教育王國

標題: 我女個鋼琴老師手勢好奇怪 [打印本頁]

作者: irischowys 時間: 12-4-14 15:19 標題: 我女個鋼琴老師手勢好奇怪

近來我換了新琴老師比個女，因知道她較有要求，上第一堂聽到她示範彈奏輕柔歌，副歌一段她說要大聲D，我聽到Dum落去那種大聲，有D詫異，唔好聽。第二次上堂我行近看，她叫我女彈Hanon啲歌要用力，將手指提起像打橫伸直（只微曲20至30度），打落琴鍵時才屈曲多D，她說這才夠力，以前跟大陸兩老師也強調用力。咁樣好似D手指撐開晒逐隻落，手勢好難看（個人認為）。以前老師全部屈曲，提起手指也保持屈曲而指頭向下，有冇人可給意見。

作者: aapingyi 時間: 12-4-14 16:40

提示: 作者被禁止或刪除內容自動屏蔽

作者: irischowys 時間: 12-4-14 16:46 標題: 回覆：我女個鋼琴老師手勢好奇怪

會唔會有唔同教法，有冇演奏級人士可分享? 她教樂埋拍子幾好，考級應該冇問題，但彈琴就一般，我女跟她會否學錯手勢?

作者: radioma 時間: 12-4-14 19:58

你個女幾歲?

作者: Karlhui 時間: 12-4-14 21:52

本帖最後由 Karlhui 於 12-4-14 21:52 編輯

回復 irischowys 的帖子

雖然我只是略懂皮毛,但都可以分享下呢方面所認識既東西. 首先用唔同方法去彈琴係會影響彈出既音色同埋下一個音既preparation,因涉及唔少野,就此略過,只提供一下樓主所提及既問題. Flat finger attack其實真係唔少pianist都會咁彈,因為彈出黎既聲音係會飽滿,另外,當手指完成發力之後所build up既tension係好少,令你好容易去彈下一個音.之但係,要真係用到呢種方法有個最關鍵既位,就係你要建立好一個好好既支撐點去承受或者平衡arm weight同埋琴鍵回擊既impact,而據我所知呢個支撐點係手掌中既一些小肌肉,如果未有好好建立,(其實用咩彈法都係),人係會將支撐點移去D大肌肉度(眼睛所見到既就係D大關節,such as wrist, elbow, shoulder),但你又可能需要果D大肌肉做其他野,就會出現人們所講既"緊"/tense up,即係D放唔低手腕或者手肘常向外撐or縮起膊頭. 仲有補充少少,人係完全放鬆既情況下手指本身係微微彎曲既,如果用比那個更屈曲既角度去彈琴,我自己覺得係會有D緊既,所以手指曲唔一定真係所謂既"正確"手勢.

事關我見唔到樓主個女既真實情況,只係想告知扁手指既彈琴方法其實可以係好好野,但要注意點樣去學到,既然你搵/轉得果位老師應該要信得過佢,問下個女練完一排彈琴會唔會容易左有效左(唔係慣唔慣),或者有冇地方唔舒服. 仲有hanon提起手指練佢可能想train up手指既伸延性,而實際上會唔會有咁彈既時候,for me,有時會,特別係彈bach同Scarlatti.仲有,每個人對技巧建立既方法同方向係唔同既,以上只係本人既愚見,還望有識之士可提點一下.

作者: irischowys 時間: 12-4-14 22:33 標題: 回覆：Karlhui 的帖子

我女剛六歲，以前個琴老師個個音都曲手指，指頭直落，佢彈得好自然，不過輕柔歌唔夠好聽，而我女更彈到Dup Dup下。現在呢個唔係全扁手指，係先伸直再屈埋落，睇落唔靚，仲要Dum Dum聲。其實我睇D鋼琴家彈琴好似冇好刻意keep某手勢，只是隨意擺動，有曲有扁，咁樣我女彈得仲好聽，新老師嫌唔夠力，要她跟，即刻Du m Dum聲，點算?

作者: Karlhui 時間: 12-4-14 22:52

回復 irischowys 的帖子

點為之"輕柔歌唔夠好聽"?? 唔太明.......

仲有"伸直屈埋落"咩時候屈?係接觸琴鍵之前/同時/之後?屈曲既情況有幾屈?最近手掌既指關節係屈既時候駛唔駛向下用力?
不向都係果句,我唔知實際既情況係點,唔可以武斷任何野.

作者: lillymarie 時間: 12-4-14 22:55

irischowys 發表於 12-4-14 22:33
我女剛六歲，以前個琴老師個個音都曲手指，指頭直落，佢彈得好自然，不過輕柔歌唔夠好聽，而我女更彈到Dup ...

恕我多管閒事，咩原因令妳當初會換老師呢？現在呢位老師有咩吸引妳呢？我大囝的老師都有她的一套要求，我覺得可以跟係因為她教到我大囝彈得比以前好聽，而她自己的示範亦真係好聽。
或者妳考慮下將妳的問題請教下老師，又或者考慮下是否繼續跟佢？

作者: bebebe12345 時間: 12-4-16 10:36

你的憂慮是合理的,只有一個提議、儘早轉換老師!

歡迎光臨教育王國 (/)