教育王國
標題: 兩次非常慘痛的interview經驗 [打印本頁]
作者: super1984 時間: 12-3-12 17:21 標題: 兩次非常慘痛的interview經驗
我個小朋友09年12月出世, 講野唔係好得, 簡單的字, 詞是講到的, 不過講完整句子就唔得, 例如坐車返屋企, 他只能說 " 屋企 " + " 車車 ". 但小朋友對於顏色和形狀, 就好有興趣. 那些什麼配對正方形, 圓形, 星星, 三角形, 完全難唔到佢, 而且玩得好快, 市面好多類似的玩具, 我個仔一路撥, 一路搵配對的圖形, 搵唔到, 咪打開上面個蓋, 掟番個圖形入去, 再自己拍手 " 好野 ". 囝囝一歲多少少, 已經玩緊八個圖形的配對, 而家已經玩緊配對15個圖形.
去年年底, in一間叫 " X思 " 的幼稚園PN, 十一點半入去, 搞到一點半先in, 我個仔要瞓覺, 已經唔係好想應酬個老師. 我太太同個仔一入到間課室, 老師背住我太太做一些登記, 我太太馬上眼明手快在另一張枱拿了個配對圖形的玩具俾囝囝玩, 囝囝在老師面前玩得好快, 點知老師的comment是 " 你個仔係咪特訓架 ", 跟住臨走時, 我太太叫囝囝kiss kiss老師, 個老師面上露出厭惡的表情, 雖然我囝囝都照kiss, 不過都知道無運行喇.
跟住, 到了今年年初, 又in另一間幼稚園PN, 這間幼稚園個名又係有個 " 思 " 字. 姑且叫佢做Y思. 我, 太太和囝囝入到去in, 老師發覺囝囝講唔到完整句子, 就訓斥我們平時係唔係好少同囝囝講野, 又話囝囝呢個年紀可以講到動詞+名詞, 甚至complete sentence. 我和太太都摸不著頭腦, 於是老師勉強咁俾幾件玩具俾囝囝玩, 問下幾個問題. 最後, 老師又講翻囝囝講唔到完整句子的問題, 她說了一句 " 你個仔就快三歲, 無理由講咁少野 ". 我們才發覺不對路, 同老師講 " 囝囝2009年12月出世, 剛好兩歲多少少, 你係唔係睇錯左2009年1月呀 ". 於是, 今次老師無面黑, 不過係面青. 尷尷尬尬的顧左右而言他. 當然, 我們沒有向Y思的校長投訴, 而結果就梗係reject左啦.
作者: sunnygirl 時間: 12-3-12 17:27 標題: 回覆：兩次非常慘痛的interview經驗
雖然你個囝只有兩歲，不過只會講＂車車＂和＂屋企＂又真係好似少左d喎！有無返健康院跟進？
作者: super1984 時間: 12-3-12 17:51
睇過那些行醫幾十年的兒科醫生, 佢話男仔可能遲少少, 而且, 有些範疇發展得快, 一些較慢, 亦是正常.
作者: cclemon2009 時間: 12-3-12 17:56
現在有offer嗎？
作者: Allymcbun 時間: 12-3-12 18:26 標題: 回覆：super1984 的帖子
Yes boys are slower in talking. Any improvement now? If in doubt, it's always good to find a specialist to double check.
作者: super1984 時間: 12-3-12 19:08
cclemon2009 發表於 12-3-12 17:56 
現在有offer嗎？
我應該係11月尾收到一個offer, 並且是一間我認為是不錯的幼稚園的offer, 所以咪夠膽連SC的PN都唔申請囉. 否則, 我一定會請一個南亞裔的老粗幫我去SC通宵排隊啦. 
作者: fellow 時間: 12-3-12 19:16
其實你個post 係唔係想講下老師D不友善態度阿？
作者: super1984 時間: 12-3-12 19:21
Allymcbun 發表於 12-3-12 18:26
Yes boys are slower in talking. Any improvement now? If in doubt, it's always good to find a special ...
作者: shunleemother 時間: 12-3-12 20:03
有無咁勁呀,COMPLETE SENT####ES??
作者: irene_the_pooh 時間: 12-3-12 20:39
小朋友既發展真係有D方面叻D，有D方面差D，而語言真係男仔較差既一環！
如果健康院檢查時話冇問題，我又覺得唔駛太擔心喎！當然市面上都會有一套標準講幾多歲應該識講幾多野，但呢D係「大約」，唔係「天書」，最重要係醫生評估冇問題就OK啦！
至於老師…而家真係有教無類既又有幾多呃！
作者: chansiub 時間: 12-3-12 21:56
樓主都只係唔好彩。其實你個仔有d似我個。我個係0901大仔。考pn時歲半時又係玩shape sorting 玩到好似特訓。唔識講complete sentence 及收玩具時大喊。但老師仲好欣賞。
作者: bearwhat 時間: 12-3-12 22:11
我都無特訓我仔玩配對喎..但E家已經玩26英文字配對...好快手了...其實只係佢鐘意玩...一起身就要玩...可以玩幾小時...輪住玩數字...同英文字...我STOP佢5到...無得玩會喊
作者: super1984 時間: 12-3-12 22:20
bearwhat 發表於 12-3-12 22:11
我都無特訓我仔玩配對喎..但E家已經玩26英文字配對...好快手了...其實只係佢鐘意玩...一起身就要玩. ...
有時小朋友嘅野, 返學都是socialization, 你講一百次, 都唔及一班同學一起做, 互相模仿. 所以, 我個仔一夠兩歲, 就俾佢返PN, 最近幾日, 唔知係唔係睇到老師彈琴唱歌, 天天放學後就亂彈亂唱, 但係手勢就學到足, 例如一唱完首歌, 就雙手同時離開鋼琴, 跟老師的手勢一模一樣.
作者: HaYi 時間: 12-3-12 23:03
不過樓主都係要小心D, 因我大個2歲亦是說不到中文長句子 (只會一些短句, 如"我要食野"之類.., 說不出"我要食大面包"之類..) , 因之前他幾乎是全英的, 健康院叫佢隔一段時間再番去check, 因為再check佢個時已番左雙語幼稚園, 就識多左廣東話OK pass 左, 不過而家成5歲幾, 總是廣東話句子稍弱, 所以有咩早知去早些開始practice 多些都好的, 因考小學時好多是廣東話.
作者: 咪臣 時間: 12-3-12 23:07
其實我阿仔細過樓主個仔一個月, 佢都係唔識講嘢, 佢淨係識講兩句,
'My name is XXX' 及
'I am two years old'
仲要個音都唔係好準, 第一句係PG老師教佢, 佢大約21-22個月識講, 第二句係工人姐姐教佢, 上個月識講, 所以都唔係好叻講話~ 中文都係識叫佢自己個名及幾歲.....其他都係單字~
我估你個仔都係獨子, 因為我阿仔都係, 所以比較其他上面有姐姐或哥哥的兩歲大男仔, 我阿仔說話真係比人慢, 因為昨天去本地團, 團內有個男仔係一月頭出世, 已經可以用成句廣東話表達, 因為佢有4歲大的姐姐, 所以係家中獨子, 再加上係男仔, 說話進度會比其他有兄姊輸蝕, 不過不代表小朋友嘅智商有問題!
因為我阿仔都係已經返PN, 佢之前返PG時, 老師都已經話佢學嘢好快上手, 拼圖真情一流, 所以樓主仔仔都會一樣, 甚至更叻! 加油! 共勉之!
作者: AsaphEunice 時間: 12-3-13 00:17 標題: 回覆：兩次非常慘痛的interview經驗
認同所謂名幼稚園的老師面口麻麻也，唔憂收生，但根本無人知收生準則，本人認爲睇背景，住址重要過睇小朋友能力，尤其父母係專師人仕
作者: super1984 時間: 12-3-13 00:30
AsaphEunice 發表於 12-3-13 00:17
認同所謂名幼稚園的老師面口麻麻也，唔憂收生，但根本無人知收生準則，本人認爲睇背景，住址重要過睇小朋友 ...
不過, 部份專業人士, 其實都係空心老倌.
例如一些做下樓宇買賣的律師, 可能好霉架咋. 我都聽過有人租左間屋俾律屍, 結果唔交租, 並且利用法律知識令到業主唔敢追佢交租.
我都是有樓收租的, 但就一定唔租俾律屍囉.
作者: hobby 時間: 12-3-13 09:22
其實我又唔覺得樓主仔仔講嘢慢, 我個囡囡0911, 好似23個月大都講唔到句子, 就算依家都唔係長句子, 或者好多時都係好簡單句子, 好似"我要你抱", "俾xx我/自己個名", 好似一口氣都唔多過10個字, 但可以講到好多歌仔, pn 老師又話佢講嘢叻, 問答有文有路; 只不過己經有咁多適齡小朋友, 學校好多選擇, 自不然會提高要求, 搞到家長又對子女再要求多啲, 真是一個惡性循環
作者: winnietingting 時間: 12-3-13 09:32 標題: 引用：其實我又唔覺得樓主仔仔講嘢慢,+我個囡囡09
原帖由 hobby 於 12-03-13 發表
其實我又唔覺得樓主仔仔講嘢慢, 我個囡囡0911, 好似23個月大都講唔到句子, 就算依家都唔係長句子, 或者好多 ...
搞到現在有些kg,k3課程仲深過小一。kg學生集體跳級。如此惡性循環下去，k3就快到p2課程了。
作者: hobby 時間: 12-3-13 09:56
p2 的課程仲得人驚, 早幾日見過朋友女兒的 IS note, 全英文complete sentence係long sentences, 啲字, theory等我都覺得好難, 咩conductors, objects, transfer heat, thermometer ... 睇到我眼都大埋
作者: JMK 時間: 12-3-13 13:02
其實而家社會競爭大左，要求咪高0左囉，快人一步被評為正常，正常比評為慢，其實唔係小朋友有問題，唔係老師家長問題，只係世界變左。好似歲半PG教0既語言同知識，其實有D幼稚園K2先教，但PG果群小朋友又真係PICK UP到，所以咪整體要求高左。
我覺得父母盡左自己努力去教佢已經問心無愧，其他野我地真係控制唔到，呢個世界就係唔公平，我地呢一代父母真係無耐要接受。我反而係成日好嬲一D未結婚無囝囡或上一輩親戚成日批評我地呢一代父母，又話我地緊張比咁多壓力D囝囡令佢地唔開心，你估我地為人父母做咁多野唔辛苦無壓力咩？我地都係為下一代好。
作者: super1984 時間: 12-3-13 14:30
其實我講慘痛, 並不是指interview的問題好深. 而是老師連囝囝年齡都計錯. 囝囝返playgroup, 跟囝囝年齡差不多的, 無一個講到complete sentence. 講真, 我去in間 " Y思 ", 係因為反正都俾左30元, 咪玩下囉. 基本上, 就算收都唔會考慮, 因為手頭上的offer更好. 如果手頭上一個offer都無, 我諗我會向校長投訴. 當然, 得罪了該名連數學都不懂的老師, 就算收左, 都驚驚架.
作者: karenbabe 時間: 12-3-13 14:53 標題: 回覆：兩次非常慘痛的interview經驗
睇完你的post，我都發覚我仔仔未識講句子，都係講片語，動詞+名詞，不過我又唔覚得有問題。
作者: karenbabe 時間: 12-3-13 15:10 標題: 回覆：JMK 的帖子
非常有同感，有次講開搵幼稚園既話題，我62講左d野，唔exactly記得點講，不過意思係：我們都只係咁上下，佢(bb)都係差唔多㗎啦，唔會特別好叻，唔需要入咩好難入或咩名校。跟住我老公同佢講＂老豆，你咁諗未免太睇小自己＂
不過好彩都只係得62有意見，而99相反地都好支持我地既。
作者: hobby 時間: 12-3-13 15:34
回復 super1984 的帖子
haha, 可能個老師只係將 2012 - 2009, 咁你個仔就3歲囉, 
; 不過如果個老師有啲心機, 應該睇到20幾個月同30幾個月係好大分別嘅
作者: Kitty1230 時間: 12-3-13 17:28
回復 JMK 的帖子
勁同意, SUPER AGREE~~~ 我個女小一, 讀油麻地一間有天主教背景的小學, 因為有好多功課、默書、測驗.... 所以我咪成日同個女溫書law... 點知我奶奶成日批評我, 話我成日比壓力個女, 又話以前果代個個都係天生天養架啦, 咪又係出好多醫生、律師、教師... 乜乜物物... 總之我同親個女溫書, 就話我成日 "谷" 佢, 我己經好大壓力, 我奶奶仲要成日 "線風點火" , 超級黑人憎~~~ (p.s 我係同奶奶一起住的)
作者: Kitty1230 時間: 12-3-13 17:29
JMK 發表於 12-3-13 13:02
其實而家社會競爭大左，要求咪高0左囉，快人一步被評為正常，正常比評為慢，其實唔係小朋友有問題，唔係老 ...
勁同意, SUPER AGREE~~~ 我個女小一, 讀油麻地一間有天主教背景的小學
, 因為有好多功課、默書、測驗.... 所以我咪成日同個女溫書law... 點知我奶奶成日批評我, 話我成日比壓力個女, 又話以前果代個個都係天生天養架啦, 咪又係出好多醫生、律師、教師
... 乜乜物物... 總之我同親個女溫書, 就話我成日 "谷" 佢, 我己經好大壓力, 我奶奶仲要成日 "線風點火" , 超級黑人憎~~~ (p.s 我係同奶奶一起住的)
作者: twllc 時間: 12-3-13 18:21
我孖仔都係0912出世，佢地到依家都唔係好識講句子。大仔仲好d，都識講少少名詞+動詞，細仔可能成日都係工人湊，所以到依家成日講bb話(但英文字母、數字就識好多)。最麻煩係仲未識講自己名，教左好耐都唔識，有人話孖生學講野仲會慢過獨仔/女，因為佢地可以用bb話傾計，所以冇咁肯學講野。
2歲見健康院唔pass，2.5歲又要再去多次。雖然依家返左pn，但老師話佢地會兩個自己玩，咁又係學唔到...
當然唔識講野，in k1時真係唔開心，其他人in好耐，佢地多數in得快，學校好敷衍。不過有少數學校仍然會好有心機氹，令我地覺得受到尊重既。
作者: super1984 時間: 12-3-14 01:23
JMK 發表於 12-3-13 13:02
其實而家社會競爭大左，要求咪高0左囉，快人一步被評為正常，正常比評為慢，其實唔係小朋友有問題，唔係老 ...
咁辛苦, 咁有壓力, 如果教到一個能夠將來獨立解決問題, 面對逆境可以自強, 從失敗中站起來的人, 又無咩所謂喎.
不過問題係, 就以十年一個generation作比較, 60後, 70後, 80後, 90後, 00後, 似乎每一個generation都比上一個generation承受更大壓力, 80年代出生的人, 獲得父母的關愛和栽培, 一定多過60年代出生的人. 但大家有眼見, 就講中文的閱讀和書寫能力, 一代不如一代. 60年代, 70年代出生的人, 他們暑假沒有興趣班, 拼音班, 他們甚至一放暑假, 就要去工廠做暑期工. 相反, 80後, 90後就幸運得多. 但結果呢, 作為一個僱主, 見盡那些80後, 90後, 成績表上顯示全能, 但用落原來係高分低能. 
作者: hobby 時間: 12-3-14 08:42
回復 twllc 的帖子
其實twins真係會成日講bb話溝通, 因為就算唔係twins, 我囡囡同佢堂細佬差幾個星期大, 一個星期最多見一次, 佢哋2個有時都講bb話(得佢2個識聽, 仲講到唔知幾開心添), 我識人話唔好俾佢哋返同一班, 但學校未必安排得到, 或者老師有冇方法將佢哋分做唔同組學習呢?
作者: hobby 時間: 12-3-14 09:03
回復 super1984 的帖子
agree, 試過請啲後生仔女, 都係見咗8個, 佢哋可以一個拿著一盒lemon tea, 一個打電話話唔記得地址, 又話唔識路, 一個打開啲証書, 會一分為二, 又有衣著唔整齊, 唔係話要著suit, 不過 ... interview 時唔識望人, 冇準備 .... 原本諗住請80/90後的, 結果請咗個年幾大的, 因為佢真係有心, 有準備, 感覺到佢認真, 負責任; 其實依家啲細路可以太多關愛, 好多基本的禮貌, 禮儀都唔識; 有後生成日話老闆點點點, 試過有promoter 叫個老闆幫佢買lunch (唔明點解唔叫其他同事), 返工遲到... 咁當然唔係話全部後生都係咁, 但就真係見多咗好多好多 ... 所以, 我都提自己小心教囡囡, 希望佢唔好係高分低能
作者: HaYi 時間: 12-3-14 10:03
twllc 發表於 12-3-13 18:21
我孖仔都係0912出世，佢地到依家都唔係好識講句子。大仔仲好d，都識講少少名詞+動詞，細仔可能成日都係工人 ...
我都識好多人要twin 分開2班上堂, 學校通常都會如此安排.
作者: vinik 時間: 12-3-14 14:39
問題係我地係想培養小朋友將來成為一個點樣既人, 好多人覺得要做到專業人士, 搵好多錢先叫成功, 呢個就係普遍社會既病態。以金錢或地位來衡量一個人既成功絕對係膚淺。作為父母, 想子女入名校都係想佢地有較多機會接觸唔同既事物, 要令子女既人格有健康發展, 父母既教導(或身教)係責無旁貸。
作者: lymchau 時間: 12-3-14 16:11
I wish them to go to good school is to ensure that they have a group of good teachers to teach them and with good peer groups there.
作者: twllc 時間: 12-3-14 16:41
回復 hobby 的帖子
我問過依家pn老師，佢話咁細個分開唔係咁好，因為一直一齊既，突然分開，而且又冇家人陪上堂，佢地會好冇安全感。前幾日我帶細仔去室內遊樂場玩(好似playhouse果d)，但哥哥病左冇去，細仔玩玩下就係咁要走同一直叫哥哥。
我覺得安慰係佢地開始返pn時，有時哥哥或細佬扭計要走，都識得叫埋兄弟先走，哈哈~
作者: twllc 時間: 12-3-14 17:08
回復 vinik 的帖子
其實我都希望我小朋友開心快樂地成長，但現實係殘酷既，即使讀名校考包尾，部份人都覺得好過讀普通學校考第一既。就算出到黎做野都係。好似我依家做呢行咁，MT program淨係俾香港最top果三間大學報名，即使你讀pure science/arts的科目都得，反而唔俾其他大學但好難入既學系學生報名。
所以如果有機會，我都想俾佢地入名校，起碼俾個機會佢地，萬一讀得唔開心先再考慮轉校。
| 歡迎光臨 教育王國 (/) |
Powered by Discuz! X1.5 |