教育王國

標題: 阿仔18個月仲未識講野，我好擔心。 [打印本頁]

作者: bloglo110 時間: 12-4-5 22:54 標題: 阿仔18個月仲未識講野，我好擔心。

我老公有過度活躍，我都好擔心阿仔會有。不過so far佢肯同人say hi, 溝通。不過唔肯講野，就連媽媽，爸爸都唔肯講。唔知系唔糸我地用2種語言呢。

作者: Ultrawan 時間: 12-4-10 14:53

提示: 作者被禁止或刪除內容自動屏蔽

作者: cat1028 時間: 12-4-10 18:02

我bb都係18個月未開口, 依家25個月, 都仲未, 好後悔當時無聽朋友講排評估, 依家可能要排大半年至有得見醫生, 9月n班仲未有著落.哎
諗起評完取信至排學位..bb可能要轉校重新適應, 所以更後悔.

作者: bloglo110 時間: 12-4-12 23:59 標題: 回覆：cat1028 的帖子

系呀。我想去排，不過我老公和老豆都話佢冇問題。8月份會返幼兒園，如果到時冇改善，就要做評估了

作者: cat1028 時間: 12-4-14 00:55

健康院姑娘點講呀, 你咪參考吓至決定. 8月份開學咪再俾多一段時間bb.
我bb都會同人hi, fly kiss,hi five 人人都想玩(包括3唔識7的,惡形惡相的..), 我老公當時都係唔讚成排評估, 但依家佢無野好講, 排咗到時你覺得ok 就唔去囉.

作者: bloglo110 時間: 12-4-15 23:44 標題: 回覆：cat1028 的帖子

Thank you for your advice.

作者: hc1018 時間: 12-4-16 08:58 標題: 回覆：阿仔18個月仲未識講野，我好擔心。

我仔仔都係，十八個月果時都無講野，好彩有間學校收，返左學半年，依加就會講多左外星話，但大人話就十句都無，兩歲返健康院見醫生仲話無問題，最後要迫醫生俾信排評估，但要等半年，仲有三個月等，希望真係無事！希望大家小朋友都無事

作者: chunlk 時間: 12-4-16 13:56

我仔23個月喇，情況一樣...咩都明但唔講。我都好擔心，所以幫佢報左8月N班，希望有幫助啦....
想問下月2歲去健康院係咪只見姑娘?定係有醫生檢查?

作者: Lavanda 時間: 12-4-16 14:16

chunlk 發表於 12-4-16 13:56
我仔23個月喇，情況一樣...咩都明但唔講。我都好擔心，所以幫佢報左8月N班，希望有幫助啦....
想問下月2歲 ...

我個仔21個月都係咁, 佢18個月返健康院檢查嗰時我同姑娘講話佢咩都唔識講, 叫佢又唔應, 又唔太望人, 咁姑娘就轉介我去見中心姑娘, 依家等緊見醫生, 雖然仔仔有啲進步, 但都係未識講嘢同唔識指眼耳口鼻嗰啲.

作者: leung714 時間: 12-5-3 16:31

提示: 作者被禁止或刪除內容自動屏蔽

作者: C9Fa 時間: 12-5-3 22:04

回復 Lavanda 的帖子

我個仔同你個仔一樣, 佢25個月啦, 但咩都唔識講, 眼耳口又唔識指. 月尾見健康院醫生做評估. 請問refer去見評估中心護士要等幾耐? 再refer去見評估中心醫生又要等幾耐?

佢10月要in K1, 到時都唔識講野, 係咪冇學校會收? 好擔心呀!!

作者: Elaine_to 時間: 12-5-4 10:19

我仔依家 28 個月。2 歲之時見完健康院醫生。再 refer to 評估中心見護士。我個時大約排左 1 個月左右。見完評估中心護士先可再 refer 見醫生。護士同我講要排 9-12 個月才見第 2 次 (即見有關專業人士, eg 言語治療師/醫生/職業治療師等等)

作者: mimi_bbcat 時間: 12-5-4 12:40

我囡囡兩歲時又是講單字唔多個10個, 去完健康院見醫生, 好好彩排了一個星期就見醫院護士了, 護士說起碼等半年才可以做評估.
我馬上同阿囡找私人的言語治療師, 現在返左7堂, 進步了好多, 講多左好多野, 不過都是單字多, 要再努力.

作者: bloglo110 時間: 12-5-4 23:29 標題: 回覆：mimi_bbcat 的帖子

仔仔好多野都識，不過就唔肯開口。激死:;pppp:

作者: hc1018 時間: 12-5-8 18:46 標題: 回覆：mimi_bbcat 的帖子

請問返邊間言語治療？

作者: cat1028 時間: 12-5-12 17:40

回復 C9Fa 的帖子

我係自己去排評估, 係睇開BB個家庭醫生建議, 咁醫生寫咗信, 打去排期.
當時BB 23個月, 月尾會去健康院, 自己排評估中心, 第一次係3星期後見姑娘, 比我去健康院的期早, 都係話要排半年以上, 一定等.
月尾去健康院, 姑娘問完, 當然要再排健康院醫生, (HELP)要排半年, 計計吓, 呢到排半年, 再排評估中心(保手估計)7-9個月, 咩黃金時間都過去喇.
當然建議你立即行動, 睇私家安排服務(好貴), 再排政府評估, 再等服務(平D). 唔好浪費時間
返下PLAYGROUP, 我依家返同一個課程第4個月, BB開始同朋輩玩.

作者: mimi_bbcat 時間: 12-5-14 17:12

回復 hc1018 的帖子

我個囡參加耀能協會, 一個星期一堂

作者: Lavanda 時間: 12-5-20 22:28 標題: 引用：回復+Lavanda+的帖子我個仔同你個仔一樣,

原帖由 C9Fa 於 12-05-03 發表
回復 Lavanda 的帖子

我個仔同你個仔一樣, 佢25個月啦, 但咩都唔識講, 眼耳口又唔識指. 月尾見健康院醫生 ...

唔好意思咁遲先覆，我依家仲排緊，依家諗住睇私家希望佢8月返學前可以做完評估，阿仔就快2歲嘞，仲係一個單字都唔識講，又唔會手指指，好擔心

作者: luckycat 時間: 12-8-3 22:28

回復 Lavanda 的帖子

不必擔心，繼續做
你會慢慢看到的結果

作者: secretrose 時間: 12-9-7 11:49

回復 mimi_bbcat 的帖子

邊到有得做?可否介紹我?
我阿女18人個月, 唔識講野, 我叫他hi, hello她只會wave hand但唔肯開口講....
好擔心...

作者: channba31 時間: 12-9-9 18:38

提示: 作者被禁止或刪除內容自動屏蔽

作者: channba31 時間: 12-9-9 18:40

提示: 作者被禁止或刪除內容自動屏蔽

作者: mimi_bbcat 時間: 12-9-10 11:21

回復 secretrose 的帖子

18個月人仔仲是好細啫, 你又不需太過擔心, 你記住同佢講多d野, 咩都同佢,佢就會慢慢學識了.
我個囡都是2歲先去做評估, 你可以排耀能和協康會, 價錢大約$650 左右.
除了說話表達, 認知都要教佢 , 例如: 眼耳口鼻手腳的位置等等...

作者: cat1028 時間: 12-9-10 13:49

我囝以前要咩都係捉大人手去指，後來我捉住佢隻食指話要咩指俾我睇，佢捉我手指就唔俾佢捉，慢慢我囝就知要用自己手指指出需要。
眼耳口鼻我就係用兒歌＂head & shoulder" 來教，跟歌詞做動作，你要幫佢指eye,ear,mouth,nose. 佢明白就教埋中文。自己學識唱及動作，快慢自主。唱多幾次你問佢眼睛呢？可能指到比你睇。
加油呀

歡迎光臨教育王國 (/)