教育王國
標題: N班面試後的感想 [打印本頁]
作者: JMK 時間: 12-3-12 14:53 標題: N班面試後的感想
上個星期終於完成哂所有N班面試，我覺得今次係一個好寶貴0既經驗，因為嚮唔同類型學校面試過程中，比0左我好多機會去觀察囝囝嚮既不同環境場合0既表現，比我更加了解佢0既性格，知道咩先適合佢，對我以後教導佢有好大幫助。
IN完先知原來傳統有學卷學校同雙語私校0既INTERVIEW方式可以好唔同，無疑比家長一個機會睇到同等級0既小朋友，原來教學程度都可以相差好遠，各位爸爸媽媽真係要努力呀!
而每一次我囝囝INTERVIEW表現都唔同，IN得好未必收，IN得唔好又會收，所以到今個月IN最後兩間我都無咁緊張，IN得好果間固然開心，IN得唔好我只偽無奈苦笑，總之我同囝囝都盡0左努力就ok，個天自有安排。
作者: ling_leefung 時間: 12-3-12 15:54
回復 JMK 的帖子
看來您很關心同緊張囝囝的發展, 我覺得您是位好媽媽, 請問您囝囝將讀邊間?:-|
作者: JMK 時間: 12-3-12 16:13
其實仲兩間剛剛N完等緊RESULT，暫時留位一間，不過唔係最心儀，所以都仲未決定。
多謝讚賞，我諗呢一代爸爸媽媽都會好緊張，因為競爭實在太大，自己以前唔好0既經驗都唔想下一代行埋寃枉路浪費時間，上一代家庭經濟環境唔好，學歷水平低，資訊渠道唔發達無可厚非，而家我地呢一代多0左好多資訊配合就應該放個心落去教好D囝囡輔助下佢地。
作者: ling_leefung 時間: 12-3-12 16:39
回復 JMK 的帖子
繼續努力!而我就報著兩間, 因為我囝囝還未懂得講嘢, 如我所料, 面試時衰著, 現待in 另一間.請問熟不熟紅磡幼稚園?
作者: JMK 時間: 12-3-13 12:01
紅磡唔熟呀，只知ST. CATHEDRINE同保良局譚歐陽少芳，但後者係無Ｎ班。
作者: cycream 時間: 12-3-13 17:33
2年前我大仔in n1, 2年後今日輪到細仔. 我既感想係 "放棄n1, k1再戰".
我大仔係0810細b, 2年前考n1仲有得揀下入邊間好d, 最終入到最心儀既km, 細仔1009都係細b. 今年莫講揀邊間好d黎讀, 係連in都無得in呀! 心儀既全部唔in細b, 搞到我完全無心機同細仔去interview. 而加屋企下面間boxhill收咗佢, 我連其他n1都唔再in啦, 反正唔係心儀既, 收咗都唔會讀. 留返d氣力9月再戰k1.
至於interview時表現又係control唔到. 我細仔其實叻仔過大仔同期好多, 但一去到interview就唔及大佬表現好. 希望佢in k1時可以達到佢平時既表現. 如果唔係入唔到心儀既k1就
作者: lingan 時間: 12-3-13 17:40
hello, JMK, 可否分享下 "IN完先知原來傳統有學卷學校同雙語私校0既INTERVIEW方式可以好唔同，無疑比家長一個機會睇到同等級0既小朋友，原來教學程度都可以相差好遠" - 到底有學劵同無學劵的學校的 N 班有咩唔同呀? 你意思係深d 同淺d 嗎?
作者: JMK 時間: 12-3-13 18:52
回復 lingan 的帖子
先客觀D講下而家我身邊D親戚朋友D仔女讀書情況，我朋友個仔係嚮私校雙語教學，雙班主任，有外藉老師班主任，佢讀左N幾個月，佢打開本書，爸爸指住D圖晝，佢已經識講番果樣物件、食物或生果名稱，而我另外有個親戚個女讀緊學卷學校K2，四個月前我叫佢答我菲傭叫咩名，佢就同我講學校教好少英文佢唔係好識(平時佢好牙尖嘴利)，而近排佢學校開始教英文兒歌啦，咁推算教學程度係相距兩年。
至於我自己主觀經驗係Ｋ有學卷學校，全廣東話面試，問下媽咪野，一般都係耍小朋友坐定定一對一問下問題，砌下積木咁，而雙語私校就係９９％用英文，外籍老師講故事，叫小朋友做一Ｄ指令，或者要小朋友一齊唱歌跳舞，其實以上項目都係想測試小朋友英文水平，識唔識聽。
作者: JMK 時間: 12-3-13 18:54
回復 cycream 的帖子
我都聽講過今年開始某Ｄ名校先開始唔收細仔，兩年真係多左咁多人生仔咩？？？
作者: lingan 時間: 12-3-14 00:50
JMK 發表於 12-3-13 18:52 
回復 lingan 的帖子
先客觀D講下而家我身邊D親戚朋友D仔女讀書情況，我朋友個仔係嚮私校雙語教學，雙班主 ...
我好認同私校雙語教學，因為語言真係要有語境先得，而且最好自小培養。不過當然同時要睇自己的財政狀況，Nursery 貴少少都ok，一年啫，但係K要3年，個負擔都大好多。
不過呢，我都去過SC面試，我女係坐唔定果d 小朋友，面試果陣可能佢又肚餓，所以不停走來走去，但SC老師講左好多次叫小朋友坐定，又叫我抱住個女坐。所以要小朋友坐定答問題同砌積木唔一定係有學劵的學校先至會咁囉。
作者: yenyenBB 時間: 12-3-14 05:38 標題: 回覆：JMK 的帖子
其實我同幾個朋友既小朋友未讀N班已經做到＂佢打開本書，爸爸指住D圖晝，佢已經識講番果樣物件、食物或生果名稱＂，仲係英文名稱。我囝囝之後亦將會讀有學券幼稚園。
當然讀左N班會聽多左，自然會識多d，但我又唔覚讀有學券幼稚園既小朋友係差d bor。
哈，我地冇能力support囝囝讀雙語幼稚園。不過我有能力教識我囝囝基本雙語。
所以我唔在乎囝囝係咪一定讀雙語幼稚園。
作者: cycream 時間: 12-3-14 08:31 標題: 引用：回復+cycream+的帖子
我都聽講過今年開始
原帖由 JMK 於 12-03-13 發表
回復 cycream 的帖子
我都聽講過今年開始某Ｄ名校先開始唔收細仔，兩年真係多左咁多人生仔咩？？？ ...
作者: hobby 時間: 12-3-14 09:13
回復 cycream 的帖子
少少update, st cat 去年都唔收細b ne,
今年囡囡考k1, 都有學校唔收11/12月出生的申請, 反而10月b有機會考2次ne (一年做細b考, 一年就超大b考)
仲有, 如果係龍校, 有名私幼, 間間都幾千人申請, 大b都唔一定round 1 有 offer, 細b 就更冇運行
所以如果有心儀學校, 快點開始準備, 咁成功機會會高好多
作者: JMK 時間: 12-3-14 23:04
其實讀咩類型幼稚園都好，最重要揀一間適合小朋友0既幼稚園，同培養小朋友好品格。
其實我覺得自己幫囝囝揀NURSERY，呢一刻我係揀一間自己心儀0既學校，究竟係味適合佢我真係唔知，要讀落先知，唯有好似PLAYGROUP上堂咁一邊上一邊觀察佢學習狀況，點解我咁講係因為囝囝而家上果間PG，頭兩、三堂佢因為環境陌生，佢好靜坐定定唔出聲，D家長老師COMMENTS 我個囝係好靜唔出聲，但之後熟左周圍跑，D家長COMMENTS我個囝好活躍，所以我唔想限死我個囝去某一類型學校讀，或決定某類型唔適合佢唔比佢試。
作者: cclemon2009 時間: 12-3-14 23:47
我吾同意讀雙語幼稚園，小朋友會英語特別叻。
我囝囝現在23個月，辨認讀出a-z ，數字，動物，物件等，能以中英講出，能唱twinkle twinkle little star ，少少英文句子例如:close the door....
他未返kg ，所以吾關讀乜幼稚園或老師事。靠自己最緊要。
作者: cycream 時間: 12-3-15 08:02 標題: 引用：我吾同意讀雙語幼稚園，小朋友會英語特別叻
原帖由 cclemon2009 於 12-03-14 發表
我吾同意讀雙語幼稚園，小朋友會英語特別叻。
我囝囝現在23個月，辨認讀出a-z ，數字，動物，物件等，能以 ...
小朋友叻唔叻當然唔係睇佢讀邊間。我覺得小朋友basic language 可以係屋企train, 大部人可以做到。但要有良好語文能力係要環境同吋間，如果屋企可以provide咁去咩school都無問題。我打abc公，日日講英文，但自問英文都唔係好好，business 用既ok, 一去到非常生活化，鬼佬閒聊用語始終係唔得。大仔係k1英普班，佢而加識既英普都係school教既，對我呢講我地需要俾佢去英普kg.
作者: JMK 時間: 12-3-15 11:43
回復 cycream 的帖子
係呀!語言環境係好重要，以前我嚮一間中資公司做好同大陸同事，所以每日都要講廣東話同普通話，果時都係跟D大陸同事學(係另外一TEAM)，而同我拍檔果個同事嚮黎香港做野之前唔識廣東話，就係日日都同我講學左好多，而後來我轉左行接觸普通話人，試過嚮街有人問我路我都口窒窒。
而我老公就係之前嚮一間外國公司做左幾年，初入去都要一段時間適應，半年後已經好流利，舊年佢轉左中資公司做變左講普通話多，甚少英文，佢D英文就差左，想講時諗得慢左好多。
當然屋企配合都好重要啦，好似我地上一代父母好多都唔識英文，我地嚮學校上完英文堂學左D咩，佢地根本唔識同我地REVISION，我地學到幾多就幾多。
我有個FRIEND個女係K2，開始參觀小學，佢話唔會報直資或私校，但去參觀官津校，佢都話大部分用英文教學。而我老公有個FRIEND嚮保良局好多人爭果間直資學校教書，我問佢"INTERVIEW有咩要求，佢話主要睇佢英文好唔好，因為係用全英文INTERVIEW。
而英語學習方面，我經驗見到一個國際學校讀書0既小朋友英文講0既發音，係同一個本地傳統學校讀書0既小朋友係差好遠，聽到之後好驚訝，我係BUY國際學校語言方面教學，但我地暫時無咁0既經濟能力負擔到。
作者: JMK 時間: 12-3-15 11:45
本帖最後由 JMK 於 12-3-15 11:48 編輯
回復 JMK 的帖子
打漏左字，我話轉行後無接觸普通話人，有人問路口窒窒。
| 歡迎光臨 教育王國 (/) |
Powered by Discuz! X1.5 |