教育王國
標題: 宣基小學, 陸慶濤小學, 播道書院 [打印本頁]
作者: cowkingb 時間: 12-4-3 10:02 標題: 宣基小學, 陸慶濤小學, 播道書院
大家好, 我囝囝今年 K2, 要開始諗學校...
請問大家對以上 3 間學校有咩意見呀? 我知 3 間都唔易入, 但本區唔係好多選擇, 想問下大家意見.
都有諗過誇區一條龍, 不過競爭會重大....
多謝!!!!
作者: ziyi 時間: 12-4-3 10:14
1) 是津貼學校,如果夠分,第一輪都肯定入,如果唔夠分,那只有望抽中,不過,要注意的宣基跟宣中好似會斷聯繫,不過就算唔斷,宣中來年由5班轉4班,而聯繫關係代表了最多25%上
2) 陸慶濤校舍較小,不過中學部成績對比GT較好,只要成績符合要求可直升,沒有呈分,而學費較平,而且可以預算,因是以入學那一年的學費apply for all 6 years,即小一交多少,小六也是,而比較播道來說,容易入,小囡今年是小一,當年k2升k3時,因讀區內PLK,當時收到LHT的資料,上面基本說如果讀PLK幼稚園的申請,如無意外都收.但到2012/13的申請,因申請人多了,都有reject的,而且,不知道PLK幼稚園是否仍舊有優惠.
3) 播道是超熱門的,而他是可以選擇性呈分,但如果學生選擇了呈分,那等同放棄中學部的學位, 3間中,以EC是最多人申請,也最難入
作者: cowkingb 時間: 12-4-3 11:11
ziyi, 好耐無見啦, 你好嗎?
多謝你既意見同資料. LHT 無呈分係一個問題, 但播道無公開試既 track record 我都擔心, 重好似傳話個校長做埋今年唔做, 好多嘢都唔明朗咁.
宣小同宣中既聯繫好似會 extend 多兩年, 剛好 cover 倒我個仔. 不過宣小唔係普中, 宣中又係中中, 呢個我有 d hesitation, 因為我個仔而家係兩文三語, language 幾好, 我想佢可以繼續, 特別係佢比我地覺得佢有興趣語言, 連老師都咁話...
老實講將軍澳唔係太多選擇, 我由開初完全唔諗誇區, 到而家都想搏一搏...
一諗到咁就煩啦...
作者: bignose 時間: 12-4-3 12:27
播道校長已多次澄清 '唔做' 的傳聞了. 不用擔心.
另外, 播道始終是新校, 現階段的中學都是外面收回來的, 成績有待觀察.
我兒在小學部, 整體來說我是滿意的.
作者: BSCYL 時間: 12-4-3 12:50
宣基只得15分, 很難抽
讀陸慶濤, 心理預備上羅氏, 適合中上成績小朋友, 估計羅氏公開試成績比播道好. 壓力相對比播道大. 頂尖兒將天, 馮晴
播道存未知因素, 要考慮清楚
有宗教分在手, 可考慮循道, 成績好報將天, 中學派位較有保障
無宗教分, 馮晴(升中較好), 黃永樹 都是較受歡迎.
接下來, 信義會, 信義明道, 梁潔華, 王余家潔
作者: cowkingb 時間: 12-4-3 14:55
真係好多資料呀. 多謝你地...
想請問點先算頂尖生? 我囝囝而家讀緊綠茵國際, 校長時時都話佢地既課程深, 同播道既二年級課程差唔多. 但我無真正去睇過其他 K 既課本, 所以唔知個分別? 如果我個仔既校內成績屬頭3名, 咁考將天機會大唔大呢?
我知大抽獎前, 只有一次機會向津校叩門, 如果唔得, 大抽獎要選返果間先大機會 d. 所以如果考宣小唔得, 直資又唔收就 c 啦....
我知 LHT 無呈分試, 不過佢地既成績又好似幾好. 播道, 我同老公都有去過學校睇過, D 學生真係幾乖, 至少無講粗口.
作者: cowkingb 時間: 12-4-3 14:58
BSCYL,
請問播道係咪屬英小/中學同中文係唔係用普通話教架?謝謝...
作者: bignose 時間: 12-4-3 17:42
播道是英小, 英中.
作者: Gogojuly 時間: 12-4-3 23:47
cowkingb 發表於 12-4-3 14:55 
真係好多資料呀. 多謝你地...
想請問點先算頂尖生? 我囝囝而家讀緊綠茵國際, 校長時時都話佢地既課程深, ...
幼稚園已排名次了嗎?
作者: cowkingb 時間: 12-4-5 11:48
Thanks, bignose. 請問你是否有小朋友就讀此校? 謝謝...
作者: cowkingb 時間: 12-4-5 11:52
Gogojuly,
係呀, 我本身都唔知有名次分. 係上年K1 summer 前特然收到班主任電話, 話阿仔要去K3畢業典禮到攞獎先知...
作者: cleokiko 時間: 12-4-8 02:29
你們好！我囝囝都係K2,我打算報讀直資，私立！播道都係心頭好！我發覺真道好似唔係咁多人喜歡？陸慶濤校舍真唔掂！黃永樹得15分是否好難入？我打算將來升中會用媽媽住址報！因為何文田區！這樣可以申請誇網網表選擇？好想考聖三一！因為私小！仲有機會大抽獎嘛！而且中學校網好﹐。各位都是住將軍澳嗎？
作者: ziyi 時間: 12-4-9 11:42
回復 cowkingb 的帖子
宜中今年起是英中了,再之前是4班英中,1班中中.
今年減班後,全部是英文班了
作者: cowkingb 時間: 12-4-10 10:52
回復 ziyi 的帖子
ziyi,
謝謝你的資料. 我姪女上年入左宣中, 我見佢有超多功課. 其實我都好鐘意宣小/中, 不過宣小同宣中只係聯繫 (如果聯繫真係 extend 多兩年去到 2014), 有 d 驚入唔倒宣中. 始中都要全級頭 20 名先 guarantee 入得宣中.
其實我想阿仔入一間英小又係普教中文既小學, 將軍澳好似唔多呢 d 選擇, 得播道, 陸慶濤? 津校好似無...
作者: cowkingb 時間: 12-4-10 10:55
回復 cleokiko 的帖子
cleokiko
想請問陸慶濤校舍點唔掂呀? 你已經去左學校既OPEN DAY? 有無多 D 資料呀? 謝...
作者: BSCYL 時間: 12-4-10 13:49
cowkingb 發表於 12-4-3 14:55
真係好多資料呀. 多謝你地...
想請問點先算頂尖生? 我囝囝而家讀緊綠茵國際, 校長時時都話佢地既課程深, ...
第3, 很好. 在自行計分制, 統一抽籤, 報將天都無優待, 但叩門必定有利.
小朋友受谷, 將天日後升中有保障
成績好及其他項目強 對報其他直資/私校 有幫助
其實區內各小學, 全級頭10名的學生, 不少都有報考區外名中學, 甚至傳統名校, 回報都不錯
若果要選區內數大熱門, 宣基, 將天, 馮晴, 最好立定志向, 只選一間, 自行, 統一甲一/乙一選同一間
若果預計小朋友將來都會是 band 1 頭 10名內, 而又不打算升讀羅氏的, 最好不要報陸
作者: BSCYL 時間: 12-4-10 13:55
Gogojuly 發表於 12-4-3 23:47
幼稚園已排名次了嗎?
雖然大部份幼稚園都無排名次, 但都會對個別出色的小朋友給予獎勵
另外小朋友 對比其他同齡的小朋友, 處事及學習能力是否較強, 父母都可以察覺到,
是否可以接受催谷, 個性特質如何. 再選適合小朋友的小學
作者: cowkingb 時間: 12-4-10 15:57
回復 BSCYL 的帖子
第3, 很好. 在自行計分制, 統一抽籤, 報將天都無優待, 但叩門必定有利.
小朋友受谷, 將天日後升中
有保障
成績好及其他項目強 對報其他直資/私校 有幫助
其實區內各小學
, 全級頭10名的學生, 不少都有報考區外名中學, 甚至傳統名校, 回報都不錯
若果要選區內數大熱門, 宣基, 將天, 馮晴, 最好立定志向, 只選一間, 自行, 統一甲一/乙一選同一間
若果預計小朋友將來都會是 band 1 頭 10名內, 而又不打算升讀羅氏的, 最好不要報陸
多謝! 我個仔既成績都算 OK, 不過都聽見好多家長話要睇臨埸表現...所以我只可以幫倒 D 我可以幫倒既, 可唔可以考倒一間心儀既小學, 要睇下祂如何安排.
阿仔只係上緊 3 個課外活動, 主力英文寫作, 普通話同鋼琴, 可以叫做無咩其他強項, 係咪即係比較難入倒直資呀?
我由阿仔 PN 開始已經每日同佢一齊做功課, 溫書, 可以等佢臨 EXAM 之前無咁辛苦, 亦希望佢來緊小學可以 KEEP 住係咁既 PRACTICE. 佢今年 1ST TERM 考第一, 我地好想佢可以 KEEP 倒啦.
...若果預計小朋友將來都會是 band 1 頭 10名內, 而又不打算升讀羅氏的, 最好不要報陸....... 咁係唔係應該選有呈分既呢? 係唔係 BAND 1 頭10名內... 好難而家定斷喎. 同埋點先係屬於 BAND 1 頭 10 名呀? 我點先知係唔係 BAND 1 呀?
作者: BSCYL 時間: 12-4-10 22:20
小朋友醒目, 精應對, 臨場表現好對考直資具優勢
當年一來直資並未十分流行, 二來經濟並不寬容, 所以一心報津校. 當然大氣候亦無現在熱衷表現學生各項活動能力. 小朋友只參加主要由校內舉辦的活動. 又留心幼稚園與心儀小學為同一辦學團體, 雖然自行統一無優待, 但叩門一定有幫助
你為小朋友已花了不少心血, 放鬆點吧, 衪會為你安排
因陸不呈分, 出外闖比較吃虧. 在一般5班大校, 考全級頭10名, 必是BAND 1頭. 可上各校網看看升中派位, 有多少人是區外名校, 就可知區內頭10不用擔心出路
作者: cowkingb 時間: 12-4-11 10:52
BSCYL,
謝謝! 所有認識我地既人就連老師都話我個仔考小學唔會有無問題, 但係我個仔好多時對陌生環境都有保留, 唔肯入班房, 呢個係最大既問題. 學校其實好好,已經開始比D訓練小朋友, 我地做父母既亦都會間唔中同囝囝解釋, 希望佢可以勇敢 D... 我淨係做倒咁多咋.
作者: BSCYL 時間: 12-4-12 13:54
cowkingb 發表於 12-4-11 10:52
BSCYL,
謝謝! 所有認識我地既人就連老師都話我個仔考小學唔會有無問題, 但係我個仔好多時對陌生環境都有 ...
可嘗試與小朋友多參與社區活動, 如青年協會, 靈實, 小童群益會 或坊間活動中心 的 海洋公園, 迪士尼, 釣墨魚, 泥膠, 象棋, 圍棋班等, 令小朋友多與陌生人, 陌生環境接觸.
鼓勵小朋友買喜歡的玩具, 自己到櫃枱付款, 麥當奴自已落單, 多嘗試, 胆量自然來
作者: BSCYL 時間: 12-4-12 14:01
小朋友有潛質, 選直資宜有呈分, 進可攻, 退可守
除將天, 馮晴外, 區內都有不少的津貼小學, 為資優小朋友提供培育, 頭10不愁中學出路
作者: cowkingb 時間: 12-4-13 09:42
BSCYL, 咁你之前有無比你既小朋友去參加面試班呀?
作者: cowkingb 時間: 12-4-13 09:46
阿仔其實比之前好左 D D 架啦, 至少而家返教會佢無話唔肯入班房, 係好間唔中先扭下計唔肯入. 不過無耐之前試過一次要轉班透, 咁阿仔就點都唔肯入去囉. 就算你係佢最鐘意既唱歌 SESSION (詩歌), 佢都唔肯入. 最後果次要跟我地去大人崇拜...
作者: BSCYL 時間: 12-4-13 13:26
cowkingb 發表於 12-4-13 09:42
BSCYL, 咁你之前有無比你既小朋友去參加面試班呀?
升小學無, 當時無打算報直資, 已有心儀小學
升中學有
幼稚園時已立定志向, 自行落選, 甲1填該小學, 空甲2, 甲3, 乙1再填同一小學
兩校屬同一辦學團體, 而且兩校校長關係密切. 預算統一都抽不到. 有信心
取得幼稚園校長 重磅推薦信, 加上一張有力証書, 相信叩門小學成功機會極高
作者: cowkingb 時間: 12-4-13 14:27
sorry 其實我有 d confused...
自行落選 - 即係大抽獎前果次自行分配學位?
如果自行唔收, 咁大抽獎張 form 就甲1填返該小學? 點解要空甲2, 甲3既?
乙一再填同間一小學 (即甲1落選左果間小學?), 目的係為表誠意?
...兩校屬同一辦學團體, 而且兩校校長關係密切... 呢個我唔係太明呀? 如果甲1同乙1係同一間小學, 咁點解會有兩個校長?
有力証書 - 學校既成績得唔得呀?
作者: BSCYL 時間: 12-4-14 14:41
cowkingb 發表於 12-4-13 14:27
sorry 其實我有 d confused...
自行落選 - 即係大抽獎前果次自行分配學位?
1. 自行是指大抽獎前那一次
2. 因我及小朋友一心一意希望入讀該小學, 若果甲2, 甲3填上其他校名, 又抽到, 變成放棄甲1那間
空甲2, 甲3, 即甲1抽不到, 即自動跳至乙1, 再抽1次同一間學校. 這樣做, 當然誠意十足
3. 空甲2, 甲3的做法是 心中只有一間小學, 若心儀小學有2間或3間, 彼此重視程度相差不太, 甲2, 甲必須要填, 切勿放
棄機會
4. 我指的兩校, 1是幼稚園, 1是小學. 另外我所指的有力証書(同一辦學機構), 只適用我當時的申請
5. 現時你申請直資, 或者日後叩門津校, 單一張幼稚園的成績表, 並不是絕對的保証, 當然好成績是有幫助
6. 你及小朋友應該有宗教信仰, 宣基有5分宗教分吧, 一間不錯的小學, 可積極考慮
作者: BSCYL 時間: 12-4-14 14:43
cowkingb 發表於 12-4-13 09:46
阿仔其實比之前好左 D D 架啦, 至少而家返教會佢無話唔肯入班房, 係好間唔中先扭下計唔肯入. 不過無耐之前 ...
要多鼓勵面對陌生瓖境及人, 對考直資及叩門面試很重要
作者: cowkingb 時間: 12-4-16 10:24
回復 BSCYL 的帖子
想請問, 抽 - 係咪真係好似六合彩咁抽 (BY SYSTEM), 定係學校都會 SCREEN 過架?
甲1 - 即係最想果仔入果間? 甲2 - 即係我地心中既次選? 如此類推? 甲部可以選誇區, 乙部一定係本區?
其實我本區真係心儀宣小, 其次係信義會. 我無諗過選誇區津校, 因為我驚如果我甲1同乙1唔同, 而呢間學校又唔收既話, 咁就死.
以我既諗法, 如果我津校只會諗本區, 咁係咪甲1選宣小, 空甲2同甲3? 乙1填返宣小, 乙2填信義會? 乙3填第3志願? 如此類推...?
作者: cowkingb 時間: 12-4-16 10:24
唔記得講唔該
作者: BSCYL 時間: 12-4-16 13:30
cowkingb 發表於 12-4-16 10:24
回復 BSCYL 的帖子
想請問, 抽 - 係咪真係好似六合彩咁抽 (BY SYSTEM), 定係學校都會 SCREEN 過架?
統一抽籤由教育局安排, 不是學校自行安排. 純講運氣
甲1甲2按喜好排先後, 甲部可跨區, 乙部是本區,
宣基放第2位可能已無機會, 信義會可能還有, 自行是否選宣小, 甲1,乙1都選宣小, 誠意較佳, 可用作日後叩門
若果一心想宣小, 甲2抽到信義會都失望, 要叩門宣小的話, 即按你想法, 甲1,乙1宣小, 空甲2,甲3, 乙2填信義會
作者: BSCYL 時間: 12-4-16 13:32
cowkingb 發表於 12-4-16 10:24
唔記得講唔該
不用客氣
作者: cowkingb 時間: 12-4-16 15:31
其實直資/津校我地都會比阿仔試. 因為怕我地喜好既直資 (本區同誇局既都有) 唔收阿仔. 所以津校都要留意. 本來都想比阿仔試考區外既出名既津校 (自行分配學位), 但如果自行 (即甲1 - 只係計分果 PART, 因我得一個仔, 我地又唔係0係該校就職) 所選既學校唔收, 咁我地就企0係度, 因為乙1一定要選區內既學校...如果甲1同乙1選唔同既學校會有影響區內大抽獎, 咁我就唔想搏, 唔係區外既名校唔收, 區內又入唔倒一間最心儀既, 唔知抽左去邊間, 我會好內疚.
我地本身返緊宣基堂既主日, 所以我地連阿仔對學校既地理情況其實都熟悉. 亦因為咁, 所以我地鐘意宣小, 好 WARM 既家, 阿仔好鍾意宣小. 不過宣小同宣中只係聯繫, 同埋阿仔而家 K 既課本係比較深 ( BASED ON 阿仔既校長), 所以想搵一間程度相若既比阿仔讀上去. 我地見阿仔面對而家既課程, 都讀得 OK 同開心, 所以唔想佢走回頭路, 讀返 D 淺既課程.
你係過來人, 我咁諗啱唔啱呀? 比 D 意見我呀?
作者: BSCYL 時間: 12-4-17 13:38
cowkingb 發表於 12-4-16 15:31
其實直資/津校我地都會比阿仔試. 因為怕我地喜好既直資 (本區同誇局既都有) 唔收阿仔. 所以津校都要留意. ...
自行只可選1間 (不限區域) 官/津校 (不包括直資/私校) 此部份計分, 同分抽籤
小朋友應該可以取得 與宣基相同信仰 的5分宗教分, 20分有機會抽, 但不一定抽到
統一甲部, 可選3間 (不限區域) 不計分, 只講運氣
統一乙部 , 只可選本區, 不計分, 只講運氣
其實以小朋友情況看, 自行, 甲1 (空甲2, 甲3) 乙1 再填宣基, 機會已不錯, 況且即使落選, 叩門機會都不俗
心儀中學是宣基, 更不用置疑, 宣小絕對是好選擇. 25%可以升上宣中, 比起其他小學, 相信不是頭10%,
無可能在自行可以獲得取錄. 要抽宣小可以先抽聯繫位, 再跟其他小朋友抽非保留位. 佔盡便宜
若果宣小課程淺, 小朋友更容易在校內取得好成績, 成功感是推動小朋友向前的動力.
若果能力所及, 可以給予小朋友上一些課餘的增潤課程, 尤其英文, 中文, 打好根基, 對日後中學極有幫助
好像阿仔現在中二, 有同學在校外已進修大學2年級的數學
宣中 更有日文必修課, 小朋友可以有多一種語言發展
作者: cowkingb 時間: 12-4-17 16:42
本帖最後由 cowkingb 於 12-4-17 16:42 編輯
原來我攪錯左, 真係好多謝你呀.
如果自行既官/津校係對大抽獎無影響既話, 咁我要比 D 心機睇下誇區既出名學校. .
作者: BSCYL 時間: 12-4-18 13:42
小心區內不少熱門小學, 要求 自行, 甲1, 乙1均選該校, 才會考慮叩門
宣基是否一樣, 最好在開放日留意學校宣佈
作者: cowkingb 時間: 12-4-18 14:32
回復 BSCYL 的帖子
其實以你既經驗, 係唔係大部份既直資/私校, 都會o係自分之前出晒 result 同要家長 register? thanks.
作者: BSCYL 時間: 12-4-19 13:05
cowkingb 發表於 12-4-18 14:32
回復 BSCYL 的帖子
其實以你既經驗, 係唔係大部份既直資/私校, 都會o係自分之前出晒 result 同要家長 regi ...
對不起! 直資小學收生情況, 不清楚
作者: cowkingb 時間: 12-4-19 14:20
回復 BSCYL 的帖子
不要緊, 謝謝...
作者: 姿迷 時間: 12-9-17 15:13
cowkingb 發表於 12-4-3 11:11 
ziyi, 好耐無見啦, 你好嗎?
多謝你既意見同資料. LHT 無呈分係一個問題, 但播道無公開試既 track record ...
作者: siutingto 時間: 12-9-20 00:07
提示: 作者被禁止或刪除 內容自動屏蔽
作者: MicFred 時間: 12-9-20 14:13
回復 ziyi 的帖子
"因是以入學那一年的學費apply for all 6 years,即小一交多少,小六也是,"
請問這點肯定嗎? 我見佢網頁無寫, 樂器是否要自已搵人教, 學校有無得教? 興趣班好似得4~5個位, 收費的嗎? 另海外觀學活動是否每人也可參加, 還是由老師選, 一般家長要俾幾錢?
除了學費都想了解及預算下入讀後可能出現的支出.謝謝!
作者: May媽媽 時間: 12-9-20 14:59
回復 bignose 的帖子
bignose,
想問一問你兒在播道讀緊, 請問 1)多不多功課默書呢? 2) 是否以英文為主要敎育道徑呢? 3) 會不會勁叫你出面學野呢?
以你上文所說, 這校都幾好, 請問那校有什麼你吸引你或覺得好的地方呢?
Thx..
| 歡迎光臨 教育王國 (/) |
Powered by Discuz! X1.5 |