教育王國

標題: 惡夢黎啦!!! [打印本頁]

作者: 慧妮會員 時間: 12-3-24 19:02 標題: 惡夢黎啦!!!

個仔中四...話想拍拖...一直擔心既惡夢埋身啦...點算...有冇過來人家長教吓點做...我本身係好反對嫁...又驚攪唔好連個仔都冇埋...幾晚都訓唔好...

作者: Yanamami 時間: 12-3-24 19:17

Calm down~~~~
我朋友講我知, 佢女係UK讀書(F4)識左個男仔, 佢唔係極之緊張, 扮同女friend 八卦下佢d "戀情", 兩母女研究研究男仔, 點之過一排, 個女同佢講都係唔想拍拖, 好煩喎......
即係你個仔肯同你透露想拍拖係good sign, 起碼佢當你係friend先同你講, 咪同講下, 然後逐少滲下滲下, 唔經唔覺洗下腦law....反正你要反對都反唔來, 佢偷偷摸摸仲死. 話晒佢已經F4, 都係時候"起心"了, 咪算遲囉. 話佢知拍拖唔同朋友, 係個commitmen o黎o架.

作者: 慧妮會員 時間: 12-3-24 20:28 標題: 引用：Calm+down~~~~我朋友講我知,+佢女係UK讀書(

原帖由 Yanamami 於 12-03-24 發表
Calm down~~~~
我朋友講我知, 佢女係UK讀書(F4)識左個男仔, 佢唔係極之緊張, 扮同女friend 八卦下佢d "戀情 ...

Yanamami ，好多謝你，呢幾日我真係冇曬心機，老實講，我真係唔想，佢話就話唔會影響學業，不過我知道點都會有影響既，所以呢幾日我都避開唔同佢討論住，我驚處理唔好有反效果，不過個心又急，驚佢付諸行動，好矛盾。

作者: Yanamami 時間: 12-3-25 09:29

本帖最後由 Yanamami 於 12-3-25 09:30 編輯

講個差不多例子過你:
我女剛升上F1的Halloween, 竟話同同學去Ocean Park! 嚇死我咩? 禁快要自己出夜街. 若我say no, 又會面黑(果排佢覺得自已升左上中學好大個). 我內心糾纏好耐, 只好話: 我其實係万＝分唔想俾你去, 咪以為著住套中學校服就好大個, 你仲羅住唔兒童身份證咋. 但我明你好想去, 我都唔想你同學約你, 次次都無得去, 下次就飛起你. 但我唔鍾意你禁細個禁夜通街走, 如果你俾我2130係金鐘MTR接你, 我可以俾你去一次(個心不知幾唔想講呢句), 但呢次係單一事件, 唔係multiple visa, 呢代表今次去左, 下次automatically有得去. 結果呢....佢地約唔齊, 去唔成. Phew!
我諗如果我女話想拍拖, 我個心會跳左出o黎. 但你要明白, 就算你幾唔情願, 都無法子阻止佢, 唯一希望佢咪關埋度門, 偷偷地做, 禁你仲可以係旁邊(扮輕鬆) monitor住佢. 其實我估女方你都未認識, 認識左先la. 起碼知佢係邊個, 乖唔乖. 女仔家人一樣唔想個女拍拖, 唔知你囝對女方家人反對拍拖有乜睇法? 多d同佢溝通下先la....有朋友個女同男友仔起+ve作用, 一齊話要考李寶樁喎. 不知幾勤力. 總之年青人發生乜問題, 最緊要仲係有偈傾, 否則更難搞.

作者: ANChan59 時間: 12-3-25 15:57

之前有沒有做定功夫，教佢戀愛及兩性

作者: 慧妮會員 時間: 12-3-25 17:25 標題: 引用：之前有沒有做定功夫，教佢戀愛及兩性

原帖由 ANChan59 於 12-03-25 發表
之前有沒有做定功夫，教佢戀愛及兩性

之前有洗過腦架，不過今次睇黎好似唔多有效，睇來都係要多了解咗多囉。

作者: Unclejt 時間: 12-3-26 00:00

慧妮會員發表於 12-3-24 19:02
個仔中四...話想拍拖...一直擔心既惡夢埋身啦...點算...有冇過來人家長教吓點做...我本身係好反對嫁...又驚 ...

想拍拖？係已經有對象想開始，定係「恨」拍拖咋？

作者: carrai 時間: 12-3-26 10:58

記住個樣唔好#路出馬腳#，佢知你反對，就好難收到第一消息

加油

作者: ZZdaphne 時間: 12-3-26 11:27

以上各位意見都非常好,如果真係殺到來, 就唔好強硬阻止, 父母要做佢戀愛顧問.

作者: csy_ma 時間: 12-3-26 11:58

回復慧妮會員的帖子

我都有朋友個仔十四歲就拍拖，佢肯同阿爸講，仲要求手機換上同女朋友同一個網絡商。

不過，個小朋友真係冇咩影響到學業噃？佢而家中五，舊年年尾同女友有問題，疑似分手，連我，響面書上見到佢同佢d同學表示問候既留言，都幾擔心，心諗，中五先黎失戀真係好大wor。後來又好似ok返。但呢位小朋友響呢段時間，成績不退反進，已俾hku睇中咗叫佢去上某d課程，話如果升大既話會計返學分，成績亦響十名內。最大分別，好似係佢寫野有深度咗（我只係睇佢中作，但好似英文成績標得仲勁），又鍾意探索成長和愛情既主題。

同囝囝講，女仔會鍾意d成績勁既男仔既。叫佢睇吓《那些年》，成績大進，係追囡既有利武器，咁，佢可能好似我識個小朋友咁，為求鍊贏其他雄性，反而愈戰愈勇？

作者: cy101 時間: 12-3-26 12:00

佢咁樣同你講, 好大机會已經開始咗, 講俾你聽希望你同意/接受, 既然係咁, 做佢朋友角色易有計傾, 否則以後有咩唔同你講!!!

作者: 慧妮會員 時間: 12-3-26 20:39 標題: 引用：回復+慧妮會員+的帖子我都有朋友個仔十四

原帖由 csy_ma 於 12-03-26 發表
回復慧妮會員的帖子

我都有朋友個仔十四歲就拍拖，佢肯同阿爸講，仲要求手機換上同女朋友同一個網絡商。 ...

其實佢爸爸都有考慮過如果個仔拍拖，有類似你朋友既例子出現，不過佢老豆怕佢不能自拔，撞中高考期間就真係唔知點收科，所以先咁擔心。

作者: 慧妮會員 時間: 12-3-26 20:49 標題: 引用：佢咁樣同你講,+好大机會已經開始咗,+講俾你

原帖由 cy101 於 12-03-26 發表
佢咁樣同你講, 好大机會已經開始咗, 講俾你聽希望你同意/接受, 既然係咁, 做佢朋友角色易有計傾, 否則以後 ...

昨日終於一家三口坐低慢慢傾咗二個鐘，知道對方係咩人，仲未算開始，不過兩個都互有好感，佢地打算公開開始，我地兩公婆更係千萬個唔願意啦，又講唔出口，個一刻都覺得好頭痛，惟有口不對心咁話唔反對佢地暫時做住比好朋友更多一點既朋友先，唉，希望佢了解多咗之後會好和平咁發覺唔夾分開啦，（好似好衰咁）。

作者: Yanamami 時間: 12-3-26 22:13

本帖最後由 Yanamami 於 12-3-26 22:15 編輯

慧妮會員發表於 12-3-26 20:49
昨日終於一家三口坐低慢慢傾咗二個鐘，知道對方係咩人，仲未算開始，不過兩個都互有好感，佢地打算公開開始 ...

其實係咪應該坦白d講: 雖然我地同意你拍拖, 但我希望你知我兩老o既憂慮, 心好唔想你拍拖, 因開心時又成日掛住對方, 鬧交時又唔開心, 多少總會影響心情&學業. 又擔心年青人定力唔夠, 把持唔住, 後果嚴重. 所以希望你明白我地o既心情. 同埋希望你用行動去消除我o地o既疑慮啦.....溝通呀mami, 咪講唔出口啦. 只要佢听唔到"反對"同"唔准"兩句, 我相信佢會心平氣和同你有商有量.

作者: 慧妮會員 時間: 12-3-26 22:39 標題: 引用：+本帖最後由+Yanamami+於+12-3-26+22:15+編

原帖由 Yanamami 於 12-03-26 發表
本帖最後由 Yanamami 於 12-3-26 22:15 編輯

多謝你，我諗過多幾日，我會再同佢傾多次，你既道理會大派用埸囉。我而家都知道急唔黎，不過昨日我都冇表示反對，惟有一步步黎啦。

作者: 慧妮會員 時間: 12-3-26 22:40 標題: 引用：+本帖最後由+Yanamami+於+12-3-26+22:15+編

原帖由 Yanamami 於 12-03-26 發表
本帖最後由 Yanamami 於 12-3-26 22:15 編輯

多謝你，我諗過多幾日，我會再同佢傾多次，你既道理會大派用埸囉。我而家都知道急唔黎，不過昨日我都冇表示反對，惟有一步步黎啦。

作者: Yanamami 時間: 12-3-26 23:30

慧妮會員發表於 12-3-26 22:39
多謝你，我諗過多幾日，我會再同佢傾多次，你既道理會大派用埸囉。我而家都知道急唔黎，不過昨日我都冇表示 ...

Yes, that's the way to do it. Keep communicating.

作者: 長生不老 時間: 12-3-27 00:40

提示: 作者被禁止或刪除內容自動屏蔽

作者: khmama 時間: 12-3-27 21:46

樓主, 你屋企有冇工人? 要小心家中無人既時間, 唔好出事.

作者: 五歲仔 時間: 12-3-28 08:52

我覺得一定要講比呀仔知的係"千祈唔好衰11-----與未成年少女發生x行為", 其他的野, 例如吃飯睇戲等等, 你都無謂反對, 反正就算佢唔係拍拖都會同d friend 去, 如果佢真係要拍, 你咪叫佢請個女仔回家吃飯, 自己先了解個女仔先啦

我讀中學的年代, 隔鄰學校一對小情侶, 因為被父母反對拍拖而雙雙跳樓呀!

作者: khmama 時間: 12-3-28 11:24

回復五歲仔的帖子

我又唔會請個女仔返屋企食飯, 我唔反對但唔代表贊成, 如果請返屋企會易請難送, 仲會比個錯誤訊息以為我支持佢.

作者: One-Mama 時間: 12-3-28 16:33

努力同囝囝溝通, '關心'一下他感情進展, 冷靜地分析佢遇到的問題, 扮下專家及傾訴對象, 亦同時共同討論社會上一D小情侶的情感問題/負面新聞等, 如能成為囝囝的感情顧問, 你倆應該老懷安慰呢! (講笑啫!) 唔好咁愁, 希望在明天, 眼見身邊都有不少仔女中學時期拍拖, 都是很短時間便冷靜地完結, 若妥善應付, 不失為寶貴的人生課程!
加油!

歡迎光臨教育王國 (/)