教育王國

標題: 面試後超失望 [打印本頁]

作者: karen2323 時間: 12-3-18 09:22 標題: 面試後超失望

等咗咁耐，終於等到面試信，點知2間中學撞晒期，求了好耐終於得到1間肯改期，點知阿囡唔知發生乜事，大失水準，平時同佢已準備充足，知道形式如何，但佢好似突然唔記得晒提點了的事項，原本我諗住那間會有7成機會在面試收的，但佢十問九唔識，現在惟有寄望在難中過六合彩的大抽獎，但第3次呈分仍未考完，又唔知佢會比乜「驚喜」我了？佢又唔嗲唔吊，我仲著緊過佢，唔知仲以為考中學的係自己。

作者: Yanamami 時間: 12-3-18 09:35

壓力. 壓力會令人失準. 佢越想做得好就俾越多壓力自己, 就越會失準. 我女上年呈分試一樣, 一次差過一次(但佢已好努力), 明明平日識都可以錯, 想死呀~~~~但其實佢自己都唔開心架.

作者: vincher 時間: 12-3-18 09:39

仲有一間面試,加油!叫她放鬆心情!

作者: loved 時間: 12-3-18 09:41

吾好咁。如果你個女係間學校要嗰類，in成點都會收，相反，你in到全場no.1係吾需要就吾收。你有無睇下面有幾版都話面試係一場show，呢個我深深體會到。所以你都無謂放上心，吾係你控制

作者: 霖霖B媽咪 時間: 12-3-18 10:09

過來人話你知，絶對係

作者: bnene 時間: 12-3-18 13:14 標題: 引用：等咗咁耐，終於等到面試信，點知2間中學撞

原帖由 karen2323 於 12-03-18 發表
等咗咁耐，終於等到面試信，點知2間中學撞晒期，求了好耐終於得到1間肯改期，點知阿囡唔知發生乜事，大失水 ...

就算之前怎樣練習，到現場都會緊張的，表現也會受影響。既然已經完成了就算數，不要再想了。我們也要帶動子女一起向前看嘛！

作者: 一家的太陽 時間: 12-3-18 13:37

都唔好太期望第一輪收生,
當時就抱著有得面試就算贏的心態(不是報名就有in的學校)..
至少放榜後有個敲門磚在手.

考好呈分試才最實際.

作者: like_travel 時間: 12-3-18 13:40

本帖最後由 like_travel 於 12-3-18 13:42 編輯

karen2323 發表於 12-3-18 09:22
等咗咁耐，終於等到面試信，點知2間中學撞晒期，求了好耐終於得到1間肯改期，點知阿囡唔知發生乜事，大失水 ...

我直情當正自己係考生, 重緊張過佢 . 囡囡入去見到校長又係失盡唔記得晒d technique......相信都無咩機會lor. 平常心再試自行分配lor.
如真係bad luck 入唔到....派去普通d 既學校都唔會死既, 只要肯讀, 比心機去讀, 一樣可以入U . 將來出人頭地 !

只要一樣必須緊記 : "永不放棄" !

作者: vincher 時間: 12-3-18 14:35

回復 bnene 的帖子

態度完全正確，gddddd !
分享我兒0既面試經驗：去年自行2間給他面試！當然此階段，學校通常收成績好+面試醒的！
                                 因2間單獨面試，我看不見他的臨場表現！之後，問他，他只會答「好……好！」沒句真！
                                 結果還是等大抽獎！七月放榜，我倆請假陪他叩門2間直資！
                                 一間給父母陪同面試，聽到他和老師對話，頭頭是道！最令我安慰的是：
                                 老師問他：知否我們學校突出0既地方？從何知道？
                                 剛好面試前一晚，我上網教了他。唸住平日沒心裝載0既他一定啞口無言，
                                 誰料，他答對了！(最後，未踏出校門，已知那間中學收了！個刻，I'm proud of him )
                                 所以不要低估小朋友0既能力！

作者: nc2000 時間: 12-3-18 14:55

回復 vincher 的帖子

我就同個仔in一間直資，見佢答問題嘅態度懶懶散散又全冇技巧可言，真係問一句答一句，聽到佢答，真係想打巴佢，到我答時就全力同佢

作者: ohnono 時間: 12-3-18 17:04

就算有家長覺得係做show都好，學校到最後一般揀選200個同學進入最後階段面試，然後排一次取錄先後次序。除了前面那4、5拾個同學會成為正選之外，學校都會另準備一份後備名單。而家每人可以揀兩間學校，即是後備的同學除時有機會補上。有得面試都唔好放過呢個機會。

作者: ANChan59 時間: 12-3-18 17:24

回復 ohnono 的帖子

Agree, just mindset.... our attitude as parents will affect our kids.
If the kid gets in, everything deserve.
If not, its a show.

Be positive, play by the rule.

作者: 煒良媽咪 時間: 12-3-19 07:56

like_travel 發表於 12-3-18 13:40
我直情當正自己係考生, 重緊張過佢 . 囡囡入去見到校長又係失盡唔記得晒d technique......相信都無咩機 ...

完全同意，永不放棄，總有出頭天

作者: Sherryko9 時間: 12-3-19 09:53

回復 karen2323 的帖子

"賽翁失馬,焉知非福",可能小朋友就係第2輪大抽奬入到你地心儀果間中學,因為當年囡囡幾個同學就係甘,這是铁一般的事實.

作者: sowasabe 時間: 12-3-19 10:20

ohnono 發表於 12-3-18 17:04
就算有家長覺得係做show都好，學校到最後一般揀選200個同學進入最後階段面試，然後排一次取錄先後次序。除 ...

ohnono,
想請教,自行都有後備,是不是當正選同時在自行時被2間中學收晒,自然有位放出,則由後備補上.(但應該只有教統局知道) 是不是甘既意思.

作者: sakura65 時間: 12-3-19 11:16

bnene 發表於 12-3-18 13:14
就算之前怎樣練習，到現場都會緊張的，表現也會受影響。既然已經完成了就算數，不要再想了。我們也要帶動子 ...

完全同意。值得比個LIKE妳呀bnene。大家跟子女一起向前看啦。
得果11歲人仔，邊個識得點去處理壓力呀，大人都未必能處理妥善啦。
路有好多條可以行的，參加大抽獎也好可能有意外驚喜。
“解決方法”一定多過“問題”......一切隨遇而安，不要強求，免為孩子增添太大壓力，佢地將來仲有好多野去面對的.......

作者: santander 時間: 12-3-19 11:40

band 1 頭想入名校....要讀書叻, 有好多學界獎, 還要不愶場, 應該係"神級"人馬...唔係好多11歲人仔做到

作者: ohnono 時間: 12-3-19 11:58

sowasabe 發表於 12-3-19 10:20
ohnono,
想請教,自行都有後備,是不是當正選同時在自行時被2間中學收晒,自然有位放出,則由後備補上.(但應該 ...

係。自行收生時被取錄的學生，到最後有幾多人放棄，有幾多人從後補名單補上，只有教局才知。

通常後補的情況出現於：
1.有同學因同時被兩間學校取錄而電腦會優先選擇派往第一志願，因此第二志願原先被取錄的學位將會由其他後補生補上。

2.除此之外，有同學面試之後，直資才放榜，於是出現自行收生和直資註冊時間重疊。當有同學自行面試後被取錄，最後亦要放棄而原有的學位亦會由後補填上。

作者: bnene 時間: 12-3-19 13:43

sakura65 發表於 12-3-19 11:16
完全同意。值得比個LIKE妳呀bnene。大家跟子女一起向前看啦。
得果11歲人仔，邊個識得點去處理壓力呀，大 ...

謝謝您，sakura65。
或者可以順道分享一下經驗，希望大家能明白放下得失的重要性。兩年前我大兒子升中，他成績也算OK，級1x，我們一心都是想替他考家附近的屋村Band1中的英中，根據前人經驗及師長的估計，他問題是不大的。但結果到派位後，他考不上這個第一志願，在他後面考4x的卻考入了。不幸中之大幸，他仍可以考獲第二志願的Band1尾英中，但我們和他每日的耿耿於懷，卻讓他在整個中一的生活都變得不開心。

他變得更自悲，也不願面對小學同學，上到中一後面對升中的問題，更是提不起勁，又不再相信我們。久而久之，問題擱下置之不理，又沒有得到解決，他終於在中一的所有考試都不如意。自我形象及自信更跌落谷底，更加不願意和同學快樂的相處，只會每天關自己在房內，與外界隔絕。和我們的關係更是惡劣之至。

直至去年暑假，我們再好好的談談，也幸好這一間band 1尾英中的老師都是好老師，她班主任給他的意見，和我們所說的不謀而合，他漸漸地開始相信要在牛角尖裡走出來。在這個時候，他從fb中得悉以前考4x入了Band1中英中的那位同學，原來一直讀得不好，險些兒連班都升不了，所以他就慶幸自己雖然沒有努力，還有中等的成績。於是痛地思痛，在暑假期間重整心情，把自己遇到最困難的學科溫習/預習一次，結果在剛過去的期中試裡，連升50名，中間從沒要我們付錢替他請補習老師，都是他自己努力的成果。而和我們與及同學的關係更緊密了，也很享受學校生活。

試想想如果他如仍不能放下，今天的他仍舊是逃避現實，未來會變成怎樣呢？須知這個階段是他們人生中一個很重要的階段，今天仍是耿耿於懷的話，他未來的四年半都在這個陰霾中成長，我們怎能不心痛。

無論是得或是失，面試派位結果怎様，我們還得向前看，往前走。派得到未必是好事，考不上也未必是壞事。只要有我們的關懷及協助陪伴他們成長，他們才會獲得快樂。

各位也要加油。

作者: leeleelumlum 時間: 12-3-19 13:54

事實上係自行呢個階段, 考d學校都係會擇d高d架啦, 例如band 1擇band 1頭頭, band 3 擇band 2 .... 咁, 或者報直資top sch, 其實平常心d, 唔好一擊即沉, 要愈戰愈勇才好, 否則點埋尾

作者: sakura65 時間: 12-3-19 14:00

bnene 發表於 12-3-19 13:43
謝謝您，sakura65。
或者可以順道分享一下經驗，希望大家能明白放下得失的重要性。兩年前我大兒子升中，他 ...

“派得到未必是好事，考不上也未必是壞事。只要有我們的關懷及協助陪伴他們成長，他們才會獲得快樂。”....

真正過來人的心聲，多謝妳的分享 bnene。

作者: like_travel 時間: 12-3-19 14:02

本帖最後由 like_travel 於 12-3-19 14:03 編輯

bnene 發表於 12-3-19 13:43
謝謝您，sakura65。
或者可以順道分享一下經驗，希望大家能明白放下得失的重要性。兩年前我大兒子升中，他 ...

bnene, 您大兒子的發奮故事, 好.....感動呀!

幸您大兒子好識諗.......不過, 為何全級考四十幾既反而可以考入呢 ? 佢係叩門定抽獎入先...
是否有好多(學業以外)既獎項support ?

作者: bnene 時間: 12-3-19 14:08

like_travel 發表於 12-3-19 14:02
bnene, 您大兒子的發奮故事, 好.....感動呀!

幸您大兒子好識諗.......不過, 為何全級考四十幾 ...

是統一派位入的，無特異功能，也沒有甚麼獎項。當年這學校自行階段有700幾人考5x個位呢。

當年他們幾個同學，他級1x，入不了，
兩個分別是級4x及5x的女孩子，順利派入。
另外一個級4x的女孩子，派了第二志願的英中女校，
之後往荃官叩門，即收。

眼見身邊的同學這樣幸運，他更是無地自容，很自卑呢。

作者: like_travel 時間: 12-3-19 14:28

bnene 發表於 12-3-19 14:08
是統一派位入的，無特異功能，也沒有甚麼獎項。當年這學校自行階段有700幾人考5x個位呢。

當年他們幾個同 ...

既是幸運大抽獎, 又何必自責, 運既野好難講, 但"成事在天, 謀事在人", 唯有靠自己努力, 祝您兒子, 學業有成, 出人頭地 !

加油 !!!

作者: bnene 時間: 12-3-19 18:21 標題: 引用：Quote:bnene+發表於+12-3-19+14:08+是統一

原帖由 like_travel 於 12-03-19 發表
既是幸運大抽獎, 又何必自責, 運既野好難講, 但"成事在天, 謀事在人", 唯有靠自己努力, 祝您兒子, 學業有 ...

起初他是氣憤為何自己會如此無運，那一刻是夢想破滅。最慘還是得悉級4x可以候補入荃官！！那一刻他是灰得很呢。

作者: ohnono 時間: 12-3-19 18:31

回復 bnene 的帖子

bnene，

其實你仔仔已獲派往第二志願，本來都已經係值得恭喜，真係唔明點解仔仔會咁極端？

作者: 黃巴士 時間: 12-3-19 18:56

本帖最後由黃巴士於 12-3-19 18:58 編輯

bnene 發表於 12-3-19 13:43
謝謝您，sakura65。
或者可以順道分享一下經驗，希望大家能明白放下得失的重要性。兩年前我大兒子升中，他 ...

THANK FOR YR SHARING!

有了依果轉變, 你小朋友成長更是跨越了一大步.

個人覺得- 不要太著眼/集中在單一兩間中學. 撰中學前, 都同小朋友講吓/分析吓其他自己認為排序後的中學. 依些學校都各有優秀.

作者: bnene 時間: 12-3-19 19:04 標題: 引用：回復+bnene+的帖子 bnene，其實你仔仔已獲

原帖由 ohnono 於 12-03-19 發表
回復 bnene 的帖子

bnene，

因為那是大家看起來不像英中的英中，他一心就是只想入第一志願的中學。所以太看不開、又放不開，令自己白白鑽了一年牛角尖。想通了，才知道自己仍算是幸運的，今年雖仍不算是名列前茅，但看見他臉上有笑容，又有很多同學打電話給他，他也肯努力讀書，我也放心給他自由的。

作者: bnene 時間: 12-3-19 19:07 標題: 引用：+本帖最後由+黃巴士+於+12-3-19+18:58+編輯

原帖由 黃巴士 於 12-03-19 發表
本帖最後由黃巴士於 12-3-19 18:58 編輯

同意，有時退一步，真的有海濶天空的。不要打擊他們的鬥志，讓他懂得爬起來開心快樂往前走，已是很不錯的事。
對家長而言，能放得下都是一種福氣。

作者: yovin 時間: 12-3-19 20:22

以我自己為例，小學儍吓儍吓，亞媽唔理(成績差)派入咗李求恩(BAND3)。
同我一年出生的唐弟，入咗喇沙。
結果我入到大學讀新聞系，唐弟只能中五畢業。

當然我們都希望子女入到好學校，但最重要係讀書態度。我想:自己讀得上，很大程度是無壓力，堂弟話自己壓力爆煲，加上有一天突然地自己拿起本書追讀下去(開竅)，唔需要次次考試墊底，係中學找到自信，跟着越讀越順。
大家加油啊！

作者: oscarmama 時間: 12-3-19 21:00

yovin 發表於 12-3-19 20:22
以我自己為例，小學儍吓儍吓，亞媽唔理(成績差)派入咗李求恩(BAND3)。
同我一年出生的唐弟，入咗喇沙。
結 ...

唉！有幾個人可以响band3校讀到去大學，比率同名校比一定無得比。不過我真係好佩服你呢類人

作者: vincher 時間: 12-3-20 00:12

回復 oscarmama 的帖子

名校生天資聰穎，入U，看來很容易 (但他們也有付出努力)
BAND 3生入U，那種堅毅+勤奮，確實令人佩服！

作者: ohnono 時間: 12-3-20 00:46

本帖最後由 ohnono 於 12-3-20 00:46 編輯

當你地知道名校都有唔少學生係入唔到U的時候，你就會發覺原來係事在人為！

yovin這位家長印証了，只要肯付出努力，一樣可成功的！

你地唔好以為名校學生坐係度印印腳就可入U，學生除了自己辛苦，還會慢延去佢地父母果度。d父母周不時比學校d老師請去傾計，社工又話你地父母對子女期望太高。我記得有學校社工講過話同學填問卷，不論叻唔叻都有填壓力好大，父母、老師期望好高，好驚達唔到佢地要求。

所以唔好淨係睇「一舉成名天下知」呢個果，要睇埋「十年窗下無人問」這個因。

作者: oscarmama 時間: 12-3-20 07:55

vincher 發表於 12-3-20 00:12
回復 oscarmama 的帖子

名校生天資聰穎，入U，看來很容易 (但他們也有付出努力)

當然！去邊間讀書都要付出努力先有成果。我個人認為，响現今香港政府嘅資源分配，名校資源都會比band3校分得多，而且大部份入得名校嘅學生除咗資質外，學校嘅讀書氣氛都較為濃厚。中學生好受身邊同輩影響，如果間學校大部分都係有心向學嘅同學，小朋友向學嘅機會率都會大些少；當然都要睇小朋友群到咩人，真係間間學校都有吾同類嘅學生。

作者: One-Mama 時間: 12-3-20 12:48

karen2323,
有咁多家長鼓勵, 大家都應該放開一點, 同時學懂面對吧! 能夠在芸芸眾生中獲取面試已經不容易, 這次經驗對將來可以是另一次的熱身, 我們要為孩子而驕傲.孩子亦時常以我們為榜樣呢!
Best Wishes!

作者: losoco 時間: 18-12-30 14:35

面試真係令人擔憂