教育王國

標題: 讀書唔認真，點改善？ [打印本頁]

作者: frenchfries 時間: 12-3-11 16:13 標題: 讀書唔認真，點改善？

小一，做功課，考試，上堂都唔認真。很快做完但錯漏百出. 數學概念好像明白，但做數時很快想也不想便把式列出來，難的啱，易的反而錯。都唔知佢究竟係明定唔明？點樣令小朋友做事認真些？

作者: madscientist 時間: 12-3-11 17:07 標題: 引用：小一，做功課，考試，上堂都唔認真。很快做

提示: 作者被禁止或刪除內容自動屏蔽

作者: 囝囝mama 時間: 12-3-12 11:57

回復 frenchfries 的帖子

慢慢黎啦!!!小朋友比多D耐性!!!每次要佢進步小小,目標容易達到!!!等佢覺得自己做得到!!!努力!!努力!!!

作者: huba 時間: 12-3-12 15:04

回復 frenchfries 的帖子

可有想過怎樣提升興趣？有興趣便會投入及認真,想想他們在砌喜愛的模型玩具的態度便明白。

作者: milkbear23 時間: 12-3-20 09:53

不好給自己太大壓力, 這樣對你同小朋友都唔好, 我囡囡舊年讀一年班時一心諗住簡左間活動教學比佢, 等佢同自己冇咁大壓力, 點知就正正剛舊年轉左一位新校長, 她主張多功課催谷學生, 令到我精神緊張, 亞女考試真係成績出來唔好, 我好唔開心, 我用心日日在家教佢, 佢考出來竟然係尾幾, 我又試過佢要默書, 星期六日要佢溫習, 佢居然發我脾氣, 因為妹妹有街出佢冇, 我打左佢一餐再趕佢出門口, 因為實在太激氣, 事後我又再仔細想點解我要比咁大壓力佢又比咁大壓力自己, 成日同人講求學不是求分數, 自己又做唔到呢樣, 但我舊年好彩突然抽到屋上左樓, 可以同佢轉校, 當然要周圍幫佢搵學校, 仲要佢考入學試, 當然成績出來都係唔好啦, 不過佢今年重讀小一, 我決定唔要給她太大壓力, 又唔給她大壓力, 今年考得幾好, 因為都係有重讀關係, 所以佢考得幾理想, 而我又再出來打工, 回家只係睇睇功課, 當然有時佢會冇做晒所有功課, 但我既脾氣比以前還好, 只係罵幾句就巴

作者: Yanamami 時間: 12-3-20 10:31

從生活習慣入手先啦. 訓練自理力. E.g. 食完飯擺番d碗筷入廚房/ 換完衫要洗就羅出去衣物籃, 唔洗就掛好/ 自己收拾書包, 沖涼/ 收拾被鋪....之類. 平日做野井井有條, 讀書都應該唔會太差. 呢d野對P1 o黎講唔難做. 我細女要抹埋檯, 幫手開飯, 平日俾多d責任佢負, 習慣左先會對自己負責任.

作者: minipingu 時間: 12-3-20 23:23

做功課，考試，上堂都唔認真? 做錯功課, 唔代表唔認真...

作者: ANNAFRIEND 時間: 12-7-2 13:28

frenchfries 發表於 12-3-11 16:13
小一，做功課，考試，上堂都唔認真。很快做完但錯漏百出. 數學概念好像明白，但做數時很快想也不想便把式列 ...

你好似講緊我細女.

作者: Radiomama 時間: 12-7-2 15:06 標題: 回覆：ANNAFRIEND 的帖子

認真，是一種生活態度。
有人以運動鍛鍊、有以音樂、有透過砌模型，慢慢摸索吧。

作者: ANNAFRIEND 時間: 12-7-2 18:47

Radiomama 發表於 12-7-2 15:06
認真，是一種生活態度。
有人以運動鍛鍊、有以音樂、有透過砌模型，慢慢摸索吧。

...

我暫時都未找到一樣令佢地認真的活動, 黎緊想佢地學音樂, 希望佢地能認真待之從而培養出良好的學習態度.

作者: ANChan59 時間: 12-7-2 20:18

回復 ANNAFRIEND 的帖子

你們做事是否好認真?

作者: ANNAFRIEND 時間: 12-7-2 20:24

ANChan59 發表於 12-7-2 20:18
回復 ANNAFRIEND 的帖子

你們做事是否好認真?

是的, 而且我還有點執著.

作者: ANChan59 時間: 12-7-2 21:21

ANNAFRIEND 發表於 12-7-2 20:24
是的, 而且我還有點執著.

May be you need to relax a bit on the kid?
When we're young, we have similar attitude and changed or improved along the time and life experience, just give him or her more time.

作者: ANNAFRIEND 時間: 12-7-2 22:34

ANChan59 發表於 12-7-2 21:21
May be you need to relax a bit on the kid?
When we're young, we have similar attitude and changed or ...

多謝你的鼓勵. 我都在嘗試緊調較自己. 多點耐性, 多點包容. 我也在等待她們的改變. Time will come.

作者: esterc00 時間: 12-7-12 10:20

提示: 作者被禁止或刪除內容自動屏蔽

作者: d0r1s 時間: 12-7-16 02:12

（咁岩經過，不過我唔係家長只係補習老師），我補習既小朋友正正就係咁樣，我有懷疑過佢係唔係過度活躍或者有讀寫障礙，因為佢既讀寫能力比同齡既小朋友真係較低，後來檢查過係無事。

佢數學一開始唔錯（佢英數，一開始老師會讀題目），後來要自己睇題目就好差，成日都拎 C 或者 D，即使做左好多次練習再加上同佢一齊對錯處佢都會又做錯，講 d 野一日唔埋兩日又唔記得，而且又唔認真，成日唔用腦仔諗下就話唔識同唔明，好擔心，試過好多方法（做夠 10 題就獎或者唔認真做亂做就要罰多做 1 題咁）都唔得，點知佢今次數學考試突然大躍進有兩個 A（我知道左真係超感動同開心）！

我諗最大既關鍵係佢知道有人同佢一齊好努力（因為平時我係要連埋哥哥一齊補，唔可以放太多心機係佢一人身上，無奈平時佢地放學後時間不多，一定要一齊補，剛好妹妹考試前一晚哥哥考試已完，我可以單獨同妹妹補數），果日我好刻意控制自己既用語，唔比任何反面既評價，做得好或者有進步就一定會讚，不斷鼓勵佢努力盡力就得，強調我注意係佢計算同理解題目既過程而唔係計算出黎既結果，發現錯既地方會不斷提佢小心，用曬唔同方法（文字、圖畫同實物）去講解，感覺佢有 d 累時就比佢休息 1、2分鐘，每條題目都要佢搵關鍵字（當然個過程佢會坐唔定同遊魂，我會容許適度既遊魂，但一定要提返佢「返翻黎」）。

想帶出既係小朋友真係要慢慢教，佢會感覺到你既用心，唔可以強將自己果套放係佢身上，比多 d 正面既評價（唔好讚佢叻，反而讚佢「認真」同「有進步」或者「好用心」，強調佢地既付出多於「天生既聰明」）佢地會好開心，想你讚多 d 就會努力 d。之後佢同我講佢「已經盡曬力，好努力」，果刻我真係覺得佢「大個女」，願意付出，所以比左份禮物獎勵佢，等佢知道「付出係有收獲」。

不過呢 d 野真係要慢慢教等佢自己養成習慣，因為近來我發現佢放暑假感到好輕鬆又開始故態復萌了…

作者: 牡丹 時間: 12-7-18 00:15

frenchfries 發表於 12-3-11 16:13
小一，做功課，考試，上堂都唔認真。很快做完但錯漏百出. 數學概念好像明白，但做數時很快想也不想便把式列 ...

都好似講緊我個仔.

歡迎光臨教育王國 (/)