教育王國

標題: 時下大學生見工奇遇記 [打印本頁]

作者: evianh2o 時間: 12-4-11 15:27 標題: 時下大學生見工奇遇記

早前友人forward過來一條於香港討論區的帖文，內容有關一位僱主interview應徵大學生時遇到的事，事後有感而發起題「我明白點解一個大學生畢左業大半年都搵唔到工 . . .」在討論區PO了這文，引得50多頁回應。(LINK here)

看過這帖文，發覺這位僱主的「故事」其實很普通，都是有關in著亳無準備、對答騎呢的應徵者。老實說，小弟和朋友們遇過更多更騎呢更經典的應徵者。近年尤甚！

但為何這帖文值得大家一讀呢？就是因為對落的50多頁回應，網友們的「精闢」留言及對樓主的批評，當中不乏撐那位見工都亳無準備的應徵者，實在令我這個在職場打滾了十多二十年的70後嘖嘖稱奇，慨嘆為何時下年青人是多麼的反智，亦confirm我跟他們是有代溝的！

除這討論區帖文，之前另有友人也分享了一些有關時下職場年青人的「經典故事」(LINK here)，看過後肯定你會O晒咀！

80後已經如此，過多幾年有90後投身職場，點算？

究竟是教育制度出了問題還是冇家教之過？

作者: 音樂人長老 時間: 12-4-11 16:00

而家興「啃老族」，衣食住行全部父母出，阿爸阿媽先係真正老闆！

見過17歲男仔食塊豬扒要阿媽切埋，仲大大聲話唔會結婚生仔喎，佢父母真係要還神，唔使養埋個孫。

作者: awah112 時間: 12-4-11 21:28

提示: 作者被禁止或刪除內容自動屏蔽

作者: cowmoon 時間: 12-4-11 22:58

不用擔心，這只是過渡問題，當愈來愈多內地來港的留學生出來找工作，情況一定改變。。。

作者: 猴子爸 時間: 12-4-12 09:42

可以留下来工作的大陆留学生，主要都是尖子，跟他们竟争的，应该都是香港的top tier 毕业生。我相信80:20 rule,香港起码还有百份之20的毕业生是不错的，那些笑料，大部分应该来自其余的80。

cowmoon 發表於 12-4-11 22:58
不用擔心，這只是過渡問題，當愈來愈多內地來港的留學生出來找工作，情況一定改變。。。
...

作者: evianh2o 時間: 12-4-12 09:45

回復 cowmoon 的帖子

您意思係因為內地留學生來港會增加競爭，我地D香港大學生會因此而發奮圖強？
我睇未必喇，呢個缺乏責任感、待人接物態度有問題既現象已經出現左好多年，而且每況愈下囉！

大家仲有冇其他經典個案分享？

作者: chanwendy 時間: 12-4-12 10:58

兩年前見過一個 80 中後期女仔, 副學士+外國大學的 top up degree. 當時 hr 同事問佢 what is your career plan? 佢啞咗. 等咗好耐, 同事叫佢唔識就用返中文答, 個女仔就叫人問多一次. 結果講完都係答唔出. 其實當時都有係 bk 講過, 有人話唔識 career plan 係乜唔出奇, 但問題係個女仔係讀 business 的, 正常讀得 business, 一定知咩叫 career plan 囉.

不過同一輪面試, 我都見過一個年約三十尾四十頭的女人, 問佢要做幾耐先知份工啱唔啱佢, 佢答我兩三日就, 一星期都唔洗. 我心諗兩三日連份工的 job duties 都摸晒, 點可以咁定啱定唔啱呀. 如果咁勁的, 單單面試都知啱定唔啱啦.

作者: Yanamami 時間: 12-4-12 11:58

有日係MTR o既扶手電梯听到前面個女人講(唔係想8人講乜, 而係佢同同伴講到太興高彩烈):
我個仔係某電器鋪做助理, 日日擔擔抬抬, 仲成日要俾個經理針對........(往下省去針對事例)...我叫佢炒個經理魷魚囉!!!! 唉! 點知個衰仔又唔肯.....終於有一日佢頂唔順(又有針對事發生喎), 拍抬唔撈(講到個仔好似贏左金牌禁興奮), 個經理反而係禁多同事面前留佢(個女人講到好威風禁)......我听完覺得係家長由細"栽培", 先有而家d年輕人.

作者: torunpoland 時間: 12-4-12 17:56 標題: 回覆：Yanamami 的帖子

我都可以分享一個例子。我妹妹學歷不高但工作年資較久，剛巧老闆事忙，著我妹妹跟一位應徵者先談一會，我妹妹很簡單問了一個問題，"can you please introduce yourself?"，豈料對方用先啞口無言，再用中文回答；「我冇準備到。」然而對方畢業於英國某大學（應該普通大學，不是名校）。

作者: 20091 時間: 12-4-12 23:55

本帖最後由 20091 於 12-4-12 23:56 編輯

(四) 朋友D的production house聘請了24歲的Brian (假名) 為製作助理。

話說在Brian上工當天的早上，Brian本人並沒有出現，反而有一位跟他年紀相約的Stephen (假名) 現身reception。

朋友D走到reception說：你係..
Stephen：我係Stephen，係Brian嘅朋友！
朋友D：哦，咁.. Brian.. 呢？
Stephen：(笑著) 佢去返咗第二份工，所以佢叫我嚟呢度代佢~
朋友D：吓？！？！？！？！？！？！？！？！

類似以上的還有:(真人真事)
我朋友上了一所律師事務所找佢的朋友
朋友A:說了一件令佢O嘴.的事.

公司要請一個律師文員
一個女仔穿了人字拖,吊帶背心,牛仔短短裙,
A朋友一見;;;;算了,見了再說,
但仔細一看,同CV的樣子有的不同,要求出ID
B女仔:唔,係我Friend 係屋企打機,趕唔到來見工,我唔正好在附近見工,佢call我,叫我幫佢見一見,如果唔得的,我走了,
A朋友同公司的REC對望了,大家O嘴,

即沒聽錯啦,
同B女仔話,叫佢朋友BOOK個時間來見,
A朋友其實是要見識一下,果個女仔到底是點的,
不過,佢當然冇出現啦.

作者: evianh2o 時間: 12-4-13 11:23

回復猴子爸的帖子

如果80/20 rule applies，果唔得既80%係主流，咁香港既未來係絕對令人擔憂唷！

作者: ANChan59 時間: 12-4-13 13:03

我有個朋友係中小企老闆，佢領教得多。現在，佢同Reception講左邊d佢實唔請，費事浪費時間。

1. 父或母同佢一齊黎；
2. 頭髮、衣履、
3. 無帶文件
4. 替身
......

作者: ANChan59 時間: 12-4-13 13:07

回復 evianh2o 的帖子

我會咁睇20%極品、60%普普通通、20%好掂；80/20可以雙向睇。

作者: 猴子爸 時間: 12-4-13 15:38

回復 ANChan59 的帖子

我也赞成这个看法。如果是统计学的normal distribution (bell-shaped curve),应该都是这样理解。
只是，“普通”的，可能真的很普通。。。如果跟前几代比较，可能几经是底部的20。

作者: ANChan59 時間: 12-4-13 15:56

回復猴子爸的帖子

In China, the senior generations also have the similar comments on the younger generation.

作者: 奶粉王子 時間: 12-4-14 14:49

猴子爸發表於 12-4-13 15:38
回復 ANChan59 的帖子

我也赞成这个看法。如果是统计学的normal distribution (bell-shaped curve),应该都 ...

哈哈，好同意，其實依d例子只系少部份，不過大家放大左黎睇，而且以前可能都有ge，只不過以前無互聯網，所以大家可能都唔知者@@

不過我都承認依家d家長太錫仔女，搞到仔女ge態度好有問題~

作者: evianh2o 時間: 12-4-16 09:06

回復 chanwendy 的帖子

實在唔明點解而家d人連呢類見工必答題都唔識答，仲懶得作、懶得吹！

作者: evianh2o 時間: 12-4-16 09:17

回復 ANChan59 的帖子

我亦always believe找工作是一個matching process，你揀人時人亦揀工，所以找工作是雙向的。
但問題是時下的年青人找工作/見工時的態度很有問題，與我們當年找工作時有很大差別，就連最基本的見工儀容、守時、禮貌、自我介紹都有落差，更莫論談吐、對答、相關知識/技能合格與否。

所以你說中間普普通通的60%其實都好難揀得落手。

作者: evianh2o 時間: 12-4-16 09:24

回復奶粉王子的帖子

我又唔覺係特登放大黎睇，我+身邊好多朋友呢10年間in過請過唔少後生仔，真係每況愈下，越來越難請到d啱數既。
而且在HR界早知呢個事實，不過冇人拎出黎當社會/教育議題探討。

長此下去，香港會好大鍋架。

作者: ANChan59 時間: 12-4-16 13:46

回復 evianh2o 的帖子

我只能教導小兒做到較好的20%而已，咁大嘅社會問題留待有能之士來解決吧!

作者: shevachevy 時間: 12-4-17 11:19

我都有類似經驗, 由於我公司果時請junior clerk, 所以基本要求真係唔高, 有d 真係in到我口啞, 有d 諗住請左先啦, 睇下點, 但真係好嚇人。咁我諗住大學生會好d, 點知......
曾經有一個summer intern係咁:-
我上晝見到佢, 下晝唔見左人, 我就問我個sec, 阿邊個呢 ?
我個sec話: 佢走左喇!
我: 下 ? 去左邊? 冇講聲o既 ?
sec: 頭先你去左食飯, 佢話佢個表妹o係赤柱 M 痛, 叫左佢去"幫手" ...
我: (無言)...
雖然SUMMER INTERN 唔算係正規員工, 但起碼都叫做"學習", 就算唔係學習公事上O既野, 做人處世, 待人接物都真係要學習囉。

作者: shevachevy 時間: 12-4-17 16:56

我聽到果刻都覺得佢幾有創意~ 蛇王有咁多藉口, 何必偏用一個令我會恥笑o既呢

作者: 音樂人長老 時間: 12-4-17 19:02

本帖最後由音樂人長老於 12-4-17 19:03 編輯

而家係反智世代，佢總算肯諗個理由出嚟，朋友公司個小朋友仲厲害，唔做連交待說話都無，好似人間蒸發咗，公司同事驚佢有有事專登上屋企襟鐘，門都唔肯開，最後由阿媽出手打俾上司話個仔唔做啦！

作者: evianh2o 時間: 12-4-17 23:19

既然係反智，我會相信佢個借口係真既。家下既年青人好真架，連講大話都費事架，而且佢地缺乏創意，根本唔識講大話。
真係吹脹！

作者: evianh2o 時間: 12-4-19 09:45

最早一批的九十後至今已二十二歲，他們將會陸續踏入社會工作，對僱主來說，這群初出茅廬的年輕人的工作態度，到底怎樣？在溫室長大的這一群，待人接物各方面，又有怎樣的一套價值觀？有不少九十後青年都參與過社會運動，他們有甚麼政治觀？又怎樣看這個社會？

剛剛的星期ニ檔案on「90後」...
值得一看
http://www.youtube.com/watch?v=jkoCdEF_XUA

作者: nintendo 時間: 12-4-19 10:31

造餅學徒起碼都叫肯做肯學，唔中意讀書，學門手藝都好

去社 XX 度做，將來會點？

作者: Snakemama 時間: 12-4-20 10:44 標題: 回覆：音樂人長老的帖子

Similar things happened to me, here is one of them:
話說我有個朋友，經常問我有冇工介紹俾佢個妹（A),我見我個朋友人好sweet，又有責任心，心諗佢個妹都應該唔差。啱啱有另外個朋友（B)間公司請General Clerk, 我咪叫（A）去見工。結果(B) 請咗佢（因為係我介紹）。但4日後找我話（A）冇返工差不多2日了。因佢返工第二曰下晝已經話唔舒服要早走，結果就冇哂音訊。打手提無人聽，打屋企又話佢返咗工。所以只好打俾我呢個中間人[但我從未見過（A)]。只好搵返我個朋友。幾日後，我個朋友講：佢個妹話果間公司太大壓力，情願做番Mcdonal's 呵，ha?

件事過咗差唔多十年，（B）仲成日攞出來講(特別係啲報紙呀、新聞呀話時下的年輕人做嘢冇責任心果陣）真係無啦啦••••••唉••••••

作者: ANChan59 時間: 12-4-20 13:24 標題: 回覆：Snakemama 的帖子

而家做介紹人，兩面我會講得好清楚，你要睇清楚，將來唔好怨我，唔好因為我介紹而請佢。

我最緊張反而係阿囝，唔通同佢登報脫離父子関係咩，只能軟硬兼施。暫時都冇令我丟架。

作者: Snakemama 時間: 12-4-20 21:14 標題: 回覆：ANChan59 的帖子

同意。有時就是覺得是舉手之勞，才沒有考慮清楚。經此一役，我都好像你一樣，講清講楚先介紹。

作者: evianh2o 時間: 12-5-8 14:45

介紹伸延閱讀，《職場慧眼》by 張慧敏：

職場幼稚園化（上）
問：計劃書的資料你準備好未？那是上星期交給你的工作！
答：你沒有講清楚幾時要，既然不急所以慢慢得閒先做。你趕住要為甚麼不一早講？
問：你上班才一個禮拜，為何那麼快唔做？
答：快？一日我都嫌多，我實在受夠了！你們這些人把我當做廉價勞工，工作排山倒海一份未完又交來第二份，「新來新豬肉」分明蝦我用盡我！我是人，不像你們個個好似機械人只懂做個不停，根本沒有人理會我的感覺有多孤獨！早走早着，遲走瞓唔着！
問：上一次我親自改來給你參考的那份建議書，你究竟有沒有仔細讀過？為甚麼今次寫得比上次還要差？求其是但交本電話簿來算是甚麼意思？
答：當然有讀過！你終於發現我上次寫得不差，你可知我花了多少時間心血去寫？不過最後落得被你改個體無完膚的結局。無論我如何用心寫都不會夠你寫得好的啦，反正你那麼喜歡又一定會改，更加不會知道你的心意。把你想要的圈出來改好，我幫你整理然後列印不就節省時間？其實，為甚麼要我寫，你自己搞掂不就更快捷方便？
問：上班時間不能上交友網站是公司規矩，為甚麼你一而再犯規屢勸不改？
答：我又不是用公司電腦，我用自己電話之嘛！上班時間是不是連電話都不能打先？分分鐘我講電話的時間長過上網站啦，有甚麼分別？這種規矩簡直多餘！我是來返工，不是來坐牢，更加不是賣身，那麼不滿要不你炒我囉！有甚麼大不了？
以上對答皆有出處，當事人都不是初出茅廬的大學生，何解 EQ、學習及處事態度如此幼稚？明天再講。

職場幼稚園化（下）
新一代極度自我，學習及做事欠積極缺進取的態度，成因究竟是甚麼？
就以星期日《蘋果》「樣樣頂呱呱　弊在中文差　法律女精英在港求職碰壁」的主人翁、去年城市大學法律系一級榮譽畢業生為例。既是土生土長，如果真心要學中文，何難之有？她精通的英語法語，可是本地家長不惜一切想子女學得識的語文，居然反過來怪政府教育政策不公，沒有被編入主流學校，所以冇得讀中文。以致寒窗十年，淪為香港教育制度下的另類「犧牲品」！只因「唔識中文」，所以實習機會面試機會都少得可憐。又原以為英文流利想畢業後加入律政司，直到現在才知一定要識中文！
她和那個中大綜援碩士生，有時間四處Hea，但做不到考警察七次引體上升的體能要求有甚麼兩樣？明明是自己裝備及準備不足，卻把責任推給社會及其他人，即使找到工作，恐怕是上集個案的重演！
《蘋果》曾報道過一個9歲才從內地來港、連ABC都未識的女孩的事件。家中開飯都成問題那有餘錢去補習？她沒有投訴社會及教育制度，只天天背字典，日日靠食光酥餅頂肚，放學兼做洗頭妹幫補家計。結果會考28分英文考獲5星級成績，得到每年5萬元的獎學金入讀中大英文系，決志畢業後做英文老師教書以回饋社會。
但見星期日那篇報道的讀者留言，紛紛指摘政府及教育政策不公，扼殺了當事人學習中文的機會。我受教了！學習最需要的，原來不是發自內心的原動力求知慾，而是靠人製造及提供機會。香港教育制度的確非常差沒錯，但和主人翁的處境及遭遇完全無關，豈能混為一談？
從以上兩位主角的身上，可能看出一點端倪？

作者: edgarho 時間: 12-5-26 11:05

我公司之前請人都得一個黎左乍==唔怪得成日話有工冇人做la==

歡迎光臨教育王國 (/)