教育王國

標題: 收到offer的放心讀吧，劍鳴唔會令你失望的 [打印本頁]

作者: cupidshirley 時間: 12-4-13 06:47 標題: 收到offer的放心讀吧，劍鳴唔會令你失望的

自己仔仔由N班讀到K2,今天到細囡收到信取錄了。由當初只係在網上知道有呢間學校，到而家讀咗三年了解呢間學校，佢冇令我失望！
N係開心玩，活動教學多，我仔不算活躍，但連普通校工同冇教我仔的老師都知佢個名，證明呢間學校係有心的！
入課室前過三關，試過生飛滋都唔比入，要醫生證明先返到學，所以衛生一流。
k1學認字，到k2,真係開始谷啦，每星期五，中英數做工作紙測驗，在學校自己做，要默寫中英文生字…如復活節、鴨子！仲要筆劃都執到毛筆字咁。數學係用緊一年級課本。功課每日二到五本不定。每學期兩次評估即考試，張list鬼咁多野溫！但神奇在你好緊張溫書，而其實佢又真係識哂八九成，剩下一成識只係唔肯定！又鍾意做功課。本來開心自己個仔乖，到開生日會同其他同學媽咪講開先知都同我一樣！每日返三個鐘，又茶點又唱遊，有時又放假，運動會旅行，都仲教到咁多野，都不得不佩服！聽聞K3仲犀利，不過打好基礎，輕鬆上小學。而小朋友又開心學習冇強迫，仲想掂！小小分享，放心入讀吧！

作者: fionbabynok 時間: 12-4-13 07:14 標題: 引用：自己仔仔由N班讀到K2,今天到細囡收到信取錄

原帖由 cupidshirley 於 12-04-13 發表
自己仔仔由N班讀到K2,今天到細囡收到信取錄了。由當初只係在網上知道有呢間學校，到而家讀咗三年了解呢間學 ...

多謝無私分享

作者: ppgirl 時間: 12-4-13 09:11 標題: 回覆：收到offer的放心讀吧，劍鳴唔會令你失望的

謝謝你的分享，小兒已有offer, 正考慮讀劍鳴/學之園！請問考小學情況如何？請問讀劍鳴的小朋友還需要到出面上其它課程嗎？謝謝！

作者: cupidshirley 時間: 12-4-13 15:26

出面學一體(游水)一藝(琴),今年k3都好多考到直資私校，好似聖芳濟同英華，DBS 都有！津校未放榜，但自行收生喇沙好似已有7個。
我哋k2而家開始準備，km都開始有比資料家長。

作者: JMK 時間: 12-4-13 18:38

多謝分享!請問由N升上K1係咪真係得70%機會?收生準則又係點呀?

作者: keio 時間: 12-4-14 00:06 標題: 引用：自己仔仔由N班讀到K2,今天到細囡收到信取錄

原帖由 cupidshirley 於 12-04-13 發表
自己仔仔由N班讀到K2,今天到細囡收到信取錄了。由當初只係在網上知道有呢間學校，到而家讀咗三年了解呢間學 ...

Heheeeee... 我個女而家返緊n班，已經有認中文字了，10月到而家，已經學左二十幾個字了。

作者: marbub 時間: 12-4-14 09:36 標題: 引用：多謝分享!請問由N升上K1係咪真係得70%機會?

原帖由 JMK 於 12-04-13 發表
多謝分享!請問由N升上K1係咪真係得70%機會?收生準則又係點呀?

我大囝是劍鳴畢業（N1一K3）嘅，其實好多家長都有在K1同小朋友轉校，如果小朋友OK，佢地都會收返㗎，不要太擔心. 我就好trust佢地嘅教學，對小朋友嘅，乛⼀

作者: marbub 時間: 12-4-14 09:39 標題: 引用：Quote:原帖由+JMK+於+12-04-13+發表多謝分

原帖由 marbub 於 12-04-14 發表
我大囝是劍鳴畢業（N1一K3）嘅，其實好多家長都有在K1同小朋友轉校，如果小朋友OK，佢地都會收返㗎，不要太 ...

關心。to be honest, 我見K3都有人入咖，不過有d人都覺KM係會谷

作者: cupidshirley 時間: 12-4-16 13:56

開心地谷下都冇問題呀，前輩媽咪話上到小一至小三(某名校）都可輕鬆渡過！

作者: 04et 時間: 12-4-17 09:02

我仔仔11year 2月, 請問劍鳴有無2班, 同幾時開始PN班收生?

作者: ppgirl 時間: 12-4-17 17:35

回復 04et 的帖子

around Jan 2013.

作者: yingval 時間: 12-4-18 00:12

我的女兒讀km (k3),由k1-k3都咁開心，3年班主任都很有愛心!雖然谷但唔知點解佢咁鍾意, 做功課都自動自覺, 温assesment 時又識, 尤其英文課本問問題要全句senstense 答，未同佢温佢都識(有些英文我都要查字典)。學校又多活動，校內有BBQ, 夏天穿泳衣玩水, 新年又有校內花市，家長若報了義工又可幫小朋友影相，了解她返學情況! 考直資私小11間, 有4間offer, 3 間waiting！她是細女，我覺得已很滿足!

作者: skybb2009 時間: 12-4-18 06:05 標題: 引用：我的女兒讀km+(k3),由k1-k3都咁開心，3年班

原帖由 yingval 於 12-04-18 發表
我的女兒讀km (k3),由k1-k3都咁開心，3年班主任都很有愛心!雖然谷但唔知點解佢咁鍾意, 做功課都自動自覺, ...

請問你囡囡是否K1才入讀？我囝囝係細仔，PN冇機會讀。我好鐘意KM，interview K1有乜嘢要注意呢？

作者: nfu 時間: 12-6-18 11:13

請問係咪家長揀中英班定双語國際班?

作者: zcw2011 時間: 12-6-18 12:16

cupidshirley 發表於 12-4-13 06:47
自己仔仔由N班讀到K2,今天到細囡收到信取錄了。由當初只係在網上知道有呢間學校，到而家讀咗三年了解呢間學 ...

thanks for your sharing

作者: BALL_B116 時間: 12-8-4 15:03 標題: 回覆：cupidshirley 的帖子

提示: 作者被禁止或刪除內容自動屏蔽

作者: 小曳人 時間: 12-8-4 15:19

本帖最後由小曳人於 12-8-4 15:21 編輯

BALL_B116 發表於 12-8-4 15:03
請問面試會考咩架？

N班面試以小組playgroup型式進行，有講故事跟住做動作，有搖手鈴跟住音樂跳舞
基本上以英語進行，活動同活動之間先有位老師用廣東話簡單解釋一下

作者: MYEvangeline 時間: 12-8-4 23:57

yingval 發表於 12-4-18 00:12
我的女兒讀km (k3),由k1-k3都咁開心，3年班主任都很有愛心!雖然谷但唔知點解佢咁鍾意, 做功課都自動自覺, ...

Thanks for sharing!

作者: MYEvangeline 時間: 12-8-5 00:03

Hi, 各位劍嗚家長,
我想請問今年哥哥已起KM讀緊K1, 如果妹妹下年報讀KM嘅N1, 收妹妹嘅機會大唔大呀?

作者: marcuscyrus 時間: 12-8-5 09:57

MYEvangeline 發表於 12-8-5 00:03
Hi, 各位劍嗚家長,
我想請問今年哥哥已起KM讀緊K1, 如果妹妹下年報讀KM嘅N1, 收妹妹嘅機會大唔大呀? ...

競爭大了，機會大唔大都很難說，身邊同學有成功例子，亦有考不上的。我家兩位男孩都讀km，哥哥讀k2時弟弟投考k1，幸運地考上。

作者: MYEvangeline 時間: 12-8-5 15:46

哦... 唔該晒! marcuscyrus

作者: oxmoxbaby 時間: 12-8-6 22:30

想請問KM N1收唔收細仔???

作者: marcuscyrus 時間: 12-8-6 22:55

oxmoxbaby 發表於 12-8-6 22:30
想請問KM N1收唔收細仔???

好似收表到8月31日

作者: km1437 時間: 12-8-6 23:11

咁K1收細B到幾月?

作者: marcuscyrus 時間: 12-8-6 23:22

km1437 發表於 12-8-6 23:11
咁K1收細B到幾月?

k1又好像沒有限制

作者: manmanchubb 時間: 12-8-6 23:28

KM k1 收到31/12,沒有細b cut off

作者: elytis 時間: 12-8-8 09:41

cupidshirley 發表於 12-4-13 15:26
出面學一體(游水)一藝(琴),今年k3都好多考到直資私校，好似聖芳濟同英華，DBS 都有！津校未放榜，但自行收 ...

thanks for ur sharing. seemed km is really a good school wor

作者: babyakambm 時間: 12-8-8 14:42

回復 elytis 的帖子

I thought I was lucky when my boy got offer from KM last year, however after a year studying there, I feel disappointed about this KG and would not recommend my friends / family to study there.
Maybe my boy / I was the unlucky ones.

作者: BBB100 時間: 12-8-8 17:19

nfu 發表於 12-6-18 11:13
請問係咪家長揀中英班定双語國際班?

i also want to know K1 start to writing, which is chinese english course or international course???

作者: mimeow 時間: 12-8-8 18:14 標題: 引用：回復+elytis+的帖子 I+thought+I+was+luck

原帖由 babyakambm 於 12-08-08 發表
回復 elytis 的帖子

I thought I was lucky when my boy got offer from KM last year, however after a y ...

如果唔介意，可否分享下詳情，點令你失望呢？

作者: tempooo 時間: 12-8-8 20:08 標題: 回覆：收到offer的放心讀吧，劍鳴唔會令你失望的

劍嗚收緊生嗎？

作者: 小曳人 時間: 12-8-8 21:46

tempooo 發表於 12-8-8 20:08
劍嗚收緊生嗎？

K1 應該9月報名，N班就出年1月

作者: iriskwokmama 時間: 12-8-8 22:14

回復 babyakambm 的帖子

Can u pm me also？

作者: whong18 時間: 12-8-22 00:20

回復 babyakambm 的帖子

Can you pm me why? Thanks.

作者: Smallpigbb 時間: 12-8-22 08:25

KM我個女由N班到9月K3，我個人鍾意小班教學，校長老師同嬸嬸都好好，課程方面係教深，但小朋友由N班一個禮拜2版前後的工作紙到依o家都知道做功課o既重要性，而且老師同家長亦會有溝通，會知道小朋友o係學校o既表現如何。至於活動方面，學校唔會死谷，會帶小朋友去參觀唔同o既地方，如香港公園、鐵路博物館，最開心應該係參觀益力多廠（呢D要K1至有機會去）。

最難得係我覺得學校老師好有愛心同耐性，如與到問題即刻會打電話或者在接放學時同家長傾談。有時我個女o係屋企行為上有問題我都會揾老師幫手同佢傾傾，我問過個女，佢話希望簡到間同KM差唔多o既小學又開心又可以學到o野。

作者: LuLuLaLa999 時間: 12-8-25 00:47

請問這種課程教的深的幼稚園, 教出來的小孩有沒有創造力? 想像力? 好奇心??
活動中會不會教小孩摺紙啊?
K2就教小一課程, 念完幼稚園是不是直接考P2或P3? 不會沒理由又再讀P1, 太浪費時間了吧?

作者: 小曳人 時間: 12-8-25 11:49

LuLuLaLa999 發表於 12-8-25 00:47
請問這種課程教的深的幼稚園, 教出來的小孩有沒有創造力? 想像力? 好奇心??
活動中會不會教小孩摺紙啊?
K2 ...

我個人覺得，以上3種能力本身就人人唔同，學校教得深，應該唔會對好奇心有好大影響，教法一樣生動有趣，一樣可以啟發想像力，但創造力就需要多d自由時間空間，所以，好難講如果小朋友唔讀A校而讀B校，到底分別幾大，但應該唔會由有到無！
但如果家長希望孩子將來讀傳統d嘅學校，要考慮清楚，填鴨式本身就唔會教出呢3種能力優秀嘅小朋友
孩子讀咗幾年，我最深刻嘅係：N班老師話阿仔愛發問，間接令其他小朋友都學多咗嘢~ 到K1，開始要守課堂秩序，唔可以離開自己個位同埋講嘢要舉手，K2老師話阿仔好少問問題同答老師問題..
但係你唔可以話佢好奇心細咗，因為我响屋企會不停問我嘢！

摺紙~印象中唔多
你搞錯喇！香港嘅小一入學有年齡限制，而且學校唔係單單尋求智識嘅地方，小朋友社交發展跟智力發展唔同，無得跳班架！所以無話浪費時間架！

作者: Vlone778 時間: 12-8-25 12:41 標題: 回覆：收到offer的放心讀吧，劍鳴唔會令你失望的

不要只倚賴學校，沒有任何一間學校所教的比父母教的更加多更加有用

作者: LuLuLaLa999 時間: 12-8-25 18:31

我就是見過就讀這幼稚園的學生, 由N班開始讀, 今年要升K2了, 讀了2年了, 卻是個很沒創意, 沒有太大想像力, 很少好奇心..., 幾次都看到她的媽媽在做一本很漂亮的功課, 可能是有關fruit或其它主題的project, 一本漂漂亮亮的report, 根本都是家長在做媽媽在畫, 一看都知道不是小朋友自己做的.

而學術方面...更沒有什麼特別, 讀的是下午的英普班, 英文講的都還是基本短句, 不是完整句子, 而普通話口音也不正, 其實有點失望

作者: irislkw 時間: 12-8-25 21:00 標題: 引用：不要只倚賴學校，沒有任何一間學校所教的比

原帖由 Vlone778 於 12-08-25 發表
不要只倚賴學校，沒有任何一間學校所教的比父母教的更加多更加有用

好認同。唔可以單憑個別例子作例
家長追求及要求(幼稚園的課程內容教法學習氣氛辦法理念老師質素等)都不同加上1日24小時減去基本需要返學佔時間真係好少所以品德教育創造力甚至更抽象的要求訓練當然要靠家長自努力

作者: marcuscyrus 時間: 12-8-25 21:13

我仔份project真是他一手一腳自己做，不過都常被以為是我代做，不過由於他在學校是自己也不停畫，所以才免人家誤會。
學校中有很出眾的孩子，也有平凡如我兒般的，如果人家見到我兒般的平凡孩子就覺得：讀km也不外如是，那我實在愧對學校了

作者: LuLuLaLa999 時間: 12-8-25 23:50

回復 irislkw 的帖子

那我看法就跟你相反了,
我以為3~6歲的小孩上幼稚園就應該是唱唱跳跳, 跟其它小朋友在一起開開心心玩, 適應團體生活, 一起玩折紙, 玩積木, 畫畫做這些真正對智力有用的活動. 而不是把時間花在"統一"教學寫字, 和學習那些深的學術課程, 並把這些學術當作是主要學習目標和學校活動安排.

而針對有些孩子的發展較快, 學習力較強, 閱讀和書寫能力快, 及好奇心較強..等, 可以合適加強學術方面的教育, 那應該獨立一個組出來, 另外提供時間再去加強學習學術方面, 或另外由其它資源或教育單位去發展, 而不是統一在學校做的.

學習能力, 我相信5歲時學的會比4歲時快, 6歲時學的會比5歲時快, 若要背會一個英文單字或認讀一個中文字, 同一個人, 3歲可能要用10分鐘, 4歲可能要用6分鐘, 5歲可能只要用3分鐘. 但現在大家就是喜歡用較多時間, 提早讓小孩去學這些學術, 真的很奇怪.

Anyway, 以上個人意見, 只要大家選對合適的幼稚園, 開開心心就好

歡迎光臨教育王國 (/)