答理老師，溝通意欲低，根本未能做到有效對話（假如同學仔媽咪在家，小朋友表現會好一點，但有時家長未放工，小朋友不肯答理老師），又造成惡性循環，老師對其的用心明顯亦遜於對我囡（雖然果位小朋友早幾個月跟果位NET上課）。不過，以我觀察，似乎係1對2/3比較好？因為小朋友會有跟風和愛熱鬧的心理。
至於英文補習，我囡未試過。之前看到囝囝爸同Eviepa既討論，試過公文英（自從位NET做咗媽咪後，就無以為繼，於是試吓），但捱唔到半年，因生字太多感壓力，老闆娘又要求要逐字查解釋，結果阿囡就唔肯上了
後來好彩搵到英文朗誦班，最初係以戲劇性既語言唸故事書，好好玩，後來要考試（英國既演藝試），改英詩朗誦，阿囡都鍾意。不過，呢d同成績既關係都唔大（可能因為讀邨校，佢英文成績一直ok，響8-9x分左右，不過因為我地除咗英文影碟就冇咩語境，所以都一直想keep住有口語或者聽講訓練），終於小五下學期要屈服現實：上純學術既英文作文班。
點解係作文班？我試過同阿囡做英文既prep練習，做完一次，過一段時間又做一次，再做，做咗3-4次，佢錯既地方都係差唔多，似乎好難入腦（可能係我解釋得唔好？自己都掌握唔到個規律，只叫佢死記，似乎唔係好方法）？所以，我真係唔係咁buy學文法，做卷，通常同小朋友小唔小心有關，但係都有熟唔熟悉既感覺。我囡唔係好小心既人，中文同數學之前都攞唔到9X，數學係唔小心多於唔識
，本來都認命。不過，佢英文既唔小心又真係少好多，所以有時都可能係信心問題？數學，我會長假同佢做百子格，加快佢計算既速度同準確性，但都唔係咁見效果（唔計分既小測會高分，但測考總係好難到9X）。至於英文，我之前都問過阿囡prep點記？佢話覺得邊個似就填邊個，咁似乎係有賴睇書所得既語感多d？作文反而係最有效同實際運用到已有語文知識既，多寫，亦需注意文法，咁可能更有效？
不過，我向來認為，同學畫畫一樣，作文不宜單對單，因為上小組至可以拓寬眼界，藉同齡同學既作文激發思維，呢個未必係高高在上既老師能夠做到既……
作者: Chowying 時間: 12-4-20 14:11
回復 csy_ma 的帖子
放心我只係自己跳, 無教, 唔會迫個囡去學(因為我阿媽就係迫我去學佢鐘意既野), 不過佢可能自細睇見我跳, 所以鐘意/唔介意去學.
你英文口試都好D呀, 起碼你會見到, 會知老師教成點, 芭蕾舞呢樣嘢, 就算唔閂門, 好多家長都未必知個老師教得啱唔啱, 好唔好.
唉! e+我囡最大問題真係識唔到同學仔, 唔係返學有問題, 係屋企咐近無, 無稍為熟D既. 有時唔係我地唔想群人地, 有點正常既, 都會打下招呼, 不過人地都學業忙. 囡囡搭校巴, 有幾個同班日日見, 大家都住同一屋苑, 但都熟唔到, 一開學, 同學A仔既家人就同其他人哂佢因為游水比賽得第四, 所以喊. 相比起我地呢d剩玩下水, 學識就得嫁喇, 我諗約佢去游水人地唔會so我地. 日日見既重有個同學B囡, 搭校巴既同班女仔, 得佢一個, 我個囡好似同佢都熟, 會講返學校發生既事比我聽, 不過, 佢D家人好恐怖, 日日都見, 佢阿媽0招呼0微笑, 就算佢個囡叫我個囡, 咁我都會搭幾句, 佢阿媽一樣全無反應, 至誇果次係喺去商場既 lift 入面, 我地又碰面, 佢個囡又叫我地, 係lift 入面走唔到又咁近but 佢阿媽一樣0反應. 我明明聽過佢同佢老公講廣東話, 所以我真係冇乜計. 另外有個同學C仔, 佢阿爺同我講, C仔重有哥哥同弟弟, 咁我隨便搭句 ~ 揍3個好辛苦喎. 點知人地即刻潤我 ~ 有請工人嫁嗎, 點會辛苦姐
. 唔係話我計較, 係咁既情況, 揾個同學仔一齊學游水, 應該無乜望.
哈哈! 英文既問題超大, 囡囡已經超鐘意英文, 中文超級差, 學校D中文又深, arm arm果次考試中文已經唔合格喇
琴晚叫左個囡排次序, 結果:
1. 鋼琴
2. 英文
3. 芭蕾舞
4. 攀石
5. 游水
咁應該 cut 游水喇, 暑假再學過.
真係好感謝你既意見.
作者: Chowying 時間: 12-4-20 14:22
回復 Mymaggie 的帖子
首先多謝你既意見.
膝頭哥內則既問題不用太擔心. 學壞腳最大機會係 ~ 姿勢本身唔啱, 肌肉未夠力, 做好多大跳躍動作, 令脚部歪住負重太多, 問題積左一定時間先會發生. 幼稚園班果d柴娃娃係唔會既.
作者: Chowying 時間: 12-4-20 14:42
回復 bellbellbear 的帖子
多謝意見. 因為硬係覺得英文要keep 吓, 其它興趣班真係無乜時間去. 如你所講, 英文可能要改上門, free番d時間比其他嘢. 游水琴晚囡囡排左係最後, 佢話D水凍喎(其實係暖水有28度), 咁最大可能要 cut游水, 暑假再學過. Thank you.
作者: 洋蔥頭媽咪 時間: 12-4-20 14:44 標題: 回覆：囡囡好倦, 係咪太多課外活動呢?
我覺得而家嘅小朋友有時都幾慘，我睇都覺得辛苦
而家心態好多時認為越學得多就越好，小朋友就越叻，學嘅野排到密一密，但我眼見其實有好多係周身刀但冇張利，可憐保貴童年就係勞勞碌碌o甘過！（不喜勿插）
作者: Chowying 時間: 12-4-20 14:55
洋蔥頭媽咪 發表於 12-4-20 14:44
我覺得而家嘅小朋友有時都幾慘，我睇都覺得辛苦
而家心態好多時認為越學得多就越好，小朋友就越叻，學嘅野排到密一密，但我眼見其實有好多係周身刀但冇張利，可憐保貴童年就係勞勞碌碌o甘過！（不喜勿插）..
多謝意見. 請勿介意, 我都覺自己貪心左, 好似難得排到個行程咪都學囉. 不過, 張刀利唔利我就無乜所謂.
作者: Chowying 時間: 12-4-20 14:58
回復 Hiu_Yau 的帖子
琴晚叫左個囡排次序, 結果:
1. 鋼琴
2. 英文
3. 芭蕾舞
4. 攀石
5. 游水
咁我諗游水要cut 喇, 遲d再學. Thank you. 多謝意見.
作者: Chowying 時間: 12-4-20 15:07
Koala_Chu 發表於 12-4-19 18:36
游泳係全身帶氧運動,我覺得會比攀石好,所以我覺得可以cut攀石
會考慮請個外籍老師喺平日上門教英文嗎? 可 以cut埋grammar同英國文化協會個course!!! 外籍老師可教grammar,phonics同會話
可以keep住彈琴同跳舞,亞女又冇咁辛苦...
多謝意見. 攀石係個囡5歲3個月果陣係day camp到玩過, 佢即刻話要再學, 但join course 要6歲, 佢就問我佢幾時夠6歲, 囡囡已經望穿秋水先等到學. 我諗英文都要改下上門, e+可能係cut游水.
作者: Itochu 時間: 12-4-20 16:54
回復 Chowying 的帖子
課外活動貴精不貴多，我會讓孩子選擇一動一靜，並持之而恆。
請問會安排那段時間溫習學校課本，或閱讀課外書呢？
去圖書館讓她自由自在選擇喜愛的讀物是很重要。
我親眼見過很多例子，初小五，六樣課外活動，到高小就只剩下一樣半樣。
作者: yipcharie 時間: 12-4-20 17:31
HI CHOWYING, 你女女HANDLE 到的話,佢真係好叻女, 因為升左小一有咁多餘時間學野直
另外,
我想問下你女女學British council English 學D咩COURSE? 同埋好唔好?
作者: naiviv 時間: 12-4-21 16:53
樓主,請問令千金在那裡學攀石?
作者: Chowying 時間: 12-4-21 19:12
yipcharie 發表於 12-4-20 17:31
HI CHOWYING, 你女女HANDLE 到的話,佢真係好叻女, 因為升左小一有咁多餘時間學野直
另外,
輕輕鬆鬆, 講吓故仔, 唱吓歌, 唔係D操練班, 即係復活節時就講吓復活節, 新年就講吓新年野, 唔洗死背字, 文法果D.
作者: formula0106 時間: 12-4-23 15:50
提示: 作者被禁止或刪除 內容自動屏蔽
作者: Chowying 時間: 12-4-23 17:28
formula0106 發表於 12-4-23 15:50
我同你一樣. 都想幫個仔CUT下D活動. 但自己諗來諗去都覺得樣樣重要.
其實返左全日制之後, D細路已經冇乜時間剩.
作者: Chrizy 時間: 12-4-26 00:04
Chowying 發表於 12-4-19 10:12
回復 marcuscyrus 的帖子
Ballet 因為要考試, 所以一定要跳2日, 唔係話考試好緊要, 因為我自己都有跳, 所 ...
作者: ssaang 時間: 12-5-3 12:33
Sorry to say, but if you try her schedule for a week, i believe that you won't like it at all.
其實, 空白的時間都有用, hea 吓. 學吓自處, 去公園, 圖書館.
而且,留番d時間訓覺, 身體都要休息及生長. 睡眠不足, 對身體無好處.阻住身高發展.
囝囝亦是獨生子,是樂天運動型, 不論男女老幼都玩一餐, 去到公園,遊樂埸自然識到朋友仔.
囝囝p2, 經過幼稚園及p1經驗後, 現況如下:
一 - 四: 除出學校要求的中文作文,田徑, 奧數外. 一日一樣(下一年, 學校唔叫就唔會join 外出d班)
五:校外英文班
六: 訓夠起身, 早餐後做吓功課.hea 吓, 圖書館, 再到羽毛球班(黃昏2小時) 及國語(晚上1小時)
日: 上午2小時欖球班
I will get him more classes that he likes during long holidays (chess and table tennis, camping)
作者: thomasha 時間: 12-5-3 13:58
Chowying 發表於 12-4-20 12:09
多謝意見. e+囡囡睇泥唔想去游水住, 我都諗緊暑假先再學, 唔好迫佢啦, but 唔知揾唔揾到朋友仔一齊夾:bash ...
作者: 瑩瑩老豆 時間: 12-5-3 14:13
Chowying 發表於 12-4-20 12:01
多謝意見. 因為唔返學囡囡都一樣咁早起身, 所以想報d野等佢無咁無聊, but e+ 要再安排過. ...
你個囡無聊並不是去報d 野塡滿佢時間就搞掂, 而是應多點時間陪她啊, 周六日我通常會帶囡囡去街/去公園, 在家會跟她玩board game, wii 又或溫習, 有時她也會自己畫畫, 睇電視, 玩PC 等.
| 歡迎光臨 教育王國 (/) |
Powered by Discuz! X1.5 |