教育王國

標題: 囡囡的表現, 是正常嗎? 是我太多心嗎? [打印本頁]

作者: hobby 時間: 12-4-2 13:53 標題: 囡囡的表現, 是正常嗎? 是我太多心嗎?

導師叫玩遊戲, 明明之前做熱身都跟住指示做, 但一講到玩遊戲要除鞋襪, 就即係話唔玩, 就算見到其他小朋友玩得好開心, 我再講好耐, 先肯除鞋玩, 跟住玩咗唔夠一次, 就話唔玩, 寧願坐係bench度睇人哋玩, 我見佢個樣都好開心, 個導師見佢咁樣, 都走來叫佢一齊玩, 又問我佢係學校係唔係咁樣, 叫我同學校老師了解一吓 ... 其實我自己都覺得一個28個月大的小朋友, 大多數會聽指示做嘢, 而且又見到其他人玩到咁開心, 佢可以好冷靜咁睇人玩, 是正常嗎?

作者: moonychan 時間: 12-4-3 12:02

問題是否在於佢唔想除鞋呢? 未必唔想玩, 可能唔洗除鞋佢就會玩, 會否是執著, 係唔除鞋?? 可以問下學校老師.

作者: kmmum 時間: 12-4-4 21:47

我個囡兩歲開始.勁不聽指示. 鍾意玩,就會跟RULE. 唔鍾意,就自己一個人走去玩第二樣. 現在三歲幾, 仍然很惡教.

作者: hobby 時間: 12-4-16 10:16

回復 moonychan 的帖子

其實佢都有著sock玩咗一次, 跟住就唔玩, 不過唔肯講我知點解; 我相信佢好執著, 硬頸, 就連返咗幾個月個pn老師都睇得出, 話佢唔迫得, 要俾時間佢, 等佢自己諗, 諗通/完會死死地氣去做, 或者繼續唔做

執著唔係話唔好, 不過如果走到牛角尖, 就會好難搞, 呢個都係我比較擔心的

作者: hobby 時間: 12-4-16 10:20

回復 kmmum 的帖子

有時真係好難教, 想佢跟吓指示, 守規則, 就好似同佢打仗咁, 我覺得又唔可以同佢硬對硬

想請敎, 你覺得邊類型的學校會啱佢讀多啲呢?

作者: kmmum 時間: 12-4-16 13:45

hobby:你囡囡應該考左k1. 小朋友兩歲半,仲有很多改善空間.希望你唔好介意,市面一些社文情緒班要age3先可以上. 但你自己可以些家長workshop上左先. e.g 協康/明愛/東華三院. 我自己都是上了不同課/talk ,從而了解孩子. 我推介東華三院親子課程.一個社工對一pair (家長及小朋友). 小朋友的性格(包括性急/硬頸/好動)都是天生. 我現在每天都不斷學習. 囡囡一日一日長大, 問題可以越來越多. 以前發脾氣,現在博嘴.
有機會你pm 我.

作者: littleape0129 時間: 12-4-16 22:15

我囡囡都好難教. 就黎2歲, 完全唔聽教. 出街完全唔拖人, 佢唔鐘意時我哋抱佢拖佢時又發瀾渣, 我都唔知点教.

作者: kmmum 時間: 12-4-17 10:39

回復 littleape0129 的帖子

LITTLE : 你睇番我之前既POST
我仲係學習階段. 排左荃灣YMCA K2社文情緒班. 如果控制不到小朋友的脾氣, 值得推介東華三院課程.
不過,囡囡越來越大,博嘴越勁. 自己EQ 習慣左不斷提高. 及不斷TUNE 教導/處罰方法.
兩個月前, naughty chair 仲有效. 但現在她太高大. 不肯坐, 改做坐走廊. 然後我ignore 她.
亦學會了事前,乜都講清楚條rule. 如果她犯,便要口頭scold ,
囡囡快4歲, 由age2-age4,兩年,真係好嘔血. 不過,我會堅持努力

http://www.edu-kingdom.com/forum.php?mod=viewthread&tid=2367709&extra=page%3D1&page=2

作者: maylalmwc 時間: 12-4-17 14:00

佢去其他地方會唔會有類似表現(唔肯除襪玩)? 因這可能關係到感統(感覺統合)方面的需要. 她未必是不乖的 ^^

每個小朋友的感統發展不同. 若有問題 (其實是需要, 因是可以針對性地解決的^^), 2-3歲是時候會表現出來, 父母要留意喔~ :loveliness:

作者: hobby 時間: 12-4-17 16:38

回復 maylalmwc 的帖子

謝謝你的回覆. 我同老公都覺得唔係感統問題, 或者只有好少關係, 因為佢過咗幾日, 係屋企模仿咗一次, 話要除鞋(佢已經冇著), 跟住話除sock, 叫老公同佢一齊玩; 而佢都喜歡同我哋玩有身體接觸的game, 好似 bu gi gi

作者: hobby 時間: 12-4-17 16:39

本帖最後由 hobby 於 12-4-17 16:49 編輯

回復 kmmum 的帖子

thanks in advance. 等我多閒再睇多啲資料先

我囡囡考咗K1 lu, 我哋諗咗好耐, 結果選間好有愛心的幼稚園, 但程度相對較淺, 我有時又好怕選錯, 怕同學校不合, 怕老師唔明白佢, 佢會更唔聽話, 有時又諗, 怕程度淺, 佢會冇心機上課 ... 唉, 我都幾多憂慮, 或者第一個小朋友係會緊張啲

我覺得你好有心機照顧囡囡呢, 揾咗咁多資料, 又上埋堂, 希望囡囡快啲明白你的用心, 會聽多啲媽咪講嘢

作者: hobby 時間: 12-4-17 16:58

回復 kmmum 的帖子

唔好話你個囡就快4歲, 我個未夠2歲半已經識駁咀, 或者會講到好多理由, 有時都唔明點解佢轉數咁快;

之前唔記得係邊度你話懷疑囡囡專注力不足, 我想講, 佢有時會專注咁啲嘢已經好好lu, 我個囡, 好多時見佢好有心機咁畫畫, 睇書等... 點知我哋講嘢, 就算好細聲, 佢都完全聽得到, 連睇電視都係咁, 連玩都唔專心的小朋友, 相信一啲專注力都冇, 我都唔知佢點返學讀書

作者: kmmum 時間: 12-4-17 21:00

HOBBY : 我帶過阿囡見過不同社工, 其中一位話佢地係用'聽' 去學習,所以就算自己玩緊野, 做緊其他野, 佢地用'耳聽'去吸收. 當然,佢聽到我地講乜. OR 叫佢. 唔等於會'理會我地;' . 咁先激死.

作者: kmmum 時間: 12-4-17 22:10

回復 hobby 的帖子

我囡囡讀緊又一村幼稚園老師好有愛心. 入學時,同老師交待囡囡問題. 一兩個星期段, 老師打電話俾家長. 講解小朋友上堂情況.  上學期完結. 見家長時.老師講囡囡開學初, 有很多不同固執自我'堅持', 不同類型的問題
E.g 連去洗手間.囡囡指定某一格. (寧願等小朋友出來, 都不去其他空格).  幸好.老師有耐性去解釋/陪伴.
上學期完結. 阿囡在校情況改善了很多. (性格仍然固執)
由於上了很多堂(特別是親子活動). 現在做什麼事情.先同佢講清楚+解釋. (當然,佢會博嘴. 我仍然心平氣和去解釋)
就算打囡囡PATPAT . 我仍然是心平氣和.  打完+咪同佢講道理.

前日, 囡囡睇YOUTUBE. 我話[你可以睇一陣, 如果媽媽要工作,你便要停下來. 不可看]
囡:=[媽媽,你可以用新電腦] (指MACBOOK)
我:[新電腦在DADDY 處.  DADDY 未返來]
囡[DADDY 好快返來, 佢返來,你用佢部電腦]
我..已經無咁好氣[DADDY 未返來. 而媽咪要工作, 你便要停下來]
囡....唔出聲.. (我FEEL 到佢想發脾氣)
我補多句[你現在可以睇, 有需要,媽咪便會通知你].

自從囡囡見完心理學家. 我對阿囡會解釋多一點. 當她是懂事的小朋友. 而非兩三歲的小孩.
習慣左出"有效"指令. 生活少上了磨擦.

作者: hobby 時間: 12-4-18 12:19

回復 kmmum 的帖子

icic, 咁我都諗返起聽到某幼稚園的校長分享, 佢話"唔好以為小朋友唔專心, 周圍望就學唔到嘢, 佢哋唔係發白日夢...", 我想呢類型的小朋友可能比較好奇, 對身邊事物較敏感, 或者可以係好嘢嘅

作者: hobby 時間: 12-4-18 12:21

回復 kmmum 的帖子

wa, 你個囡同我個囡, 真係幾似 ... 我個囡又係, 唔知由幾時開始, 指明要去某一格toliet ... 因為好多相類似的事, 我(個心)己經暈咗唔知幾多次

又一村唔收我個囡呢

作者: kmmum 時間: 12-4-18 14:26

回復 hobby 的帖子

如你真的想入又一村, 你寫多幾封求位信. .
亦suggest 你去排東華三院親子課程, 有可能要排半年. 或其他情緒社文課程.

舊年的今日我都好似你咁.. 乜都唔知點算. .一步一步找course 上去.
不停tune 自己和囡囡 . 而且, 一定要先改變自己,然後改善囡囡.
tune 的意思.==每次遇到囡囡唔合作, 便要想法子去改善有時,試足一個星期. 或者好似催眠咁.預早講定.
e.g 囡囡睇youtube 唔肯停. 一stop 佢,便發癲. 心平氣和同佢講定,睇多一套. 便停. 又或者. 買定個clock, 幾多點要停. 但係咁細個. '邊識睇鐘', 於是買左個kitchen 既計時器. 一響, 便陪佢一齊睇. 然後熄電腦.
再長大一點.. 上面方法未必work. 佢會搵不同execuse 想睇多套,每次都要鬥智鬥力.
而且,mon-wed work. 到fri 又可能唔work.
勞心勞力 .

作者: kmmum 時間: 12-4-18 14:32

好似戒片咁. vv 我囡囡兩歲多d已經戒左. 但去'大大', 就一定要用片
結果, 我同佢講,用曬這袋片,便要去toilet. 阿囡點點頭. 點知有個星期,阿囡發燒.個人軟曬,無力自己在toilet 去大大. 唯有搵d '已收埋既片片' 同佢講,'原來仲有片片係個袋' ,阿囡好開心,仲話'好野,有片片', 於是果個星期,用片片去大大. 到真係無片. 阿囡係屋企周圍搵. 話[好似見到有片片. 等我搵下先, 媽媽你去搵片片'. 點知. 俾佢搵到塊'學習褲' . 唉. 又失敗. 最後最後. 一塊片都無. 就乖乖去toilet '大大' . (又係嘔血)

作者: hobby 時間: 12-4-18 16:24

回復 kmmum 的帖子

暫時唔會考慮又一村了, 因為將會讀的kg, 聽聞都係超有愛心, 耐性, 個校長仲可以陪某個小朋友全日, 成日同佢哋道理 ... 除非讀落都係唔啱囡囡先再揾學校

講開介片, 我個囡, 未到一歲, 基本上已經唔會係片poo poo, 但vv都係冇佢辦法, 我覺得佢係懶, 唔出聲, 呢排成日同佢講數 ... 話唔用片俾佢自己選內褲, 點知佢話, 返學要用學習褲, well, 個刻真係覺得俾佢吹到bear bear 聲, 又好佩服佢轉數快

作者: hobby 時間: 12-4-18 17:20

回復 kmmum 的帖子

請問, 是指這個服務嗎?

親子互動輔導服務(Parent-Child Interaction Therapy，簡稱PCIT)

作者: kmmum 時間: 12-4-18 17:38

回復 hobby 的帖子

最緊要K 有愛心 , 我SEARCH 緊愛心小學. (基本上好難搵)
遲D 越來越多古惑野. 叫親佢做野.N咁多個藉口.  點解唔可以好似其他小朋友咁. 乖乖地聽話?!!
就算唔聽話. 一次兩次已經夠.  仲要日日係咁. 次次新鮮事.

東華三院果個就O岩. 社工睇到小朋友既response. 分析到囡囡既問題, 解答到'我想都無想過既東西'
e.g c6都可能係亞氐保加.  [當囡囡對c6發脾四時, c6自己就唔識處理. 會突然變得好惡. EQ 變成零]
我知道C6自己唔識處理時. 連C6都TUNE 埋.  E.G [你想囡囡怎樣, 你要首先...]
每個STEP 講清楚. C6先明白怎樣教個囡.
PS ,阿囡係蝦DADDY

作者: hobby 時間: 12-4-19 11:44

我個區就有間愛心小學叫張煌偉, 不過係大圍

睇到你個分亨, "e.g c6都可能係亞氐保加. [當囡囡對c6發脾四時, c6自己就唔識處理. 會突然變得好惡. EQ 變成零]", 我懷疑自己有小小呢 ...

作者: Babyarsene 時間: 12-4-29 23:13 標題: 回覆：囡囡的表現, 是正常嗎? 是我太多心嗎?

我個仔三歲，又係有脾氣問題，又唔肯同人分享，又無耐性，成日同c6講點樣可以教好啲，佢又話個個細路都係咁，唉！東華三院那個係咪要排好耐？仲有邊到啲情緒社交班係好的？成日見到其他小朋友好聽話，就會好傷心點解自己個仔咁難教？

作者: hobby 時間: 12-5-2 13:04

回復 Babyarsene 的帖子

我老公都係咁, 或者爸爸點都冇做媽媽咁緊張嘅; 我結果都未打去任何機構問, 因為老公都唔會贊成, 佢覺得囡囡好正常, 我同佢講話, 你見個個朋友啲小朋友都咁聽話, 佢會話, 你見唔到人哋咁多啫 ...

作者: kmmum 時間: 12-5-2 23:41

回復 Babyarsene 的帖子

東華三院果個, 你排左先. 無得心急.
我亦排左另一個YMCA 既社交課程,FOR K2小朋友, 囡囡9月便可以上堂. (我都要一齊上堂)

最近,囡囡情緒尚算OK. 失控情況.(3成). 上了這麼多課程,最重要是了解小朋友的心態及性格.
我個囡好固執+記性好. 憑著這點. 便知道只要花多'很多很多心血'去'教育+訓示',  生活細節上,可以控制到她的情緒.

E.G 囡囡慣左自己扭開猴'祖'散個細樽, 倒水入杯,再'搞搞' 來飲.
今晚,我手快快幫她開了. 她便發脾氣,塞個樽蓋, 要我還原, 她說[唔係咁!. 我要自己開!.我要自己來!!唔係咁!!!]
我好冷靜地說[無所謂,我地做人唔可以咁計較, 你開樽蓋,和媽媽開都無分別]
她仍然不停話[唔得,唔得. 我要自己來....]  我話[你唔飲,我就全部放入廚房!媽媽知你咳咳,先俾你飲.你自己想想.媽媽關心你..ETC]
突然阿囡講左句[媽媽話事]. 我話[你乖,知道媽媽話事,囡囡便要聽媽媽話]. 之後, 阿囡點點頭. 飲完水.再拎返杯入廚房交俾工人姐姐. (當中,講左句,唔該姐姐)
這幾個月, 我的教法+軟硬齊併(罰+呵). 曾經有晚,囡囡要聽電視,不讓我看新聞. 我話[邊個話事?] 囡囡話[我話事. 我要睇電視, 你出去!]  三歲已經這樣? 那十三歲,豈不是趕我出街??
我知道囡囡講野憑正覺. 想到什麼便講什麼.  所以,自己無乜動氣, 乾脆罰她企. 如果不肯企,便打PATPAT.  罰完,喊完. 再解釋俾囡囡聽. [媽媽的說話,女兒要聽.].  經過幾次之後.  每當囡囡做一些不對的事時, 我便嚴肅地說[媽媽話事,你要聽媽媽話]. 囡囡知道後果是被罰, 便會停下來. (當然,之後,我會解釋+安慰好. 做得對,便再讚她).

作者: kmmum 時間: 12-5-2 23:44

回復 hobby 的帖子

你小朋友還細28個月大, 待上K1時,再看清楚一點. 我既意見係, 小朋友不影響別人,可以慢慢處理. 但影響到上堂秩序或其他小朋友,便要找個處理方法.

作者: Babyarsene 時間: 12-5-2 23:56 標題: 回覆：kmmum 的帖子

咁你女女情況都好咗好多，對住佢哋真係一個eq訓練。我個仔又未去到失控，只係做嘢做唔到好易發脾氣，佢宜家成日講反話，明明好想做一件事，好想要一樣野，我哋唔係比佢立刻便or唔比佢，佢就開始講我唔要，我唔鐘意嗰樣嘢，我不斷解釋，唔係唔比，係遲點先比佢完全聽唔入其耳，一路用功扭計聲一路講我唔要，當你覺得佢煩，同佢講得喇，唔要就唔要，佢就會喊，其實自己好想要

，佢係咩心態，我唔明

作者: hobby 時間: 12-5-3 09:30

回復 kmmum 的帖子

唉, 希望佢大個少少會有啲la, 呢個月, 差不多晚晚佢都唔肯瞓, 由10點幾, 搞到12點幾, 我真係好唔明, 佢都要返學, 未夠8點起身, 中間午睡唔會多過2個小時, 我哋大人都好辛苦, 呢2晚又係咁, 話又唔聽, 罵完佢, 唔聽, 我走出房, 佢又喊住跟住我, 入返房, 又唔瞓, 循環幾次, well, 我真係唔埋佢, 出廳做嘢, 佢走出廳玩玩具, 我就flow her toys in the rubbish bin, she picked up again, cried and played again!!!! after 2 cycles, she started to tidy up, and then I came to her, asked her if she wants to sleep with mami; and we went to bed; after she calmed down, I started to talk with her, comfort her, gave the teddy bears back to her ... well, 唔使幾分鐘, 瞓到豬仔咁

其實放工返到屋企, 我哋都有同佢玩, 睇書, 聊天, 其實佢都好識表達, 好似會講俾我知今日喊過, 問佢點解, 佢又答到; 早2日佢話要買好多bear bear 熊, 我話要佢大個, 揾到錢, 自己買, 跟住佢重覆, 話, 等佢大個月之後, 揾到錢錢, 唔使媽咪買; 佢仲唔係好鐘意睇cartoon, 寧願睇星期二檔案, 一路睇, 一路問 / 表達意見 / 講返佢睇到咩等

我想知, 你哋啲小朋友係唔係都好成熟? 有多時, 都好似同個3/4歲小朋友相處咁

作者: hobby 時間: 12-5-3 09:45

回復 kmmum 的帖子

我相信佢唔會影響到其他小朋友上堂, 不過佢星期日上完主日學同我講, 佢冇落地唱歌跳舞, (但佢返到屋企又會自己係咁唱返嗰首歌, 仲會做埋動作); 嗰老師同我講, 雖然佢全班最細粒, 又差不多全班最細 (佢班由2歲至k1), 但講嘢好叻, 如果佢有聽, 可以講返小小故事內容俾我知, 可以答到一啲open end 的問題; ,,不過, 其實又跟上次一樣, 佢唔肯答我點解唔肯同其他小朋友一齊唱歌跳舞, 總之, 我覺得好似有啲問題, 但我又未知原因, 想幫都幫唔到咁

作者: hobby 時間: 12-5-3 09:47

回復 kmmum 的帖子

見到你囡囡進步, 實在為你感恩, 你的努力, 一定有成果

作者: torunpoland 時間: 12-5-4 18:46 標題: 回覆：kmmum 的帖子

我建議你若有時間看＜為孩子立界線＞。英文版Boundaries with kids

作者: bernicelamlam 時間: 12-5-7 10:01

請問有無人JOIN 過親子互動輔導服務? 唔知係未真係對小朋友好有幫助?因為我女2.5歲. 又係唔太聽教, 脾氣好大. 發脾氣時DUM嘢, 訓地, 大喊. 係學校又被老師投訴坐唔定, 經常行開位. 我都唔知係佢有問題?定係我唔識教. 初初見親子互動輔導好似好好, 又係免費就想同亞女試下. 不過打去問, 原來係要比錢重要$2500 10-12 堂. 所以我想了解下有無用.

作者: 小兔咕 時間: 12-7-13 07:48

本帖最後由小兔咕於 12-7-13 07:51 編輯

kmmum 發表於 12-4-18 17:38
回復 hobby 的帖子

最緊要K 有愛心 , 我SEARCH 緊愛心小學. (基本上好難搵)

其實點先可以搵東華3院既輔導...
因為我都唔知我女既問題可以點解決..
25個月就開始講大話..
eg 自己整到瘀左就話人地整佢(果個小朋友之前有搣過佢, 但無見個多星期)
見到唔想做既野就搵藉口(eg 唔想飲湯會話d湯好熱, 見到自己唔想做既野未做明明好簡單就會話果樣野好難唔識估咁)
你話佢佢會唱歌, lee ler ler. 扮聽唔到
講野表達好清楚但係就好無賴.
因為佢好硬頸... 叫佢飲埋啖湯.. 佢可以情願唔食飯都唔會飲埋啖湯.
我唔會心軟, 真係唔比佢食. 但係佢都唔驚, 下次又係咁....
同埋好記得人地講過既所有野, 即係有時周圍人講既好野同唔好野都會正確地係適當時候用番(就算果句野係幾個月前人地講過)你知啦有d野大人講就好地地，　個２歲人仔講就好似唔係咁合適, 但又唔可以阻止人地講乜, 同埋講左出口都收唔番啦....
但係話比佢知小朋友唔可以講,佢又覺得你地講得佢點解唔講得, 會不停搵機會再講.
eg某d 人叫某長輩既一個名.. 佢知係唔叫得, 但同人講野會惜d e 跟住叫仲會比個奸樣出來, 但係對住當時人又唔會...
即係佢知佢唔可以咁叫果個人, 但佢又覺得好好玩咁...

唔係佢阿媽既人就覺得佢好可愛, 但係我覺得咁樣好有問題, 因為佢咁落去大個就會變大話精,

作者: hobby 時間: 12-7-16 10:45

回復小兔咕的帖子

有關親子互動輔導服務詳情，請瀏覽 http://pcit.tungwahcsd.org
或致電 2267 6322 查詢。

http://pcit.tungwahcsd.org/about.html

作者: hobby 時間: 12-7-25 17:34

大家近來怎樣?

囡囡32個月大la, 講嘢好叻, 理解能力好好 (好似上次我帶一班小朋友做手工(沙樽), 由2歲半到約8歲, 佢聽完之後完全跟到, 唔使再解釋己經可以做到要求, 另外2個年紀相約小朋友就要人幫手; 記得晒屋企人生日月份, 幾個電話號碼, 不常見面的親友名字, 特首, 政務司, 財政司名字等等 ...

但就唔聽講, 不過學校老師又話佢好聽話, 會幫手; 12點幾都唔瞓 (呢樣我就覺得最辛苦); 仲有就係認字好差, 到依家都認唔晒26個英文字母, 不過佢會答你n for nose, f for fish ... 又成日搞錯6 / 9, 搞到依家怕佢有讀障

作者: mrsma1120 時間: 12-8-23 16:18

怕比人踩到 ?

歡迎光臨教育王國 (/)