教育王國

標題: 究竟家長會唔會節衣縮食，都硬要為仔女入直資/私幼稚園呢 [打印本頁]

作者: choikayi 時間: 12-3-21 12:36 標題: 究竟家長會唔會節衣縮食，都硬要為仔女入直資/私幼稚園呢

本帖最後由 choikayi 於 12-3-21 12:40 編輯

我的仔仔有兩個 K1 Offers 津助(荃浸) 及龍校(崇真)，雖然現階段都有 ”學券” 幫補下，但長遠計，(我已經為升小學而 plan啦，不然唔會競爭去入龍校) 上了 ”小一” 後，D 學費 + 雜費 + 課外活動費，計起上來就另一回事，津小可能最低花費，每月一、二千，但直資/私小 (如崇真、民生、培正、九龍塘果D等等)，可能最低花費，要成每月四、五千，一個 Double甘誇張，如果我不是有錢人，能節衣縮食都可勉強為阿仔入直資/私小，但我內心好爭扎、好矛盾，究竟：

1.
用錢去買直資/私小的學習環境而要節衣縮食，值得嗎？

2.
今時今日的津小，真有甘差嗎？好多中產家庭都對之缺乏信心嗎？

(我先講明自已立場，我對津小係缺乏信心，因為他們學校的行政係無私小甘有效能，所以質素有差別；而且津小大部份係玩大抽獎，好多新移民、南亞族子女，都混一齊，複雜好多….. 我沒有歧視任何人，我把所見的情況如實報道，因我不是住名校網，亦沒有能力搬屋去名校網區，所以我才矛盾)

3.
我細個係讀津助學校(小、中學都係)，亦係住公共屋邨，讀書環境一樣雜，但自己同眼見的同學，(少部份人)一樣入大學、工作發展還可以，但只是自己升做父母級的階段後，趁自己還勉強有為子女做升學的選擇，才有甘多煩腦、內心甘多爭扎，才想問各家長的意見，不然呢個網都唔會甘多家長睇，甘多家長問點選幼稚園)

我講出來，我心舒服好多，希望大家俾 D意見我...感謝.....

作者: Ackl1002 時間: 12-3-21 13:23

I think giving the child a "good" environment to learn is important. Children are easily influenced by their peers, if entering a band 3 school which is full of children from complicated family background, I would rather save all my money for her to go to a private/DSS school, of course private and DSS schools are not easy to enter.

The perfect solution is to enter subsidized band 1 school.

作者: Silverhawk 時間: 12-3-21 13:26

choikayi 發表於 12-3-21 12:36
我的仔仔有兩個 K1 Offers 津助(荃浸) 及龍校(崇真)，雖然現階段都有 ”學券” 幫補下，但長遠計，(我已經 ...

回應你第3點, 我細個都係讀津小，亦係住公屋，雖然自己最後都入到大學, 但自己大部份小學同學都只係中5畢業，少部份人中5都讀唔完, 有d讀到中2,3就無讀, 聽講入埋黑社會, 可能只係個別例子+我讀果間小學真係唔係咁好, 不過大抽獎就是講運氣, 如果不幸抽到好差的小學, 咁你點算.

作者: lyhv 時間: 12-3-21 14:24

“三十晚上偷燈油，鋼刀斬了木人頭，兒孫自有兒孫福，誰給兒孫做馬牛！”

將來誰知? 活在當下, 珍惜現在! 盡了自己做媽媽責任和能力, 教育子女, 愛護子女, 便問心無愧! 不需太介懷自己能力, 亦不要太擔心兒女將來! 畢竟佢地條路日後都需要佢地自己踏出來! 互勉之!

作者: lymchau 時間: 12-3-21 16:21

I am a kind of mother to 節衣縮食for my kids 入直資/私小.

If I earn more, I wish I can no need to eat and support them to study in International schools.

作者: winnietingting 時間: 12-3-21 16:42 標題: 引用：+本帖最後由+choikayi+於+12-3-21+12:40+編

原帖由 choikayi 於 12-03-21 發表
本帖最後由 choikayi 於 12-3-21 12:40 編輯

我的仔仔有兩個 K1 Offers 津助(荃浸) 及龍校(崇真)，雖然 ...

會，因為我父母都係咁，一路供養我讀完大學。

作者: sweeticandy 時間: 12-3-21 16:46

本帖最後由 sweeticandy 於 12-3-21 16:48 編輯

作為父母, 總會想給自己的小朋友最好的東西...

我細個住新界東屋邨, 讀邨校.. EVEN 係區內名校... 人亦有好有壞...  我都有同班同學, 都有同學連中三都讀唔完.. 要去坐牢...

中學上左一間BAND 2 頭學校... 呢個先係痛苦開始...  D 老師只係為打份工而做, 完全無教學熱誠....

我中四原校唔能夠直上, 入左一間曾經好出名既.BAND1 學校.. 但最後輪為 BAND 3,4 學校... 相反, 當中既老師.. 先係真正為同學著想... 替他們諗前途...... 班主任見我媽時, 每次都好用心咁勸我好好讀書..安排點行, 能夠可以順利上.F6

但其實,  當中都有好多黑社會既人.. 什至, 間唔中會有警車係校車門口前放學..

幸好,  我都能大學畢業... 現在有份收入還可以的工作..

今天我作為一個母親, 我所居住的都唔係名校區, 之後會唔會搬去名校區, 呢層我還未想清楚.......

但我知道.. 大抽獎係一個如何不公平的制度..... 如果一下子不慎入了間差學校... 近墨者黑既道理... 難保小朋友在校結識怎麼樣的人~~

所以, 我認為既然金錢可以買到一個較好的環境給小朋友, 可不去為她做... (當然我家都只係普通家庭, 唔係大富大貴..) .. 將來既路如何, 始終都係取決佢自己...

如果什麼都不為她做, 我相信我將來會後悔~

共勉之~~ 加油加油~~

作者: haydenden1023 時間: 12-3-21 17:09

如果你地節衣縮食到吃力同唔開心o既地步
小朋友都唔會開心
每個家長都一定盡自己能力比小朋友
但呢個係好長遠o既開支
有無諗過萬一你地無野做o既時候可以維持到幾耐
如果要供樓就更加要想清楚

當然我認同近朱者赤o既道理
我以前都讀band 5學校
咩人都有
但都無學壞, 同有一份幾好的工作

一切自有好安排!

作者: jvcfamily 時間: 12-3-21 17:51

睇你講既節衣縮食程度去到邊. 因為個個人價值觀都好唔同. 睇返自己既經濟狀況,如果搞到買件玩具或者同小朋友去下Ocean Park / Disneyland 都要計過, 甘會好辛苦..很明白你的用意, 與天下父母一樣, 所以量力而為, 共勉之!

作者: chongnicole 時間: 12-3-21 20:53

重要考慮：
1）家庭成員的工作是否十分穩陣？如果是No，就不要勉強，為錢爭執、煩惱，好影響家人感情及親子。
2）父母有無充足時間、心情照顧小朋友，跟實功課、交友、人生價值觀培育。

入到好直資/私校，老師、同學平均水準好d（但當然都有壞分子），算係封了底，但吳代表讀津小就吳好、無出頭。認識的朋友當中，成績最好的、品格最好的，以致賺錢最多的幾位，都不是來自名小或名中，反而都係屋企好親厚、教得好好果種。

作者: whychan777 時間: 12-3-21 22:38

Silverhawk 發表於 12-3-21 13:26
回應你第3點, 我細個都係讀津小，亦係住公屋，雖然自己最後都入到大學, 但自己大部份小學同學都只係中5畢 ...

作者: whychan777 時間: 12-3-21 22:39

sweeticandy 發表於 12-3-21 16:46
作為父母, 總會想給自己的小朋友最好的東西...

我細個住新界東屋邨, 讀邨校.. EVEN 係區內名校... 人亦有 ...

出於泥而不污.............

作者: spmok1999 時間: 12-3-21 23:05

係咪好似長江七號咁先?

作者: CatEgg 時間: 12-3-22 00:33

講到節衣縮食,suppose旅行都未必會有,讀直資私校的有不少是中產同學,小朋友返到學校,聽佢地講去邊去邊旅行而自己完全搭唔到訕,小朋友會唔會自卑唔開心,同埋要計埋參加同學間的聚會而應付的額外支出、大大下學校又話要去遊學等等支出
一係呢幾年搏命做,搏有職升有人工加就唔駛咁"節衣縮食"

作者: spmok1999 時間: 12-3-22 00:41

本帖最後由 spmok1999 於 12-3-22 00:43 編輯

可以去西貢, 不過唔係去越南...
又可以去布吉, 不過唔係去泰國...
可唔可以學 "麥太" 帶 "麥兜" 去馬爾代夫咁呢???

其實睇多d旅遊書, 旅遊網頁或旅遊節目都可以搭到訕的, 咁就要睇下小朋友o既 EQ 夠唔夠高啦?

作者: jonasmami 時間: 12-3-22 01:35

作者: hobby 時間: 12-3-22 09:48

仲要考慮會唔會生第二個小朋友, 供得大嗰個, 咁細嗰個又點呢?

作者: 梅媽媽 時間: 12-3-22 10:23

hobby 發表於 12-3-22 09:48
仲要考慮會唔會生第二個小朋友, 供得大嗰個, 咁細嗰個又點呢?

作者: careysum 時間: 12-3-22 10:30

如果要去到節衣宿食既情況先可以讀到直資等學校,咁,我會選擇入政府學校,否則,你個家庭會有一定既壓力;中產係對香港教育制度失去信心

作者: caca316 時間: 12-3-22 10:30

我想問下而家讀直資/私校小學, 係咪無晒D樸素既家長?eg. 有無人住公屋lei???係咪大部份人住豪宅? 開生日會好誇張個種? 我都好怕怕.....請指教!!!

作者: neko1234 時間: 12-3-22 10:34

本帖最後由 neko1234 於 12-3-22 10:40 編輯

如果只係供學費及學校雜貴都覺得勉強夠..咁就唔好讀直資私校..因為返學仲有好多費用..如果跟唔上要補習..或者學校要求學一體一藝..呢d興趣班補習班都係要唔少錢架...

呢二間KG..我會揀崇真..讀完三年再睇下家庭收入..可行就考直資私小..唔得咪去大抽獎囉..讀崇真再去讀津校唔會話晒左幾年語言的培育架...

作者: 小曳人 時間: 12-3-22 10:45

本帖最後由小曳人於 12-3-22 11:31 編輯

caca316 發表於 12-3-22 10:30
我想問下而家讀直資/私校小學, 係咪無晒D樸素既家長?eg. 有無人住公屋lei???係咪大部份人住豪宅? 開生日會 ...

我係一個好想俾小朋友讀直資私小嘅家長
我只想講，如果有得揀，我想"窮養仔"，我想佢d同學仔都好似我地咁~唔會太多物資響受，簡單d嚟講，我希望見到多d同我地教育理念相近嘅同學仔家長
我唔係住公屋，住緊嘅~好可能係大家講嘅豪宅
但住"豪宅"都可以"樸素"，直資私小，當然就最好係平價嘅收啦
如果有日你聽見有人有DB唔讀，去讀YW嘅話，好可能係我... (daydreaming...)

作者: iantsang 時間: 12-3-22 11:32

spmok1999 發表於 12-3-22 00:41
可以去西貢, 不過唔係去越南...
又可以去布吉, 不過唔係去泰國...
可唔可以學 "麥太" 帶 "麥兜" 去馬爾代夫 ...

(Just my personal sharing)

I used to bring my daughter to travel before she enter kindergarten.  However, I think the whole family learn a lot thru these years and our way to bring up our kids has also change a slight bit.

May be it is not fair to the kids, but we really don't want them to take these overseas travel as granted.  The visits to theme parks have gone down a whole lot, and instead of traveling overseas, I will take them to local travel.  There are still a lot of places to explore in HK.

Once I took them to take airport express and stay in XXXXX airport hotel, they actually enjoy it very much already!  They will still have the chance to pack their own luggage and they would enjoy the whole process.  May be this is why we changed our choice of schools.

作者: 小曳人 時間: 12-3-22 11:47

iantsang 發表於 12-3-22 11:32
(Just my personal sharing)

I used to bring my daughter to travel before she enter kindergarten. Ho ...

正是！
其實佢地咁細個人仔，有乜新經驗已經開心到飛起！簡單如去郊外走走放電，已經好開心！
我絕對係另類嘅媽媽，ocean park 可以去，但迪迪尼就可免則免，經我反對，阿仔只係去過一次咁多迪迪尼咋！佢返到屋企一d都唔留戀 (唔係唔開心，都開心嘅)，我不知幾高興呀！
一開始就俾好(貴)嘢佢地，就唔識得欣賞生活上細微嘅事物，好似年年大搞生日會咁，有一年唔大搞就失望！

家長嘅時間比花費响物質嘅金錢.. 絕對更為重要！其實我地長大咗，都應該明白好多開心係唔駛用錢買嘅，或者只係用好少錢就得到，但偏偏去到自己嘅仔女時，幾多錢都捨得花！而忘記咗~佢地其實唔需要呢d嘢！

越講越遠添...
教育都係..價錢同質量未必掛鉤

作者: iantsang 時間: 12-3-22 12:05

小曳人發表於 12-3-22 11:47
正是！
其實佢地咁細個人仔，有乜新經驗已經開心到飛起！簡單如去郊外走走放電，已經好開心！
我絕對係另 ...

(Just personal sharing)

I agree you have your "special approach"!

I agree with the idea, especially children and parents both missed out all the details in life that we should learn to appreciate.

However, on the implementation, I personally prefer to take a more balanced approach. Like in our case, only once to Disneyland is hard as we live too close to it! lol

But I will ask my daughters to work hard for it and so they would know they should treasure it.

Money cannot replace the parents' time. It can buy a degree but cannot buy education.

作者: caca316 時間: 12-3-22 12:40

回復 iantsang 的帖子

May I ask where is your kid studying in? What is the reason you change the school?

作者: iantsang 時間: 12-3-22 12:52

caca316 發表於 12-3-22 12:40
回復 iantsang 的帖子

May I ask where is your kid studying in? What is the reason you change the sch ...

(Just my personal sharing)

we didn't change school. We just changed our preference of primary schools, from private to gov't aided only.

作者: spmok1999 時間: 12-3-22 12:59

iantsang 發表於 12-3-22 12:52
(Just my personal sharing)

we didn't change school. We just changed our preference of pri ...

其實如果有機會我都會為阿女先揀津校, 若派位真的不理想才會考慮私校的, 咩都同佢安排好晒對小朋友太過保護都唔係一個好的方法, 都要視乎佢o既進度同能去轉變或修改最初的安排彧目標...

作者: panbaby 時間: 12-3-22 13:06

津校的質素怎樣，不是一個一刀切的問題。我只能答，香港好的津校官校很多，絶對唔會俾要駛錢的直資私校差；另一方面，要俾錢的學校，在學業上或校風上亦不一定好過津校，近來不是有學校踢波變踢人的事件嗎？

官津的好學校並不一定是在名校網，除非你一定要選嗰幾間，但我見你選的幼稚園亦不是最熱門的幼稚園，咁如你只希望選一間好校風成績好的學校，咁選擇就非常多了。你有沒有聽過華仁，聖方濟，林護，仁立，油天，馬頭涌官立，基灣，喇沙......你去親子王國小學名單看一看，有幾多間你覺得可以，我相信其中大部分仍是津校。

直資私校是否一定好些？要看邊間和邊間比較。你揾聖保羅男女，ＤＧＳ和普通津校比，咁當然是直資好；但你揾喇沙, ST. Joe, ST. Peter 和好普通直資比, 相信好多人要津校了. 對不?  所以個問題要問番你自己, 如果我唔係一定要入頂尖名直資私校, 咁官津的選擇便十分多了.

至於品流的問題, 因為官津有大抽獎, 有計分, 不是自己選學生, 所以是會有南亞, 雙非學生, 但一般來說, 如果不是一些專收外籍學生的學校或英文小學, 而一間用中文教學的學校有一個半個南亞學生, 嗰啲學生是不差的. 點解? 你諗吓, 我哋香港人學中文都唔一定學得好, 何況外國人?!  佢有本事在中文環境下生存, 咁仲唔叻? 我就唔介意有咁叻同學和小朋友一起學習.  至於大陸背景的家長, 可能較多, 不過如果你見唔到佢哋家長你喺估唔到.

所以問題是選邊間學校, 不是只單從駛錢或唔駛錢咁一刀切. 對不?

以前我哋讀書邊有咁多直資呢啲嘢, 一是官津, 一是私校, 總的來說, 你有本事讀得上, 好多而家要俾錢 (以前唔要) 都可以讀.  但某程度上, 就算學制改了, 到了今天覺得在讀書上, 長遠來說, 還是以成績計數, 並不是你讀直資或官資計數,  對不?

至於選小學, 如果有一條龍幼稚園收, 咁有一條龍打底是好好多的, 到了升小一, 你有二年時間慢慢選心水小學, 到時你可以叩門, 在小學亦可以轉校, 變數好多,.. 幾年變化很大, 咁早想節衣縮食, 太早了吧.

作者: 寶寶龍 時間: 12-3-22 14:15

樓主個問題問得好, 我都思考緊呢個問題

其實講真吖, 要節衣縮食梗係無人想啦, 但大抽獎實在太唔可靠喇, 真係眼見有人抽左一間自己完全無揀過既學校, 真係好難對間學校有信心囉

作者: shirleylee_0514 時間: 12-3-22 17:43

政府既學校同樣派中學既位都好好...只不過你入唔入到好既政府學校....

如自知能力有限又何必呢....初初唔洗補習....都勉強可以...到左越黎越深...要補專科又點算呢 ? 莫講去旅行,,,,連主題公園都唔洗諗 ??? 大人小朋友都辛苦啦~~ 6年不是短時間...好多事都會發生....炒魷, 經濟不景氣...唔補習,,,,轉校?

作者: skywalker2007 時間: 12-3-22 23:14 標題: 回覆：究竟家長會唔會節衣縮食，都硬要為仔女入直資/私幼稚園呢

我一直都覺得，可以的話，教育唔慳得，以前父母都節衣縮食供我地讀書先有今日。係唔係一定要最好學校，我地之前唔會諗，只係想佢開心，讀緊間國際學校，佢好鐘意，同我地以前讀書真係有啲唔同，阿女好鍾意返學，書不離手，係無咩規矩。我地都想佢考直資表現自信，如果大抽獎唔理想，一定送佢讀私校或直資。

阿女間學校都好多富貴人，但我無見過人嫌棄我地，佢地對我同阿女好好，如果一間學校有人好勢利，我會同阿女講我地同人地唔同，大家擁有嘅唔一樣，阿女對大眼睛人地恨都恨唔到。根本唔需要理間學校入面有咩人，最重要係老師學校有心教好小朋友。

之前有家長講唔俾小朋友太輕易擁有太多野，好同意。家庭教育好重要，我地屋企最多係書，阿女出世張床就只有書，每晚食完飯就人人都攞本書睇，車入面又係書，乖就可以入bookazine買一本鍾意嘅，開心到呢。

作者: linseymom 時間: 12-3-22 23:46 標題: 回覆：skywalker2007 的帖子

講得好！

作者: Confident 時間: 12-3-23 01:59 標題: 回覆：究竟家長會唔會節衣縮食，都硬要為仔女入直資/私幼稚園呢

我都係節衣宿食比我d細路讀私校，我會曾經讀過學卷學校，之後轉到私幼真係太不同，唔係話資助的學校不好，但環境師資都好有別。比錢嘅付出是有回報。

到小學都掙扎同樣問題，自己和孩子每間開放日簡介會都去聽，都係同津校的師資好有分別，死捱係值，當然將來他們出路是如何就不得而知了，今天嘅付出也不一定有同樣回報，我們只是盡能力給他們，珍惜不珍惜去讀書就是他們自己的事了。

作者: Confident 時間: 12-3-23 02:03 標題: 引用：津校的質素怎樣，不是一個一刀切的問題。我

原帖由 panbaby 於 12-03-22 發表
津校的質素怎樣，不是一個一刀切的問題。我只能答，香港好的津校官校很多，絶對唔會俾要駛錢的直資私校差 ...

但你所講的那幾間津小也不是想入就入，無分又不是該校網一樣玩完，呢幾年20分在手已經不是很優勢，20分入不到也大有人在，不過沒法子香港就是這樣

作者: Confident 時間: 12-3-23 02:04 標題: 引用：樓主個問題問得好,+我都思考緊呢個問題其實

原帖由 寶寶龍 於 12-03-22 發表
樓主個問題問得好, 我都思考緊呢個問題

其實講真吖, 要節衣縮食梗係無人想啦, 但大抽獎實在太唔可靠喇, 真 ...

對。好的津小不到我們玩，無分在手又不是該校網都係無得玩。難過考直，私校。

作者: hayley1328 時間: 12-3-24 13:18

最緊要同c6係咪大家睇法一致, 呢點放第一位.
如果暫時仲ok的讀咗崇真先, 無謂唸得錦長遠, 幾年後報小學的唸法可能又唔同哩.

作者: marcuscyrus 時間: 12-3-24 18:35

如果節衣縮食完，兩公婆成日為此而嘈，自己又有壓力，咁就唔好啦
不過我想話，讀津小都唔一定=慳

作者: bee_eed 時間: 12-3-24 19:31

睇完你地講，你地全部都各有見地！

唉！

不過我都同意 neko 1234 講既：「崇真..讀完三年再睇下家庭收入..可行就考直資私小..唔得咪去大抽獎囉..讀崇真再去讀津校唔會話晒左幾年語言的培育架...」

大家齊齊努力啦！

作者: 719117 時間: 12-3-24 19:33

本帖最後由 719117 於 12-3-24 19:34 編輯

我自已就唔會，好視乎自已經濟

大把政府好學校唔差得過直資/私校！

作者: bee_eed 時間: 12-3-24 19:37

我父母都係出身低下階層，咪又係點都比我細個時讀私幼私小坐保母車，全部都係要洗錢既。我諗佢地諗住費事煩都博囉…佢地應該都有犧牲…
我諗我都會同佢地一樣

作者: flopsybunnies 時間: 12-3-24 21:54

I'll surely do as if that can benefit my child!

作者: kmmum 時間: 12-3-24 22:18

好似之前出POST 的媽媽話. 節衣縮食,仍然一家人開開心心地生活, 我覺得無問題. 最重要唔俾一家都有'壓力', 而且,TOUCH WOOD 是爸爸OR 媽媽無工作, 可否維持一家人及小朋友的生活 ?
節日縮食人人定義不同.

歡迎光臨教育王國 (/)