教育王國
標題: 保護兒童會維景彎畔幼兒學校 result [打印本頁]
作者: queenie1012 時間: 12-3-31 11:43 標題: 保護兒童會維景彎畔幼兒學校 result
Dear all
昨日已收到通知；落選了
大家有消息嗎？
作者: cherryp 時間: 12-4-1 23:43 標題: 回覆：保護兒童會維景彎畔幼兒學校 result
收左入N 班
作者: C9Fa 時間: 12-4-2 08:39
Cherryp, 你個輪候編號係幾多?
我係四十幾. 依家得Waiting. Interview係PASS.
作者: szesze1812 時間: 12-4-2 11:01
我排80幾... 都係寫pass ga.. 不過都係無位... 其實一定唔洗諗有位入ga la.. haha..
作者: littlepigsheep 時間: 12-4-2 13:25
回復 cherryp 的帖子
congratulations!! will you accept the offer?
作者: cherryp 時間: 12-4-2 18:50 標題: 回覆：保護兒童會維景彎畔幼兒學校 result
號碼好似係72,應該會accept offer，老師28號已電話通知收我啊囡，問我可唔可以30號或之前回覆讀唔讀
作者: C9Fa 時間: 12-4-2 19:03
回復 cherryp 的帖子
佢又話如果interview pass, 就按輪候No.入學, 我個no.係前過你好多, 但收左你個女先. 你個女一定好smart.
作者: cherryp 時間: 12-4-2 19:14 標題: 回覆：保護兒童會維景彎畔幼兒學校 result
應該按表現吧..老師所有問題都有答, 一去到就找書看, 見到在讀緊的小朋友佢又跟人地line up入課室，老師都叫佢一齊上堂佢先無入去呀, 但d老師都
曬
作者: C9Fa 時間: 12-4-2 21:35
回復 cherryp 的帖子
哈, 佢好smart & cute呀. 幾月出世?
作者: littlepigsheep 時間: 12-4-2 22:23 標題: 回覆：cherryp 的帖子
咁如果劍鳴都有offer呢？
作者: cherryp 時間: 12-4-2 22:51 標題: 回覆：保護兒童會維景彎畔幼兒學校 result
佢係6/2010b，剛收到學之園am offer，頭痛中,最後還有劍明未知結果，但啊囡嗰日表現得好好呀, 我都好鍾意劍明...
作者: fredachowct 時間: 12-4-2 22:54
回復 cherryp 的帖子
如果KM 同LH 你點揀好呀??
作者: cherryp 時間: 12-4-2 23:57 標題: 回覆：保護兒童會維景彎畔幼兒學校 result
我擇KM，家人唔鍾意LH同想全日班,所以頭痛中
作者: queenie1012 時間: 12-4-4 11:43 標題: 回覆：cherryp 的帖子
你小朋友真smart可以有好多選擇
作者: C9Fa 時間: 12-4-4 12:30
老實說, 好想多d人放棄, 我好想個仔入呢間.
作者: chau_mandy 時間: 12-4-4 18:58 標題: 回覆：cherryp 的帖子
我同您一樣，都收到LH LP AM offer，我就仲有翠茵AM英普班，都係等緊劍鳴的結果。我自己都好鍾意劍鳴，阿囡都in得好OK4
作者: cherryp 時間: 12-4-5 02:14 標題: 回覆：chau_mandy 的帖子
那你會留維景學位嗎?他最遲11號交留位費。
作者: C9Fa 時間: 12-4-5 08:53
請問留位費幾$?
作者: cherryp 時間: 12-4-5 09:32 標題: 回覆：保護兒童會維景彎畔幼兒學校 result
$1100
作者: queenie1012 時間: 12-4-5 13:54 標題: 回覆：C9Fa 的帖子
其實呢間學校真係好多想入，不過佢收新生學位實在太少，所以我個小朋友入唔到都預咗。
除咗收生少外，佢有無其他優勝處可以吸引到家長呢？升派小一情況又如何呢？請在學家長分享下。
作者: juliakmy 時間: 12-4-12 09:14 標題: 引用：其實呢間學校真係好多想入，不過佢收新生學
原帖由 queenie1012 於 12-04-05 發表
其實呢間學校真係好多想入，不過佢收新生學位實在太少，所以我個小朋友入唔到都預咗。
除咗收生少外，佢有 ...
作者: sheepmonkey 時間: 12-5-8 12:35 標題: 回覆：保護兒童會維景彎畔幼兒學校 result
I released the place already, hope the waiting list mums will get the call soon
作者: thomastaxi 時間: 12-5-10 22:59
我自己帶小朋友去in左區內幾間熱門幼稚園，比較後我可以講讀呢間一定唔會後悔，一定係區內頭幾名。
如果全日計，我會當佢係第一選擇。
1. 唔係非常牟利幼稚園，有政府津貼。
2. 一星期2日NET同1日講國語老師，資源唔錯。
3. 返學時間長，啱忙碌父母。
4. 保會本身係大機構，搞幼兒教育有十幾間幼兒學校，唔係教會辦學一半教書一半傳教。佢肯定識教你仔女獨立。
5. 請的老師有愛心，起碼講o野無懶音。你去某幾間私校睇下，個個滿口懶音。
6. 師生比例少到1對9，落後的不會無人理，會慢慢追得上。
7. 學費同得到的不成正比
8. 食物好食，地方乾淨。
唔好之處係細少少，所以一級得2x人。
對比私校十幾個net，其實好多家長會4點放學，去出面join d course。
唔要位的請放位出黎，幫下其他人。年年好多附近私樓人去求位。
我都求過。
作者: thth 時間: 12-5-11 09:35
thomastaxi 發表於 12-5-10 22:59
我自己帶小朋友去in左區內幾間熱門幼稚園，比較後我可以講讀呢間一定唔會後悔，一定係區內頭幾名。
如果全 ...
老實講, 保會返學時間長又收學劵實在係perfect, 所以一直爭崩頭.... 小兒曾於該校嬰兒部返學, 因為無比較, 我一直以為ok, 到升n1, 轉左去第2間幼稚園先有比較.
老師們, 有愛心係ok, 不過無technique, 又唔update, 連"trouble two"都未聽過. 我個仔有次返學時突然大喊, 剛好碰上校長返工經過, 佢既反應係瞪大雙眼, 雖不致怒"bear", 不過絕不友善.
宜家出生率高, 將軍澳又多小朋友, 希望大家都入到心儀既學校.
作者: queenie1012 時間: 12-5-11 09:37 標題: 回覆：thomastaxi 的帖子
我放棄了後補位，希望幚到輪候的學生。
作者: littlestar_2009 時間: 12-5-11 11:15
我都放棄了學位~轉了另一間n~很不捨得~~因為在嬰幼部已一段長時間~~老師有愛心~極適合重視托管的家長~時間又長~caring 及自理都跟足~
作者: C9Fa 時間: 12-5-11 16:00
回復 thomastaxi 的帖子
唔要位的請放位出黎，幫下其他人。 <-- Like x 100
作者: littlepigsheep 時間: 12-5-11 18:48 標題: 回覆：thth 的帖子
你係指保護兒童會／學之園老師校長一般？ 後悔轉去學之園？
作者: thomastaxi 時間: 12-5-11 20:49
唔啱真係請立即放位，幫下其他小朋友。
好多家長會多謝你。
作者: thomastaxi 時間: 12-5-11 21:30
本帖最後由 thomastaxi 於 12-5-11 22:05 編輯
學之園老師一定好有愛心，好有技巧。
我小朋友喊包一個，坐唔定，又搗亂、發展又慢又細仔又成日鬧情緒，唔似人地個仔天資咁勁。
幸好維景老師對佢包容，小班慢慢教，無話放棄/亂罰佢，佢今日先進步咁大。
我無耐性係屋企同啊B全英，只是全廣東話，但憑佢係維景學的英文同一星期的1堂PLAYGROUP，BOXHILL都俾細仔的佢插班入上午班N1，一齊INTERVIEW的仲要係純鬼仔，後尾我覺得唔值放棄個位。
對於維景，我心存感激。
現在我有人湊小朋友，想係下午安排小朋友玩課外活動如游水、玩樂器、跳舞，先決定轉去讀上午校。
老實講，轉到個間係我好心儀的又爭崩頭。世事神奇之處係得個間收我先會走，點知就真係個間收左。
細仔的佢居然打低近1千人，仲有上午班位，我諗係因為小朋友做晒老師所有指令，2歲3個月佢見到校長"主動"識鞠躬,就咁細仔入左上午班。
我係屋企就係識緃佢，又唔識教佢，佢考到出面幼稚園係主任、老師、"姐姐"的功勞。
我放棄維景都好傷心，見人咁踩班有HEART老師，真係意難平。我幾年前去過大角嘴學之園OPEN DAY，逗左幾圈遲走左見到幾個鬼妹MISS食煙。
我唔會話食煙教唔到幼稚園，我見過某私校老師紋身都可以教書。
我無去過康城間學之園，唔知佢幾好，因為我連IN的興趣都無。
-完-
作者: thomastaxi 時間: 12-5-11 22:33
本帖最後由 thomastaxi 於 12-5-11 22:36 編輯
大家文化唔同，其實鬼妹仔食煙好平常，紋身的老師唔係黑社會，亦唔係學之園老師。
學英語就係認識埋外國文化，係唔係?
我話唔去康城學之園IN係因為我高攀唔起俾唔起校車錢，並無其他原因。
我一向老土唔UPDATE，雖然講英文的外國人做老闆，但係識尊敬師長。
維景咁俾心機教到我個難教的仔，真係萬分感激。
作者: thomastaxi 時間: 12-5-11 22:55
錄自高質家長大學講師Herbert Shiu的Blog:
註﹕保會幼稚園現在是有ＮＥＴ的。
有幾位友人的子女，都是就讀於保護兒童會幼稚園，這慈善機構幼稚園，家長一般的感覺是這些學校都是由基層小朋友來讀的，對於中產家長來說，根本連想都沒有想過會給孩子去讀，但我的友人不是基層市民，也算是中產家庭。友人子女的情況，令我對這個機構所辦的幼稚園認識更多。
保護兒童會設有日間托嬰服務以及幼稚園。日間托嬰服務，主要服務對象是那些雙親都需要工作，日間沒有人可以照顧的小朋友，由初生到兩歲，對很多人來說，這麼小便交給別人全日照顧，似乎不可思議，但是我曾和一位將嬰兒交給日托中心照顧的媽咪談，她說剛滿月便已將嬰兒給中心照顧，因為很小便由中心照顧，嬰兒很容易習慣，也不怕陌生人，饍食方面和活動方面，都有專人設計照顧。中心由早上九時前便可以將小女交給中心，到晚上六時便可以接回家，如果家長要加班，更可以加錢讓子女留到八時，對要工作的家長來說，他們提供了很貼心的服務。
該會的幼稚園服務，由兩歲班直到六歲，即由幼兒班到高班，畢業可銜接小學，跟托嬰院一樣，讓雙親皆要工作的家庭提供周到的服務，該會的幼稚園，差不多只是公眾假期才是學校假期，所以家長可以放心工作，不須要請太多事假來自己照顧子女，另外，該會的幼稚園同樣提供暫托服務，所以其他學校學生的家長也可以預約該會幼稚園來暫時照顧自己子女。我女兒也曾於該會幼稚園全日暫托，因我女本身讀的是全日班，所以很容易適應。
對於課程來說，其實他們並不如想像中只懂得托兒，他們也有很有創意的活動給學生，也會有類似活動教學的模式來教導學生，而且也有活動時間用該會的專車，接送學生到總會的圖書館看書，至於課程方面，就我所見，他們也有普通話老師，但是卻沒有外藉老師來教英文課程，但令我感意外的是他們的中文水準，簡單以所寫的中文字來比較，比我女兒的幼稚園還深。
學費方面，聽說用了學券之後，全日班學費只是千多元，就他們的服務來說，是物超所值的，相比九龍塘的幼稚園，半日學費便已三千多元，多出來的錢，便可以拿來為孩子針對幼稚園課程不足的地方（如沒有外藉老師教英文課等），報讀一些額外課程，而這多出來的二三千元其實已可以報讀很多校外課程了。友人想為女兒報讀的是深井那一間，全校四級學生名額總數為一百人，友人的女兒出生後不久，她便已拿著女兒的出世紙到幼稚園報名；我女兒也曾在那裡暫托，放學時我在幼稚園門口等，很多都是傭工，所以其實學生都是來自中產的。當然，該會在其他區的幼稚園，可能會因為地區不同而家庭的背景有所不同，而深井的附近的，都是一些大型私人屋村。
當我經歷了為女兒考小學的階段而感到學生本身才是面試最決定性的因素時，便會覺得，這些一般被中產忽略的幼稚園，其實也是很好選擇，家長亦不必為子女入不到九龍塘名幼稚園而灰心，還有很多選擇和做法。
作者: queenie1012 時間: 12-5-12 09:37 標題: 回覆：thomastaxi 的帖子
絕對認同你的意見，我放棄了學位內心都掙扎了一段時間。因為我的小朋友亦有同類型的幼兒園收了，所以才忍心放棄維景的學放，希望更多有需要的家長可以比小朋友入讀這類有愛心又經濟的幼兒園。
作者: thomastaxi 時間: 12-5-12 21:46
其實保會另有一間分校係廣明苑，招收2至6歲的小朋友。
大家可以多個選擇...
作者: a328 時間: 12-5-13 16:23
i just receive their call yesterday for interview on next saturday
作者: thth 時間: 12-5-14 10:43
回復 littlepigsheep 的帖子
我絕對沒有後悔轉校，係轉校後先有比較。
我清楚知道自己的要求, 我希望學術各方面可以於學校課程中涵蓋, 不需要額外補習, 正如我儘量不帶工作回家一樣。 這方面EK有大量topic討論學之園的強弱, 不用我多提。
thomastaxi, 實在想不到會令你如此大反應。
我個仔今年K1畢業了, 離開了保會差不多兩年, 我所提及的都是我親身經歷的事實。就讀保會時我沒有投訴, 因為沒有比較, 轉校後比較下才知道保會既老師並不是一直想像中的有心、友善。反而, 我覺得全校最有"heart"的係負責雜務既"姐姐", 到現在, 係附近碰見都仲會打招呼。老師們呢, 係地鐵站碰上會扮見唔到。
在保會時有一段日子, 我個仔比較易發脾氣, 無理取鬧, 我走去請教保會既教職員, 問是否一般育兒書稱之"trouble two"階段, 但該位教職員給我的反應是不知道什麼是"trouble two", 還不斷強調我個仔在學校不是這樣的。我沒有再追問, 唯有多參考育兒書籍。但轉校後, 有增進親子關係的講座, 觀課, 茶聚後見校長, 在管教培育上有相當得著。當然, 我要付出的是沒有學劵資助既學費，但學校的其他配套, 所繳交的學費是值得的。
再者, 小朋友的直覺最可靠, 離開了保會後, 每每在保會附近經過, 我問入去探望一下老師同學們, 好嗎 ? 我個仔一定耍手擰頭話唔好。我知道我個仔一定在保會有不愉快的經歷, 我只想在此分享保會並不是所有人認為老師有愛心, 關懷備至的學校。給大家多一個參考。
作者: thomastaxi 時間: 12-5-15 09:34 標題: 回覆：保護兒童會維景彎畔幼兒學校 result
小朋友直覺最準。我小朋友由兩個月大起返學至今已經差不多三年。每日返學都非常開心。我好記得有一天放學，在地鐵站𥚃，我小朋友大哭大鬧，當時嬰兒部老師上前安慰，幫了我好大的忙。
現在我向小朋友說新學期要轉到新的幼稚園，我小朋友說唔好，要在保會返學。我甚至試過帶他到新校園參觀，我小朋友也說要保會的老師與同學。
老師有沒有愛心，學校教得好不好，不是只憑家長在網上的主觀思維而得出結論。
教育署的評核報告最可靠，家長也可以親身參觀校園作考慮。
作者: juliakmy 時間: 12-5-15 13:27
我又分享吓保會嬰兒部用家意見俾人參考吓先~ 
增進親子關係的講座, 觀課, 茶聚後見校長呢啲保會都有做, 我自己參加過如何管教0-2歲幼兒同埋伴讀講座, 講座後就係茶聚同校長報告. 觀課大約一年兩至三次, 每次30-45分鐘.
無比較過其他學校既老師, 只係嬰兒部由細組到大組都轉過好幾個老師, 自己都有對不同老師有不同感覺, 因我要番工, 唔係日日都可以直接見到老師, 有兩個老師會主動留手提電話俾我, 話放學後有咩事都可以直接搵佢傾, (但我主要都係LUNCH TIME打學校電話) 我唔知出面學校會唔會咁做.
我唔知點比較老師們既技巧, 但他們一定好過我, 所以先教到我小朋友一歲已經自己用杯飲奶, 自己食飯, 自己除鞋除襪, 歲半見到人會主動叫Hello/早晨. 可能呢D係好基本, 不過無學校幫忙我自問做唔到.
佢都唔係日日都咁鍾意番學, 尤其長假後, 都係鍾意痴住我哋, 入課室前都會哭鬧一番, 全靠老師氹住佢. 放學又係另一個樣, 日日都開開心心唱晒歌仔~
不過我都考慮緊幫佢轉校, 原因係學劵學校的課程問題, 反而學校的老師是令我不想轉校的原因之一.
給大家多一個參考。
作者: thomastaxi 時間: 12-5-15 20:38 標題: 回覆：juliakmy 的帖子
啱啱收到通知某區內私校收左國際全日
即係我個仔考5間熱門中4間
作者: littlestar_2009 時間: 12-5-15 23:22
juliakmy 發表於 12-5-15 13:27
我又分享吓保會嬰兒部用家意見俾人參考吓先~
增進親子關係的講座, 觀課, 茶聚後見校長呢啲保會都 ...
完全同意你的講法~~你心中所想既同我一樣~~我地都係保會既用家~完全明白你既諗法,亦十分贊成你甘做.問心個句..如果唔係課程問題..我都唔會轉校..唔想佢重新適應...相信我地亦要講左用家中肯意見比大家分享~~不要令家長誤會...沒有什麼事係又要馬兒好(語文)又要不吃草之類(學費平)之事情(如果小孩天生異稟除外)~~~但老師基本上是可以的~尤其是caring方面~如果家長重自理，而放學仲有時間去補習再加屋企狂溫習~~我都會覺得保會係ok 架~
作者: thomastaxi 時間: 12-5-16 21:41 標題: 回覆：littlestar_2009 的帖子
屋企人同我細個唸兩年屋村幼稚園
小一都考十名以內
4歲先送
咪又係港大碩士畢業
我聽到幼稚園話4歲寫字默書
即刻唔考慮
再講壹仔之前踢曝好多公司搵打手係bk出文搵食宣傳其品牌
我有時睇到d文都好有疑問
創校幾年
冇辦學培訓老師經驗咁多網上口碑咩
作者: mini-jack 時間: 12-5-24 22:36 標題: 回覆：保護兒童會維景彎畔幼兒學 ...
上個星期interview 後，維景都收左我既小朋友今年讀n1
但樂緻又交左留位費，兩間都係全日班，請問各位邊間好d (學野同自理方面)
另外，我見維景附近有個工程進行中，會否影響小朋友上課同睡覺呢？
| 歡迎光臨 教育王國 (/) |
Powered by Discuz! X1.5 |