教育王國

標題: Help! 請幫忙，萬分感激！ [打印本頁]

作者: bebebettyw 時間: 12-4-6 01:52 標題: Help! 請幫忙，萬分感激！

我個仔三歲半(A仔），由出世到而家都係用奶樽飲奶，飲其他嘢例如水或果汁用杯就得。第一部想同佢戒奶樽，但過程非常困難，佢勁鐘意飲奶，如果佢見倒D奶我倒落個杯到佢就即發癲（大哭大叫lur地嗰隻）。究竟我可以點入手？我個仔其實適應同學習能力強，但某些東西就勁故埶。

第二樣嘢我都勁頭痛：點同佢戒尿片？佢而家大大同小小都喺條片到。佢完全冇意識去廁所大大或小小，我每次帶佢去廁所佢都係冇料到。唔好話戒片，就連叫佢去廁所而"all"倒尿尿呢一個動作佢都末做倒。佢完全冇"要去廁所all尿＂呢個concept.我同學校都有教佢但唔成功。

各位BK媽媽，希望你地可以比D意見同advice我，萬分感激！

心急的媽媽上

作者: autunmbb 時間: 12-4-6 22:54

bebebettyw 發表於 12-4-6 01:52
我個仔三歲半(A仔），由出世到而家都係用奶樽飲奶，飲其他嘢例如水或果汁用杯就得。第一部想同佢戒奶樽，但 ...

介片～～想問仔仔返學未？

我個仔返左學同學校夾就好快介到片，大大就還在努力中。

我覺得a仔就專「恰」媽咪，佢地發癲，我地好多時都會心軟～～～加油～～～

作者: pocoyo123 時間: 12-4-7 00:07

小朋友3歲半, 介片急切性大個介奶樽, 第一件耍立起心腸就係不要再比尿片佢著, 開始要忍得佢不停賴, 每次要同佢解釋急尿要表示去厠所, 不要立即同佢換褲, 慢慢試

作者: bebebettyw 時間: 12-4-11 02:28 標題: 回覆：pocoyo123 的帖子

請問一下大家嘅小朋友幾多歲戒倒片？幾多歲識去廁所尿尿？希望大家可以分享一吓。thanks!!

作者: bbricky 時間: 12-4-11 05:04

我囝囝三歲已戒片,自己去廁所,夜片就四歲,有時都會失手!

作者: catregist 時間: 12-4-13 22:09

因為係仔, 我叫爸爸示範給仔仔睇, 一方面講話"尿尿", 使他明白可以在廁所除衭企係到尿尿。
再定時帶他上廁所。

作者: pocoyo123 時間: 12-4-13 23:06

我亞仔兩歲半介小, 夜片就3歲OK,4年未有失敗, 反而介大大就需耍多些時間, 因為小就企來柯, 但大大就要坐來柯, 開始唔肯, 要扎馬姿態柯, 柯左一兩個月先肯試坐, 幾煩

作者: bebebettyw 時間: 12-4-20 16:08 標題: 回覆：bebebettyw 的帖子

有時真係覺得好累，好無奈。但我唔會放棄。

歡迎光臨教育王國 (/)