教育王國
標題: 阿女小一成績好差！！轉校？ [打印本頁]
作者: mok_yan 時間: 12-3-29 14:59 標題: 阿女小一成績好差！！轉校？
第一次考試英文常識唔合格，今次第二次中英數都唔合格，我地已經盡晒力！但阿女返學又好開心，好無助•••灣仔區有無啲程度無咁深既學校呀
作者: babybear 時間: 12-3-29 15:32 標題: 回覆：阿女小一成績好差！！轉校？
佢本身讀緊邊類型嘅學校？
傳統／活動？
中小／英小？
間學校好谷嘅？
會唔會係重未適應小一生活，又或者未懂得答題技巧？
考試係做唔晒份卷而失分？不小心錯而失分？定真係唔識答？
作者: mok_yan 時間: 12-3-29 15:38 標題: 回覆：阿女小一成績好差！！轉校？
全統學校一年3次考試，佢仲係傻下傻下咁。
作者: littlecarey 時間: 12-3-29 16:09
不如留班啦
作者: Ving 時間: 12-3-29 16:15
Which school you are talking about?
作者: 已刪除用戶 時間: 12-3-29 16:34
如果成績唔好, 一黎未必有好學校收, 2黎轉左都未必有效
你搵出問題所在先啦, 佢係咪年頭FAIL到年尾? 默書呢? 你有無同佢溫, 溫習時佢表現點樣?
作者: 已刪除用戶 時間: 12-3-29 16:36
見到你女女讀邊間了, 其實你揀間咁激既, 一路以黎有無準備陪跑呢?
作者: mok_yan 時間: 12-3-29 16:44 標題: 回覆：阿女小一成績好差！！轉校？
默書中英平均80分，但考試佢就唔知點解一諗唔到就喜歡交白卷，我已經同佢講過到最後唔識嗰啲盡量唔好留空佢，佢話明最後都係咁，咪衰晒囉！
作者: happysmileha 時間: 12-3-29 17:14
你間係名校?
如果係普通學校, 轉去第二間都係一樣, 不如去補補佢仲有效d.
作者: caca316 時間: 12-3-29 17:14
回復 Charlotte_mom 的帖子
which school?
作者: OO2011 時間: 12-3-29 17:18 標題: 回覆：mok_yan 的帖子
提示: 作者被禁止或刪除 內容自動屏蔽
作者: callylam 時間: 12-3-29 17:23
想問下現 在小一補英文多少$ $ 1小時?
作者: babybear 時間: 12-3-29 17:31
似乎佢係未適應多！ 趁嚟梗復活節長假期同佢惡補吓， 對症下藥！ 可能到第三次考試有進步呢～
如果依舊未如理想，試下留級。好過轉去另一間學校從新適應。
但記住要鼓勵佢， 千祈唔好責罵佢呀！
加油呀！
作者: Yanamami 時間: 12-3-29 19:41
本帖最後由 Yanamami 於 12-3-29 19:54 編輯
好少P1全部fail (平日默書有80分), 唔似係能力問題oＹ. 一唔識就交白卷, 似態度問題. 同佢溫書時係點? 好多唔識? 照計你唔會叫佢自己溫, 又唔知佢溫成點就去考啦. 禁你同佢溫時有無發現佢有乜問題?
作者: Laputa 時間: 12-3-29 20:12
要對症下藥, 轉咗校佢一樣唔識就交白卷, 無意思.
作者: hinxmama 時間: 12-3-29 20:36
Yanamami is right.
作者: k_0530_a 時間: 12-3-29 21:16 標題: 引用：回復+Charlotte_mom+的帖子
which+school?
原帖由 caca316 於 12-03-29 發表
回復 Charlotte_mom 的帖子
which school?
作者: SCKnight 時間: 12-3-29 22:22
不如同老師傾下！
不過你囡囡嗰間真係幾梗。似乎佢都有啲同級同學一入去已經開始補習。
作者: 囝囝mama 時間: 12-3-29 23:03
回復 mok_yan 的帖子
你留意吓份卷!!!邊部分失分最多!!平時是否很小睇書理解不到!!是做得慢做唔切!!!我細囝儍儍吓!!唔識做句子作句!!空白一片!!我問佢點解!!做唔切!!又D唔明!!我细囝中文,英文都唔合格!我细囝英文默書都不合格!!!我想在暑假重溫小一D知識!!在睇番多故事D書!!慢慢追啦!!!轉校不是辦法!!再努力!!同佢做D練習,習慣考試模試!!教佢要想得快!!一慢就出事!!!
努力!!努力!!希望再明天!!
我都再努力中!!!
作者: mok_yan 時間: 12-3-29 23:36 標題: 回覆：阿女小一成績好差！！轉校？
多謝咁多位媽咪比我支持和意見，佢已經有去女王教室補習，每日做完功課都要備課溫書，所以默書先可以這樣好，我知道之前幼稚園少和她睇書和遲起歩，陪她一起讀書原全沒問題，佢嗰一刻想不到就唔再去想所以咪交白卷和今次第二次考試老師只講大題目，可能佢理解唔到問題問乜所以唔識答！唉•••
作者: mok_yan 時間: 12-3-29 23:43 標題: 回覆：阿女小一成績好差！！轉校？
六月第三次老師乜都唔講只會派卷咋
作者: 囝囝mama 時間: 12-3-30 09:02
回復 mok_yan 的帖子
長遠計都係培養佢睇課外書,先知係好辦法!!
作者: jc4358 時間: 12-3-30 10:12
take it easy! try to communicate more with other parents! Your daughter got a lot of room for improvement!
作者: ANNAFRIEND 時間: 12-3-30 10:45
mok_yan 發表於 12-3-29 23:43 
六月第三次老師乜都唔講只會派卷咋
樓主囡囡好明顯出現在做卷方面問題, 試下比多些補充練習佢做, 自己讀題目. 再睇下佢邊方面問題最嚴重. 再著眼訓練. 我小朋友的學校在下學期巳經唔讀卷, 全部靠自己. 我平時有時間都會比佢地做補充, 就係想佢地熟習考試模式. 佢地要自己睇題目, 所以仲未習慣就好大件事. 我小朋友做卷係差在專注力問題, 同埋因大意會漏左冇做都唔知, 而果D根本係佢識架. 同埋千奇唔好倚賴補習社, 只靠佢好容易出事.
作者: 已刪除用戶 時間: 12-3-30 10:52
要識多d字理解題目, 一定係要靠睇多d書, 操卷可以令小朋友睇慣d常用字(黎黎去去d題目都係果d款), 而睇課外書就可以學識更多字
我見好多低年班同學都有理解題目呢個難關, 真係要從reading入手呢! 唔好介意人地同學睇緊咩書, 人比人比c人, 最緊要揀一d岩自己程度既書去睇, 我仔p2, 如果自己揀, 只會睇喜洋洋漫畫, 但佢程度其實可以睇老鼠記者, 所以我無時間時, 就由得佢自己揀, 有時間時, 就揀d程度深d又有趣既陪佢睇, 睇得多自己會認得多字架喇
作者: ANNAFRIEND 時間: 12-3-30 10:54
閱讀真的真的可以打好基礎
, 雖然我小朋友都未做到持續閱讀, 而家小一簡直係冇咩點睇. 但係在她們還在幼稚園階段我的堅持陪讀, 確實反映在她們現在的英文成績上. 雖未至於標青, 但以她們出自那一所程度極淺而完全漠視英文重要性的幼稚園來說, 實在巳很不錯了. 如果不是那一陣子的努力, 恐怕也難在短時間把英文追上來. 實在一額汗.
作者: 已刪除用戶 時間: 12-3-30 10:55
仲有, 真的, 千祈唔好靠補習社, 我仔有專注力問題, 所以我要"的"佢去補習, 佢會睇晒d功課, 同溫默書, 但唔會有時間攪好個底, 要make sure佢理解晒課文, 一定要自己同佢睇一次, 唔好多丫, 讀一次課文, 得益都會唔少
作者: YolandaTam 時間: 12-3-30 12:05
樓主, 唔好放棄! 我囡而家二年級, 一年級嗰陣都係英文唔合格, 中文第一次考都唔合格, 後來睇多好多書, 都做吓巻, 今次中文86, 英文差唔多70(試過一次80). 平時默書有90+, 作文係最高分嗰兩三個. 正如樓上好多媽咪講, 多閱讀係必須嘅, 唔止幫到理解, 串字都快好多架! 多閱讀, 只須一年時間, 你會發覺小朋友成長咗好多, 唔只識字多咗, 寫作好咗, 思考力嘅成長更會令你驚奇! 加油!
作者: mok_yan 時間: 12-3-30 12:08 標題: 回覆：阿女小一成績好差！！轉校？
咁閲讀係咪陪佢一齊我要讀比佢聽？
作者: LuckyGirl 時間: 12-3-30 13:30
睇唔同類型嘅書+做卷（亞仔平時不是看很多書，但會睇，做卷都是考試前做，佢中文有96，嗰四分仲要係唔小心抄少咗個字扣咗，睇書真係會認多好多字（日後你教佢寫都會快上手d)，另外，做卷可以等佢熟習考試卷模式，了解題目！樓主快d幫亞囡打好中文底子，否則再上會讀得更辛苦（我覺得一路升上去中文科係最難搞
）
作者: 安兒媽 時間: 12-3-31 00:52
SFCS唔算難，班就應該有得升，放心；暑假補補佢，小二時，人又大了，無問題。
作者: SUSANNA 時間: 12-3-31 17:17
你個女係咪細女（即在班上比較細），佢可能未明老師講詳，不如同老師了解下平日上當情況，再諗有咩幫到佢．
作者: Chrizy 時間: 12-4-26 00:31
通常我同囡囡睇書都係佢讀一頁，我讀一頁，試試這方式，雖然她只是k3,學校亦沒有教很多字。最初都係睇D一頁不會太多字，只有三幾句的，等佢有建立自信時才選一些深D嘅書，學習千其唔好怕遲，唔好同人比較，同自己比較時，小朋友一定會發現自己有進步的！努力啊！
作者: hugub 時間: 12-4-26 11:01
樓主我囡同你囡好相似黙書80分但做卷就唔合格,後來我跟Yolanda個方法做, 買補充 + 閱讀 +操巻有好大改善,原本中文及英文唔合格提升到而家全部合格writing仲進步左30分。你真係要考濾下有時女王補習未必恰你個囡, 仲浪費緊佢時間+精神。我而家每星期2日放學先帶佢學英文,再返屋企做功課, 時間鬆動左佢每晚自然有時間hea(臨瞓前30分鐘)。
作者: cranberry 時間: 12-4-26 17:39
hugub 發表於 12-4-26 11:01
樓主我囡同你囡好相似黙書80分但做卷就唔合格,後來我跟Yolanda個方法做, 買補充 + 閱讀 +操巻有好大改善,原 ...
作者: cranberry 時間: 12-4-27 10:08
cranberry 發表於 12-4-26 17:39
請問如何取到試卷? 是否能在補習社得到?
請問有沒有特別哪一間出版社呢?謝謝.
作者: karen55407 時間: 12-4-27 10:32
我見小一時追不上的小朋友，到學年尾努力後勉強可試升班，但到二年級又你追不上，更被勸退，連留班機會也沒有。相反舊年留班的小朋友，重讀小一能上返中游位置。
作者: mandy304 時間: 12-4-27 17:16
只係小一, 仲未能定生死. 試下自己再活動教學下, 可能有所幫助
| 歡迎光臨 教育王國 (/) |
Powered by Discuz! X1.5 |