教育王國
標題: 浪費衣服 [打印本頁]
作者: piyohk 時間: 12-3-23 09:30 標題: 浪費衣服
為什麼當小孩在學校賴poo-poo後，學校的嬸嬸總是丟掉內褲。不是要求她們清洗，但為什麼不把它放在膠袋裡，叫小孩子帶回家清洗。
作者: gwlam 時間: 12-3-23 10:14
吓？ 我間幼稚園會用膠袋袋住比返家長處理wor ..... 你應該向主任反映下....
作者: gwlam 時間: 12-3-23 10:18
同埋d嬸嬸通常都會係咁而“籮“下先放落膠袋到。。。
作者: linseymom 時間: 12-3-23 11:19 標題: 回覆：gwlam 的帖子
係囉，一般都會洗兩嘢，再放落膠袋交比家長，點會當垃圾？定係已污漕到唔掉唔得？
作者: gwlam 時間: 12-3-23 11:24
唉，就算點污漕，掉定唔掉嘅决定權應該留返比家長自己决定。。。 條底褲又唔係佢嘅，點都唔應該問都唔問就掉 ....
作者: linseymom 時間: 12-3-23 11:33 標題: 回覆：gwlam 的帖子
咁又係，你最好問校方了解下
作者: piyohk 時間: 12-3-23 11:34 標題: 回覆：浪費衣服
再髒都可以洗，這次不是很污穢（老師已打電話說給我知）。只是覚得她們很浪費（當然不是她們的錢），還有她們很lazy。若她們覚得髒，那她們不應做這工作。這是小孩子必經階段，我也不希望小孩仍然停留在階段。
作者: gisoleung 時間: 12-3-23 14:56
吓！我未聽過掉喎！上次仔肚痛都洗好放入袋比返我！邊區呀你？
作者: gisoleung 時間: 12-3-23 14:57
吓！我未聽過掉喎！上次仔肚痛都洗好放入袋比返我！邊區呀你？
作者: dolphinmama 時間: 12-3-23 20:37
真係唔會掉喎,雖然只係試過一次,嬸嬸仲洗到冇咩味先俾番我地,攪到我都唔知原來亞仔係瀨大唔係瀨細,真係傻更更的媽咪!
作者: bopui0607 時間: 12-3-23 22:51 標題: 回覆：浪費衣服
唔會丟！咁搞法丟得幾多條？
作者: BBG1 時間: 12-3-24 12:39
本帖最後由 BBG1 於 12-3-24 21:25 編輯
有學校會講明如果有popo會掉底底架！因為污穢，交差感染等。雖然唔環保，但好過小朋友帶住popo回家。
作者: 雪晴晴 時間: 12-3-24 17:09
我細女讀n1,在兩歲剛插班時試過瀨c,咁當然包返污糟底 面褲返黎，當奶奶幫妹妹洗褲時開膠袋，居然學校姐姐連褲帶c包埋返黎
作者: piyohk 時間: 12-3-24 22:02 標題: 回覆：浪費衣服
老師唔會掂，小朋友又唔會拿出來玩（學習已經很忙）。怎會交叉感染？這是否籍口，還是嬸嬸懶懶呢？或者可考慮穿穿紙底褲。
作者: BBG1 時間: 12-3-24 23:51
本帖最後由 BBG1 於 12-3-25 09:29 編輯
老實講，我都覺得掉係好浪費，但始終係popo，就算嬸嬸沖走popo，始終也污穢。而且個袋唔擔保唔會穿呢！唔怕一萬最怕萬一呢！如果小朋友一早就賴了，到放學我唔敢想像袋野會有幾多菌。
重有，小朋友賴popo好多原因，如果真係唔舒服，就真係會有病毒呢！就算無病都污穢啦！
嬸嬸咁忙，點會有時間洗呢？個個賴，嬸嬸要個個洗，仲得掂？好污穢呢！我寧願嬸嬸做多D對小朋友有幫助的事，好過洗底底囉！
我也明白條底底係個人財物，學校無講過就掉，是學校不對，但如果覺得有問題，我覺得可以同學校講聲呢！我女學校，一開學就會出通告通知家長，因衛生問題，如果底底有popo是會掉的。家長學校最重要係有溝通。(純個人意見)
作者: marcuscyrus 時間: 12-3-25 09:29
其實我D仔細時我自己都會掉佢地賴到臭的底(尤其如果不幸在街出事的時候)
如果唔係即浸即洗，D 嬸嬸只係"係咁2"洗下就放返書包，書包入面有好多小朋友成日會掂到的東西，如書/茶點盒之類，都真係有點唔衛生
作者: Anpanmama 時間: 12-3-25 14:09
BBG1 發表於 12-3-24 12:39 
有學校會講明如果有popo會掉底底架！因為污穢，交差感染等。雖然唔環保，但好過小朋友帶住popo回家。 ...
作者: spmok1999 時間: 12-3-25 14:23
幫你沖乾淨係好心, 掉o左佢亦都係一個正確的處理方法...
作者: ramen 時間: 12-3-25 20:25
如果嬸嬸要負責埋洗有大便嘅內褲，之後又要協助安排茶點同幫助照顧小朋友，覺得有D核突囉。所以丟左去都正路囉。其實K1小朋友都應該好少會瀨大便吧~
作者: crystal媽咪 時間: 12-3-25 20:56
每間做法都唔同, 救xx絕對會幫你掉, 但有d學校做法唔錯, 可以反映比學校參考.
有間學校如果小朋友poo poo, 如是不舒服肚瀉的便會掉, 如果正常的或小朋友趕唔切那種, 會用水沖走poo poo, 用膠袋袋好, 放在toilet一個特定的垃圾桶內.
然後貼張紙在小朋友書包上, 放學時就記得在toilet取返條污糟的褲, 因為有時小朋友弄污的不止是內褲, 所以做法都okay, 又唔會怕小朋友在書包取東西時弄污.
作者: CatEgg 時間: 12-3-25 23:42
我好明白要嬸嬸清潔有poopoo的底褲仔係額外的工作,亦幾厭惡,學校有權唔做,但最好學期頭通知家長,等家長有個心理準備。
但如果學校以衛生原因而掉條褲仔就講唔通囉,一. 嬸嬸唔係清潔完條褲手都唔洗就去準備茶點卦, 二. 做多一點點工作,唔係淨係沖去poopoo,而係將d污糟褲仔用消毒洗衣液浸一浸才放入袋仔又得唔得呢?
掉褲仔看似一件正常到不得了的事,但每日每間幼稚園都發生緊的話,我哋呢個病得犀利的地球會更加病,大家都係想下一代的居住環境好。
作者: Unclejt 時間: 12-3-26 00:25
我覺得有d左右做人難。可能家長A話：「咁浪費。」但家長B又會話：「咁污糟，做乜唔掉咗佢。」
作者: ChingChng 時間: 12-3-26 08:57
唔同人有唔同意見, 其實只要學校有向家長說清楚事情的處理方法,就唔會有那麼多問題啦!!
作者: stella816 時間: 12-3-26 12:42 標題: 回覆：浪費衣服
我覺得雖然係有啲浪費，但衛生問題真係好重要，由其而家咁多細菌病毒，雖然用水冲洗過，但一條濕嘅褲"up"咁耐先拎到返屋企，相信都有可能會滋生到細菌！再者放入書包連同其它物品一齊，真係唔係咁好。為左小朋友健康著想，有時浪費都難免的！只是學校應該一早同家長溝通好就可避免以上問題啦！
我囡間學校在入學時已經講明因衛生問題，佢地係會掉左條底底㗎！
作者: Juliaqq 時間: 12-3-27 08:34
N1 是穿pull up 返學的, 不是嗎?
作者: ChingChng 時間: 12-3-27 08:54
已戒片的穿內褲.
作者: Juliaqq 時間: 12-3-27 09:18
我囡的學校要求戒或未戒片的N1要穿 PULL UP, 不無道理
作者: puffy0305 時間: 12-3-28 23:05
我個女果間寫明, 如果痾嘔, 佢地會掉衫 (包括校服)~因為要防止細菌病毒傳染~
作者: ce366 時間: 12-3-29 17:28
puffy0305 發表於 12-3-28 23:05 
我個女果間寫明, 如果痾嘔, 佢地會掉衫 (包括校服)~因為要防止細菌病毒傳染~ ...
衫都掉...佢地掉係邊呀? 掉出學校以外的地方???
作者: candy1984 時間: 12-3-30 04:37
我覺得我個囡間學校做得幾好
開學前佢有問清楚家長意願，如果認為疴咗poopoo可以掉的話就簽同意書
如果唔願意的話，學校都唔會黑你面，衛生理由佢唔會幫你喺學校洗
只會用多重膠袋包好，放喺學校門口個膠箱，家長接放學時自行取回
如果只係尿尿，會包好後掛喺書包外，唔會放喺入面，仲會寫明係乜嘢原因濕咗架（例如小便／食茶點弄濕）
| 歡迎光臨 教育王國 (/) |
Powered by Discuz! X1.5 |