教育王國

標題: P.4 中文好差 [打印本頁]

作者: yiyiyi 時間: 12-3-22 17:22 標題: P.4 中文好差

我仔 P.4, 中文好差, 已經出去補中文, 間補習社教嘅嘢, 都已經算貼佢學校, 佢都返咗 1 年, d 成績無咩進步之餘, 今次 test 仲要得 c grade

, 有無家長可以分享吓你地點同小朋友跟中文呀??

作者: 2SonsMom 時間: 12-3-22 18:02

中文靠平時多閱讀, 做閱讀理解,補充練習都有一定的幫助, 多閱讀自然文筆流暢, 理解能力同寫作技巧都會提升, 測驗和考試係唔會直接在課文出,所以最好係平時多謮多寫.

作者: ssdiana 時間: 12-3-22 18:51

唔會直接在課文出,所以最好係平時多謮多寫.

Agree

作者: lee_lamlam 時間: 12-4-16 19:44

提示: 作者被禁止或刪除內容自動屏蔽

作者: smallfoothk 時間: 12-4-17 09:19

是否A是90分以上,B是85分以上,其它是C,間補習社教嘅嘢, 都已經算貼佢學校,咁回家要再温習,看佢最弱是什麽?如句子重組可另買練習比佢做.每日做3條,一個月約100條,很快做完一本又一本.俗語說:功多技熟..

作者: AMY 時間: 12-4-18 16:31

多做閱讀理解一定有幫助

作者: shevachevy 時間: 12-4-19 16:46

操卷, 做練習如果冇根基, 做得再多都係徒然。小四係應該打好根基o既階段。
想中文好o既不二法門只有"睇書", 唔好問咩書, 基本上小四程度已經睇到好多書, 去圖書館借, 小說又好, 散文又好, 傳記又好, 睇得多係自然會學到d野, 人人吸收力唔同, 但睇多d書係一定有幫助。
另外我會建議: 背唐詩, 對詩詞有興趣o既人中文唔會差, 到遲d 可能會接觸到文言文果d更加事半功倍。
我自己o既中文底都係靠睇書, 阿媽都冇錢比我地出去補習啦, 但我自己對詩詞果d有興趣, 自己傻更更會背下唐詩, 長恨歌我到而家都仲識背, 雖然佢唔係學校課程。
我都有興趣研究一下中文書法, 雖然冇出去學, 係自己o係屋企亂寫一通, 特別會注意鋼筆書法 (因為日常都用到) 。會考, a level, 大學o既elective 中文科我都係拎火箭, 某程度上你手字靚, 對你o既考試成績一定有唔少幫助。練好手字吧!

作者: shevachevy 時間: 12-4-19 16:55

講多少少, 唔係話想斷d 補習o既生意, 我當年都有幫人補過習, 但我覺得補唔係一定會成績好, 好似一條作文題目, 你比個題目我, 特別係議論文, 我可能講到一堆"引經據典"野, 言例, 語例, 史例, 但我點樣好似"打針"咁"灌"入你個腦呢 ? 如果呢d係你唔認識, 冇聽過, 冇睇過, 就算我講左, 你唔會入腦, 到到考試時又係空白一片。
所以我覺得現階段應該係引領佢吸收多d知識o既時候, 而且小學時應該係要"執緊"d 錯字別字o既時候。
考試唔一定係書本野, 書本野人人都係肯讀就識, 出卷o既人要測出邊個真係中文好, 一定係出課外野, 即係又返到起點: 睇多d書啦!

作者: 囡囡mama 時間: 12-5-20 21:56

可以試下搵補習班or上門補
我囡之前跟左個幾好的老師, 中文真係有進步
每堂完左都有報告睇, 一路都同老師交流住修改下一堂

但當然真要陪囡囡睇下中文書,
因為語文尼d野唔可以單單操下卷就會識
根基最緊要, 再研究點做一份卷

最好緊係d囝囡自己拎本書睇啦

作者: Chun32 時間: 12-5-21 11:07

"最好緊係d囝囡自己拎本書睇啦" 呢句最緊要, 佢自己睇入腦過你逼佢睇

作者: MariaTsui 時間: 12-5-21 12:37

囝囝的中文成績在P1-P3都不好,試過不合格,我自己的中文一向都好,所以我自己訓練佢,培養佢睇書的興趣,一有空就做閱讀理解,重組句子,標點,因為囝囝最弱都是在這裡,默書的詞語,我不會讀出來,我是作一小段,要他從默書範圍內的詞語找出來,填上去,有時他懂得寫,不懂得用,用此方法,他就明白如何運用詞語,對考試的不供詞填充有幫助,另標點,我會打一遍短文,中間沒有小格,我要訓練他在適當位置,自己加上標點,在日子有功的情況下,P4的中文開始有B,最後,我要他背書,就算讀默,都要背,我深信熟讀唐詩300首,不會吟時也會偷,將別人的字詞變成自己的字詞.

作者: 囡囡mama 時間: 12-5-21 19:23

回復 Chun32 的帖子

係啊
開始最好就番囝囡喜好睇下書先
唔係佢一打開書就話眼訓伴讀都無用

歡迎光臨教育王國 (/)