教育王國

標題: 睇ON CALL 36都會落淚﹗ [打印本頁]

作者: annaanna 時間: 12-3-13 16:42 標題: 睇ON CALL 36都會落淚﹗

本帖最後由 annaanna 於 12-3-13 16:44 編輯

我成日都會因為阿仔有病而唔開心，成日諗點解會係我？尋晚ON CALL36，錢醫生話﹕

有病O既人唔一定唔開心，健康O既人亦唔一定會快樂，屋企有病人對家人會造成壓力，但都要學識珍惜O係埋一齊O既日子﹗

大家加油﹗

作者: 諾諾爸爸 時間: 12-3-13 16:47

有病O既人唔一定唔開心，健康O既人亦唔一定會快樂

這句話只有我們才知道是什麼一回事

作者: annaanna 時間: 12-3-13 17:31

我成日諗，阿仔做功課慢人好多，專注又差，O係學校又會攪事.... 我安排佢上ST、心理學家、專注班、針灸ETC. ，又貴又花時間，但又唔係付出就一定有回報.... 諗好多負面野，成日都會唔開心﹗
不過調轉諗，假如佢係一個正常小朋友，可能都係迫佢學好多樣野，拎唔到100分又打又鬧... 所以，就算有一個健康O既小朋友都未必開心O既....

作者: 諾諾爸爸 時間: 12-3-15 13:28

本帖最後由諾諾爸爸於 12-3-15 13:29 編輯

annaanna, 你睇完我篇 給大腦性麻痺家長的信.pdf , 希望你知道在世上, 比我地更慘的人, 還有好多.我地的家長係生活在痛苦當中, 我好了解, 但都要為了生存 , 為了一點點可能無法實現的希望, 而去創做一個個的奇績.

作者: shirleycnf 時間: 12-3-15 20:35

我都好擔心, 好傷心, 我所安排的事都係事倍功半響度燒銀紙, 哎...希望自己身體健康, 如果唔係阿仔就慘啦

作者: annaanna 時間: 12-3-16 09:46

shirleycnf 發表於 12-3-15 20:35
我都好擔心, 好傷心, 我所安排的事都係事倍功半響度燒銀紙, 哎...希望自己身體健康, 如果唔係阿仔就慘啦 ...

其實由佢2歲入S位之後，我都好怕我幫佢揀錯.... 事實證明果間S位真係差，之後轉左I位，有進步，小學揀左間融合，以為好好，又係揀錯左.... 成日O係度諗，比咁多野佢，係咪真係有用呢？學校又有冇揀錯呢？做咁多TREATMENT又係咪有用呢？

不過我知，到埋單果刻先會知道一生做O既事有冇錯...... 目前，只可勇往直前吧﹗

作者: shirleycnf 時間: 12-3-16 10:24

我都係呀, 成日好自責, 連佢傷風感冒都攪到好似自己照顧不週禁, 幫佢報多D野學, 又好似攪到佢好辛苦好倦(唔好計自己辛苦啦), 幫佢報小D野, 又自責唔比多D訓練佢, 白白浪費黃金學習階段. 哎, 慢慢長路好難行. 呢個世界, 可以有幾多個菲比斯和愛恩斯坦呢? 我今早先好惡禁罵完我個仔講野一舊舊, 連講野都唔專心, 唔知點樣響學校做新聞分享. 我'林'成駕巴士下層D人都聽到. 佢地應該會覺得我好衰, 真係有苦自己知

作者: 諾諾爸爸 時間: 12-3-19 10:40

本帖最後由諾諾爸爸於 12-3-19 10:52 編輯

回復 shirleycnf 的帖子

yes. 你果種自責的心情, 真係我地自己才知道.你嘗試下用阿Q的心情去睇成件事,

先閉上眼, 深一下呼吸, 幻想以下:
原本阿仔阿女冇手冇腳, 現在識呼吸, 有手有腳已好好了!!
如果靈魂對換 , 你希望媽媽唔理你嗎?

你試下騙一下自己, 我知好難, 我可以做到的. 你都可以.

歡迎光臨教育王國 (/)