教育王國

標題: 你講野小朋友唔聽...可以點?請指教 [打印本頁]

作者: lovekidss 時間: 12-3-23 12:19 標題: 你講野小朋友唔聽...可以點?請指教

小朋友好似自由慣,你叫佢做咩都唔會即刻聽....
有時仲...愈叫唔好做愈做.....
咁可以點??

作者: 小曳人 時間: 12-3-28 22:16

我最近買咗本書，叫好媽媽勝過好老師
睇大標題就好似有相關內容，但我未睇到

不過，我相信係未用啱方法，但每個小朋友都唔同，我就正在努力學習了解孩子，小傷和氣 (其實係我EQ低，經常動氣，但偏偏自己血壓高，所以要用其他方法試試~)

作者: winnietingting 時間: 12-7-6 12:35 標題: 引用：小朋友好似自由慣,你叫佢做咩都唔會即刻聽.

原帖由 lovekidss 於 12-03-23 發表
小朋友好似自由慣,你叫佢做咩都唔會即刻聽....
有時仲...愈叫唔好做愈做.....
咁可以點?? ...

我囡囡都係？唉！有冇好計？謝謝

作者: babaxmama 時間: 12-7-8 16:40

look forward to hear the sharing too~thanks

作者: marcuscyrus 時間: 12-7-9 09:14

有時未必係專登唔睬你，可能是做自己的事太專注。
有一段時間我大仔都係唔點睬人，於是我地成日玩"叫名遊戲"，平時得閒無野做就叫對方名，如果唔即刻停手望住對方當輸，咁佢慣左之後我每次叫佢做野就叫左佢名先，如果小朋友識睇鐘(跳字都可以)，就同佢講媽咪想你XX:XX之前做好呢件事佢，對我仔黎講呢個方法可以

作者: angelkinki 時間: 12-7-9 09:14

lovekidss 發表於 12-3-23 12:19
小朋友好似自由慣,你叫佢做咩都唔會即刻聽....
有時仲...愈叫唔好做愈做.....
咁可以點?? ...

我同仔仔返ge一個pg，個老師就會話，要做好“愛與堅持”。

你想小朋友聽你講ge去做，首先係要管教。每次你叫他做野，叫第一次，唔做。叫第二次，你知道他都唔會動手ge時候，你就要捉住他雙手去做（呢個係堅持），一邊做，一邊讚（呢個係愛）。等你試過幾次都係甘，你ge小朋友就會知道，當你叫他做野ge時候，他一定要做，就算他唔想，最後都要做，而且，做左，你就會讚他。甘他之後就唔會當你ge說話係耳邊風。

最唔好ge做法，就係不停甘講，但父母唔動手去捉小朋友做。因為當你都只係齋講ge時候，你ge小朋友更加唔會聽你ge說話去做，他們好容易就會習慣唔聽你講野。

我對仔仔就係甘，講一次唔聽，第二次我就會捉他手做。當然記得他做完之後，要讚他。所以宜家出到街，他會周圍跑，但我一叫他，他就會停低。同他去shopping，他會摸人地d野，但我同他講，唔好摸，齋睇，他好多時都會聽。

只要父母堅持，他們就會知道，要聽你的說話。

作者: winnietingting 時間: 12-7-9 11:09 標題: 引用：Quote:lovekidss+發表於+12-3-23+12:19+小

原帖由 angelkinki 於 12-07-09 發表
我同仔仔返ge一個pg，個老師就會話，要做好“愛與堅持”。

你想小朋友聽你講ge去做，首先係要管教。每次 ...

angelkinki，非常感謝你。另一方面，現在努力讀緊「為孩子立界線」這本書，希望在囡囡9月返學前教好她學好紀律。再次感謝你的提議，對我非常有用。

作者: marcuscyrus 時間: 12-7-11 17:34

lovekidss how old is he?

o個時兩/三歲

作者: Sosiusiu 時間: 12-7-16 14:58

話比佢知跟你說話做會有咩後果, 唔做又會有咩後果, 叫佢自己選擇, 最後當然父母要堅持執行你預設既後果, 堅持多幾次, 佢就會學識

作者: irene_the_pooh 時間: 12-7-17 16:09

你係指佢平時玩時唔理你，定係你叫佢做某d野或者同佢講規矩時唔理你呀？

其實我覺得小朋友唔似大人，佢未必會眼定定望住你聽你講野，甚至佢好似完全聽唔到咁，但其實佢地係聽緊！

就好似我同阿囝講故事，有時佢一邊玩緊車一邊聽，完全當我好似收音機咁，講到我都冇咩癮咁，但佢又會失驚無神講番書裡面一d字出黎！同埋o係下一次再見番o個本書，佢會講得番個內容添！

我覺得教小朋友一樣，佢冇坐定冇望實未必 = 佢冇聽！
只要我地唔好放棄，終有一日佢地會上心！

作者: 迷你大人 時間: 12-9-5 12:33

無一個小朋友真系會聽曬大人話ga,

歡迎光臨教育王國 (/)