教育王國

標題: 百無家長,全部waiting [打印本頁]

作者: hellocheese 時間: 12-3-28 15:38 標題: 百無家長,全部waiting

除了等還可以做咩?最怕係大後備中的後備,自問個女唔差,咩都識講,又唔怕陌生,不過衰在我地係百無,無背景,無宗教,唔係專業人士...有時都幾唔開心,朋友個女interview唔講野,但有背景收咗,有d係細B只識講媽媽,但有良好職業,收咗....我覺得唔係好睇小朋友實力,而係睇家長背景

作者: Ackl1002 時間: 12-3-28 15:47

sometimes it's just luck, depends on if the teacher loves your kid at the first sight etc.
Don't be upset, write more letters to the principals of your faviourite schools. Many parents are just holding the places for consideration, you will receive the long-waited acceptance call by Jun / July.

Be happy.

作者: janbibi 時間: 12-3-28 15:49 標題: 回覆：百無家長,全部waiting

唔敢評論你個case
但我都有朋友話自己全軍覆沒，原來佢只報全港最top 的3間

作者: login_mc 時間: 12-3-28 16:14

我個朋友個老公係醫生,個小朋友唔係特別SMART,但報親差不多間間都收,仲要係TOP個幾間!!!

作者: hellocheese 時間: 12-3-28 16:25

我都唔敢報spk ,skh 呢D機會近乎0的學校,我都知好大競爭,最唔開心係母校都唔收,我由幼稚園讀到小學都有9年時間

作者: CherrieCeci 時間: 12-3-28 16:33

唔好氣餒,加油呀!我in左4間,都係waiting居多,都係百無人士.
我朋友個仔仔唔講野,但爸爸媽媽係專業人仕,top既學校全收!!現實社會係甘,接受啦~

作者: fatalbug 時間: 12-3-28 16:35

提示: 作者被禁止或刪除內容自動屏蔽

作者: whychan777 時間: 12-3-28 16:52

加油呀.....唔好灰心...........

作者: snowygary 時間: 12-3-28 17:05

所以聽聞有人作大個職業，佢地話沒有對證WOW

作者: siumingsiuming 時間: 12-3-28 17:05

我有個朋友同你情況相同呢!
你小朋友有冇讀pre-n?

作者: spmok1999 時間: 12-3-28 17:06

唔洗驚, 遲d實有位....

作者: login_mc 時間: 12-3-28 17:09

作大個職業?!!! 又真係無得CHECK WOR, 咁都得?

作者: cowebi 時間: 12-3-28 17:17

呢個世界係唔公平ga啦, 正所謂識人好過識字 ....
我朋友識個神父, 叫佢幫手寫referral letter, 間幼稚園就收左佢個小朋友讀下晝班 ...
我同事識個校長, 個仔interview 時唔講野, 唔做所有野, 入到am class!!
佢地都係入到一間出哂名嘅名kindy!!!
個遊戲就係咁, 換轉我有lee d connection, 我都會叫人幫手, 可惜自己咩都無,唯有安慰自己幼稚園啫, 成世人流流長, 我唔會因為入唔到呢d學校而影響到我小朋友以後行嘅路!

作者: klm402 時間: 12-3-28 17:48

我曾經就係講過X價都係睇人背景來收生, 結果比人鬧到狗升淋頭.
事實終歸事實, 依家d幼稚園個個都想收有好背景既學生, 有人可以唔認同, 但至少我認為係.
回歸正題, 全部waiting都唔緊要. 等5-6月啦..到時又會有好多機會出來呀...樓主加油.

作者: kwankin81 時間: 12-3-28 17:54 標題: 回覆：百無家長,全部waiting

自古以來"朝廷有人好辨事＂世界沒有公平換轉是我都收個醫生個仔啦，所以我吾會見名校，個小朋友是讀書材料去到那裡都讀到，最重要身體健康。

作者: jvcfamily 時間: 12-3-28 17:55

Ackl1002 發表於 12-3-28 15:47
sometimes it's just luck, depends on if the teacher loves your kid at the first sight etc.
Don't be ...

同意..好多學校都唔係只睇背景既, 有時講運氣加眼緣...唔好甘灰, 可能黎緊會有電話...因為4,5月會有位放返出黎...

作者: chrissteph 時間: 12-3-28 17:57 標題: 引用：我曾經就係講過X價都係睇人背景來收生,+結

原帖由 klm402 於 12-03-28 發表
我曾經就係講過X價都係睇人背景來收生, 結果比人鬧到狗升淋頭.
事實終歸事實, 依家d幼稚園個個都想收有好 ...

我都係百無人事，所以十多間祇得一間offer. 樓主不要氣餒。遲啲實有offer比你個女。不過提意你，寫定幾封信比學校先。

作者: BonIvana 時間: 12-3-28 17:58

作者: Sosiusiu 時間: 12-3-28 18:05

本帖最後由 Sosiusiu 於 12-4-2 14:53 編輯

唔洗唔開心, 我覺得如果間學校係咁著重家長背景, 讀唔讀都吧啦!!!....但我可以證明PC & 宣道唔係呢啲學校, 係睇眼緣運氣+實力

作者: hellocheese 時間: 12-3-28 18:25

本帖最後由 hellocheese 於 12-3-28 18:27 編輯

回復 hellocheese 的帖子

To:spmok1999....蘇浙,但我想個女入教會學校

作者: chelsea_jbb 時間: 12-3-28 18:41

回復 hellocheese 的帖子

你個女係咪細女呀?細b好多學校都唔想收呀.

作者: yyht 時間: 12-3-28 19:07

我果個都係全部waiting,想問下知唔知仲有邊間仲有位(九龍區),因為宜家連一個offer都無喺手,真係好傍徨

作者: hellocheese 時間: 12-3-28 19:42

我個係1月大b,咩都識講,唯有怪自己報得太少(5間),唔知e+仲可唔可以報?如果waiting都唔收,係咪要等9月呢?

作者: marcuscyrus 時間: 12-3-28 20:03

我大仔幾年前都係只得一間係人去考都收的，其他全waiting，佢仲要係大b，最後現在的學校發信有位，而且是我自己最心儀的，兒子當年面試此校開心到唔捨得走，所以話，未到最後都唔知結局係點呢

作者: shirleyleung15 時間: 12-3-28 20:21

login_mc 發表於 12-3-28 16:14
我個朋友個老公係醫生,個小朋友唔係特別SMART,但報親差不多間間都收,仲要係TOP個幾間!!! ...

其實我都覺得學校係有睇學生背景簡學生嫁

作者: Angelawjb 時間: 12-3-28 20:24 標題: 回覆：snowygary 的帖子

但係你ge地址會出賣你ge

作者: Daphnesin 時間: 12-3-28 21:05

這個世界係咁現實架啦！有個朋友個女，父母係做律師，報spk 即收!

作者: chelsea_jbb 時間: 12-3-28 22:49

回復 hellocheese 的帖子

唔好咁down, 你依家去問下果d 冇咁出名的kg, 應該仲收生的. 到5月左右, 可能會有位放出黎的. 你有waiting offer, 起碼唔係reject. 即係仲有機的. add oil!

作者: CBabeY 時間: 12-3-28 22:59

我聽過身邊有人老作自己係某名校舊生, 最後個小朋友入左SC, 老實講我自問做唔出。

作者: hayley1328 時間: 12-3-28 23:24 標題: 回覆：CBabeY 的帖子

哇，作自己係名校舊生錦都得？呢招真係毒

作者: alanyeungsl2011 時間: 12-3-29 08:36

要去老作來入名校，都幾可悲

作者: sweeticandy 時間: 12-3-29 08:42

CBabeY 發表於 12-3-28 22:59
我聽過身邊有人老作自己係某名校舊生, 最後個小朋友入左SC, 老實講我自問做唔出。 ...

咁勁... 真係勁~

作者: sweeticandy 時間: 12-3-29 08:43

樓主, 我都係除左.. 原校.同.PB 外... 三間.WAITING.. 其餘全.REJECT..

所以我都好煩...

作者: sunnygirl 時間: 12-3-29 08:58 標題: 回覆：百無家長,全部waiting

學校應該都有睇家長背景，如果唔係就唔使填職業啦！

不過我身邊都識唔少住半山、專業人士、高層嘅子女只得一間收又或者全waiting，所以相信學校亦唔係只睇家長背景咁簡單咁黑暗嘅！

作者: CBabeY 時間: 12-3-29 09:03 標題: 引用：要去老作來入名校，都幾可悲+

原帖由 alanyeungsl2011 於 12-03-29 發表
要去老作來入名校，都幾可悲

有啲咁嘅父母，將來佢地小朋友跟佢地咁樣做人，真係可悲。除非佢地好彩遇到正直嘅人做佢地指導，唔係佢地只會一代代薪火相傳咁做人。

作者: hellocheese 時間: 12-3-29 09:15

最唔開心係遇著D討厭親戚,我個女無學校已經煩,佢仲要話"你揀個D學校收咗我個仔,但都係麻麻地,邊間邊間好易入者,鬼叫你唔報多幾間咩?".....真係火都黎

作者: winnietingting 時間: 12-3-29 09:21 標題: 引用：最唔開心係遇著D討厭親戚,我個女無學校已經

原帖由 hellocheese 於 12-03-29 發表
最唔開心係遇著D討厭親戚,我個女無學校已經煩,佢仲要話"你揀個D學校收咗我個仔,但都係麻麻地,邊間邊間好易 ...

路遙知馬力，日久見「成績」。小朋友讀書得唔得，我個人覺得起碼小學二，三年級先知,你親戚唔洗咁快驕傲。

作者: hobby 時間: 12-3-29 09:34

回復 chelsea_jbb 的帖子

唔知樓主住邊區, 不過可以試又一村, 呢間相信pm仲有位, 評價都好好; 另外, stafford, st. nicholas 都應該有位, 但就冇學劵; 我自己都想囡囡讀教會學校, 不過所有報咗的係2間reject, 1間waiting (呢間唔係九龍區熱門學校), 而且仲有好多人hold幾間, 想信到5/6月一定等到通知

作者: CoffeeCake 時間: 12-3-29 09:54

sunnygirl 發表於 12-3-29 08:58
學校應該都有睇家長背景，如果唔係就唔使填職業啦！

不過我身邊都識唔少住半山、專業人士、高層嘅子女只得 ...

YES...
我認為背景只係"其中"一個取錄與否的因素,不是唯一!
我有個親戚,父是專科醫生,母是大狀,都係無學校收!

作者: dolphinmama 時間: 12-3-29 10:07

寫信啦,打電話啦,真係要厚面皮去做D野!其實仲有好多位,只係太多人HOLD住左而已,只要你肯做野,一定會令到心儀的學校收你!!!!我當日都係9月1 號先收到電話!

作者: hohoyy 時間: 12-3-29 10:17

hellocheese 發表於 12-3-29 09:15
最唔開心係遇著D討厭親戚,我個女無學校已經煩,佢仲要話"你揀個D學校收咗我個仔,但都係麻麻地,邊間邊間好易 ...

遇到呢類人會好唔開心, 好激氣, 考到好幼稚園固然好, 但都只係好小既開始, 將來仲有好漫長既路, 而家好, 唔代表將來一定順利. 自己好, 都應該顧下人感受.

但你唔好比呢d人激到你, 要比孩子一個好榜樣 -- 永不放棄, 失敗或不如意, 都要有自信勇於面對. 一日未到終點, 一日都唔知誰勝誰負. 要EQ高, 唔好比佢既言行令你懷疑自己及小朋友 !!!

作者: chrissteph 時間: 12-3-29 10:46 標題: 引用：最唔開心係遇著D討厭親戚,我個女無學校已經

原帖由 hellocheese 於 12-03-29 發表
最唔開心係遇著D討厭親戚,我個女無學校已經煩,佢仲要話"你揀個D學校收咗我個仔,但都係麻麻地,邊間邊間好易 ...

不用擔心。最緊要有學校收到。邊間其實吾太重要。最緊要小朋友健健康康，快快樂樂。

作者: FIFIT 時間: 12-3-29 11:41

家長職業同背景當然係有關,應該唔係全部,都有70,80%.我個女都係3間waiting,1間Offer,1間reject,自己讀緊果間都收,重交咗留位費,不過都揾定後路,再揾啲好啲.
就上個月去in York,收到Offer,佢哋無dead line(不過無學券),應該都唔會好差,又唔會好難入,佢哋係九龍塘有四間院校,你可以去試吓,我相信現今嘅waiting都幾渺茫,唔同早幾年,因為小朋友多咗.競爭大咗.

作者: hobby 時間: 12-3-29 11:50

回復 FIFIT 的帖子

或者我唔係報名校, 所以feel 唔到咁黑暗, 因為我個職業係sales, & admin officer, 都有offers, 仲要係11月細囡; 而如果間學校真係睇background, 唔係睇表現, 咁唔收我都唔覺得可惜

作者: flopsybunnies 時間: 12-3-29 12:14

回復 hellocheese 的帖子

明白你的無奈！Support!!!!!

家長背景有幾大幫助就真係無從考究。但我知有人係全職媽媽，老公係專業人士，小朋友係四月B，有讀PN班去train自理能力，面試表現都唔錯，有問有答，仍然慘食幾隻大檸檬，直到最近才有著落。如果家長背景有用他們都應該會多些offer在手吧？

五六月時應該會多好多位放出來，努力寫求位信，希望到時你有收穫！！

作者: LL222 時間: 12-3-29 13:00

marcuscyrus 發表於 12-3-28 20:03
我大仔幾年前都係只得一間係人去考都收的，其他全waiting，佢仲要係大b，最後現在的學校發信有位，而且是我 ...

係人去考都收 <- Like!
咁似小女嘅情況！但我好勇冇比留位費，你有冇？

作者: marcuscyrus 時間: 12-3-29 13:02

LL222 發表於 12-3-29 13:00
係人去考都收

唔知係咪講緊同一間?
開頭冇比，後來返兜問返人地xddddddddd
點知又得架wor

作者: Ryan_baba 時間: 12-3-29 13:31

更唔啱聽都要出聲講句，樓上好多自稱百無家長的言論，根本完全抹殺左你地認為有背景家長同小朋友嘅努力。

作者: LL222 時間: 12-3-29 14:45

marcuscyrus 發表於 12-3-29 13:02
唔知係咪講緊同一間?
開頭冇比，後來返兜問返人地xddddddddd
點知又得架wor

係唔係講緊向北再行前約100米嗰間？我比校長sell到唔想去讀！

作者: winnietingting 時間: 12-3-29 15:00 標題: 引用：Quote:marcuscyrus+發表於+12-3-29+13:02+

原帖由 LL222 於 12-03-29 發表
係唔係講緊向北再行前約100米嗰間？我比校長sell到唔想去讀！

估唔到你個謎語喎。有冇貼士？

作者: JLRLCH 時間: 12-3-29 15:21

當年我個仔都有幾間waiting,但到最後都沒有收到電話,所以我覺得就算waiting都大把人等,所以沒有offer的媽咪,不如儘快搵定後路先,起碼有得讀先. 講真,寫信就個個都寫,校長邊得閒睇咁多....我覺得作用不大.

作者: lyhv 時間: 12-3-29 15:32

加油! 唔好灰心, 寫多d求位信會有用...........good luck!

作者: hing_kee2008 時間: 12-3-29 16:21

回復 JLRLCH 的帖子

就是因為人人都寫，如果你不寫，不就表示，你已經放棄？

作者: matsushima 時間: 12-3-29 16:30

唔好氣餒, 我好多朋友同事都係waiting,
唔係所有學較有背景先收
我其中一位朋友佢係N無人士, 佢仔仔都有3間收

作者: matsushima 時間: 12-3-29 16:33

有waiting都好, 代表還有希望
5,6月好快到的, 不好灰心

作者: JLRLCH 時間: 12-3-29 16:41

唔係唔寫,只不過我叫d媽咪唔好太大期望有好多位放出來,一定要搵定其他學校先.

作者: lymchau 時間: 12-3-29 17:03

ai..... I am always saying that "識人好過識字", 死未!

But I give a hope to you all, we are "nothing" person, really nothing, but my girls get into a good schools as well. It is really a surprise! So, 希望在人間! Add oil!

作者: FIFIT 時間: 12-3-29 17:49

hobby 發表於 12-3-29 11:50
回復 FIFIT 的帖子

或者我唔係報名校, 所以feel 唔到咁黑暗, 因為我個職業係sales, & admin officer, 都有 ...

我都有offer,同自己讀緊果間,但都係想個女讀啲再好啲,其實之前無諗,但係收到都係waiting,個女in得又唔係差,
就會諗吓點解,我相信樓主都係禁諗,所以覺得關家長事囉..In 咗一間,簡值係超級無敵,同時三位小朋友在一旁玩玩具,有一位老師睇住佢哋玩,並無問過小朋友什麼問題,另一位老師就in三位家長,這間就算收,我都唔會比個女讀...

作者: hellocheese 時間: 12-3-29 19:00

其實每個父母都覺得自己仔女係最好,所以怪自己做得唔夠好,報得少學校,經驗少,不過有時遇著D親戚,成日晒命,仲要笑我個女,真係好討厭.....(我知佢做咗好多野,無端端信咗天主教)

作者: chubbychu 時間: 12-3-29 19:15 標題: 回覆：CBabeY 的帖子

作者: LL222 時間: 12-3-29 20:11

winnietingting 發表於 12-3-29 15:00
估唔到你個謎語喎。有冇貼士？

Maruscyrus 先明我講乜，因為我地同校

作者: LL222 時間: 12-3-29 20:17

marcuscyrus 發表於 12-3-29 13:02 冇行過xddddd 但校服幾靚，英文幾好，要考公開試o個間

水兵服？

作者: marcuscyrus 時間: 12-3-29 22:22

LL222 發表於 12-3-29 20:17
水兵服？

yeah!!

作者: CBabeY 時間: 12-3-29 22:59

spmok1999 入SC都要老作????

可能果個人覺得非入SC不可卦, SORRY SC唔係我杯茶。不過, SC真係要父母寫讀邊間中小學, 如果唔係睇呢D BACKGROUND, 駛乜要人填喎??我諗父母職業都未必係必睇, 如果知道父母讀邊間名校, 收O既可能性係大D。

作者: mkmiffy 時間: 12-4-6 02:10 標題: 回覆：CBabeY 的帖子

如果係old boy/ girl, 係會加分的。所以要填父母中學資料。

作者: yan1017 時間: 12-4-6 04:36 標題: 回覆：百無家長,全部waiting

身有同感^

而家interview跟本唔係in個小朋友而係個家長。好似我地呢d百無家長想入間好既學校跟本機會好微。除非咁岩同個老師有緣份啦。以前我會抱好大希望，而家只係抱「收咪讀，唔收咪唔讀」

作者: kkhon 時間: 12-4-7 02:17

梗係收專業人仕La,因第時又會考到入名小學增加學校名聲嘛。冇公平只有現實！

作者: Gerard 時間: 12-4-7 18:02 標題: 引用：我聽過身邊有人老作自己係某名校舊生,+最後

提示: 作者被禁止或刪除內容自動屏蔽

作者: kyliekylie 時間: 12-4-17 23:07

想等間有學卷既，但是另一間要求交証明書了！萬一真是俾我等到可否取回原校的証明書？

作者: gigiwin888 時間: 12-4-18 08:57

唔好誤導人啦, 個間今年我有2個朋友都reject左啦, 我都以為實收, 攪到人地好hurt, 可能出生率太高, 無實收呢枝歌仔唱

作者: lovelinda 時間: 12-4-18 13:32 標題: 引用：這個世界係咁現實架啦！有個朋友個女，父母

原帖由 Daphnesin 於 12-03-28 發表
這個世界係咁現實架啦！有個朋友個女，父母係做律師，報spk 即收!

又唔可以一概而論，今年我知一個爸爸係法官，仲要in完剛剛見到sister經過，同個小朋友有傾有講，又問佢鍾唔鍾意呢度，最後都係waiting.......仲要個女仔幾靚幾可愛的

作者: lovelinda 時間: 12-4-18 18:15

本帖最後由 lovelinda 於 12-4-18 18:18 編輯

我唔清楚.........我只是知我小朋友搵學校都係"百無", 佢唯一的優勢只是有一個清楚目標, 全力以赴的媽咪 (唔係讚自己, 係真的

)

所以, 希望大家都唔好咁快放棄, 加油呀!

作者: trenycebaby 時間: 12-4-18 18:24

I not yet receive heep yunn call, still waiting list

作者: miaochan 時間: 12-4-19 09:06 標題: 回覆：lovelinda 的帖子

同意呀！SPK唔多睇父母職業,同邊間學校畢業，因為學校都唔洗擔心學生派位㗎

作者: Gerard 時間: 12-4-19 10:12 標題: 回覆：百無家長,全部waiting

提示: 作者被禁止或刪除內容自動屏蔽

作者: keio 時間: 12-4-19 12:12 標題: 引用：+本帖最後由+lovelinda+於+12-4-18+18:18+

原帖由 lovelinda 於 12-04-18 發表
本帖最後由 lovelinda 於 12-4-18 18:18 編輯

我唔清楚.........我只是知我小朋友搵學校都係"百無", 佢 ...

Thumb up to u !

作者: hellocheese 時間: 12-4-19 13:19

希望5月快D到,等到waiting call,咁安心好多

作者: MamaRabbit 時間: 12-4-19 15:28

唔知點解,我感覺上好像waiting希望不大,雖然放返學位既人很多,但waiting的人也很多...

作者: whychan777 時間: 12-4-19 15:32

MamaRabbit 發表於 12-4-19 15:28
唔知點解,我感覺上好像waiting希望不大,雖然放返學位既人很多,但waiting的人也很多... ...

僧多粥小.............

作者: sunnygirl 時間: 12-4-19 17:11 標題: 回覆：MamaRabbit 的帖子

Waiting 都有分先後，如果排得後機會真係好微。

作者: LPN 時間: 12-4-19 22:00 標題: 回覆：Gerard 的帖子

咁咪即係冇關係囉

作者: yukai 時間: 12-4-20 00:39 標題: 引用：Quote:原帖由+hellocheese+於+12-03-29+發

原帖由 winnietingting 於 12-03-29 發表
路遙知馬力，日久見「成績」。小朋友讀書得唔得，我個人覺得起碼小學二，三年級先知,你親戚唔洗咁快驕傲。

...

作者: matsushima 時間: 12-4-20 12:16

有Waiting總好過我D朋友Waiting都冇

作者: Patpatmom 時間: 12-4-20 12:54

大家未有確實 offer 既千其唔好灰心，小朋友讀幼稚園都要講緣份的。

我囝囝早兩年 in PN，in 6 間得一間肯收，心儀既全 reject，當時心諗讀住先喇。

入到去，囝囝返學返得好開心；由佢算幾遲先開始肯講說話(兩歲半)，到而家講野算係幾叻。我地由開始覺得好一般到而家十分鐘意哩間學校，所以當日上 K1 時都無再諗過轉校了。

有陣時，理想(你想)的未必對小朋友係最好，隨緣喇，可能會有額外收穫。

作者: Gerard 時間: 12-4-20 13:54 標題: 回覆：百無家長,全部waiting

提示: 作者被禁止或刪除內容自動屏蔽

作者: piyohk 時間: 12-4-20 15:46 標題: 引用：這個世界係咁現實架啦！有個朋友個女，父母

原帖由 Daphnesin 於 12-03-28 發表
這個世界係咁現實架啦！有個朋友個女，父母係做律師，報spk 即收!

即收！唔使interview。

作者: kingkingtc 時間: 12-4-20 17:03

回復 hellocheese 的帖子

你係咪報左top類果d呀?
果d特別睇家長背景, 呢d已經係事實, 小朋友幾叻都無用, 因為家長背景好影響學校...
所以我唔會報呢d學校, 如果小朋友係叻仔叻女, 報咩學校都可以學到野~
努力讀書先最緊要... 無謂俾呢d野影響自己呀~~

作者: trenycebaby 時間: 12-4-21 07:58

I want to make profile, can??

作者: formula0106 時間: 12-4-23 16:36

提示: 作者被禁止或刪除內容自動屏蔽

作者: formula0106 時間: 12-4-23 17:05

提示: 作者被禁止或刪除內容自動屏蔽

作者: hellocheese 時間: 12-4-23 17:34

我覺得眼緣都好緊要,最近有朋友同我講,勁擔心個仔無學校收,佢個仔好百厭,e+返pn班,日日比老師投訴,日日都見家長,唔係打人就離群,佢個9月b,in嘅時候只識講爸爸,試咗一間某九龍塘幼稚園,即收,...佢個仔好bb樣,都幾得意,唔似咁牛精,而我個女雖然把口好叻,in4間但有3間係病住in,失咗預算....當時好唔開心,e+時間耐咗,平常心等waiting電話.....唔記得講,朋友係家庭主婦,佢老公係幾間鋪頭老細,應該係眼緣+背景

歡迎光臨教育王國 (/)