教育王國

標題: 崇真….. 我為了“你" 煩左幾個月，現在仲煩緊? [打印本頁]

作者: choikayi 時間: 12-3-7 15:03 標題: 崇真….. 我為了“你" 煩左幾個月，現在仲煩緊?

本帖最後由 choikayi 於 12-3-7 15:10 編輯

我囝囝 2008年12月生, 屬最細仔，在上年考入荃灣侵信會K1 pm，我都開心同安慰，因為上年細仔同大仔一同Interview，都俾佢考入到，而且荃灣侵信會都叫有口睥，佢讀左一個上學期啦，進步好大，我又好滿意學校的各方面。

但我有心事，有個問題未想得明白；就是 “崇真主流pm” 亦收左阿囝今年番 K1，當初我本是打算比阿囝考崇真，想俾佢試多D Interview經驗，估佢唔夠人地爭，點知收左佢；崇真係龍校，又係好好學校，對第時直升小學，都好作安排；

就係因為這個情況，我的煩惱有太多啦：

1. 該放棄目前 ”荃侵” 升K2的機會嗎？ (荃侵, 我都好滿意，只是擔心日後派位入了不好的荃灣區小學)；

2. 因為 ”崇真” 係龍校，又係好好學校，值得阿囝再重讀 K1嗎？

3. ”崇真”小學的學費真係幾貴 (加埋其他雜項、活動費)，而且會係我們家經濟上的一點壓力，我係有能力負擔起，但十個煲九個蓋，家庭要在其他支出方面節省 (e.g. 食、衣著) ，我要再考慮嗎？

註：

1. 地區方面，我無須顧慮，因為有得坐校車就 OK啦；

2. 別責怪我，明明阿囝好好地讀緊 K1, 又走去報龍校，明明知道直資比津校學費貴，又走去自尋煩惱；但沒有辦法，這是天下父母心態，想為子女的準備做最好，節衣縮食都甘願，而且報多幾間學校都屬正常，因為父母唔會知道邊間學校收自己的子女，為了多份保障、為了多份安全感，都要去做；

嚟緊 5 月份要交 ”崇真” 入學申請，而”荃侵” 果邊又要決定升或者走，我知道每個人的想法、經濟能力、處境各不同，我只係想做個统計，人生交叉點，如果你地係我，會點選擇？……幫下我…. 感激…

作者: sheffield 時間: 12-3-7 15:24

本帖最後由 sheffield 於 12-3-7 15:25 編輯

唔使咁愁喎…
第一，崇真唔係一條龍，當然，上去機會都好大…
第二，崇真(主流)係咪真係好好就真係見人見至…
第三，亞仔讀緊的又唔差，仲要唔會晒左佢一年時間…
等四，資源有限，應洗則洗，放係更好的地方，又或者唔好比太大壓力自己(父母)…
埋單計數都唔難揀啫！收左唔讀，咪當試下自己小朋友實力，開心下都好吖！

作者: 已刪除用戶 時間: 12-3-7 15:25

佢係咪叻仔我諗你最清楚。如果要一個叻的小朋友讀多年k1係一件好慘的事。可況你讀主流，學的東西同你而家無乜分別。不如諗用d錢為仔仔增值，增加競爭力仲好啦。而家先k1, 都仲有年半時間學到好多野，好過一味諗repeat。

做班裡面的大仔，好似好多野叻過人，但其實乜都學唔到，跟住其他細過他的bb玩。做細仔反而可以跟班裡的大哥哥姐姐學習，進步得好快㗎。

況且，崇真唔係咩名校，升小成績ok啦。但唔太值得用尼repeat。

作者: 已刪除用戶 時間: 12-3-7 15:34

見仔個post好清晰，文字有條理，又有禮貌。我相信你自己都能教得小朋友好好。幼稚園野，你自己都可以同佢備課，等佢上堂吸收d。唔好懷疑自己同小朋友的能力。加油!

作者: choikayi 時間: 12-3-7 15:55

謝謝...evacalbee , sheffield 的意見....我心情好D啦

作者: fatalbug 時間: 12-3-7 15:58

提示: 作者被禁止或刪除內容自動屏蔽

作者: shirleylee_0514 時間: 12-3-7 17:09

小學係讀6年好長既事....要6年咁重既負擔...頂得住無 ?? 再加上可能要補下習同學下野....又$$$$...咁樣何必呢 ? 難到讀到小三,,,,頂唔住又轉校 ??

作者: jvcfamily 時間: 12-3-7 17:23

. 該放棄目前 ”荃侵” 升K2的機會嗎？ (荃侵, 我都好滿意，只是擔心日後派位入了不好的荃灣區小學)；>>>如果你個仔讀得好, 點解要佢repeat?... 大抽獎睇彩數, 到時相信你一樣出去報直資或私校..以防派唔到荃灣區心儀學校..

2. 因為 ”崇真” 係龍校，又係好好學校，值得阿囝再重讀 K1嗎? >> Not 100%直上..如果崇真小學係你好想入既, 甘你就博一次重讀K1..

3. ”崇真”小學的學費真係幾貴 (加埋其他雜項、活動費)，而且會係我們家經濟上的一點壓力，我係有能力負擔起，但十個煲九個蓋，家庭要在其他支出方面節省 (e.g. 食、衣著) ，我要再考慮嗎？>> 個人價值觀問題, 每個人準則唔同..舉個例:可能有些人覺得節省到連間中買件百幾元既衫或食餐好少少200/300元既,,都要考慮, 甘會選能力範圍負擔到的學校.有些可能覺得買1千幾百.食又5百1千一餐至叫做節衣縮食..(相信你不是這類..). 問題在於你的標準去到那裡.. 所謂的節省層面去到邊..

其實睇你個post. 俾我個人感覺你其實比較傾向崇真, ..雖然唔捨得荃幼.但好像始終喜歡崇真多些...
按小朋友的能力, 性格吧, 因為只有你最清楚..

作者: BBG1 時間: 12-3-7 17:33

重讀k1而三思！

作者: 2Fats 時間: 12-3-7 17:33

本帖最後由 2Fats 於 12-3-7 17:36 編輯

反正你都只係擔心幾年後小學時付擔問題,
反正你都只係擔心幾年後小學時荃灣區派位問題,
反正兩間幼稚園都有學卷,
反正讀呢兩間幼稚園你都可以去玩抽獎,
反正讀邊間幼稚園你都係住荃灣,
反正讀邊間幼稚園你都可以出去考其他平D嘅直資/私校,

我個人認為咁呢幾年嘅大前提就梗係揀間自己認為適合阿仔嘅幼稚園, 同時佢又可以幫你達成大D機會讀平價直資/私校夢想嘅小學, 何樂而不為呢

\

不過重讀K1係一個你要仔細考慮嘅問題嘞.

作者: choikayi 時間: 12-3-7 17:33

謝謝...fatalbug, shirleylee_0514 , jvcfamily 的意見....

作者: 蕎蕎BB 時間: 12-3-7 17:47

回復 2Fats 的帖子

我同意你既分析!!!

作者: yiuyau 時間: 12-3-9 09:13

選擇TT better in chinese and english

作者: 悠揚 時間: 12-3-9 16:59

我女讀緊TT, 老實說語言環境係一流, 雖是主流班, 加埋課外活動, 英文及國語水平不斷進步. 阿女班上有很多很多大仔/女, 亦有不少是 repeater. 如說水平, 在有學卷幼稚園一定係一線, 在我心目中, TT是名校.但值唔值得讀多一年呢, 就要自己決定了.

另外, 你要考慮是否會考直資私小做back-up, 如根本不會, 即是TT 小學back-up 對你來說也不重要. 如覺得大抽獎太冒險, 也會考一些做back-up 呢, 就好重要了.

作者: Sumin 時間: 12-3-10 16:26 標題: 回覆：崇真….. 我為了“你" 煩左幾個月，現在仲煩緊?

你而家已經諗三年後讀TT有機會要節衣縮食，諗就唔好諗啦，三年後學費又可能再貴d，車費又可能貴d，食餐飯既日常消費又貴d，學嘢又貴d，肯定到時仲辛苦過而家想象，又可必呢？

歡迎光臨教育王國 (/)