教育王國

標題: 有無local幼稚園係可以俾阿媽入班幫手？ [打印本頁]

作者: psv 時間: 12-3-27 19:46 標題: 有無local幼稚園係可以俾阿媽入班幫手？

除咗Int'l 可以有shadow, 有無local幼稚園係可以俾阿媽做shadow嫁？因阿仔超級坐唔定，但觀察及模倣力好強！如有介紹或呢方面經驗，或可pm我！Thanks!

作者: baby_cat 時間: 12-3-27 21:01

一般來說, 有媽咪在, 個小朋友會特別百厭.

正如你講, 佢模仿力強, 俾D時間佢, 佢就會學識守規則

作者: psv 時間: 12-3-27 23:25

我要補充一下係阿仔模倣衰嘢力強，好嘅係唔鍾意模倣，好識揀，治癒師話因為佢哋知道好嘅嘢,如排隊、安坐等，係唔過癮麻，所以咪凈係模倣衰嘢囉！已經用盡辦法，OT,PST,顱底骨，乜師都無法改善安坐問題，亦因坐唔定，曾被無良心幼稚園玩到你唔走唔得，好心痛，唔通坐唔定就無書讀，唯有試問下有無得俾我入班幫手嘅local幼稚園！有無人知呀?

作者: baby_cat 時間: 12-4-5 01:04

聽你講, 好似係學校差左D, 不如轉間有愛心既學校

另外, 有媽咪在, 會令孩子無咁乖, 所以我都不建議你入去幫手.

這是老師既經驗, 同我個仔既情況

作者: Anpanmama 時間: 12-4-5 06:00

俾得小朋支番學, 就要信任老師, 如果家長入班做shadow, 一則老師某程度會唔自然, 小朋友可能收多重指令, 令佢無所適從!
你小朋友幾大呀? 有無排政府S, I, E位呀?
建議你揾啲細啲嘅local 幼稚園, 老師會關愛啲!

作者: crystal媽咪 時間: 12-4-5 13:40

有無試過銅鑼灣靈糧堂 !??!? 我有朋友在入面做老師, 也有學生試過請過影子老師跟左3個月, 申請辦法係先做左其校學生, 之後佢評左有特殊需要, 要排早期訓練, 但又未排到, 學校比影子老師入班幫佢, 教佢適應, 提佢專注, 跟老師做不同的運動...

其他分校我唔知可唔可以, 但或者你打電話去查詢一下, 睇下而家有無改到, 以上那些是發生了一年多了. 唔知而家係點. 希望幫到你.

作者: Charlotte_mom 時間: 12-4-5 18:48 標題: 回覆：有無local幼稚園係可以俾阿媽入班幫手？

你亦可以考慮以普通學生身份申請入讀i校, 雖然冇政府資源但老師一般更富經驗

作者: bubucatcat 時間: 12-4-8 23:40 標題: 回覆：有無local幼稚園係可以俾阿媽入班幫手？

提示: 作者被禁止或刪除內容自動屏蔽

歡迎光臨教育王國 (/)