教育王國
標題: 教局3月9日出升中學生的全港排名比中學 ??? [打印本頁]
作者: sakura65 時間: 12-3-7 13:15 標題: 教局3月9日出升中學生的全港排名比中學 ???
請問有沒有家長能確實教局是在3月9日發出學生的全港排名比中學 ???
謝謝。
作者: usquare 時間: 12-3-7 13:53 標題: 回覆：sakura65 的帖子
有d學校重未考完第三次呈分試，點會咁快有全港排名呀？
作者: winglongyan 時間: 12-3-7 13:55
我去個一間中學開放日,唔記得該位是主任/老師講過,教局會在3月頭將佢地交上教局之學生名排明交回.
如要確實日拉期,有只有教局人員才可回答.
作者: JJ320 時間: 12-3-7 14:00
可能是自行的中學要全港排名. 因為自行階段的學校最重要是看全港排名才可知道那些人是最好的學生. 所以推段多數中學都是在3月份的星期六面試.
作者: 瑄婷 時間: 12-3-7 14:02 標題: 回覆：教局3月9日出升中學生的全港排名比中學 ???
係用頭兩次呈分來排，所以第三次是用來排大抽奬，自行無學校收，咁最後一次考呈分就不容有失了
作者: sakura65 時間: 12-3-7 14:04
JJ320 發表於 12-3-7 14:00 
可能是自行的中學要全港排名. 因為自行階段的學校最重要是看全港排名才可知道那些人是最好的學生. 所以推 ...
Agreed.
三月公佈全港排名都係比自行階段收生的中學作參考，而六年級最後一個試係比大抽獎計分的。
作者: boboli99 時間: 12-3-7 14:06
回復 usquare 的帖子
我上年聽朋友講，你所揀自行分配的學校可向教統局取得你頭兩次呈分試的全港排名。
作者: JJ320 時間: 12-3-7 14:15
回復 boboli99 的帖子
無錯. 每間中學會呈上所收到的學生號碼給教育局, 就回得到教育局的排名. 這排名只不過是那間學校所收的學生比較.
如那所中學收到600位學生, 交給教育局, 教育局就會由1-600排給那間中學. 亦即是說, 如果那間中學的申請學生比你仔女的成績勁好多, 你仔女的排名就會好後.
作者: HappyEE 時間: 12-3-7 14:57
請問學校收到的排名有無顯示學生屬於band幾?
作者: winglongyan 時間: 12-3-7 15:12
HappyEE 發表於 12-3-7 14:57 
請問學校收到的排名有無顯示學生屬於band幾?
作者: ohnono 時間: 12-3-7 21:25
usquare 發表於 12-3-7 13:53
有d學校重未考完第三次呈分試，點會咁快有全港排名呀？
所以果個排名只係計頭兩次呈分試。而且個排名只係將每一間學校在自行收生時所報名的同學以先後次序列出而已。
當然排最前的就是這班同學中成績最好的一個，就這樣了，並沒有全港、全區的意義。
舉個例：a學校收到600份自行收生申請表，教局只係將這600個學生的排名以成績高低去排列。學校並不知排第一的在全港的排名，而且教局亦唔會公佈。
作者: SUNWONG9861 時間: 12-3-8 11:16
ohnono 發表於 12-3-7 21:25
所以果個排名只係計頭兩次呈分試。而且個排名只係將每一間學校在自行收生時所報名的同學以先後次序列出而 ...
較早前，聽學校講座，學校表示他們的學生是B1，還說有一定比例是B1最TOP的20%。學校是否有別的方法計算。
作者: HappyEE 時間: 12-3-8 11:42
中學最後會知道收左的學生係band幾, 係唔係到放榜後先獲通知?
作者: ohnono 時間: 12-3-8 12:18
教育局唔會比學校知佢地的學生是band 1定band 2定band 3，否則就有違教改唔想標韱的意義。
以往一般以英中就當係band 1學校，因為受歡迎，競爭大，因此只有是band1組別的同學才有機會抽中。
中學可以從自行收生時學生呈上的五、六年級成績，若然全部都是頭幾名之內的，然後再將同學在PreS1的成績作比較而估計出同學是屬於何種等級，雖無百分百準確但仍可作為參考。
作者: ohnono 時間: 12-3-8 12:27
HappyEE 發表於 12-3-8 11:42
中學最後會知道收左的學生係band幾, 係唔係到放榜後先獲通知?
教局係唔會通知中學和小學他們的學生是屬那一個banding的。banding對於教局只係用作大抽獎之用，用完就會銷毀。我地全部係估估下的情況下玩這個遊戲，興幸的是學校仍可憑師兄師姐的派位情況，學校五、六年級的成績和PreS1的成績去作估計，只不過就難為了一班所謂的邊緣人仕。
作者: HappyEE 時間: 12-3-8 13:53
但為何中學會講我地往年收左幾多band1生e.g.100%, 9x%等, 係唔係他們只知%, 但就唔知收左邊個學生係band2?
作者: ohnono 時間: 12-3-8 14:28
中學真係唔知佢地收左幾多%band 1生和幾多band 2生。反為小學可以從以往師兄師姐的名次派往甚麼學校中可略知一二。
作者: ohnono 時間: 12-3-8 14:37
本帖最後由 ohnono 於 12-3-8 14:37 編輯
亦正正因為中學係唔知banding，只知排名，所以在自行階段就係一個好時機搏高少少，特別是一些介乎banding邊緣的學生。即是band 2頭成績的同學不妨搏一些band 1尾的學校。
作者: HappyEE 時間: 12-3-8 15:13
我係唔只一間的中學簡介會聽過他們明確表示往年收左幾多band1生, 其中一間係powerpoint寫明9x.x%band 1生, 所以中學係知的
作者: sowasabe 時間: 12-3-8 15:16
回復 ohnono 的帖子
問題係你不知道自己所屬小學在教統局心目中是什麼banding, 有些小學成績會被upgrade , 亦有些是downgrade.
當自己在校內成績好好,點知是downgrade小學,而自行考的中學大多數又來自upgrade的小學,最終排名就會變成最差的一位.
作者: ohnono 時間: 12-3-8 15:45
sowasabe 發表於 12-3-8 15:16
回復 ohnono 的帖子
問題係你不知道自己所屬小學在教統局心目中是什麼banding, 有些小學成績會被upgrade , ...
小學只能從過往的派位成績中去估計，唔需要理教局心目中是甚麼。
例如：一些地區名小學，佢地可以有90%或以上被派往band 1中學，即是若有200名小六同學的話，其中前面的180名同學被派band 1組別學校。
若你今年在學校的呈分試排名是在180之內的話，你都好可能是屬於band 1組別之內。
掉轉，若小學以往只能有頭10%同學被派往band 1中學，即是有200名小六同學的話，只有頭20名被派往band 1中學。
若你今年在學校的呈分試排名是在21名或之外的話，你都好可能已經屬於band 2 組別了。(派位當中其中又包含有幸運的成份，所以一般在21名前後附近的學生都不可作準，而這些學生就是所謂的邊緣人)
總言之，小學唔會單睇一年或兩年的成績(雖然教局只計算隔年PreS1成績)，好多時還會睇多幾年去比較，所以大致上都可估計到的，最緊要請教老師同學的呈分排名和組別。
作者: sowasabe 時間: 12-3-8 16:20
回復 ohnono 的帖子
如果本身小學有直屬英文中學的,是不是BANDING都不太差,可以甘睇嗎?
作者: ohnono 時間: 12-3-8 17:17
HappyEE 發表於 12-3-8 15:13
我係唔只一間的中學簡介會聽過他們明確表示往年收左幾多band1生, 其中一間係powerpoint寫明9x.x%band 1生, ...
証明你都好留心中學的簡介會。
跟朋友求証過後，大致上中學會在兩個不同階段接收教局的資料。
三月份
1. 重覆申請多於兩間中學的學生的資料
2. 自行收生或直資學校收生的排名次第表
七月份
1. 中一派位結果
2. 原小學名單
3. 中一派位授課語言分組資料
4. 中一派位分配分析
5. 中一派位所有有關數據資料和報表
還有甚麼學前測驗的原生數表等等。
原來中學係有齊晒所有資料，小學相對就小好多。所以Happy EE你說的中學比你的資料都應該是正確的。
作者: ohnono 時間: 12-3-8 17:45
sowasabe 發表於 12-3-8 16:20
回復 ohnono 的帖子
如果本身小學有直屬英文中學的,是不是BANDING都不太差,可以甘睇嗎? ...
直屬中學可以保留經扣除自行收生後所餘學額的最多85%的學額給直屬小學申請，所以只要係band 1或band 2組別都可申請抽獎，當然band 3的同學得另尋出路啦。只不過派位時會派band 1組別的同學先，餘下才派band 2組別。所以又唔可以話都不太差。如果你地學校band 1組別越少的話，即係將會收band 2組別越多。不過最終係未收足85%直屬小學學生，都要睇中學的意向。
由其近幾年一d名中學在收直屬小學的學生時都出現一些問題，其中一個因素就係小學已經持續未能取得85%或以上的band 1人數，相反一些名牌小學卻持續取得高於9成以上的band 1人數，據聞某九龍名小學舊年取得100%入讀band 1中學的驕人成績，雖然實際成績並不是全band 1，但已教人驚嘆！
作者: 142526 時間: 12-3-9 10:25
呈分試的3次成 績是否比例一樣?係咪將3次成績加埋除3 得出分數.來決定Banding?
作者: sowasabe 時間: 12-3-9 10:51
回復 ohnono 的帖子
ohnono,
知不知道伊中,華英,旅港在自行時收的學生一般是top幾.
特別是伊中自行有什麼條件才有機會入到率高止.
作者: ohnono 時間: 12-3-9 12:49
據我自已估計應該會係學校band 1同學的數量的頭1/5。上年我知道的有個來自紅磡某小學的男同學，學校排名2X都有機會in伊中，相反一般學校大約得頭7、8名同學有機會面試。
據其他同學講，華英、迦密、旅港面試的機會好細，因為幾間九龍城出名的小學都幾多同學報呢幾間，大部份面試的名額去晒佢地度。咁人地水平又真係高幾班！
作者: sowasabe 時間: 12-3-9 12:57
回復 ohnono 的帖子
謝謝你的分享
是不是華英,旅港仲難考過伊中,吾會卦.伊中名氣及成績不是大好多咩.
作者: ohnono 時間: 12-3-9 13:36
本帖最後由 ohnono 於 12-3-9 13:38 編輯
sowasabe 發表於 12-3-9 12:57
回復 ohnono 的帖子
謝謝你的分享
伊中的名氣點會唔及華英、迦密、旅港.....呢！一定唔係呢個因素。
我諗係因為呢d大校，有5、6班小六，band 1同學又多，話時話，考2X隨時等於一般學校考第三、四，所以人地伊中都有得in。但冇可能一間學校成百個band 1走晒去伊中架，分1/4出來去華英、1/4去迦密，1/4去旅港，再加上九龍城和附近區的特異學校又多，淨係呢d學校已足以泛濫了九龍城區的面試名額。
作者: HappyEE 時間: 12-3-9 14:07
ohnono 發表於 12-3-8 17:17
Happy EE
七月份
1. 中一派位結果
2. 原小學
名單
3. 中一派位授課語言分組資料
4. 中一派位分配分析
5. 中一派位所有有關數據資料和報表
還有甚麼學前測驗的原生數表等等。
請問3-5是什麼? 咁中學是知道收的學生每一個人屬於band幾, 還是只知道收到band1學生的%?
作者: ohnono 時間: 12-3-9 14:30
HappyEE 發表於 12-3-9 14:07
請問3-5是什麼? 咁中學是知道收的學生每一個人屬於band幾, 還是只知道收到band1學生的%? ...
第三項就是學校在是次收生的名額之中，是否有85%或以上是在全港的學生排名之中是跌入頭40%之範圍之內。若是的話就可全開英文班。否則可按每班比例而開設英文班。
4、5項是分析報表，即是你所說的%。個別同學的banding唔會列出，唯中學可申索個別同學在小學時的資料，包括校內校外成績和活動的表現，但事先需得到小學的同意。
作者: winglongyan 時間: 12-3-9 14:37
ohnono 發表於 12-3-9 12:49
據我自已估計應該會係學校band 1同學的數量的頭1/5。上年我知道的有個來自紅磡某小學的男同學，學校排名2X ...
作者: ohnono 時間: 12-3-9 15:00
winglongyan 發表於 12-3-9 14:37
請問,該男生是否比伊收o左???
佢地學校舊年有成7、8個同學入左伊中(佢地係聯系學校黎)。如果以伊中有16個聯系位比九龍城4間官小來計，據聞今年有接近30個同學係來自這幾間官小的，而有一半以上聯系位去了其中一間小學(今年佢地真係好好運)，我覺得那位同學的學校有機會淨在自行收生階段都有5至6人憑實力已被取錄。我唔知那位同學最後有沒有被取錄，但已反映出那些學校在自行時的潛在實力。
作者: HappyEE 時間: 12-3-9 15:20
ohnono 發表於 12-3-9 14:30
4、5項是分析報表，即是你所說的%。個別同學的banding唔會列出，唯中學可申索個別同學在小學時的資料，包括校內校外成績和活動的表現，但事先需得到小學的同意。
那麼分班試成績, 中學是否又知道一清二楚?
作者: ohnono 時間: 12-3-9 16:05
HappyEE 發表於 12-3-9 15:20
如果係咁中學都係推斷唔到小學的band1%, 中學都唔知所收的一班學生是那一個唔屬band1
那麼分班試成績, 中學 ...
對啊！中學知道的就是一般的分析報表，幾多%band 1，幾多%band 2，沒辦法確實個別同學的組別。
分班試是中學自己的老師負責評改的，當然知道每個學生的分數和能力！但編班試是用作編班和評核個別同學的能力，跟banding是兩回事。有同學在編班試跟呈分試的表現大相逕庭，所以不能跟banding去比較。
作者: smalle 時間: 12-3-12 10:03
總之身為家長就只可以古古吓
作者: HappyEE 時間: 12-3-12 11:35
ohnono 發表於 12-3-9 16:05
對啊！中學知道的就是一般的分析報表，幾多%band 1，幾多%band 2，沒辦法確實個別同學的組別。
分班試是 ...
Thanks for your reply.
作者: worldpeace 時間: 12-3-12 15:52
吓! 我地3月9日都未考完試, 點算呀??
| 歡迎光臨 教育王國 (/) |
Powered by Discuz! X1.5 |