教育王國
標題: 可否有用家告訴我SC，KV， KM的教學模式（不談錢） [打印本頁]
作者: alice719 時間: 12-4-7 11:27 標題: 可否有用家告訴我SC，KV， KM的教學模式（不談錢）
可否有用家告訴我SC，KV， KM的教學模式（不談錢）
作者: Tatyi 時間: 12-4-7 17:31 標題: 回覆：可否有用家告訴我SC，KV， KM的教學模式（不談錢）
SC----活動教學，多資料搜集同做project
KV----坐定定聽書，傳統教學，有默書考試
冇旅行，有生日會，小朋友唔可以太
多嘴
KM---有人話係SC+KV
作者: 小曳人 時間: 12-4-7 22:09
KM強調畢業生上小學較易適應
N班已有評估，K2 so far都無默書，活動都多，有參觀、旅行、校內節目、運動會之類
課程應該算深，K2下學期加埋教小一英數，功課亦多 (每日2-3樣，週末4-5樣)
老師都會要求學生守課程紀律 (同小學差唔多)
作者: hkspiderman 時間: 12-4-8 15:22
夠有人話KM學費就 KV+SC/2，KM實力就 KV+SC/3 
作者: 小曳人 時間: 12-4-8 20:28
本帖最後由 小曳人 於 12-4-8 20:38 編輯
hkspiderman 發表於 12-4-8 15:22 
夠有人話KM學費就 KV+SC/2，KM實力就 KV+SC/3
你嘅意思係學費=(KV+SC)/2?
呢樣我都認同
但實力呢樣嘢.. 好難量化，更加無可能係KV+SC/3 或者 (KV+SC)/3
我只知今年KM 考小一成績比往年好
作者: applered525 時間: 12-4-10 14:44
Hi 小曳人,
幼稚園已有運動會??? 
請問KM運動會有什麼活動和比賽項目? 是不是大部分幼稚園都有運動會? Thanks!!! 
作者: whychan777 時間: 12-4-10 15:36
applered525 發表於 12-4-10 14:44
Hi 小曳人,
幼稚園已有運動會???
運動會只睇各班小朋友表演.......
之後有遊戲俾小朋友玩........
只有海報設計係唯一運動會架比賽........
作者: hkspiderman 時間: 12-4-10 23:46
實力能否量化不是main point, 問題係成日神化KM話功課多教得深，但考直資私小成績未見突出，又無聽過小一小二有KM學生考第一，即係話KM教不得其法，只係賣弄功課多教得深，虛有其名也！
你話考小一比往年好重攪笑！講真過往都唔係好，上年直情係超差！只可以講今年無上年咁差！ 我附近某村校一級只有3X人，每年最少有4人入YW/DBS/DGS/SPCC （重要有1／3人無報因經濟問題），單計成功百份比真好
作者: fishingcat 時間: 12-4-11 05:45
題外話，我估有人得罪人鳥.......有殺氣!
作者: homepridealice 時間: 12-4-11 09:46
咁有真係好少聽人講KM的負面東西, 我都好好奇, HKspiderman話KM教不得其法, 又話上年考得差, 但我有朋友個囡讀緊KM, 講左好多關於KM, 教得好好GOR WOR, 而且KM都夠膽公開考小學成績, 都幾好呀, 所以唔知HKspiderman是否KM用家, 還是只係聽人講而已?
作者: fishingcat 時間: 12-4-11 13:42
hkspiderman 應該唔係KM用家, 不過我個仔係, 佢可能係某村校用家. 言歸正傳, 在KM N上Ｋ1了, 我非常滿意, 兒子愛上學, 愛做家課, 可講述所學及功課內容, 只需完成後檢查便可, 仲好活潑(直頭係曳), 因學生人數不多, 老師們均可叫出兒子名字, 這是細校優點; 我知道如依進度, 必如KM所述 '能逐漸過渡至傳統教學', 就算食3年老本, 我也必會健康和長命些; 我相信小曳人資料, 因見她寫了兩年多, 內容不變(比人X極都不變, 不過她可能最愛樂基), 定必做過深厚分析才回覆, 以KM上年私小成績確很差, 跌晒watt, 樓主可參考: http://www.keenmind.com.hk/zh/primary.htm
亦應尋回以前幾年資料, 以供比較, 除教學以外KM是否你杯茶.
其實如有幸上述三所KG收晒才需比較( 當然恭喜你
), 若只有一所收亦應高興.
作者: cherryird 時間: 12-4-11 14:54
提示: 作者被禁止或刪除 內容自動屏蔽
作者: 小曳人 時間: 12-4-11 15:22
本帖最後由 小曳人 於 12-4-11 15:22 編輯
其實舊年係幾年嚟較差嘅，我都睇到
今年呢~ 以我聽返嚟，報得SFA嘅都差乎有offer (我知呢間唔算頂級，但佢都係一間勁高要求嘅學校) YW都有超過7個小朋友收到offer(有家長話會放棄去抽41網)，當然最終會係點，未知，因為都未派位！學校只會等派位後出問卷問家長
但如果講KM係咪教不得奇法，就好睇你想教d乜，做為KM用家，我一路都清楚明白佢係想train up小朋友上SFA呢類小學，反而好奇怪往年唔係太多小朋友入SFA，可能好多家長唔鍾意呢間學校太谷，所以放棄！
簡單d講，家長要多了解一間學校嘅教學方針係咪適合自己同埋小朋友，呢個世界無話有絕對好嘅學校，只要揾到一間啱你同你小朋友嘅就好！
批評我都無用，好多睇開EK嘅人都知，我係大蠢材，報名講明只讀AM班，KV/SC都肯收都唔讀，因為我信嘅係家教比學校緊要，面試表現比响邊間學校畢生重要，孩子自然會遇到一間合適佢嘅學校
作者: hayley1328 時間: 12-4-11 15:41
回復 小曳人 的帖子
小曳人, SC/KV/KM 三間都收你小朋友啊? 好勁啊! 可否分享下點教點TRAIN的心得啊?
作者: 小曳人 時間: 12-4-11 16:07
hayley1328 發表於 12-4-11 15:41 
回復 小曳人 的帖子
小曳人, SC/KV/KM 三間都收你小朋友啊? 好勁啊! 可否分享下點教點TRAIN的心得啊?
唔好咁講，KM嘅N班學生都好多收到KV/SC嘅K1 offer，真係一d都唔出奇！
要响KM N班interview突圍，我個人覺得小朋友唔故黐身好緊要，其次係家長表現同埋問卷
因為係爸爸帶去面試，我唔多清楚阿仔有乜過人表現，正正常常，叫做有問有答，係in KV較特別，老師問佢邊個帶佢嚟，佢指住手上份form，爸爸個名...要老師多問幾次，佢先肯話xxx係佢爸爸！ 我初初聽到都以為老師會唔鍾意！
我無特別train 佢面試，只係叫佢去玩，不過如果小朋友對住爸爸會獨立d嘅，就叫爸爸帶好過，大多小朋友同阿媽一切會嗲d！
作者: hayley1328 時間: 12-4-11 16:23
小曳人, 謝謝你, 我囡囡今年報N, 睇到個個家長都報十間八間又好多REJECT好多WAITING搞到未開始報名己經有點恐懼症了.
作者: 仔仔錫錫你 時間: 12-4-11 17:28
咁有無考CCKG? 培正？
作者: hkspiderman 時間: 12-4-13 16:17
回復 仔仔錫錫你 的帖子
你見佢唔答你就知入考唔到喇
作者: hkspiderman 時間: 12-4-13 17:32
回復 小曳人 的帖子
認同舊年比過往更蒫
但我睇到有家長常吹噓km 功課多教得深(k2 學小一野), 咁讀得km即係話唔怕谷, 何以會"唔鍾意呢間學校太谷"? 係因為km 谷得太勁所以唔想再去sfa谷 or km 跟本谷唔起怕去到sfa 跟唔上? 實在有點不合情理(kv 唔見有呢個問題) 當然你可以話百幾人都考到, 但個個都抽到LS, MCS, HY.... or 考到 DBS, DGS, SPCC... 所以唔入SFA, 但睇下d 數字又多似. 當然你又可以話好多人考到 d hot school DBS, DGS, SPCC, YW 但好多放棄去左 LS, MCS.....
教不得奇法唔係睇你想教d乜, 係睇點教, 課程是否合乎年紀. 正常情況如果kg教得深可見兩事情, 1.投考小一結果比其他好, 因識得比人深(係比人深唔係比人多) 2. 在小一小二時因kg 課程已學過理應考試可以名列前茅 但2事情都不太像樣, 原因只有幾個, 教不得其法, 課程不否合乎年紀 or 小朋友質素(我認為來機會不大因小朋友像白纸什麼都可以吸收)
再睇下LH, York, 無咩人吹噓, 但考小一表現, 課情, 什至於升上小一小二時的成績都不錯, 所以請不要再神化KM了.......
作者: bopui0607 時間: 12-4-13 17:49 標題: 回覆：hkspiderman 的帖子
你好唔妥KM喎！咁你覺得SC 同KV 如何？你小朋友係讀緊/將會讀邊間？我本人並沒有報KM.
作者: chongnicole 時間: 12-4-13 18:19
對谷得勁的幼稚園深惡痛絕，所以無報過KV和KM。外國小朋友在6歲前是完全吳谷的，我們亞洲超前，都無需要咁誇。
不過，其他家長好中意小朋友讀緊間學校，都無大問題。
小曳人咁多年係EK同大家分享好多，好有心同好難得㗎！
作者: twolilmonkeys 時間: 12-4-13 21:11
回復 chongnicole 的帖子
外國小朋友 don't need to learn Chinese, and their Maths (UK) is a joke.
作者: Ackl1002 時間: 12-4-13 21:22
But they can mostly catch up in university. Does that mean there is no advantage in learning quicker than others?
作者: chongnicole 時間: 12-4-13 21:47
回復 twolilmonkeys 的帖子
眼見好多朋友死背書、一早burn out，上到中三中五已經後勁不繼，所以我以前一心想比個女讀中英兼備、學術好的國際學校，但全港得兩、三間，吳係expat、無sibling，就算係passport holder都無優勢。
退一步去一d比較容易入的國際學校school tour，個system係跟其他國家，但程度同local
比，真系差好遠好遠，大吃一驚。
作者: cycream 時間: 12-4-13 22:57 標題: 引用：你好唔妥KM喎！咁你覺得SC+同KV+如何？你小
原帖由 bopui0607 於 12-04-13 發表
你好唔妥KM喎！咁你覺得SC 同KV 如何？你小朋友係讀緊/將會讀邊間？我本人並沒有報KM.
...
作者: whychan777 時間: 12-4-13 23:57
小曳人 發表於 12-4-11 15:22
其實舊年係幾年嚟較差嘅，我都睇到
今年呢~ 以我聽返嚟，報得SFA嘅都差乎有offer (我知呢間唔算頂級，但佢 ...
作者: BabyGcc 時間: 12-4-14 00:12
我同事有2個小朋友都係讀緊km，她超讚D老師教得好，但課程我就唔知。
作者: gloomy1115 時間: 12-4-14 09:39
我係KM用家,平心而論, 我真係唔覺得KM好谷,功課好多, 雖然我個係細女, 我無咩點同佢溫書佢都可以catch up到個課程, 即係唔神話啦!(我唔係想講話佢叻呀大家唔好誤會) . 我想講係km係有佢辦法去教小朋友, 而我小朋友係km已經兩年, 如果你問我km有咩好, (就算朋友問我都甘講), 我鍾意佢老師好有愛心, 錫小朋友, 同家長關係好好, 而且小班教學, 英普班. 從來我唔會話功課多課程深, 因為其實我見朋友個女讀st rose, 佢d功課重深重多重谷啦, 佢地k2寫英文字次次都係5,60個字ka, km都唔夠10個.
唔係幫小曳人講好說話, 我覺得就算佢吹捧km都唔係好大問題, 點解大家要針對佢? 甘佢鍾意km有咩問題? 如果佢唔鍾意早早轉左校啦, 唔通佢係度唱衰佢咩?!
(在這話題只留一次言, 如有得罪隨便鬧, 但我不會回應的了
)
作者: hecabb 時間: 12-4-14 12:16 標題: 回覆：homepridealice 的帖子
其實坊間太多傳聞了~我個女現讀SC, 契女讀KV, 好友個仔讀KM, 同係K2. 三間都係攻傳統小學嘅好kinder，程度相約。KV家校合作比較少，SC同KM比較多親子習作。而三間中KV冇NET同冇教phonics, 我識嘅KV小朋友都有出去學phonics, 但平時家長involve比較少，學校出力較多。我契女連考試父母都唔洗理
SC需要家長involve, 在校教的多但要求並非十分嚴格，SC家長普遍自家有跟進學校所學的，即學校派的revision就可以，亦不需太多時間，我自己只會放工回家檢查已做的功課，及在assessment前做兩三次revision而已。女兒K2 1st term assessment report 全excellent 只有一個good, so 要求並不高~
KM係三間中最進取的，我覺得最谷，但學校師生関係最close，但家長亦需involve的，因幾多親子習作
以上係同友人分享的經驗
作者: iantsang 時間: 12-4-14 13:37
本帖最後由 iantsang 於 12-4-14 13:39 編輯
hkspiderman 發表於 12-4-10 23:46
實力能否量化不是main point, 問題係成日神化KM話功課多教得深，但考直資私小成績未見突出，又無聽過小一小 ...
懇請大家能保持冷靜討論的氣氛，不要人身攻擊或作出侮辱性的言詞。
如再有不理智的攻擊言論，發言者將被禁言，讓其冷靜一下。
多謝大家合作!
版主 iantsang
作者: fionbabynok 時間: 12-4-14 14:12 標題: 引用：我係KM用家,平心而論,+我真係唔覺得KM好谷,
原帖由 gloomy1115 於 12-04-14 發表
我係KM用家,平心而論, 我真係唔覺得KM好谷,功課好多, 雖然我個係細女, 我無咩點同佢溫書佢都可以catch up到 ...
亦都多謝各位分享KV sc 同 km既資料，thank you very much
作者: 仔仔錫錫你 時間: 12-4-14 15:35
可能我無指導姓問先無留意姐！ 佢個仔咁叻又讀左成年N班先去考cckg 點會唔得呀！
作者: cycream 時間: 12-4-14 17:09 標題: 引用：可能我無指導姓問先無留意姐！+佢個仔咁叻
原帖由 仔仔錫錫你 於 12-04-14 發表
可能我無指導姓問先無留意姐！ 佢個仔咁叻又讀左成年N班先去考cckg 點會唔得呀！ ...
作者: iantsang 時間: 12-4-14 21:57
請大家注意討論內容已與主題無關，如無改善，將關閉此帖。
多謝大家合作!
超版 iantsang
作者: super1984 時間: 12-4-16 01:19
Ackl1002 發表於 12-4-13 21:22
But they can mostly catch up in university. Does that mean there is no advantage in learning quicker ...
好簡單, 因為讀到研究院, 是inquiry base的. 香港 ( 或亞洲 ) 的教育制度, 強調催谷. 但就不強調自己摸索. 人地餵埋俾你食, 又點識自己去搵食呀.
我有朋友在美國做教授, 帶住一班研究生做research, 來自中國和香港的學生, 基本上欠缺宏觀視野, 做研究, 其實好似查案咁, 你做這個實驗, 你得到某個result, 於是你要作出假設, 然後設定下一個實驗, 是一步一步抽絲剝繭的, 我朋友講, 外國的大學生, 他們這方面就掌握得好, 相反, 中國和香港的大學生, 假如做實驗發現A+B=C, 他們會提出不如試下A+D, 睇下出咩結果, 咁我朋友問佢點解咁做, 答唔出, 佢地話咩都試下囉.
作者: karen55407 時間: 12-4-16 08:36
SC讀得輕鬆、開心，功課量不多，卻能教得學生學術程度高，具充滿自信。這是我作為用家心聲
作者: marcuscyrus 時間: 12-4-16 09:22
其實講a校好又不等如b校不好，我孩子讀km，未讀過另外兩間，不能置評，某些家長會說，見過某學校學生讀完點點點好/點點點差，大家就會覺得某校學生是這樣，有冇想過其實就算呢個小孩去左另一d學校讀可能都是一樣。
樓主所問3間學校，以sc/kv名氣大，歷史久，我孩子讀km，外間說谷，我覺得可能算是偏深，但又唔算深到讀唔上o個隻，起碼我兩個平庸的孩子都讀得ok，考小學成績呢d野亦是好個人，我覺得我阿仔如果係讀sc/kv，我估都係考到依家考到的學校
我孩子s當年冇咁好彩，3間之中只有km的offer(sc唔收，kv冇報)，總括來說都是滿意的(唔..其實冇比較過，除非有大件事發生，否則應該都是滿意啦)，第申一句，我覺得km好，並不等於我覺得sc/kv唔好
作者: wendysuperbaby 時間: 12-4-18 16:25
小兒以外來生在km就讀k1, 絕對贊同小曳人對km的評價,我不覺佢神化學校，我亦相信小兒將可順利涵接小學。我個人從不寄望小
作者: 小曳人 時間: 12-4-18 21:54
最近，屋企有d事所以無上嚟一排，估唔到搞到咁多事，真係好對唔住大家！亦都好多謝部份家長嘅支持
我想借個位講少少嘢：從來，我會話世上無最好嘅學校，只係有適合你/你小朋友嘅學校，啱我嘅，未必啱你，人人嘅要求唔同！
而教養小朋友，學校只係其中一個部份，家教永遠比學校更為重要，而大部份嘅小學都好注重面試表現，面試表現永遠比由邊間學校畢業為重要。
呢度樓上好似有位會員都提過，其實不止一次，我講過長子考唔入hkps (ascot)，所以心目中得唔到嘅永遠係最好嘅！而個人的確覺得ascot嘅課程應該幾適合孩子嘅性格，但係.. 啱大仔嘅亦未必啱二仔。咁又何來最好嘅學校呢？而當初揀KM，真係唔係睇佢派位，主要係鍾情細校，而KV/SC 都要am/pm咁轉，在我~作息習慣對一個人係好重要嘅！
如果本人討論中引起大家唔高興，深表歉意，但如果大家對自己所選擇的感到滿意，又何須為我呢d閒人動怒呢？！祝願每位家長都能夠幫小朋友揾到一間合適嘅學校！
如果有會員需要幫忙，可以隨時pm我，我會盡量覆大家，但討論區上面就可能會有一排未必得閒睇喇~
Ian, 對唔住，麻煩咗你喇！
作者: LL222 時間: 12-4-18 22:11
回復 小曳人 的帖子
係你咁熱心嘅家長先答hkspiderman, 佢無論有關KM定冇關KM個post都會鬧KM，什至問KM D男生係唔係變性去GH！
佢大女同細仔讀SC，一直對SC讚口不絶，咁點解要鬧KM？ 真係有人神化KM又與他何干？ 又唔係騙咗佢仔女去讀KM！最繄要KM用家覺得滿意咪得囉。 如果有人不停鬧SC佢又諗？
這個post 得佢同比人blocked嗰個反KM之外, 其餘都支持KM，講嘅points 同我係KM用家一樣，小班, 老師EE有愛心，（小女返一個月門口EE已經叫得出佢個名），教到D小朋友自動波做功課。我都同你講過擔心寫字(K1 ) 但宜家佢有空就叫我比紙佢寫，A至Z，一至上.......... 呀.... 我同你一樣, 只揀am, 午睡重要嘛！點諗？
作者: kenneth462521 時間: 12-4-18 23:40
本帖最後由 kenneth462521 於 12-4-19 13:54 編輯
LL222 發表於 12-4-18 22:11
回復 小曳人 的帖子
係你咁熱心嘅家長先答hkspiderman, 佢無論有關KM定冇關KM個post都會鬧KM，什至問KM D ...
間間學校都好，
作者: iantsang 時間: 12-4-19 01:03
討論內容已與主題無關，現將此帖關閉!
| 歡迎光臨 教育王國 (/) |
Powered by Discuz! X1.5 |