教育王國
標題: HELP!小學生每天追着時間跑! [打印本頁]
作者: OHIMESAMA 時間: 12-3-15 10:12 標題: HELP!小學生每天追着時間跑!
連份工都quit咗,一心唸住可以幫阿女早d完成功課,再順便温下書預習吓課文咁
.........點知實情係阿女4點左右返到屋企,我就要同佢一齊望住個鐘,追追追d時間,真係
充分咁體會到咩叫"光陰似箭",學校功課唔算多,因為我細個讀書時d功課一定多過佢,
佢冇hea住做因為我陪住佢做得唔好唔識既地方我都會即刻教返佢,但就係咁教一教就冇咗
至少十分鐘,又要俾佢有休息時間,又要沖涼,追追追追到天黑,好彩就完成所有功課,
唔好彩就要晚飯後再開工,究竟邊度出咗問題,間小學已經係比較輕鬆既學校,點解都攪成咁
請問有冇有經驗既家長指點吓我呢?
作者: tamama2007 時間: 12-3-15 10:44
回復 OHIMESAMA 的帖子
懷念半日制
作者: QQee 時間: 12-3-15 10:47
正面d諗: 珍惜光陰, 努力向上.
個女將來會出人頭地, 因為學野比他人多.
作者: Zata 時間: 12-3-15 10:58
哈~我有一樣的體會!
每天都是做完功課，只剩一小時練習詞語（一般只能溫六個）準備默書…
噹！噹！噹！九點鐘，要睡啦！（六時起床）
都不要說復習與預習~
如是者日復一日、週而復始、衝呀~~~~~~~~~~~~~~~~~~~~~~~~
作者: kochiman2004 時間: 12-3-15 11:16
回復 Zata 的帖子
Me too, day by day, week by week .... free time only during public holiday ... 
作者: OHIMESAMA 時間: 12-3-15 11:23
回復 tamama2007 的帖子
半日真係好,我以前小學詞語功課係成版咁做,我女只係每個詞語寫三至四個,但我做完功課仲有時間玩,就係因為可以好早返到屋企
作者: kikiboy 時間: 12-3-15 11:30
之前日日返工返來見佢未完成功課會話佢慢, 呢排有時間喺屋企睇住佢做, 真係要好耐, 佢已經係不停手咁做.
作者: OHIMESAMA 時間: 12-3-15 11:32
回復 Zata 的帖子
相信大部分既父母都有同一個煩惱,除咗讀書做功課之外,我都希望佢仲有時間可以發展吓個人興趣,畫吓畫做吓運動咁,
但,做完功課都好眼訓,阿女問佢既人生可唔可以重頭開始
佢想再享受返做BB時既開樂日子.....
作者: OHIMESAMA 時間: 12-3-15 11:36
回復 kikiboy 的帖子
係呀!我未做FTM前都以為佢HEA住做,而家覺得好對佢唔住,因為真係幫唔到佢太多,一樣係唔夠時間用
作者: kikiboy 時間: 12-3-15 11:36
回復 OHIMESAMA 的帖子
所以星期日一定唔會安排學嘢
作者: kikiboy 時間: 12-3-15 11:38
有d小朋友放咗學仲有課外活動, 佢哋d時間仲緊迫
作者: yovin 時間: 12-3-15 11:39
去到三年級以上仲甘,學PIANO+(其他樂器) OR 參加運動項目入埋校隊,起碼十一點睡。
又要閱讀課外書，又要睇報紙同新聞。
時間要計得好準確。
我都由全職工作變成半職了，一星期返4天，放工跟亞仔Ｄ野，累到......
共勉之，加油！
作者: OHIMESAMA 時間: 12-3-15 11:50
回復 kikiboy 的帖子
我做FTM仲一心唸住佢可以係WEEKDAY學吓畫畫RELAX吓....而家我同阿女既願望只係希望早D完成功課早D可以休息
作者: OHIMESAMA 時間: 12-3-15 11:55
回復 yovin 的帖子
我係FTM都好無奈....希望快D可以適應到小學既節奏,如果唔係好似你所講高小就更加難挨!
各位加油!
作者: kikiboy 時間: 12-3-15 11:55
回復 OHIMESAMA 的帖子
小朋友讀幾年班呀?
作者: OHIMESAMA 時間: 12-3-15 12:01
回復 kikiboy 的帖子
今年小一
作者: kikiboy 時間: 12-3-15 12:02
回復 OHIMESAMA 的帖子
我個仔小二, 明顯比一年級多咗功課.
作者: OHIMESAMA 時間: 12-3-15 12:04
回復 kikiboy 的帖子
除咗功課仲有默書測驗,真係透唔到氣咁
作者: 囝囝mama 時間: 12-3-15 12:22
回復 OHIMESAMA 的帖子
我细囝都是小一,做完功課温到默書,練一陣小提琴,又時練一陣小提琴練不到,又時太夜九点左右一定要訓.放假先温書.做晒功課可以早訓已經好好!!!!
作者: ANNAFRIEND 時間: 12-3-15 12:40
你地都係一個讀小一, 我就兩個一齊讀, 仲呢HEA.
作者: OHIMESAMA 時間: 12-3-15 12:55
回復 囝囝mama 的帖子
你仔仔好叻呀!仲有時間學小提琴.....我個女可以早D做完功課休息已經好感恩
作者: momama 時間: 12-3-15 13:24
1) try to shorten the transportation time
my girl wakes up at 6:15, gets on school bus at 6:45am, arrives home by nanny bus at 3:15pm, goes to sleep at 9-9:30pm.
if she comes home by school bus, she arrives at 4pm! the nanny bus is too full to drive her school in the morning, so I pay on both sides, in order to save 45mins a day.
2) let her do her homework, don't interupt. let her be wrong, as long as she is willing to finish it.
作者: momama 時間: 12-3-15 13:29
本帖最後由 momama 於 12-3-15 13:30 編輯
OHIMESAMA , your girl is P1? Me too. Really difficult this year.
I never study or prepare during weekdays. Only study dictation or test during weekend and it usually takes not much time. I also encourage her to finish homework before dinner, then when I am home, we can enjoy the time in readying or playing. She can only do it sometimes and I have to keep pushing her.
作者: anna59 時間: 12-3-15 14:16
回復 OHIMESAMA 的帖子
我個仔小三,我系working mon,仲小時間,同d ftm傾開,佢地都唔好得過我地好多,又系唔夠時間,我c6已經準時放工返去幫手睇功課,我主力教英文,c6主力教maths, 中文,常識我地兩個都有教,星期六補習,sunday free day,同黎溫習,做下exercise,依家你小一已經咁辛苦,上左小三或小四仲辛苦呀,因為d野深左好多
作者: aliceandleo 時間: 12-3-15 14:17
唉!我個女小三啦!放學正常放3:20, 但係學校有課外活動都放5:00,所以放學後都要不停做....very busy!
作者: anna59 時間: 12-3-15 14:17
不過,有時一子耐左,你就會習慣
作者: prettygirls 時間: 12-3-15 14:39
我囡現小一，只係星期六日（各一項）才參加興趣班。平日做功課及溫書都要十點才可瞓。成績都只係班中中咋!高小時真係吾知點算好
作者: MariaTsui 時間: 12-3-15 17:32
我很懷念半日制
作者: mingmingba 時間: 12-3-15 17:36
提示: 作者被禁止或刪除 內容自動屏蔽
作者: madscientist 時間: 12-3-15 20:05 標題: 引用：真係好可憐.....我呢頭某龍頭小學，小一開
提示: 作者被禁止或刪除 內容自動屏蔽
作者: motherotk 時間: 12-3-15 20:13
本帖最後由 motherotk 於 12-3-15 20:14 編輯
Crazy schools, crazy curriculum, never treat our children's welfare as top priority!!
Anxious teachers, anxious mums and anxious child!
作者: kikiboy 時間: 12-3-15 20:16
MariaTsui 發表於 12-3-15 17:32 
我很懷念半日制
但係而加返全日, 課程都好趕, 呢頭教完, 跟住果頭就測驗/考試, 究竟出咗咩問題呢?
作者: anna59 時間: 12-3-16 08:44
回復 prettygirls 的帖子
或者佢上到小三個腦仔會開呢,我以前都好擔心，但依家上左小三，同自己講盡左力就算;反而佢上左小三成績好左小小添
作者: garfield097 時間: 12-3-16 09:25
我又係唔夠時間用,我唔駛返工,早上做家務,買餸,洗好切好已經差不多三點又放學,我女差不多每日七樣功課,如果自己想休息,要出街食先有些少時間,放學做完功課,只有半小時看圖書,遇到要溫默書,連呢半小時都冇埋!
作者: OHIMESAMA 時間: 12-3-16 09:55
回復 momama 的帖子
我女既時間表基本同你囡囡差不多,不過佢心野,訓之前好唔咁心咩都冇得玩就過咗,所以我會陪佢傾多一陣計,要10點先會訓著.至於返學都係30分鐘車程,因為已經住得比較近學校,只係校車同時要接送住附近既學生先要30分鐘.所以交通已經算佔得少時間......
功課做錯既話,下次又要改正,間接增加咗功課量,冇辦法唔CHECK緊D.
佢都好合作,不過做一陣就會手仔攰要休息,我女未明白先苦後甜既道理,
只係知道自己手仔攰就要休息,但都要繼續,唔好一辛苦就放棄,聴落自己都覺得好殘忍
你囡囡好叻喎,自己一個都可以晚飯前完成功課.
作者: OHIMESAMA 時間: 12-3-16 10:08
回復 anna59 的帖子
好明白呀!所以趁宜家要打好D個低,唔係升上去真係仲辛苦!FTM既時間真係唔多過WORKING MUN,由阿女4點返屋企至到晚飯7:30,
呢段時間要俾佢休息食小小嘢同埋沖涼,真係做到功課既時間好少,
佢又好想講吓學校D嘢俾你聴,真係好想同佢傾多D計
星期六日既時間按排同你一樣,本來唸著做咗FTM可以轉返WEEKDAYS學,
咁星期六可以去吓玩,點知.....
我真係太天真!
作者: mymelody2003 時間: 12-3-16 10:18
我是在職的, 囝囝今年小三, 回想小一時, 無論做功課/讀書都表現得不太好, 但隨著日漸長大, 各方面都進步不少呢! 媽咪都會比好大努力去扶助小朋友(尤其小一學生).
我好認同有媽咪話 "小心選校", 名校有誰不想入讀呢, 但父母的付出相對多, 因為名校的模式係...要家長在背後努力扶助學生呢!
作者: junemum 時間: 12-3-16 10:24
學校應該有自修堂或功課堂，讓學生完成大部份功課。
我叫阿女好好利用自修課時間，功課有不明白或做錯的地方順便講解一下，一般可以在晚飯前（七点九）完成功課。除非功課很多不懂或翌日有默書測驗，飯後很少溫習，飯後可能彈彈琴（也不迫她每天練），但保持每天看一會兒課外書或講故事和些少遊戲時間。
我希望可以維持這樣日程表，但有時都覺得時間緊迫，測驗不理想時會反思是否溫習太少，但又不想減少休息遊戲時間，暫時可以應付便算了。
作者: Mighty 時間: 12-3-16 12:09
回復 MariaTsui 的帖子
半日制都一様、到時父母都係安排捕習＆活動一大堆、結果都係一様！！
作者: madscientist 時間: 12-3-16 13:20 標題: 引用：回復+MariaTsui+的帖子
半日制都一様、到
提示: 作者被禁止或刪除 內容自動屏蔽
作者: anna59 時間: 12-3-16 14:02
回復 OHIMESAMA 的帖子
你個女4:00返到屋企已經好好，有d 4:30之後先返到去，食下野，靜系做功課已經用盡所有時間，唔好話溫書，默到書已經好好,我依家有時 7:30-8:00去到我99屋企佢煮好晒野都未開飯，因為亞仔未做完功課,c6仲教緊佢做功課，有時都未做完都要食左飯先然後返屋企繼續做，依d系上左小三之後發生，小三之前好多時返到去已經做完靜系幫佢對功課,小一小二打好基礎好緊要特別系英文科.
作者: anna59 時間: 12-3-16 14:05
我依家幾大都留番Sunday唔學野唔補習，咁 test, exam完可以休息一下
作者: wootaitai 時間: 12-3-16 15:42
提示: 作者被禁止或刪除 內容自動屏蔽
作者: 喧嘩 時間: 12-3-16 22:02 標題: 回覆：HELP!小學生每天追着時間跑!
我地以前返半日，時間當然好用好多啦，如果有得選擇，我絕不贊成全日制
作者: evacalbee 時間: 12-3-16 23:01
我都係working mum, 放工返到屋企都七點.
阿仔小一, 每日大概4-6樣功課. 之前每日放工返尼睇住佢做嘔哂血.
兩公婆頂唔順送左佢去中心D功課班, 4-7, 放工去湊佢. 一家人和睦好多.
雖然交比人應該唔太好, 但個仔嚮補習老師面前正經好多, 又無咁多吸引.
作者: kkhon 時間: 12-3-17 00:48
garfield097 發表於 12-3-16 09:25 
我又係唔夠時間用,我唔駛返工,早上做家務,買餸,洗好切好已經差不多三點又放學,我女差不多每日七樣功課,如果 ...
作者: TMMA 時間: 12-3-17 09:21
如果FTM是有工人幫手做屋企野，佢只係負責教or照顧小朋友，咁係應該夠時間用（如家中只有一個小朋友），
但如果FTM是無工人，又有兩個小朋友以上，佢的工作量是非常大的⋯⋯（包括：家務、洗煮、温書、"條＂停兄弟姊妹間的日常爭吵等⋯）
作者: Lilo 時間: 12-3-17 09:36 標題: 回覆：HELP!小學生每天追着時間跑!
我個又ok喎！今年小三，每日7至8樣功課，一至五每日一樣課外活動，十點前訓仲可以練琴同讀書，可能佢間學校比較hea，佢可以係功課堂做完1至2份功課，另外佢知道早d做完功課早d可以睇電視，就好有動力
作者: newmommy 時間: 12-3-17 17:09
I want to share after reading this thread: you all are very loving and supportive mummys (and perhaps daddys too?). Your children can feel the love that comes from you, which is very important.
From a lot of the threads in this forum, you can feel the parents cannot sympathize with their children, only feel that the children do not have the skills to work faster. But this thread is different.
Wish that we all can put ourselves into our children's shoes, let go when appropriate, but still give them love and support which is what they need at this age.
作者: mingmingba 時間: 12-3-18 00:39
提示: 作者被禁止或刪除 內容自動屏蔽
作者: mingmingba 時間: 12-3-18 00:50
提示: 作者被禁止或刪除 內容自動屏蔽
作者: foster_ma 時間: 12-3-18 01:43
TMMA 發表於 12-3-17 09:21
如果FTM是有工人幫手做屋企野，佢只係負責教or照顧小朋友，咁係應該夠時間用（如家中只有一個小朋友），
但 ...
我就係FTM，無工人，仲要係單親，又有兩個小朋友，工作量真是非常大的，簡直係24小時，全年無休。
阿囝放學回家已經4點3，攪得來都差不多5點先開始做功課。最慘佢唔專注，成日都做要2個幾鐘(小二咋噃)。
每日都好似部錄音機咁，提住佢：「快D」「快D」唉......
作者: tws2010 時間: 12-3-18 14:52
回復 kkhon 的帖子
A silly question, what is FTM???
作者: kikiboy 時間: 12-3-18 17:01
tws2010 發表於 12-3-18 14:52
回復 kkhon 的帖子
A silly question, what is FTM???
full time mum
全職揍仔
作者: lillymarie 時間: 12-3-18 17:52
我覺得現在的小朋友太忙了。我小學時完全無課外活動，亦無學樂器。每日3點半返到屋企趕快做完功課就睇卡通片，阿爸6點放工，7點半開始溫書溫到9點幾。日日如是。現在世界唔同，大人好少可以6點返到屋企，小朋友亦好少會完全無課外活動。
作者: tws2010 時間: 12-3-18 22:13
回復 kikiboy 的帖子
oic. Thanks a lot. In fact FTM are also busy, won't be better than working mum...
作者: kikiboy 時間: 12-3-18 22:55
tws2010 發表於 12-3-18 22:13
回復 kikiboy 的帖子
oic. Thanks a lot. In fact FTM are also busy, won't be better than working mu ...
可能BB細個做FTM會辛苦D, 我從未做過FTM, 呢排份工冇做, 阿仔返咗學(小學), 我唔知做乜好, 不過3:00開始接放學跟功課就會好忙
作者: Chowying 時間: 12-3-19 12:48
mingmingba 發表於 12-3-15 17:36
真係好可憐.....
我呢頭某龍頭小學，小一開學已經每日最少有5樣功課 (多果日有7-8樣)，9月第3個禮拜已經要 ...
你e間還好, 我女(P. 1) 英文係默句子, 重來無默過生字, 而且要背默
作者: 囝囝mama 時間: 12-3-19 23:24
回復 OHIMESAMA 的帖子
最弊默書唔合格!!側驗都冬過水.....!!!我努力中,唔敢比壓力佢!!!
作者: ming2 時間: 12-3-20 00:01
提示: 作者被禁止或刪除 內容自動屏蔽
作者: wongkaka 時間: 12-3-20 07:18
深同感受
作者: OHIMESAMA 時間: 12-3-20 09:16
回復 evacalbee 的帖子
我未做FTM前都試過俾佢去功課班,功課係做哂,但成績反而差咗......
因為佢功課上有咩唔識我地都唔知,功課班又未必可以解釋得太清楚俾佢聴,
我地幫佢準備考試時唔可以對症下藥,最後就冇再返.
作者: OHIMESAMA 時間: 12-3-20 09:47
回復 newmommy 的帖子
香港既父母好無奈,其實大家既出發點都係為小朋友好.我老公同我好唔同,佢可能比我仲緊張個女,但佢push得個女好過份,開始小學生涯就差不多每日吵吵鬧鬧咁過,佢鬧個女我就護住個女,
老公一緊張就好似變咗第二個人咁,我同佢結婚咁耐都未見過佢咁,
所以我知佢係太緊張阿女,驚佢成績唔好影響佢既前途,人生會變得好被動未必可以做到自己想個既嘢.
呢點我都認同,但要有方法唔可以係咁push.
好彩經過呢大半年嚟,我地終於得到共識唔再吵鬧,而我決定quit咗份工,
希望係初小時幫阿女打返好個低,上高小就可以輕鬆小小....
newmommy你小朋友幾大?
作者: 囝囝mama 時間: 12-3-20 10:04
回復 OHIMESAMA 的帖子
其實如果不好功課班會講答案的!!!只有抄,沒有思考!!成績當然差下去!!!!
作者: OHIMESAMA 時間: 12-3-20 10:05
回復 ming2 的帖子
睇完你小朋友既schedule同老公傾咗輪,老公話俾佢放學返嚟訓番2個鐘都好,佢太攰做功課都可能事倍功半,今個星期會照你既schedule試下先,
好多謝你既分享!
另外,我地都想阿女學游水,希望佢身體好d提升返d
專注力,
想請問吓你囡囡係學游水前後,健康同學習方面有冇咩分別?
作者: 囝囝mama 時間: 12-3-20 10:20
回復 OHIMESAMA 的帖子
我試過返黎比细囝訓!!跟住夜晚好夜先訓得著!!跟住盡量比佢早訓!!!(我囝囝就唔可以比佢返黎訓!!!!)
作者: OHIMESAMA 時間: 12-3-20 10:24
回復 囝囝mama 的帖子
我女身體唔係咁好,好易攰上完P.E.個日成個人都冇哂氣力咁,佢只會覺得唔夠訓好少訓唔著
作者: ming2 時間: 12-3-20 10:34
提示: 作者被禁止或刪除 內容自動屏蔽
作者: 囝囝mama 時間: 12-3-20 10:37
回復 OHIMESAMA 的帖子
放學返黎比佢食D茶点!!血糖低都容易疲倦,專注不足!!你囡囡是否小運動!!比佢學游水也是好選擇!!去公園跑!!我倆個囝都有學游水!!身體好D!!無咁容易病!!!
作者: ANNAFRIEND 時間: 12-3-20 10:38
ANNAFRIEND 發表於 12-3-15 12:40
你地都係一個讀小一, 我就兩個一齊讀, 仲呢HEA.
仲有就係當佢地派成績我心情就好似坐過山車大上大落, 仲要上落8次.(中英數常)
作者: OHIMESAMA 時間: 12-3-20 10:54
回復 ming2 的帖子
我女身體唔好,體力唔夠應付日常既學習同活動,見到你個女可以日日都練水,難得佢地又咁鍾意,
我真係好羨慕
我會盡快同佢報名學游水,希望可以成為佢學習既動力!
好多謝你既意見!
作者: OHIMESAMA 時間: 12-3-20 11:09
回復 囝囝mama 的帖子
你講得啱佢主要係冇咩做運動,
除咗俾佢返屋企後食吓嘢同休息多D,
做運動可以令佢身體好,改善佢專注力不足既問題!
BK既媽咪真係好好人,多謝哂!
作者: 小魚兒正正 時間: 12-3-20 11:25
其實都吾明d老師..點解要比咁多功課d小朋友..間間學校都咁多功課...我個仔個時間都同你女咁上下....慘在我個仔吾係吾識做...係要做吓發吓夢..早前好快手做哂...家吓要成..個半至兩....鍾.....我都諗緊點訓練佢..快d......你可以試吓比個女跳舞...我仔開學比..學校捉左去跳舞...身體好左..又高左...游水對氣管係好好...但冇游開的話....冬天比佢去..頭一年都會成日凍到病呀..要由轉凍始keep住游先吾會咁易冷親呀.....
作者: OHIMESAMA 時間: 12-3-20 12:28
回復 小魚兒正正 的帖子
我女既問題係體力唔夠,做一陣功課就話手仔攰,功課真係唔多.
佢幼稚園開始就學芭蕾舞,不過上小學冇耐就停咗,因為佢話唔鍾意
我好唔想佢放棄,但老公就一直都想佢停學芭蕾舞,
所以一聴佢話唔學就即時幫佢停咗,明顯地停咗跳舞之後,
佢上課既集中力同體力仲差咗
作者: ming2 時間: 12-3-20 12:48
提示: 作者被禁止或刪除 內容自動屏蔽
作者: ming2 時間: 12-3-20 12:59
提示: 作者被禁止或刪除 內容自動屏蔽
作者: neko138 時間: 12-3-21 15:56
其實真係好變態!! 小朋友仲辛苦過大人!
我地都係工作時間內做好工作既野
除非有需要 (好少會咁) 先要OT/帶野返屋企做!!
試問一個幾歲人仔﹐要受呢D壓力…錯既係教育制度!!
個個都迫﹐個個都要學咁既LEVEL!
香港小朋友真係好可憐
作者: caca316 時間: 12-3-21 17:09
回想自己小學年代, 小三打後, 每日都係有8-9份功課左右, 有時有11份, 我其實唔知宜家同以前有咩分別? 我細個都係由小五開始有私人補習, 小三學下琴……自己係鍾意素描, 所以又叫媽媽比我學….
以前我的年代仲可憐, 小學返半日, 放學一個人返屋企食飯, 父母夜晚放工先返屋企, 佢地兩個都唔識英文, 我自己錄音比自己默書……小一開始就要背課文,例如聖經, 小三要背默英文同中文……..一年四次大測, 四次大考…你地以前係咪大概都係咁?
我小朋友而家先係幼稚園, 我想問下, 而家真係同以前咁大分別嗎? 係咪因為而家係全日制所以咁辛苦?
作者: 囝囝mama 時間: 12-3-22 12:06
回復 caca316 的帖子
係呀全曰制!!!!小朋友早起!三点幾至四点返到黎,吃茶點!!做功課温默書,都係成曰追時間!!又不可以太夜訓!!時間要安排好D!!!
作者: arieljasmine 時間: 12-3-22 19:30
回復 evacalbee 的帖子
是否放小朋友在補習社好d呢?小朋友会否不高興呀? 7pm才接回家会否太晚?
作者: ming2 時間: 12-3-22 23:04
提示: 作者被禁止或刪除 內容自動屏蔽
作者: evacalbee 時間: 12-3-22 23:13
回復 arieljasmine 的帖子
我之前都有擔心，好似被人困住咁。我個仔係果D黐住電腦不停的小孩。玩到有點過份，令致情緒好差，同電腦分開下，佢情緒好咗好多。所以初初都係諗住試下，一星期三天，因為有兩天有課外活動。
我留意過，佢去果間幾好，無之前媽媽講話，只會俾答案佢。但我得承認做父母應該教佢，唔應該假手於人。又或者教識佢要對自己的功課負責任。但要放工真係已經好攰，有時返工受了氣，放工再同個仔搏鬥真係好傷感情。
而家去了功課班，放工去接他回家都是親子時間。一家人和睦好多，無咁多爭執。他仲會話我知他五點多就做完。夜晚我哋又可以同他睇圖書、講故事，咁樣的生活方式大家都舒服好多。
我都怕日後有impact，譬如話，唔識對自己要做的嘢負責，或一定要有人吼住先會認真去做。
我自私，因為小一D嘢他好ok，又無測考，我選擇呢個階段讓他自己handle。希望日後D嘢他覺得深D，會令他自己知要去努力。但要時刻mon住他的進度，唔好變成依賴啦。(想就係咁想啦。)
作者: 囝囝mama 時間: 12-3-22 23:55
回復 ming2 的帖子
一個學期八次中文默書,五次至六次英文默書,個個星期都要默!!真係好浪費時間!!不過都惯晒!!分配好D時間!!
作者: ming2 時間: 12-3-23 00:10
提示: 作者被禁止或刪除 內容自動屏蔽
作者: OHIMESAMA 時間: 12-3-23 10:26
回復 ming2 的帖子
我同囡囡報咗游水啦!下星期開始不過個時間接唔到放學時間,返屋企又唔係.....
唯有同佢去完TEA先游,阿囡未學過游水有少少怕,
請問初學有咩要注意呢?
THANKS!
作者: ming2 時間: 12-3-23 11:44
提示: 作者被禁止或刪除 內容自動屏蔽
作者: OHIMESAMA 時間: 12-3-23 12:01
回復 ming2 的帖子
多謝你既回覆!原來可以係泳會做功課,咁就唔使揹住書包周圍游盪.
保暖方面,即係着保暖泳衣同埋一上水就揾毛巾包住佢?
因為我都好驚佢病,佢辛苦時我仲辛苦
希望佢會好似你囡囡咁ENJOY!
作者: ming2 時間: 12-3-23 13:00
提示: 作者被禁止或刪除 內容自動屏蔽
作者: arieljasmine 時間: 12-3-23 17:58
回復 evacalbee 的帖子
我也在考慮好否給小女参加功課班, 但又怕她有怨言, 你孩子有無這問題?
作者: evacalbee 時間: 12-3-23 22:55
回復 arieljasmine 的帖子
你女女又係唔肯自己做功課嘛? 我叫老公同個仔講之前都諗定好多原因先，驚個仔發難... 譬如話，試下先啦；比咗錢，好貴喎；上次家長日陳老師提議㗎，好多同學都係咁啦；你唔係怕一個人去呀！？好多小朋友㗎，帶埋B子(訓覺公仔)去囉....
通常功課班都一個月比錢，有得揀三日或五日。剛好四月有兩個星期假，咪試尾兩個星期先囉。
作者: 亞薰 時間: 12-4-1 19:45
半日制就唔使追得甘緊
| 歡迎光臨 教育王國 (/) |
Powered by Discuz! X1.5 |