教育王國

標題: 請問是否必要給小朋友讀N1呢? [打印本頁]

作者: gloria20060628 時間: 12-3-23 13:04 標題: 請問是否必要給小朋友讀N1呢?

如題, 真的不知道依家係咪必需給小朋友讀N1後到讀K1時先跟到呢? 唔讀係咪會輸蝕呢?

作者: joblam 時間: 12-3-23 13:36

我對讀N1就是給小孩去玩嘛，主要是孩子可以加快學講話（尤其是家中無其他小朋友），學基本禮貌，社交能力。我仔仔有讀N1，是普通的學校。一歲就帶他去超級市場讓他自己揀水果，嫲嫲天天帶去公園撿松果，兩歲時(意外地)給他玩10-15塊的拼圖，效果良好。今年去面試K1，出奇的好。

作者: Gooblovebb 時間: 12-3-23 13:57

都要睇你小朋友係大B定細B, 如果係年頭的大B, 讀N班會好D, 如果唔係你都要俾多D活動佢至得. 我個仔係中B(五月出世), 自己湊, 我冇俾佢讀N班, 而PLAYGROUP都係成兩歲先開始讀, 但佢IN幼稚園冇問題, 只係得一間唔收, 皆因佢未試過同我分離, 唔肯單獨IN. 所以如果你好想佢入一些必要單獨IN的幼稚園, 番N的好處係佢會唔怕分離(不過都不一定, 始終係陌生環境, 對住個陌生人). 到佢兩歲半後, 開始成日同佢呢度去嗰度去, 玩好多, 呢個真係要精力, 但好開心, 如果佢番N就冇咁多時間了. 我個仔冇番N上K1都完全冇問題呢, 所以我覺得如果媽媽係自己湊, 又有精力同小朋友周圍去玩的話, 番唔番N都冇所謂, 始終一世人流流長, 真係可以全力玩同埋同你一齊玩的時間有幾多? 宜家上左K1, 玩的時間真係少好多. 要學野的話, 上到K時真係學唔哂呢!

作者: bbaudrey 時間: 12-3-23 16:27

我亞女只係讀左3個月n1就冇讀, 因為佢個個星期都病, 佢考左4間k1, 間間都收佢, 所以我覺得唔一定要讀n1.

作者: hobby 時間: 12-3-23 17:20

如果年尾細b 11/12月出世, 咁讀唔讀pn 都冇分別, 因為interview時都未開始返學, 如果10月b就有少少煩, 因為佢哋初返pn, 仲未習慣, 跟住又要係咁去唔同學校interview, 有朋友個小朋友就係咁, 去到學校門口就喊, 根本in 唔到, 不過都好睇小朋友性格

作者: cycream 時間: 12-3-23 17:23

gloria20060628 發表於 12-3-23 13:04
如題, 真的不知道依家係咪必需給小朋友讀N1後到讀K1時先跟到呢? 唔讀係咪會輸蝕呢? ...

唔係必須! n1大部份野k1會重再教一次, 點會跟唔到. 有心教, numbers, colour, basic english, etc, 未返n1都識晒啦!
至於適應k1, 睇小朋友, 有d小朋友上完n1, k1開學又係喊喊喊, 有d未返過n1仲快ok. 即唔係一定要返n1對k1有幫助.

總括即係唔讀n1唔會輸蝕!

作者: cycream 時間: 12-3-23 17:28

本帖最後由 cycream 於 12-3-23 17:29 編輯

bbaudrey 發表於 12-3-23 16:27
我亞女只係讀左3個月n1就冇讀, 因為佢個個星期都病, 佢考左4間k1, 間間都收佢, 所以我覺得唔一定要讀n1. ...

無野係必要定不必要, 一定有人會講讀好或唔讀都得, 最緊要睇需要.

我返工無時間教, 要仔仔對住工人不如返n1,唔學多,學d基本social, 自理, 日日返去玩下, 小朋友都好開心.病, k1都會病啦, 我仔而加k1個個月都會睇醫,一病2星期都未必好得晒, 預咗k1會好過n1少少, 但都係成日病. 考k1時最快11月,大b小朋友返咗2個幾月n1, 對k1 interview幾有幫助?細b就返都未返n1, k1 interview都係屋企train架啦!

作者: cycream 時間: 12-3-23 17:32

hobby 發表於 12-3-23 17:20
如果年尾細b 11/12月出世, 咁讀唔讀pn 都冇分別, 因為interview時都未開始返學, 如果10月b就有少少煩, 因為 ...

yes! 我個仔係10月b, 我考k1時都有諗過會唔會佢適應緊n1新入學, in k1時會表現唔好. 幸好都好ok

作者: shirleylee_0514 時間: 12-3-23 17:43

我囡係8月的...唔大唔細...我都想比阿囡讀n班, 讀原因都係想佢同下d小朋友玩下, 學下禮貌, 但一直身體比較弱, 最終都放棄無讀n班....不過好認同如講野唔太好, 又無小朋友同佢玩下...讀下都有幫助...首先唔好將去考K1一切去諗先....應該出發點係為小朋友既好處....講真..即使讀左N班..到考K1都好睇臨場表現、心情、環境同埋家長既表現 !

作者: 鬆弛兔 時間: 12-3-23 22:51

回復 Gooblovebb 的帖子

完全認同, 就係因為我同老公都要返工, 又唔想個女日日係屋企對住工人, 電視, ipad, 所以我地都選擇左比女女返N班.

作者: joblam 時間: 12-3-25 08:36

對啊，我仔仔是7月BB，太太和我都要返工。不想仔仔待在家，只有菲傭陪他。讀N1就是給他去見其他人，學些基本禮貌。

作者: spmok1999 時間: 12-3-25 14:27

讀過N1係容易d考 k1, 有d K 差不多講到明唔收冇讀過N班的小朋友...

作者: helloqueen01 時間: 12-3-26 13:42 標題: 回覆：請問是否必要給小朋友讀N1呢?

我囡囡番咗三個月（細女）都唔比佢番了，因為又係成日病，同埋好好彩有幼稚園收佢k1，所以比佢九月先番，等抵抗力好些少先！

作者: catiou627 時間: 12-3-26 15:01

就是不想囡囡整天待在家, 不想她一個人整天只對著工人, 所以負擔得起便讓她上N1. 的確, 上學的日子她變得很開心.

作者: hayley1328 時間: 12-3-26 16:06

按香港教育局的標準係k都唔一定要上的, 小學就一定要返錦囉, 所以都係睇個人期望同條件的.

作者: gloria20060628 時間: 12-3-27 13:34

多謝大家既意見...

歡迎光臨教育王國 (/)