教育王國
標題: 請教小朋友練習鋼琴問題? [打印本頁]
作者: bluefriend 時間: 12-4-2 13:54 標題: 請教小朋友練習鋼琴問題?
大家好, 我家小朋友, 學鋼琴半年, 以前一直只係學而不練(偶爾到鋼行練), 最近買了個數碼鋼琴俾佢, 佢每天都願意練半小時至一小時. 現在有以下問題請教:
1. 每星期要花多少時間去練真鋼琴比較好?
2. 在家練琴時, 你們是如何指導她? (我只係同佢一齊數拍子)
3. 練琴時, 是要他去一边看譜一边彈, 還是要反覆練習一首歌,直到彈得好為止?
4. 其實現階段,除了練習手法外, 練習辨別琴音重唔重要呢?
Thanks!
作者: hyatt 時間: 12-4-2 14:09
你小朋友有多大?
作者: bluefriend 時間: 12-4-2 14:16
回復 hyatt 的帖子
6岁4個月
作者: NICOLE123 時間: 12-4-2 16:20
點解唔直接問老師?
作者: bluefriend 時間: 12-4-2 16:35
回復 NICOLE123 的帖子
這裡問可以綜合多點人意見. 當然都會問老師的.
作者: lillymarie 時間: 12-4-2 17:16
本帖最後由 lillymarie 於 12-4-2 17:24 編輯
bluefriend 發表於 12-4-2 13:54 
大家好, 我家小朋友, 學鋼琴半年, 以前一直只係學而不練(偶爾到鋼行練), 最近買了個數碼鋼琴俾佢, 佢每天都 ...
第一題，無用數碼琴，唔識答。
第四題，留給老師答。
第三題，我將大囝老師的建議分享： 不要由頭彈到尾，將特別困難的地方重覆練習，甚至由最後兩個小節開始練，即是由尾練到頭。彈得好：做到老師的要求囉。
第二題，大囝老師叫我不要幫他，有困難就上課時問她，說教他彈琴是她的責任。不過，大囝已經11歲，要求可能不一樣。細囝，初初跟得好貼，所有我識睇的都幫他check. 自從老師叫我唔好跟咁多，睇下佢自己可以做幾多，我慢慢放手。（另外係我已開始跟唔到啦！哈哈！）
作者: 無氣同你講 時間: 12-4-2 18:43
bluefriend 發表於 12-4-2 13:54
大家好, 我家小朋友, 學鋼琴半年, 以前一直只係學而不練(偶爾到鋼行練), 最近買了個數碼鋼琴俾佢, 佢每天都 ...
應該問老師，相信老師。
因為如果你從網上得知既同老師有不同意見，你又同個老師講話係聽人講。個老師應該會唔係幾開心。
作者: 無氣同你講 時間: 12-4-2 18:45
bluefriend 發表於 12-4-2 13:54
大家好, 我家小朋友, 學鋼琴半年, 以前一直只係學而不練(偶爾到鋼行練), 最近買了個數碼鋼琴俾佢, 佢每天都 ...
其實你買左琴之後，個小朋友都已經肯自動每日去練半小時至一小時，夫復何求？？？？？？
應該比Ｄ時間去睇下個成果。
作者: marcuscyrus 時間: 12-4-2 19:14
無氣同你講 發表於 12-4-2 18:43 
應該問老師，相信老師。
因為如果你從網上得知既同老師有不同意見，你又同個老師講話係聽人講。個老師應 ...
你話我小器都係咁話，我都唔喜歡學生周圍問人
作者: bluefriend 時間: 12-4-3 09:23
多謝各位意見!
每位老師/家長對同一件事或一個問題可能有不同的看法.
但作為一個唔識鋼琴的家長(如我自己), 只是想了解多一點, 多聽聽別人的意見或經驗,
Thanks!
作者: bebebe12345 時間: 12-4-3 09:37
本帖最後由 bebebe12345 於 12-4-3 09:39 編輯
回復 bluefriend 的帖子
十分合理的做法、知多D不一定要照著做,多做一些資料搜集.....當越知越多,隨著孩子的長大,就會有不同要求,亦知所不足。我也是不懂彈琴的家長,摸著石頭過河的時間不少,似是而非的也見不少.....總是為了孩子而已。
作者: lillymarie 時間: 12-4-3 09:56
係啦！我都係從不同老師，不同書本，不同朋友，加埋上網，聽了很多方法。慢慢摸索出一個最適合小朋友的方法。
好鍾意在youtube prof v 的一句話：同一個問題，很多人有不同的方法，不是每個方法都適合自己，一個方法不一定適合所有人。
但我會將聽來的方法，問問老師意見。有時老師未聽過，但覺得好。有時老師聽過，覺得不好，就不要跟。
作者: 四隻貓 時間: 12-4-3 10:07
回復 bluefriend 的帖子
1. 每星期要花多少時間去練真鋼琴比較好?
我沒用過數碼琴, 所以不知道. 之前一直覺得練真鋼琴比較好, 但又有不少意見說其實數碼琴觸感已十分接近真鋼琴.
2. 在家練琴時, 你們是如何指導她? (我只係同佢一齊數拍子)
我會同女數拍子, 佢彈錯我會出聲指正, 因為我有陪佢上堂, 老師講既我會提返佢.
3. 練琴時, 是要他去一边看譜一边彈, 還是要反覆練習一首歌,直到彈得好為止?
初練一首歌時是一边看譜一边彈, 有問題的地方會抽出來反覆練習, 還有分手練習. 彈好之後, 可以背譜彈.但我會看著譜上老師的指示提醒孩子.
4. 其實現階段,除了練習手法外, 練習辨別琴音重唔重要呢?
我覺得兩者都重要.不過要慢慢來.另外坐姿和椅子高度也要注意.
支持你每事問, 我也喜歡多收集意見.確實, 可先問老師意見, 但有時老師也未必解答到, 老師也有時不是全對的, 亦有些時候是不幸遇上不合適的老師, 經過收集大家意見, 會決定轉老師也有可能.( 我之前就是了), 很慶幸有EK 這平台, 有很多前輩在這裡教路, 問多d, 知多d. 
作者: 無氣同你講 時間: 12-4-3 10:10
本帖最後由 無氣同你講 於 12-4-3 10:12 編輯
其實我係出於一片好心。
既然跟得一位老師學，應該先選擇相信佢。當成果不如理想，才需要搵出問題所在，知道答案之後就可以憑所知既去搵個更好既老師。
唔識既家長更應該係咁，因為分別唔到所收集既資訊咩係啱咩係錯，一知半解咁抱著懷疑態度去參與，可能更形响左學習既成果，造成老師及小朋友困擾。
作者: lillymarie 時間: 12-4-3 11:05
家長緊張子女學習，真的會想盡辦法去幫。我大囝老師話她有位學生的家長，為了幫小朋友 keep elbow high, 放兩個箱在旁邊托手㬹。
老師盡量在堂上提醒學生 elbow! elbow! 但在家家長怎樣去督促，是發揮創意的時候。
老實講，我係好信老師的家長，大囝真正跟過三位老師，前兩位提都無提過手㬹問題。現任老師一聽大囝就話佢音色唔好，手指無力，手㬹過低，bla bla bla. 唉！阿囝學琴6年，現在才有老師正視這問題，改得到將會係奇蹟！
作者: hyatt 時間: 12-4-3 11:10
本帖最後由 hyatt 於 12-4-3 11:11 編輯
lillymarie 發表於 12-4-3 11:05
家長緊張子女學習，真的會想盡辦法去幫。我大囝老師話她有位學生的家長，為了幫小朋友 keep elbow high, 放 ...
你意思係手踭問題?我最近至知手碀要等於white key或略高於white key。
作者: 四隻貓 時間: 12-4-3 11:13 標題: 回覆：無氣同你講 的帖子
本帖最後由 四隻貓 於 12-4-3 11:17 編輯
你意思我同意。
係應該先問老師，這是最妥當的。
不過之後亦可上來傾下，交流下。等呢度熱鬧d, 多d話題呀
有些老師會介意，覺得你不信任他；但亦有些老師不介意，喜歡探討不同意見，解釋返利幣俾你聽。
作者: Charlotte_mom 時間: 12-4-3 11:22
1. 每星期要花多少時間去練真鋼琴比較好?
我自己覺得咋, 如果初級, 屋企又無地方擺, 暫時用數碼都夠的, 當學深左, 老師建議換琴時再換LOR
2. 在家練琴時, 你們是如何指導她? (我只係同佢一齊數拍子)
我唔識琴但識基本"豆鼓", 我會提佢邊度錯左同教返佢
3. 練琴時, 是要他去一边看譜一边彈, 還是要反覆練習一首歌,直到彈得好為止?
初練, 我只要求佢識彈就OK, 無迫佢練熟 (標準係老師肯教新野, 所以呢條問題要問老師)
4. 其實現階段,除了練習手法外, 練習辨別琴音重唔重要呢?
當然樣樣都係要累積返黎, 但初學我唔會太迫佢.......學琴有排學, 慢慢黎啦, 培養左興趣先
作者: hyatt 時間: 12-4-3 11:24
本帖最後由 hyatt 於 12-4-3 11:25 編輯
借個機會問下大家
其實彈琴是否需要用手碗等姿態? 我仔一向彈的尾音較硬唔夠圓，最近至知原來要用手碗, 禁完個音然後手碗先升起，請問這些動作大約什么級別開始學? 我仔考左三級, 彈緊4-5級的歌。我問過老師，她主張大多少少至教這些姿勢或去修飾音的動作。想問下各位老師/媽媽/爸爸, 你們認為應何時教呢?
作者: lillymarie 時間: 12-4-3 11:36
hyatt 發表於 12-4-3 11:10
你意思係手踭問題?我最近至知手碀要等於white key或略高於white key。
這問題，我聽完老師解釋都唔識教人。只係提下身邊朋友要留意這問題，最終還是要由老師去教的。
我唔係話以前的老師無心機教阿囝，只係婉惜無早些處理這問題。
作者: 四隻貓 時間: 12-4-3 11:42
"點評bebebe12345 唉!到了那時,還可以找更好的老師.....那要有非常好的運氣!"
學錯了手勢, 真是有排改...要找一位有耐心幫你改的老師, 真是要一點運氣.
有互信係好, 但有時......
我站在家長的立場, 只是希望孩子避免行冤枉路.
lillymarie, Hyatt, 我都見好多小朋友彈琴有手睜過低問題.我一直以為是坐位高度或是坐姿問題所影響.你們所知是什麼原因引致呢?
作者: 四隻貓 時間: 12-4-3 11:54
hyatt 發表於 12-4-3 11:24
借個機會問下大家
其實彈琴是否需要用手碗等姿態? 我仔一向彈的尾音較硬唔夠圓，最近至知原來要用手碗, 禁 ...
同意Lillymarie 所說, 其實不單是手腕姿勢.還涉及多個身體部分.
我女上任和現任鋼琴老師都有教.我女bb級咋, 老師已經有教佢你講果種"點樣用手臂手腕去按琴後昇起". 老師不是形容俾我女聽, 而係捉住佢手做, 等佢感受的.
作者: Charlotte_mom 時間: 12-4-3 11:58
我女個老師曾經話過, 就黎忍唔住擺把間尺O係我個女手背上黎彈琴, 睇佢隻手郁黎郁去就勞氣WOR
作者: 無氣同你講 時間: 12-4-3 12:03
hyatt 發表於 12-4-3 11:24
借個機會問下大家
其實彈琴是否需要用手碗等姿態? 我仔一向彈的尾音較硬唔夠圓，最近至知原來要用手碗, 禁 ...
作者: marcuscyrus 時間: 12-4-3 12:04
坐得唔夠高，冇relaxed arm，都會令個"架"塌左，所以問題多不在手指/手背，在於個架
手爭太低，可用的arm weight 唔夠多變化，日後要做不同的音色比較難
作者: marcuscyrus 時間: 12-4-3 12:05
無氣同你講 發表於 12-4-3 12:03
這個大約在學琴兩個月，在樂譜上見到就開始教。
我教仔就先教呼吸，再教動作，先再比個譜佢睇見到乜野要做
後期就直頭搵d 冇phrase marks 的，叫佢試下應該邊度做野
作者: 無氣同你講 時間: 12-4-3 12:06
"from bebebe12345: 唉!到了那時,還可以找更好的老師.....那要有非常好的運氣!"
咁要先假設個老師教得唔好先得。
作者: marcuscyrus 時間: 12-4-3 12:08
問人意見不是不好，但其實就算係作為老師的，有時也不是全然正確(或者唔應該講正確，而是未必sensible)，何況有時是問其他家長的意見，如果本身不懂音樂，會比呢d 意見搞到頭都大埋，而且未見過個真人彈，其實好難隔空指出問題的原因，3言兩語好難比到有用的意見
作者: chrismon 時間: 12-4-3 12:29
啊仔學琴多年，陪練多年，小小體會：老師質數參差，每年音樂節見到不少人彈得很差，姿勢錯誤，音色渾濁，真替小朋友及家長心痛，有點覺得誤人子弟，可惜的是，找位好老師談何容易！
作者: bluefriend 時間: 12-4-3 12:35
回復 chrismon 的帖子
在可負擔的收費上, 能找到一位好老師适合自己小朋友是很難的很幸運的.
作者: hyatt 時間: 12-4-3 12:41
四隻貓 發表於 12-4-3 11:42
"點評bebebe12345 唉!到了那時,還可以找更好的老師.....那要有非常好的運氣!"
學錯了手勢, 真是有排改... ...
我都係初哥，我唔識答你啊，琴椅我一向較到最高了，手踭係可以平white key，我最近再加一塊板係琴椅，
亞仔彈的時候手掌就少左塔下來，好左少少。其實我同亞仔坐同一高度的琴椅我都啱，亞仔矮咁多，如果要佢手掌好似拿著雞旦來彈，隻手臂就會吊住好累了。
作者: hyatt 時間: 12-4-3 12:43
marcuscyrus 發表於 12-4-3 12:04
坐得唔夠高，冇relaxed arm，都會令個"架"塌左，所以問題多不在手指/手背，在於個架
手爭太低，可用的arm w ...
亞仔唔識點樣relax arm, 我而家試緊同佢用隻手飛下飛下咁
作者: hyatt 時間: 12-4-3 12:49
無氣同你講 發表於 12-4-3 12:03
這個大約在學琴兩個月，在樂譜上見到就開始教。
我見有d老師好keen教姿勢嘢，有d老師又唔多教，係咪只係睇法唔同呢?
我都係一個偏向相信老師的家長，我會盡量配合，不過到而家開始彈4-5級的歌，我就開始發現他的technical唔夠好，彈出來的音唔夠好聽。
作者: 無氣同你講 時間: 12-4-3 13:02
chrismon 發表於 12-4-3 12:29
啊仔學琴多年，陪練多年，小小體會：老師質數參差，每年音樂節見到不少人彈得很差，姿勢錯誤，音色渾濁，真 ...
再加一樣野叫做後天既努力。
有時小朋友做得唔好，並唔可以全怪責老師。我自己都教過咁多攞＂叮＂既學生，我自己做阿媽都無把握去教到自己既仔彈得完美，更何況係老師。簡單黎講，如果我個仔只係我學生，當年我會為左自己既招牌，拒絕再教佢。
有位爸爸係youtube分享左女女係校際鋼琴比賽攞左冠軍........先唔好講音色，級數。淨係睇佢彈既手指同動作都睇到我眼突突。。。。如果係我教，我會完全接受唔到。呢ｄ情況，真係唔知講咩好。
我都是家長，明白家長既心情。
我雖然已不是老師，也想分享一下當老師的心情。
只係任何專業知識，並唔係三言兩語就可以攪清楚。既然有位現成的老師，我只是提議應先去相信老師。
作者: marcuscyrus 時間: 12-4-3 13:04
其實有時姿勢上少少的轉變，就已經在音色上有好大改善
這應該不止是教學法的不同
而是老師的經驗和觀察力
作者: 無氣同你講 時間: 12-4-3 13:08
hyatt 發表於 12-4-3 12:49
我見有d老師好keen教姿勢嘢，有d老師又唔多教，係咪只係睇法唔同呢?
我都係一個偏向相信老師的家長，我會 ...
係教得唔係幾好，但不排除有其他原因。
因為起手這個動作係一個收句動作。並不只為樣靚，係有實際用途，非常基本及必須的，就如唱歌學呼吸一樣。
作者: lillymarie 時間: 12-4-3 13:47
我用咗兩個月時間，學老師的做法，幫阿囝托手踭。阿囝的問題主要係上臂無力，叫佢吊起雙臂，佢會縮起膊頭，所以我和老師一樣，托完手臂，又要按他膊頭，好忙碌。老師落堂都同我講，佢幫阿囝托手臂托了一整堂，佢好攰！ 要教好我大囝，少D堅持毅力執着都唔得！
其實唔係個個家長都緊張小朋友基本功的。我有些朋友，能叫到小朋友去練琴已好開心，根本就去唔到要執姿勢的層次。因為．．．．．小朋友係被逼學的．．．．．
作者: 無氣同你講 時間: 12-4-3 13:56
本帖最後由 無氣同你講 於 12-4-3 13:56 編輯
lillymarie 發表於 12-4-3 13:47
我用咗兩個月時間，學老師的做法，幫阿囝托手踭。阿囝的問題主要係上臂無力，叫佢吊起雙臂，佢會縮起膊頭， ...
我咪係囉，而家個仔一叫就行理部琴度，我已經要感動到喊了。
不過，我個仔學咩都係被迫的。。。。
作者: chrismon 時間: 12-4-3 14:06
陪練多年，絕對認同天份及後天努力的重要性，要成功缺一不可！
有感而發：若然老師、學生及家長三方面配合，能及早把小朋友姿勢及指力用錯改善過來，真的行少很多冤枉路！
作者: marcuscyrus 時間: 12-4-3 14:12
我正考慮用一條膠水管來讓小朋友感受手的位置，唔知可行否xdddd
作者: bebebe12345 時間: 12-4-3 14:13
我的三囡囡這半年在練.....如何讓膊頭更加鬆!
作者: 無氣同你講 時間: 12-4-3 14:16
我淨係教緊阿仔聽自己彈琴。
作者: chrismon 時間: 12-4-3 14:18
回復 bebebe12345 的帖子
啊仔練琴經常覺得膊頭緊，要我幫他按摩。
作者: miffy 時間: 12-4-3 14:19
提示: 作者被禁止或刪除 內容自動屏蔽
作者: 無氣同你講 時間: 12-4-3 14:20
miffy 發表於 12-4-3 14:19
我仔學琴咁耐, 我從來都未理過佢, 跟本我都唔識, 如果要我跟, 我比錢老師賺做咩?? ...
作者: chrismon 時間: 12-4-3 14:24
回復 miffy 的帖子
俾錢是去學琴，但回家練琴很重要，有家長陪練能事半功倍。
作者: miffy 時間: 12-4-3 14:33
提示: 作者被禁止或刪除 內容自動屏蔽
作者: 四隻貓 時間: 12-4-3 14:48
我女年紀少又初學, 我暫時跟得好緊.因為我唔想佢報我後塵 - 學錯姿勢, 跟錯老師卻朦然不知, 考到8級就以為自己好勁. 到有一天知道真實時已恨錯難返, 時間已經溜走了.唉.
我有時都覺得自己好笨, 晚晚在家陪練, 又要老遠跑到去對面海陪孩子上琴課.
作者: marcuscyrus 時間: 12-4-3 14:54
要不要跟也看性格和能力，有些孩子比較自覺，有些則被動，如果只把責任交給孩子，有時他有心想做好，卻苦無方法，大人一個提點，一句鼓勵，可能就已經把事情解決，我兒算是很獨立，但也有遇到困難的時候，都要出手相助啦
作者: 四隻貓 時間: 12-4-3 15:00
chrismon 發表於 12-4-3 12:29
啊仔學琴多年，陪練多年，小小體會：老師質數參差，每年音樂節見到不少人彈得很差，姿勢錯誤，音色渾濁，真 ...
除左音樂節見到, facebook, youtube 都見到好多人登自己小朋友彈琴既片段.佢地覺得自己小朋友彈得好好, 但我見到d姿勢真係錯到慘不忍睹, 但唔太熟又唔好意思出聲, 一來自己又唔係叻, 二來以免掃人興. 其實好多人只要求彈得出全首歌既音就好滿足.但其實"彈出"同"彈到"同"彈好"係可以相差好遠既事.
作者: 四隻貓 時間: 12-4-3 15:10
本帖最後由 四隻貓 於 12-4-3 15:11 編輯
點評marcuscyrus 嘩哈，希望不是我兒ｘｄｄｄｄ
我有直接同你講呀XDDDDD你, 我當係熟人啦.
我女日日等睇你仔既片.
作者: miffy 時間: 12-4-3 15:11
提示: 作者被禁止或刪除 內容自動屏蔽
作者: marcuscyrus 時間: 12-4-3 15:12
四隻貓 發表於 12-4-3 15:10
點評marcuscyrus 嘩哈，希望不是我兒ｘｄｄｄｄ
我有直接同你講呀XDDDDD你, 我當係熟人啦.
咁希望佢快d脫離慘不忍睹的畫面xd
作者: bebebe12345 時間: 12-4-3 15:14
回復 chrismon 的帖子
學放鬆膊頭是學琴者的大學問.....
作者: marcuscyrus 時間: 12-4-3 15:15
miffy 發表於 12-4-3 15:11 如果唔打算第時大學讀音樂, 或者以彈琴為終生職業, 我都唔覺得有咩問題
我細個學琴我媽都應該諗都冇諗過我會讀音樂
我提出時佢想反檯
我曾經抱怨過佢冇支持我，冇比資源我
咁當然我後來都明白屋企有屋企的困難
但好老實講，如果當時阿媽可以幫我搵個好d o既老師，我練琴時唔會走左去，我相信我唔駛現在幾十歲人才就去考個ft
~_~
作者: 四隻貓 時間: 12-4-3 15:16
彈錯音, 拍子錯都唔緊要, 姿勢錯就可大可小.會整親手同肌肉, 我有朋友真係因而0甘要做手術.
作者: miffy 時間: 12-4-3 15:21
提示: 作者被禁止或刪除 內容自動屏蔽
作者: marcuscyrus 時間: 12-4-3 15:22
miffy 發表於 12-4-3 15:21
唔會, 我仔由細到大立志要做finance, 佢睇tv見到人分析財經, 佢流晒口水好想上去講埋一份 ...
我細個一直想教書
到中4, 5時想讀physics，第時教physics
然後考完alevel，我就想讀music 了
^_^
作者: miffy 時間: 12-4-3 15:33
提示: 作者被禁止或刪除 內容自動屏蔽
作者: marcuscyrus 時間: 12-4-3 15:35
好多人日日迫小朋友練琴, 又迫小朋友不停考琴, 又要佢彈到excellent, 手勢又要好, 一粒音都唔錯得, 好讓能夠擺上facebook, youtube show off下, 學琴只係為咗父母面子
我對仔的練琴都有要求，不過我是覺得琴不一定要學，你想學請你學好，否則自己自娛下就算了
作者: miffy 時間: 12-4-3 15:46
提示: 作者被禁止或刪除 內容自動屏蔽
作者: 四隻貓 時間: 12-4-3 16:14
我想多數人都會感慨和婉惜小朋友學壞手勢.
我想沒有人會取笑小朋友彈錯吧?點會笑人0架....
因為錯姿勢小朋友自己也是不知道的, 姿勢問題是要老師或者大人提點, 小朋友才會知道的.
作者: radioma 時間: 12-4-3 16:27
四隻貓 發表於 12-4-3 16:14
我想多數人都會感慨和婉惜小朋友學壞手勢.
我想沒有人會取笑小朋友彈錯吧?點會笑人0架....
因為錯姿勢小朋 ...
話說之前係youtube上見到一段學壞手勢既片...真係壞得好恐怖
之後有勁多人係到comment，但個老師仲聲大夾惡唔覺有咩問題!!
唔知條片有無比人del到
作者: lillymarie 時間: 12-4-3 16:28
是否要陪練，除了父母期望之外，其實亦好睇小朋友的。
如果小朋友音樂天份高，又聰明，8歲考5級甚至8級，父母陪練與否可能分別不大。
但有些小朋友是天生有困難，做很多事都力不從心，若父母不陪伴在側，加把力，可能是一事無成。不是所有父母都想show off, 孩子自己亦很想證明自己是有能力的。父母幫孩子達成自己的願望，不覺得有何不妥。 箇中的辛酸不是那些聰明能力高孩子的父母能夠體會和理解的。
作者: 無氣同你講 時間: 12-4-3 16:31
四隻貓 發表於 12-4-3 16:14
我想多數人都會感慨和婉惜小朋友學壞手勢.
我想沒有人會取笑小朋友彈錯吧?點會笑人0架....
因為錯姿勢小朋 ...
我好奇左好耐，想問下你。
你自己都考左８級，教初級應該冇問題，點解你唔自己教返個小朋友，然後用Ｄ錢自己去進修？横掂你都用左好多時間陪佢。
點解我咁問？因為最近有個ＰＯＳＴ講Ｄ學費，嘩。。。。。，平既又話唔再收生，貴既又唔知值唔值。。。幾仟蚊個月，真係上堂時講句廢話都會想打佢。
作者: 無氣同你講 時間: 12-4-3 16:34
lillymarie 發表於 12-4-3 16:28
是否要陪練，除了父母期望之外，其實亦好睇小朋友的。
如果小朋友音樂天份高，又聰明，8歲考5級甚至8級，父 ...
箇中的辛酸不是那些聰明能力高孩子的父母能夠體會和理解的。
作者: chrismon 時間: 12-4-3 16:37
善意批評，虛心學習，家長及孩子得益良多!
作者: bebebe12345 時間: 12-4-3 16:39
本帖最後由 bebebe12345 於 12-4-3 16:47 編輯
從不懷疑孩子的能力,
反問的是作為家長的自己可以為孩子做些甚麼!
從頭再來一次、我還是會陪伴著孩子練習。
作者: chrismon 時間: 12-4-3 16:50
作為家長的我，會配合老師的要求，協助孩子糾正錯誤的手勢，將來是興趣又好，職業又好，無愧於心!
作者: 四隻貓 時間: 12-4-3 17:20
無氣同你講 發表於 12-4-3 16:31
我好奇左好耐，想問下你。
你自己都考左８級，教初級應該冇問題，點解你唔自己教返個小朋友，然後用Ｄ錢 ...
因為我覺得8級不代表可以教初級.有朋友考了LTCL 都幫孩子另找老師......
而且我知道自己有很多姿勢問題, 又唔識造歌, 對音樂的理解和知識也不足, 所以都係幫女找個老師妥當.
我自己先後跟過四位老師, 分別可以好大, 所以深明老師的重要.
至於點解唔自己進修再教女. 一是因為我成日講的姿勢問題, 長久以來的錯真的很難改, 再加上我有兩個孩子又要返工, 很難再有時間練習, 唔練就學0黎都無用.所以最後決定留返錢俾女出去學.
不過陪女上堂我都學到野0架, 所以我一定陪上堂.
作者: lillymarie 時間: 12-4-3 17:27
無錯，陪上堂，真的學到好多！
作者: steamball 時間: 12-4-3 17:49
四隻貓 發表於 12-4-3 15:00
除左音樂節見到, facebook, youtube 都見到好多人登自己小朋友彈琴既片段.佢地覺得自己小朋友彈得好好, 但 ...
作者: hyatt 時間: 12-4-3 18:20
chrismon 發表於 12-4-3 16:50
作為家長的我，會配合老師的要求，協助孩子糾正錯誤的手勢，將來是興趣又好，職業又好，無愧於心! ...
同意，一係唔好學，既然學不能太差。
作者: miffy 時間: 12-4-3 18:27
提示: 作者被禁止或刪除 內容自動屏蔽
作者: marcuscyrus 時間: 12-4-3 18:35
我仔k3，姿勢雖不是最好，但都算係咁，最重要是老師(我是他第一位老師)有冇比明確的指示
藝術就是要接受批評，預左的，收生時也會向家長表明我是吹毛求疵的，當然市場上各類老師也有，家家有求，向家長表明，只是不希望日後出現錯配
經驗話比我知，姿勢問題，越大越難改，就算得都要比起在細時改所付出的努力要多好多好多
作者: 四隻貓 時間: 12-4-3 19:08
steamball 發表於 12-4-3 17:49
'd姿勢真係錯到慘不忍睹, ' for example? can you explain more,
近來見到一個是, 手碀過低, 手腕向下傾斜, 手腕貼住鋼琴邊, 但小朋友很努力提高手指用指尖去彈, 整個手臂近乎扭曲...我形容得唔好, 唔知道大家明唔明.
我真係睇到有d驚.我有溫馨提示她椅子有點太低.
另外常見的是肩膀緊張提起(我也有這問題), 手扁(初學常見問題), 手碀過低, 用錯手腕力, 用錯前手臂力之類.
作者: 四隻貓 時間: 12-4-3 19:27
"hyatt 我覺得有8級可以陪練已經好好。如果我懂得彈琴，陪練的過程會順暢好多"
我都好慶幸呢樣野. 有時可以同女一齊彈, 感覺真係好好. 好感謝我媽媽當年死慳死抵俾我學琴又成日要我練習. 
作者: lillymarie 時間: 12-4-3 20:06
我細囝7歲遇到新老師，用了一年去改姿勢。每隔兩三日就去老師度上課，由佢親自教細囝正確姿勢。我就要在家不住提佢老師教過的。老師當時要求我睇住細囝練琴，話盡量唔好錯，因為一次錯的姿勢，就要練三五次去改。
作者: lillymarie 時間: 12-4-3 20:13
我大囝以前手踭貼身，手腕拱起。因為手指唔夠力，就想用手腕去幫，於是提得好高。所以有時手背會痛。現在姿勢改善咗，就好少聽佢話手痛了。
講真，呢D真係要靠老師去改，家長做輔助角色。老師除了口講之外，還捉住阿囝隻手去彈，好似在塑造他的姿勢咁。
作者: hyatt 時間: 12-4-4 01:42
我朋友送左本HANON書俾我，而家我學緊DROP AND ROLL，冇錯，係我。夜晚又捉住亞囝去改佢姿勢手指，真係好累。姿勢我覺得越早學啱越好。大個左d歌又快又急，難度更大。
作者: hyatt 時間: 12-4-4 01:45
四隻貓 發表於 12-4-3 19:27
"hyatt 我覺得有8級可以陪練已經好好。如果我懂得彈琴，陪練的過程會順暢好多"
我都好慶幸呢樣野. 有時可 ...
等你亞囡再大d發現佢有d嘢做唔到, 你dem一次俾佢睇教佢，你會更慶幸你有8級。
作者: hyatt 時間: 12-4-4 01:45
本帖最後由 hyatt 於 12-4-4 01:45 編輯
四隻貓 發表於 12-4-3 19:27
"hyatt 我覺得有8級可以陪練已經好好。如果我懂得彈琴，陪練的過程會順暢好多"
我都好慶幸呢樣野. 有時可 ...
repeated post.
作者: lillymarie 時間: 12-4-4 06:37
大囝老師會在堂上彈一次佢學緊的歌，讓大囝錄音，返屋企聽多幾次。我就一有空閒就當背景音樂咁播。發現呢個方法又真的可以幫到佢。
作者: wanho 時間: 12-4-4 14:36
好想請教彈琴姿勢。我仔而家初級，老師冇教如何用膊頭力，手腕力等，只用手指力。手踭，手腕點放都冇講。睇完你們的討論才知大有學問。好嬲，啲老師真係好參差，話要信老師？只信他們真係死！
請多形容下姿勢和用力等。最好有相，可靠網站等，謝謝！
作者: lillymarie 時間: 12-4-4 14:45
wanho 發表於 12-4-4 14:36
好想請教彈琴姿勢。我仔而家初級，老師冇教如何用膊頭力，手腕力等，只用手指力。手踭，手腕點放都冇講。睇 ...
作者: 無氣同你講 時間: 12-4-4 14:59
wanho 發表於 12-4-4 14:36
好想請教彈琴姿勢。我仔而家初級，老師冇教如何用膊頭力，手腕力等，只用手指力。手踭，手腕點放都冇講。睇 ...
呢個咪就係外行人收集左太多資訊既壞處。
所以，我講呢講去就係想表達而家做老師真係唔容易。比著我係老師，真係費時應酬咁多無謂既質疑。學就學，唔學就算，教小朋友仲要教理家長？咁要收兩份學費先掂。
作者: marcuscyrus 時間: 12-4-4 15:00 標題: 回覆：無氣同你講 的帖子
So well said.
作者: wanho 時間: 12-4-4 15:22
老師緊係幫返老師。姿勢唔係開初講留返幾時講？就好似執筆寫字
，初初唔教姿勢，留返遲些去改正呀？幾歲的小朋友，個個都唔駛家長跟呀？行外人都知用錯力就難改及容易疲勞。
。
作者: lillymarie 時間: 12-4-4 15:24
Liszt, Hungarian Rhapsody No.6, Martha Argerich 1966
以上影片的女鋼琴家的姿勢，就是大囝老師要求的。
我仍覺得家長可以留心小朋友學琴的進度，和老師保持溝通。但最終還是由老師去教小朋友彈琴。彈琴其實是一門很專業的技術，有些技巧不是我們門外漢眼中那麼簡單。
所以我很欣賞囝囝的老師有好高的修養，體諒我緊張囝囝。當我將網上或書上聽到的，咨詢他時，他可以告訴我他亦知道有人有那些想法，又詳細解釋為何他不認同那些方法。另外，有一個很重要的大前提，就是我和老師的想法一致，就是寧可進度慢些，也要做好基本功。目的是孩子可以享受音樂之餘又不會受傷。或者，因為我們一早已有這共識，所以彼此間有信任。
和老師溝通很重要的，不然老師會沒心機教。好似我大囝咁，老師好努力教，進度仍然好慢，我感覺得老師唔開心。想咗好耐，終於有一次有機會同老師解釋返佢的困難，話俾老師知，其實大囝好鍾意跟佢學琴，亦已盡哂力。之後老師個樣都唔同哂
作者: miss321 時間: 12-4-4 21:52 標題: 回覆：wanho 的帖子
不同階段會學習不同的力，初級先學手指力是正確。不同樂曲會用不同技巧，不能一概而論，太複雜令小朋友唔明。
作者: miffy 時間: 12-4-5 08:45
提示: 作者被禁止或刪除 內容自動屏蔽
作者: marcuscyrus 時間: 12-4-5 09:10
本帖最後由 marcuscyrus 於 12-4-5 09:11 編輯
miffy 發表於 12-4-5 08:45
其實你地身邊有無d小朋友, 跟d苛刻老師, 魔鬼教練, 一開始個頭開得好好, 姿勢正確, 一粒音一個拍子都唔錯得 ...
何必講得咁極端
有要求唔=苛求，亦唔等於下一堂就一定要交哂功課，偶爾錯音錯拍子不為過，但如經常發生，則應加以改善。
至於姿勢，也有不同階段的要求，剛開始坐對高度距離已經相當不錯，慢慢再學free drop，arm weight, phrasing，interpretation
學琴方面有冇要求，其實亦很個人，有人要個小朋友揚名國際(起碼揚名校際啦)，有人考試不合格也冇所謂，有人取中庸之道，不過好多時家長口說冇所謂，但其實又年年問住幾時考琴＠＠
我不能說琴老師沒教這些＝唔好，教就好好，可能他有教學上的先後，也可能他有令一ｄ方法引導小朋友做好，要知道琴老師出身不同，琴老師自身所學也不同
不過還是一句：跟得琴老師就應該相信他，否則轉老師吧。我也不鼓勵家長自行去改小朋友，姿勢不是三言兩語就講得明，bebe12345前輩都話，3囡(夠強啦掛)都仍然學緊如何放鬆膊頭，如果家長並非音樂專業又如何能正確地指導小朋友呢?
作者: marcuscyrus 時間: 12-4-5 09:22
wanho 發表於 12-4-4 14:36
好想請教彈琴姿勢。我仔而家初級，老師冇教如何用膊頭力，手腕力等，只用手指力。手踭，手腕點放都冇講。睇 ...
分享下我的睇法，作為老師，我唔知日後學生會否走音樂路，所以我的做法是盡量/盡早為他提供正確(其實都好難講正確唔正確，你看horowitz就知)的音樂知識及彈琴技巧，就算幾年過後，他對這有要求的教學頂唔順，要另找老師，起碼他的根基打得好，如果相反的話，很容易埋沒了學生的能力，所以我才對彈琴姿勢這麼重視
老師質素參差是事實，因為音樂是門藝術，沒有客觀標準的，如有要求，找個更專業的老師便好
作者: lillymarie 時間: 12-4-5 09:23
回復 miffy 的帖子
你講個種老師，我覺得係唔識教小小孩。如果我囝囝遇着佢，一定唔會繼續跟佢，唔好話阿囝，我自己都頂唔順！學不成音樂事小，學了一付臭脾氣就大件事！
細囝的老師好注重基本功，但上課時從來唔會大聲喝阿囝，阿囝做一個動作，9次唔啱，老師只會再次解釋要點做, 講返阿囝邊度做錯咗，從不罵佢。到第10次做啱咗，就大聲喊：“哦！” “perfect!" 有時甚至唔講，直接去扶佢的手，幫佢做個正確姿勢。有時，又會同細囝一齊做那動作，等佢感覺下手型係要點先啱。試過有一次細囝唔專心，老師敲佢的頭，嚇了我一跳。但問返阿囝，佢覺得無野，話老師只係好細力好細力拍下咋。阿囝上課，每次都覺得自己做得好好，因為每次交功課，老師會由頭到尾聽一次，跟住先數阿囝做得好的地方，最後先話有一兩個地方要改善，即時叫阿囝做一次，做到時又好誇張咁讚佢叻。我細囝眼淺，老師話佢做得唔好的話，佢會流眼淚。老師知佢性格，話完佢會即刻講笑話引佢笑，從來唔會傷佢自尊心。
注重基本功 不等如 魔鬼老師／痛苦學習
我若遇着嚴苛的老師，早走早著。
作者: marcuscyrus 時間: 12-4-5 09:38
本帖最後由 marcuscyrus 於 12-4-5 09:38 編輯
回復 lillymarie 的帖子
就是了，有要求，用對方法引導，小朋友不一定辛苦，除非他個人很討厭彈琴，或者家長對他的要求太不設實際
作者: 四隻貓 時間: 12-4-5 09:47
hyatt 發表於 12-4-4 01:45
等你亞囡再大d發現佢有d嘢做唔到, 你dem一次俾佢睇教佢，你會更慶幸你有8級。 ...
宜家已經要示範俾佢睇.佢仲會問好多我唔識答既音樂問題.
前日剛問我: "媽咪, 點解彈琴既staccato 隻手係會離開琴面, 但點解我拉小提琴時staccato 弓唔需要離開弦線面?" 係喎, 點解呢???我都想知喎........
之後上堂問小提琴老師, 老師好詳細解釋左俾我地聽, 其實係初級所以唔駛做住, 如果係巴洛克時期既作品, staccato 處理方法又唔同(即好似鋼琴都係會有唔同處理手法).......老師解釋左好多情況.......又學到野了.
陪練陪學左半年, 託賴女女現在越來越有心機和興趣. 睇電視同練琴佢會揀練琴, 呢樣係我估唔到的.
即係佢覺得練琴比睇電視有趣??
姿勢或學習上的問題, 雖然問多d知多d是好, 但首先還是要先跟老師溝通, 老師可能有自己既教法和計劃, 不要一開始就覺得老師是存心欺騙之類, 大部分老師都是以教好學生引以為傲的.有的可能是有自己一套教法, 有些是有心無力......無論老師教法如何, 首先都要尊重老師. 初跟一位老師, 師生各自也需要一段時間互相適應, 但若一段時間經溝通之後發現大家想法有分歧, 磨合不來, 轉老師也可能是一件好事.
作者: miffy 時間: 12-4-5 09:52
提示: 作者被禁止或刪除 內容自動屏蔽
作者: 無氣同你講 時間: 12-4-5 11:25
miffy 發表於 12-4-5 08:45
其實你地身邊有無d小朋友, 跟d苛刻老師, 魔鬼教練, 一開始個頭開得好好, 姿勢正確, 一粒音一個拍子都唔錯得 ...
作者: 無氣同你講 時間: 12-4-5 11:37
四隻貓 發表於 12-4-5 09:47
宜家已經要示範俾佢睇.佢仲會問好多我唔識答既音樂問題.
前日剛問我: "媽咪, 點解彈琴既staccato 隻手係會 ...
但我都諗到另類方法，你知啦，仔仲有幾日要考試，練親琴都好似益左我咁。我同佢講，如果練習時有驚喜比我，我就比分佢，一分，二分，或者５分咁，當佢每儲到１００分，我就幫佢達成一個心願，例如食杯雪糕，或買份５０元樓下的小玩具送比佢之類。
有時，做老師，做父母都知道大道理，但小朋友個個獨立個性，教極道理教到口水乾都攪唔掂既時候，就可能需要用人人都唔同意或唔理解既方法。
作者: 四隻貓 時間: 12-4-5 12:04
本帖最後由 四隻貓 於 12-4-5 12:06 編輯
回復 無氣同你講 的帖子
好同意你講, 教小朋友真係唔容易.出盡百寶.
我係蒙特梭利教學法支持者, 因此我盡量少用物質利誘. 所以我沒有實行儲貼紙/印仔換禮物的做法.但我絕不反對其他朋友進行獎罰制, 因為我知有很多朋友行得是十分成功的.女兒的學校和提琴老師也有用儲貼紙/印仔換禮物去鼓勵女兒學習.
唔行物質利誘0甘點引佢呢?
我的做法是把練習當成是日常生活如擦牙沖涼一樣.每日有固定時間, 固定程序.孩子慢慢習以為常, 一日沒做便像忘記沖涼般會覺得渾身不爽.
初學時他們覺得新鮮, 比較肯練習, 就要抓住這時候建立練習習慣.
另外運用了孩子的成功感.練習過程通常是:由完全唔識彈, 經練習後彈到.這過程令孩子很有滿足感.就好像孩子細時學行, 當行到第一步會展現自豪笑容, 再加上家長鼓勵, 之後孩子便會努力練習行路, 遇到挫折跌倒都不會怕.
這方法我女兒暫時很受落, 遲d就唔知了...
| 歡迎光臨 教育王國 (/) |
Powered by Discuz! X1.5 |