教育王國
標題: 日日掛住打機, 真係好激氣. [打印本頁]
作者: Ahling2004 時間: 12-3-6 13:12 標題: 日日掛住打機, 真係好激氣.
現在管教小朋友真係好似過五關斬六將. 一浪接一浪. 永遠都有事等父母煩惱,頭痛及解決, 為父母真不容易.
亞仔依家又沉迷打機, 真係看在眼內好心痛又心急. 又唔可以太過大聲及嚴肅叫佢唔好再玩, 只可以在旁邊等機會去勸佢唔好太沉迷,要知道讀書緊要, 要懂的分配時間.... 今年都F3了, 讀書好緊要架, 成績又唔係好. 口頭上答我: 知啦, 我有溫書架.... 但日日見佢好似好忙咁, 一邊打機,一邊溫書, 點會入腦呀, 真係無哂辦法. 雖然一到晚上11:30我地已關上總制, 但佢都有PS機. 點算好, 幾時才知醒, 有咩方法可以等佢唔好太投入? 真係好頭痛喔.
作者: senpei 時間: 12-3-6 13:24
鼓勵阿仔做多d運動, 如籃球, 跑步.
作者: Ahling2004 時間: 12-3-6 13:42
佢平時又會打籃球喔. 如: 朋友約到, 佢又肯出去打; 心情好時, 同爸爸一早起身打籃球又願意喔. 問題係平時一放學回到屋企就開電腦打機; 假期, 無其他活動又係由早開到晚. 我都好鼓勵佢多些約同學去打波, 但有時唔係你地叫, 佢就去.
作者: eric5354 時間: 12-3-7 15:26
Ahling2004 發表於 12-3-6 13:42 
佢平時又會打籃球喔. 如: 朋友約到, 佢又肯出去打; 心情好時, 同爸爸一早起身打籃球又願意喔. 問題係平時一 ...
我都有同感，呀仔都係咁。
初時會聽，知道不對。
現在懶得理我，當聽唔到。
你話佢時，有時更會黑面。
好像你不對似的，關你什麼事似的。
我真係唔想，下下起火，
破壞大家感情。
我知唔理佢便無事，
但唔想見到佢起唔到身，
返學無精神。
這一代的問題，真唔識解決。
有人話，叫佢去街，陪佢行下，未得羅。
都做左了，佢唔去，有什麼辦法。
佢更唔會約朋友出街
作者: Ahling2004 時間: 12-3-7 16:37
係呀, 有時唔係我地想管制佢, 但看在我地眼內真係好心痛, 好言相勸又唔入耳, 大聲少少,又話我地專制,唔了解佢地. 真係要睇時機才可以知下一步點行,點講. 佢肯同你出街已好比面了, 不過次次出街都要急急腳想回屋企. 就算點引誘佢, 佢都係要先回屋企; 叫佢一起去旅行,好像好為難佢咁, 次次都要低聲下氣問佢意見, 同佢講好說話, 請求佢去. 有時回心一想真係好激氣, 不過我們係佢的父母無的選, 就大家各自忍讓下, 總是抱著希望: 佢終有一日會知自已的行為是不對的. 大家一起努力,加油.
作者: eric5354 時間: 12-3-7 18:25
Ahling2004 發表於 12-3-7 16:37
係呀, 有時唔係我地想管制佢, 但看在我地眼內真係好心痛, 好言相勸又唔入耳, 大聲少少,又話我地專制,唔了解 ...
直情同你的情況一樣。
叫佢出下剩要低聲下氣問佢意見。
當年我地小時侯，呀爸呀媽話去邊未去邊羅。
現在的環境，真係傻左，
叫佢地做Ｄ簡單家務，都有時ＳＡＹ ＮＯ。
我心想，叫你食飯，出零用時，唔見你ＳＡＹ ＮＯ。
只懂享受權利而不會付出的一代。
昨晚，等地鐵，見有個女中學生推開個呀婆，
個呀婆抱住個孫大叫，好怕孫仔仆親。
呀婆立即話個中學生。
個中學生景然大聲話返個呀婆，
話佢個背袋阻住佢行。
大佬呀，阻住佢行，可以叫唔該謝謝，
不用推開一個７０幾歲抱住小朋友的長者。
這一代真的個個都是王子與公主。
作者: kilykilyk 時間: 12-3-7 19:47
Ahling2004 發表於 12-3-6 13:12
現在管教小朋友真係好似過五關斬六將. 一浪接一浪. 永遠都有事等父母煩惱,頭痛及解決, 為父母真不容易.
亞 ...
你小朋友中一、中二係咪都係咁??
作者: Ahling2004 時間: 12-3-10 10:01
唔係LU. 係中三最大轉變. 不過做父母的真係唔好動氣才可以同佢地傾到計, 總要懂的係適當時候出聲話佢唔啱地方, 如果唔係真係雞蛋撞可頭, 拿來激氣.
作者: smallfoothk 時間: 12-3-10 20:24
回復 Ahling2004 的帖子
網上有software下載,控制上網時間,每天只給上2hr,六日可長一些,成績好可更長時間六日,再差講要轉校去寄宿中學,佢怕怕,才會努力,但用software前要溝通,怕佢發皮氣....
作者: Ahling2004 時間: 12-3-12 10:54
係呀. 你的辦法已用過哂, 都無用. 簡直上綱中哂毒. 見住佢日日座係電腦前, 唔係打機就係睇卡通或睇漫書, 個心根本都無想溫書做功課, 我地個心真係總驚過仍. 叫佢多幾次去溫書, 佢就會好大聲咁: "哦 "回轉頭. 點算呢, 真係唔管, 由佢自已知醒唔通. 好頭痛.
作者: 囝囝mama 時間: 12-3-12 12:19
回復 Ahling2004 的帖子
可唔以叫呀爸同佢傾假期內先打機!!中三好緊張不容有失!!!!問吓佢將來想做什麼工!!成績差無選擇權!!
作者: on1800 時間: 12-3-12 16:52
你同他講道理根本不會聴何況分柝以后的前途, 日日都要開片, 苦惱中
作者: smallfoothk 時間: 12-3-12 18:53
寄宿中學可幫到手,還可獨立有自信,但有機會識差同學
作者: littlecat 時間: 12-3-13 16:59
我囝囝都係一樣, 放學番到屋企就都對住部電腦上網或打機, 你話佢咪應吓你囉, 你唔話佢講, 佢又係咁, 自己都好勞氣. 嚟緊就快測驗, 我都冇眼睇佢, 佢自己唔努力, 冇人幫到佢.
作者: ydoris 時間: 12-3-14 13:29
我既經驗,佢地沉迷上網打機,如果強硬制止,發覺佢地會坐立不安同發皮四.要慢慢地消除佢地無得玩又心情平復,可以做其他野代替先得.陪下佢地做下活動,睇下TV,捉下棋.甚至乎去打下波..以免有反效果..
作者: Ahling2004 時間: 12-3-14 15:59
一定係無得強硬啦, 佢都咁大個人, 唔係話比粒糖佢吃就會就範或者捉下棋. F3啦, 真係好緊要, 佢都係咁懶懶散, 用咩來刺激下佢才知醒呢. 真係無眼睇.
作者: Ahling2004 時間: 12-3-19 16:54
成日都提佢: 種瓜得瓜, 種豆得豆. 希望佢明啦.
作者: vickynicky 時間: 12-3-19 18:01
我腍個個細路喺呢個時間都有d 咁嘅問題
佢嘅藉口係要上網做功課, 又或者要上網討論project
當然半真半假
初初好難頂, 有時講極都係咁,
仲有以為自己上咗中學, 已大個唔駛聽你支笛!
我唯有同佢約法三章, 成績全部唔可以退步,
weekday 我會set parental control, 限時唔可以多過兩小時
weekend 一定盡量會出街, 食d 佢鍾意嘅嘢
咁佢心情好, 就開始講佢學校嘅事, 自己嘅嘢
但唔好腍住佢會一日變好,只可以話時好時壞
有時都會好激氣, 盡量放手比佢自己安排時間
自己亦要學吓多觀察, 同慢開口話佢.
作者: Ahling2004 時間: 12-3-21 17:58
係呀, 我都有學你咁SET CONTROL, 但佢好唔開心, 同我爭拗的好勁. 依家我都學精了, 睇佢心情來講道理. 但係佢最唔好就係明知自已成績咁差都唔的起心肝, 總係度懶懶散. 我地提佢, 佢就當聽唔入耳. 考試都係開住電腦, 一邊睇一邊溫. 真係點佢唔順. 難教...
作者: vickynicky 時間: 12-3-21 18:43
其實真係好難教, 只可以見招拆招!
好彩我果個成績一路都好好, 只係試過一次佢自己無温好書, 测驗唔係好好,
跟住自己返來眼濕濕, 然後叫我收咗佢部電腦 - 一日咁多!
之後又打回原形!
作者: 超儀烽藍 時間: 12-3-22 00:03
唉...我仔都係沉迷打on-line game, 放學一返屋企就話做晒功課想玩一陣, 唔俾就黑面, 佢而家反叛期我都要好小心處理, 總之就難攪, 頭都痛
作者: Ahling2004 時間: 12-3-22 09:35
日日好似吃左藥咁上哂隱真係唔得, 總要係長時間對著電腦, 沒停過. 勸佢當聽唔入耳, 又唔想同佢正面沖突. 依家我同爸爸想緊法子如何勸佢唔好沉迷打機, 又要顧前顧後, 又唔可以令佢反感. 有咩可以引開佢打機註意力或者令佢覺的打機真係好浪費時間及精神呢, 最後如果真係無辨法就找學校社工勸導... 真係頭痛.
作者: vickynicky 時間: 12-3-22 13:25
係咪最後要學佢一齊打機, 打到飯都唔煮, 等佢知道個嚴重性.....
作者: 衰婆 時間: 12-3-22 13:53
樓主個仔同我個仔一毛一樣, 真係氣C人. 佢自己安排得好滿嘅, 放學打波, 打到六點幾七點返屋企又落樓下打波, 跟住返屋企食飯, 温一陣書(考試前嗰幾日只會), 平日係唔温書, 跟住話打一盤機, 但係佢嗰一盤係兩個鐘以上 正一死仔包!!
作者: Ahling2004 時間: 12-3-22 15:15
哈哈... 原來大家都咁激氣, 真係萬幸, 即係表示大家的小朋友唔係有咩特別病態.
我有時真係諗過唔煮飯架, 我老公成日叫我比佢20元自行買飯盒吃, 反正佢都係成日對著部死腦. 真係激到無聲出.... 
作者: Ahling2004 時間: 12-3-22 15:25
嘩, 你個仔真係好乖, 好有自覺性.
我成日同個仔講總之成績可以HANDLE 到, 懂的分配時間, 即係分寸, 我就OK啦.
依家唔係, 成績科科唔合格, 總話自已已好勤力了. 即係能力有問題, 提出轉校又唔肯. 其實都係打機浪費時間害左佢, 佢都唔明嘅.
作者: kilykilyk 時間: 12-3-23 13:49
本帖最後由 kilykilyk 於 12-3-23 13:50 編輯
Ahling2004 發表於 12-3-22 15:25
嘩, 你個仔真係好乖, 好有自覺性.
我成日同個仔講總之成績可以HANDLE 到, 懂的分配時間, 即係分寸, 我就OK ...
你小朋友幾時開始沉迷打機??之前有無試下同佢講條件,限佢打機時間??
作者: Ahling2004 時間: 12-3-24 09:55
由F3開始, 初初的小小, 到依家的忘我境界. 都有勸佢要SET 定時間, 唔好成日蒲係部死腦前面, 佢都聽唔入耳. 依家日每晚已限佢11:30前一定要關電腦, 星期六可以到12:00 關. 佢都做到. 但佢平時日頭一放學就開腦到11:30PM 及星期六及日都由早開到晚, 無停過無離過. 除非我地捉佢落去吃野或出街. 我地已用哂威迫利誘, 又笑佢成日座係度個PAT PAT 及身形越來越肥... 佢只係笑下當無事發生. 點算, 點算... 同老公商量過好多方法都行唔通, 幾時佢才知醒??
作者: tomatowu 時間: 12-3-24 18:02 標題: 引用：由F3開始,+初初的小小,+到依家的忘我境界.+
原帖由 Ahling2004 於 12-03-24 發表
由F3開始, 初初的小小, 到依家的忘我境界. 都有勸佢要SET 定時間, 唔好成日蒲係部死腦前面, 佢都聽唔入耳. ...
作者: kilykilyk 時間: 12-3-24 20:51
tomatowu 發表於 12-3-24 18:02
有冇辦法將部電腦速度較慢，等佢打機打到冇癮，我屋企個寛頻成曰斷&慢，我仔有時打機打到火滾唔鬼打一:happ ...
好辦法喎~
作者: Ahling2004 時間: 12-3-27 11:33
係喔, 都係一個好辨法. 及偷偷地SET定時間制, 超過晚上某個時間督自動CUT上綱. 不過最重要係佢要明打機真係無益,浪費時間.
作者: CATHERINEAUNTIE 時間: 12-3-27 14:05
提示: 作者被禁止或刪除 內容自動屏蔽
作者: tomatowu 時間: 12-3-27 14:15
Ahling2004 發表於 12-3-27 11:33
係喔, 都係一個好辨法. 及偷偷地SET定時間制, 超過晚上某個時間督自動CUT上綱. 不過最重要係佢要明打機真 ...
其實佢時打時唔打就會冇咁沉迷,最緊要唔好比佢長時間打,如果可以嘅話,嘗試同佢一齊打機,一來你會明白佢點解咁鍾意打,二來大家會有共同話題,咁d關係都會好d。
作者: kilykilyk 時間: 12-3-27 14:16
Ahling2004 發表於 12-3-27 11:33
係喔, 都係一個好辨法. 及偷偷地SET定時間制, 超過晚上某個時間督自動CUT上綱. 不過最重要係佢要明打機真 ...
現時最緊要幫小朋友介咗打機習慣先,然後培養佢其他興趣,有其他嘢代替,
咁佢就會慢慢小打機,你同小朋友都要加油!
作者: oscarmama 時間: 12-3-27 16:49
見到各位家長咁煩惱，我都好擔心我仔將會係咁。
雖然而家係P.6，佢測考期間都自己控制到吾打機，但我知佢心癢癢。而家我提佢，佢仲可以接受，將來去到中學真係不敢想像
作者: Ahling2004 時間: 12-3-28 11:10
放假就盡量拉佢出去行下街, 盡量減少留係屋企時間; 爸爸有時都會同佢一起玩, 但係佢就係唔懂的控制自已, 樂已不返. 平時我要番工就更加難控制, 收工回到屋企已見佢趴係電腦面前, 問佢有無功課, 又話無功課; 問佢唔使溫書呀, 又話有溫呀. 再問落去就話好唔耐煩啦, 跟住黑面. 唉, 自已騙自已有咩易呀小朋友, 我寧願佢同的同學去打下波或學下其他興趣班都好. 難教也...
作者: eric5354 時間: 12-3-31 10:34
vickynicky 發表於 12-3-21 18:43
其實真係好難教, 只可以見招拆招!
好彩我果個成績一路都好好, 只係試過一次佢自己無温好書, 测驗唔係好好,
...
你果個肯醒覺，真係好。
作者: eric5354 時間: 12-3-31 10:36
Ahling2004 發表於 12-3-28 11:10
放假就盡量拉佢出去行下街, 盡量減少留係屋企時間; 爸爸有時都會同佢一起玩, 但係佢就係唔懂的控制自已, 樂 ...
直頭一樣呀。
我果個唔肯同我出街架啦。
你地有無方法呀。
作者: kilykilyk 時間: 12-3-31 16:25
自己小朋友讀f.1,現在仲好注重學業,都算聽話,但聽咁多家長話小朋友到咗f.3先開似變,個心有點寒..
作者: Ahling2004 時間: 12-4-3 09:53
我那個知道有家庭聚會就一定出席, 同家人出去短線1,2天旅行只要預早同佢講, 佢都OK. 至於平時叫佢同父母出街, 真係拉佢都唔郁. 總要加多一句: 依家邊有人總會同父母出街架. 跟住尋晚又無中中同我講: 唔好將專註力集中係佢打機身上, 叫我出街多些留意下周邊的年青人, 個個都係機不離手啦, 有咩出奇. 講到自已好有道理咁. 我地聽落又覺的係, 不過都係想佢唔好太過份, 專註多些學業, 不過佢都唔明, 只係知自已已大過人. 真係攞命...
作者: Yanamami 時間: 12-4-3 10:46
Ahling2004 發表於 12-4-3 09:53
我那個知道有家庭聚會就一定出席, 同家人出去短線1,2天旅行只要預早同佢講, 佢都OK. 至於平時叫佢同父母出 ...
作者: samuel89 時間: 12-4-3 14:22
Ahling2004 發表於 12-3-28 11:10
放假就盡量拉佢出去行下街, 盡量減少留係屋企時間; 爸爸有時都會同佢一起玩, 但係佢就係唔懂的控制自已, 樂 ...
作為父親我當然希望阿仔可以遠離d唔好既"noise", 生活得"有規有矩",冇風冇浪甘成長......
但而家流行既online game, 對d中小學生來講,同d所謂既軟性毒品比較更加軟性, 為害更加深遠, 最恐怖既系打機上癮既禍害好容易俾家長,學生自己所忽略, 我相信打機上癮既學生自己都知道,明白自己在浪費緊自己人生中最寶貴既學習階段青春,但就因為禍害系"軟性",..... "遲d戒", "free 下先", "同班考得好既同學仔都打得仲多啦(我阿仔抗辯既理由)"等等理由將打機上癮問題淡化......
但作為父親我無意強制阿仔戒左打機上癮, 始終我有本事限制佢打機的習慣,但限制唔到佢打機的"心"......所以打機上癮問題既然系阿仔必經既唔好既"noise"(冇可能回到未有online game既時代, "禁絕"只系自欺欺人),要戒都只好睇阿仔自己既決心, 唔系我既主觀願望.......
作者: Ahling2004 時間: 12-4-5 09:57
回復 samuel89 的帖子
絕對同意. 無的強來, 唯有等佢自覺及反醒.
作者: Ahling2004 時間: 12-4-5 10:03
回復 Yanamami 的帖子
我都係同你用同樣的理由同佢講, 佢聽左又無出聲. 即係點嗎? 總要同我講, 邊個邊個同學仔都係打到三更半夜啦, 佢老豆都係到3:00才叫佢關機. 成日話別人的父母如何放鬆, 咁人地有PROMOISE 比父母, 佢又唔知. 平時為了激勵佢的向學斗心, 就會話你不如學下邊個咁學習方式, 跟住佢又同我講: 每個人都唔同, 佢又唔等於我, 唔好拿來同我比較啦.
作者: Yanamami 時間: 12-4-5 10:11
本帖最後由 Yanamami 於 12-4-5 11:06 編輯
Ahling2004 發表於 12-4-5 10:03
回復 Yanamami 的帖子
我都係同你用同樣的理由同佢講, 佢聽左又無出聲. 即係點嗎? 總要同我講, 邊個邊個同 ...
我從來唔會俾我女輸打贏要. 無double standard. 呢d對話小學都有, 我會話: 好抱歉, 家有家規, 佢屋企俾, 唔代表我屋企俾. 你18歲前我有法律責任管你, 請忍耐. 你仲係我管轄之下, 請守我規矩. 你要我唔好羅你同其他人比, 請公平點, 都唔好羅其他父母同我比.
作者: samuel89 時間: 12-4-5 11:02
回復 Yanamami 的帖子
作者: Ahling2004 時間: 12-4-11 10:50
我平時都係同佢講, 佢最多唔出聲; 之後又會唔記的. 次次咁樣聽完, 我個內心都好唔舒服: 點解個仔咁樣睇我地? 平時家庭應有的溫暖,關心我地都比哂, 點解佢總係覺的自已父母不如別人父母, 真係好心酸....
作者: Yanamami 時間: 12-4-11 11:33
Ahling2004 發表於 12-4-11 10:50
我平時都係同佢講, 佢最多唔出聲; 之後又會唔記的. 次次咁樣聽完, 我個內心都好唔舒服: 點解個仔咁樣睇我 ...
作者: Sumyeema1 時間: 12-4-11 15:06
tomatowu 發表於 12-3-24 18:02
有冇辦法將部電腦速度較慢，等佢打機打到冇癮，我屋企個寛頻成曰斷&慢，我仔有時打機打到火滾唔鬼打一:happ ...
好奇一問
樓主，你有無試過哩個方法？
作者: LittleKidult 時間: 12-4-12 14:00
我仔前幾日考AL bio, 考前一晚打機打到零晨成點
作者: wong191 時間: 12-4-14 16:31
本帖最後由 wong191 於 12-4-14 16:35 編輯
Ahling2004 發表於 12-3-6 13:12 
現在管教小朋友真係好似過五關斬六將. 一浪接一浪. 永遠都有事等父母煩惱,頭痛及解決, 為父母真不容易.
亞 ...
我個仔23歲. 係中一到中三都係鍾意打機/online game, 我都有同佢傾,第日佢想做咩, 佢答我話唔知. 當時我都好頭痛. 唔想佢hea 一世. ( 似我 )
直至上左中四佢開始覺得自己唔掂, 唔夠人好. 自動要求去補習, 晚晚做功課加溫書都攪到成點幾兩點先有得訓.
(我知學校當時都有比壓力佢地) 而家大學畢左業, 仲讀緊博士學位.
有時....我覺得佢地唔係太聽我地做父母講野, 你搵 d 外人同佢傾多d. 或者有幫助佢認真諗下自己條路點行.
加油~~~~
作者: mo-ma 時間: 12-4-14 23:45 標題: 回覆：wong191 的帖子
你令我想起，我公司(投資銀行)請左個summer intern,有雙degree，讀緊master。佢好乖，又識人情世故，入左黎吾夠兩星期，有好多同時以為佢係上年嘅u grad因為佢乜都知，連d前綫trader都like，真系好醒。
有一次講起我個仔沉迷打機，佢話佢由中一至中三都係，打到日夜不分，同細佬一齊打，兩個成績都好差，又連阿爸阿媽都當透明。我問佢點樣開hue注重返學業，佢只系話有一日佢突然覺得好厭，好無聊，於是就停左打機。佢話吾洗太緊張，始終佢會停喎。我都系等緊呢一日！
作者: dobbybabie 時間: 12-4-16 08:30
各位家長唔使慌,其實有套軟件非常好,是政府每年向軟件公司買版權,只要家長去听讲座,就可免費攞.上www.cyberpatrol.com.看看。再打去 影視及娛樂事務管理處 問那裡有關於cyberpatrol 7.7過滤軟件講座听和攞.讲座會教你安装方法.
作者: dobbybabie 時間: 12-4-16 08:36
這個世界永逺有奇跡,但不一定會降临在你身上.所以我唔買六合彩.
作者: kilykilyk 時間: 12-4-16 21:28
本帖最後由 kilykilyk 於 12-4-18 15:23 編輯
dobbybabie 發表於 12-4-16 08:36
這個世界永逺有奇跡,但不一定會降临在你身上.所以我唔買六合彩.
講真啱,好多時唔係盡心教導,佢就會聽,就算佢聽,佢明白後果都會做,
佢自己唔識醒,講乜都無用
作者: Ahling2004 時間: 12-4-18 10:17
聽左咁多家長們的意見, 總結論就係要: 忍. 等佢有一日終會醒過來. 我都好期望及盼望有呢個奇蹟快快降臨, 讓我的孩兒早些醒. 否則做父母的內心真係好痛. 依家真係講咩都聽唔入耳.
好似前二日, 一家人係外邊吃晚飯, 吃飯途中問佢今次的測驗成績出左沒( 唔問都唔講, 要問多幾次才肯講), 又係好多科都唔合格. 本來我都預左佢唔好, 一邊拿書, 一邊望電腦, 點會溫入腦. 出來咁的成績係預左. 但係亞仔總要死撐話: 好多人都唔合格啦, 邊個邊個讀書好叻都唔合格啦, 又話自己方式係對的. 我真係聽入耳好嬲, 忍唔住話佢: "別人唔合格唔代表你都係, 點解講極你都唔明. 算啦, "資質"的野都無的強求" 點知佢一聽就大發脾氣, 話做父母的點會話自已仔"資質"有問題, 跟住就當場擺吃飯抗議及黑口罵面, 想喊咁. 那一刻我真係好心痛, 作為一個母親最擔優係怕自已個仔吃唔飽,訓唔好, 穿唔暖. 佢竟然拿擺吃飯來威脅及抗議. 那種滋味真係好難受, 好難受. 最後我同佢SAY SORRY, 都表明: 就算你幾差, 幾衰都係我孩子, 媽咪唔會嫌棄你. 媽咪當時講的"資質",真正意思唔係話你有問題, 只係提醒我自已及你, 凡事順其自然啦. 如果你覺的唔對, 我可以道歉." 可能係我唔應該講資質呢2個字, 但真係無話可勸, 想激起佢的斗心, 原來係錯的. 之後2日我都無同仔有交談, 因為我實在有需要冷靜, 真係好唔明個仔的過份激的行為及唔吃飯的抗議, 佢明唔明已傷左父母的心. 反正想我咩都唔講,唔管. 咁我就放手吧, 由佢自由飛翔, 見步行步啦.
作者: kilykilyk 時間: 12-4-18 15:27
本帖最後由 kilykilyk 於 12-4-18 15:34 編輯
Ahling2004 發表於 12-4-18 10:17
聽左咁多家長們的意見, 總結論就係要: 忍. 等佢有一日終會醒過來. 我都好期望及盼望有呢個奇蹟快快降臨, ...
雖然我個情況無你咁嚴重,我一向叫仔有咩事都同我傾下,但我個仔唔會咁做,要自己渣主意,
如果唔比佢渣主意,佢就講大話騙你都要做到為止,我也決定放手..
作者: sowasabe 時間: 12-4-18 17:06
回復 Ahling2004 的帖子
吾好意思.我都話你錯,點解人身攻擊.無論"資質"是差或好,都不應在此時此刻話佢資質吾好.你想用激將法如激不起反而佢諗反正亞媽都話我"資質"問題啦.不是我未盡力,算吧啦.甘以後就無勁力去求上進仲死.
人在不開心的時候很容易講出最傷人的話而不自覺,大人都係甘,何況小朋友如何控制情緒,緊係想出最打擊你的方法出來反駁你.所以,在最不開心的時候,先停一停,黑面可接受,但出口傷人好難收復.吃飽了再傾.
其實係有仔女的父母都好明你的心情,我既係女,現己中五,當年中一至中三都係甘一放學上face book , msn , 上綱, 打game.....直至10點才開始做功課.(小學時,一到家即時做晒功課架),不過亞女好彩成績都吾差,但我也不想見佢生活無晒時間表,亂晒.甘又點,大個啦.硬碰一定是父母死硬,因為佢地真係未長大嘛.只好扮可憐,扮死,成日同女講,我明我明你地同學大多數都係上face book , msn , 上綱, 打game....最衰亞媽無錢俾你去外國讀書,,再甘打機..唉..全港只有不足20%可升大學,我真係諗到心口痛,你地現在未明,到明己太遲啦....如此不斷重覆又重覆甘講. 如果有次考得吾好,我就話:你甘聰明,甘好資質..只可惜上綱害左你..唉! 媽媽等緊你長大呀....所以,同亞女是保持有傾有講亦知佢同學對佢有如何的影響.佢都認自己浪費太多時間在綱上,叫我見佢玩到吾收手時提提佢,到考試時,強硬不讓佢再玩電腦.所以,我地會在合時時互相檢討.
作者: Ahling2004 時間: 12-4-19 09:53
謝謝你們, 我都知自己今次處理的不當. 有時真係覺的自已不懂做人父母, 不懂教, 才令個仔變成依家咁.
有傾有講係每個父母最開心的溝通方式, 但我那個強又唔得, 軟又唔得. 當我地勸佢時, 提佢時, 佢就會好不耐煩及大聲答: 得啦. 有時我真係嬲到覺的佢已無藥可救,唔想理. 但每次見佢咁投入, 又會不自覺的去提下佢, 佢黑面或大聲咪由佢, 我當睇唔到. 問題係佢根本當我地開解, 勸告及關心係耳邊風, 自把自為. 好像好快會飛咁. 晚晚都係11:30之後才做功課, 唔使溫書, 總要同我地講以後考入大學做助教賺錢出外留學. 天呀, 點解咁天真, 咁的成績, 連大學門都入唔到啦, 總係度發白日夢. 講極都唔明, 我真係好累, 好累. 累到有時我都唔想對住佢.
作者: sowasabe 時間: 12-4-19 10:52
回復 Ahling2004 的帖子
這是一個過度期,最重要是不要將大家關係弄壞.忍...忍...再多幾分關懷俾佢.
我女是一個乖,純,聽話受教的女孩, 剛升上中一時也遇到反判時期,話佢時亦不耐煩甘"知啦,知啦..好煩呀" 甘回應我.還同同學msn時罵我.一個在小學時又貼身,又乖既女孩突然甘樣,仲同同學一齊話亞媽,我真係心痛又失眠.點算呀,點幫佢呀,
我都只可以扮吾知,大家保持良好關係先,原來佢地在中學時期,會同同學傾吓屋企嘢,同時佢地係知家人真係關心佢地既.
只要佢地對自己有要求, 亦有自信,也相信讀書要勤力.當佢地有目標時就會發力,就會上.
暫時亞仔成績不理想,你同佢傾,考得不好的地方是不明的要盡快補上,離大隊太遠就好難追回.又解釋俾佢聽全港畢業生只有不足18%的大學學位供應,甘你估你在校內要考top幾才有機會取得一個學位.你又可以參考吓亞仔學校過往升大學的百分率而要求佢朝此目標追上.等佢自己有要求,肯發力進步空間可大呀.
作者: Ahling2004 時間: 12-4-19 14:20
回復 sowasabe 的帖子
謝謝你的安慰. 你所建議的我已全部同佢講過, 大家在傾的過程, 佢完全係不耐煩的對我, 總不斷打斷我話題, 一味話: 知啦來回避我的話題. 有時真懷疑可能我講的說話不動聽, 不夠吸引力, 令佢極之討厭我講野. 有的朋友建議我強制性不給佢上綱打機, 叫佢一定要溫書先. 但我知係無可能的, 及一定會更破壞大家之間的關係. 你話, 我係唔係真學人講, 完全放手, 由佢自已癲,自已醒. 等到有一日佢會自已醒哂, 咁學你所講, 到時真係太晚了.
作者: torunpoland 時間: 12-4-19 16:09
問題係佢根本當我地開解, 勸告及關心係耳邊風．
這就是關鍵所在．你好想佢聽你講，但佢就真係唔聽（不理甚麼原因，除非涉及黃賭毒，你就一定要插手）．所以，你改變唔到佢，只有改變你自己對佢的心態．
佢當耳邊風嗎？你同自己講，其實佢已經入腦．佢係咪真係入腦，只有佢同上帝知道，你唔需要去深究．你講左，你已盡責，佢點回應，你只可以放輕鬆面對，否認，關係裂左，好難補救．
如果你擔心到佢醒來時，已經太晚，那是沒法子的事，這是他的生命，起碼，他還是醒了．你迫佢醒都冇用．
作者: mo-ma 時間: 12-4-19 23:53 標題: 引用：問題係佢根本當我地開解,+勸告及關心係耳邊
原帖由 torunpoland 於 12-04-19 發表
問題係佢根本當我地開解, 勸告及關心係耳邊風．
這就是關鍵所在．你好想佢聽你講，但佢就真係唔聽（不理甚 ...
我記得同一個兒童心理學工作者傾過，主要問題係，我哋覺得係重要嘅野，響佢地嘅心目中根本吾重要，佢地既priority可能系父母眼中最不值一提嘅，要佢地跌倒過先知道我地點解要佢地「呢樣果樣」。而家我只希望佢吾洗跌好多次，吾洗跌咁傷就明白我地嘅用心啦⋯
作者: Ahling2004 時間: 12-4-20 10:03
回復 torunpoland 的帖子
Thanks! 我想過我真係要行到呢路, 迫不的已都要去行, 否則大家的關係真係會越來越差.
作者: Ahling2004 時間: 12-4-20 10:16
到左呢個地步, 好言相告過, 惡言又講過, 同佢講條路係自已選,以後唔好後悔.... 咩都講過哂. 佢都係當耳邊風, 我地做父母都無辨法. 唯有放長雙眼, 係佢旁邊用個心及眼去睇住佢長大. 我都好嬲自已: 點解唔忍左氣, 點解唔忍住唔好出聲去哦佢. 次次都係好自然咁出聲叫佢要做功課啦, 要溫書啦,唔好成日上綱... 次次換來都係唔好的FEEDBACK, 令我心痛及激氣. 係佢心中成日覺的來日方長, 大把時間, 每次考試及測驗都只係求有少少進步就已好滿足. 真係唔明, 總要安排到幾時才可以追上去?
作者: sowasabe 時間: 12-4-20 10:56
回復 Ahling2004 的帖子
中三是最辛苦的一年,因科目最多.亦難於科科都好,特別是喜歡上綱的孩子更加不足夠時間.有好些科目要背加以理解.
所以,我只要求亞女讀好 中, 英 , ( 靠大量閱讀課外書累積) , 數 (做晒教科書上全部習作, 原來學校是不會做晒既) ,再來是Phy , Bio 用心去理解然後思考自己較易拳握取分及較易明白的放重在其中一科, 最後是Chem必讀好.跟住文科中自選一科易讀的放重少少.
我同女傾解從來不會叫佢溫習,我只會話玩夠未,未呀,去玩啦.玩夠啦,剩下時間不多了,用最短時間,集中思想,全神投入讀書.如果坐係度發夢,就上床發啦,如果坐係度仲掛住Facebook的嘢,快快上去打晒佢然後用小得可僯的時間用心去讀書.
跟本不上綱都不夠時間讀,何況仲要上綱. ( 亞女有參加學校幾樣課外活動,本身亦有恆常的舞蹈班)
仲有,我個人覺得佢地須有適量的運動, 才可將的火氣發晒出來,否則成日上綱加讀書壓力很易吾好脾氣,只好對住家人發.
作者: shevachevy 時間: 12-4-20 12:26
我諗o係佢心目中係明白o既, 有時佢唔係唔想聽, 係個心魔令佢控制唔到自己, 又可能係peer group壓力啦, 可能佢會覺得人地d 阿媽都冇你咁煩, 阿邊個邊個個阿媽從來唔會管呢d野之類, 唔打機同d frd又冇話題, 男仔開竅係遲d, 你只可以靜靜地等呢一日o既來臨~ 比佢知道你緊張佢o既學業, 傳達左你o既心意, 已經足夠。有邊個鐘意比人日日"蛾"住呢 ?
作者: sowasabe 時間: 12-4-20 12:38
每次考完試,好時我會話這科你一定放左時間落去,你應得既.不好時,我不會即時發表意見,甘佢會好奇問我,點解你無反應.這時我很平淡甘講,我估到問題係邊,都係估你一定不服所以不想講也,不如你問心,你滿意自己的成績嗎?你己盡力?你既資質一定不差,你自問己盡力,則讀書方法有問題?還是溫習的時間太遲或太過夜無精神不吸收.你自己諗,我無辮法.我好民主,俾你自己反省,自己諗嘢,對自己負責.其實我不想這樣自由給你,但強逼無用.你不用心做什麼也沒用.
每個細佬都是不一樣的,想辦法找到溝通的方式,打動他們 , 開啟自律讀書的動力.
作者: samuel89 時間: 12-4-20 13:15
Ahling2004 發表於 12-4-20 10:16
到左呢個地步, 好言相告過, 惡言又講過, 同佢講條路係自已選,以後唔好後悔.... 咩都講過哂. 佢都係當耳邊風 ...
我覺得小朋友系明白的......只是有時候"讀好書"是要非常認真甘付出的, 但人難免好逸惡勞, 意志稍為不堅定,就好自然"成日上綱"了.....你對他點樣"好言相告過, 惡言又講過, 同佢講條路係自已選,以後唔好後悔.... "都冇意思, 作為父母永遠都要受制於"唔可以代替佢"讀好書", 呢樣先至系解不開的死結問題, 所以你愈系想佢改, 可能愈逼到佢唔肯改,隨時反晒面.....
p.s..理論上系甘, 不過你放心, 實際上我同你都差不多, 忍無可忍果陣我一樣會對阿仔"好言相告過, 惡言又講過"架, 其實好正常咋, 邊個父母會唔緊張子女前途架, 專家之言只系可以用來參考架咋,唔好當佢地講既實work呵... 不過儘量放"平常心"d, 儘量"中庸"就肯定100%唔會錯架,...共勉之....
作者: sowasabe 時間: 12-4-20 13:45
所以,要找到讓學生哥自我有要求,激發起鬥心才有用.但談何容易.只可因應自己的小孩性格不斷嘗試.別人很難給予意見,只係作為參考,再嘗試,永不放棄.
重點還是建立大家的親子關係.
作者: sowasabe 時間: 12-4-20 13:53
我有時都諗,我個小孩是乖的,我地關係是親密的,反判期時都遇到問題.如果本身稍頑皮,又大家關係不好的家庭,小朋友一到反判期會點?噢!難以想像....爸爸媽媽不易為...好慘!
作者: samuel89 時間: 12-4-20 14:08
sowasabe 發表於 12-4-20 13:53
我有時都諗,我個小孩是乖的,我地關係是親密的,反判期時都遇到問題.如果本身稍頑皮,又大家關係不好的家庭,小 ...
作者: sowasabe 時間: 12-4-20 14:17
回復 samuel89 的帖子
其實系我地根本無從得知仔女既能力到咩標準, 唔俾壓力佢地,又怕誤左佢地,俾太大壓力佢地,又怕害左佢地,.....
非常同意!!!! 所以,要因應小朋友的能力及
性格慢慢去找溝通方式.
作者: samuel89 時間: 12-4-20 14:35
sowasabe 發表於 12-4-20 14:17
回復 samuel89 的帖子
非常同意!!!! 所以,要因應小朋友的能力及
性格慢慢去找溝通方式
作者: Ahling2004 時間: 12-4-20 15:35
回復 samuel89 的帖子
謝謝你的正能量. 當一個人六神無主, 方寸亂哂及無哂辨法時, 真係好需要正能量. Thanks again.
作者: Ahling2004 時間: 12-4-20 15:41
回復 sowasabe 的帖子
就係因為細個由F2前, 大家關係好係親密, 一時真係好難接受佢的改變. 記得亞仔F1時, 我唔開心, 佢可以靜靜的座係我身邊, 跟住會勸我: 媽咪, 早些訓啦, 唔好再想啦. 或有時, 佢知我有胃痛, 就會打比我, 提我: 咪, 我今日下午唔陪你吃飯啦, 你自已吃. 記住要吃呀, 你有胃痛架..... 依家, 佢根本對我來講係好陌生, 對我不聞不問, 只想做父母的付出, 不求佢的付出.
作者: sowasabe 時間: 12-4-20 15:42
回復 samuel89 的帖子
不單止要有耐性,要有好脾氣.且要像朋友,要有同理心,這樣才釣到他們肯與你坦白傾談.
作者: Ahling2004 時間: 12-4-20 15:45
回復 samuel89 的帖子
非常同意, 呢個就係關鍵所在.
作者: kilykilyk 時間: 12-4-20 15:47
本帖最後由 kilykilyk 於 12-4-20 15:48 編輯
Ahling2004 發表於 12-4-20 15:41
回復 sowasabe 的帖子
就係因為細個由F2前, 大家關係好係親密, 一時真係好難接受佢的改變. 記得亞仔F1時, ...
記憶中..我個仔都好小主動關心我
其實你仔仔都好乖架啦!只係一時諗錯咗,你比多啲鼓勵佢,佢一定會明白
作者: sowasabe 時間: 12-4-20 15:59
回復 Ahling2004 的帖子
哇..好乖的孩子,懂得關心慰問媽媽.性本善良. 是成績差了,大人過急過緊張關係搞差左嗎?
我相信你仔仔應該是乖的有得教,因他本善良,會不會是成績差左,壓力大左又不知如何面對你的要求,所以大你來回避你.
暫時,你可以放下成績嗎?只係用同理心去同佢傾解.多些提起并稱讚他小時候的乖事.
作者: samuel89 時間: 12-4-20 16:33
Ahling2004 發表於 12-4-20 15:45
回復 samuel89 的帖子
非常同意, 呢個就係關鍵所在.
作者: Ahling2004 時間: 12-4-20 16:51
在讀書方面, 我都係好少要求. 只同佢講: 中, 英, 數每次考試一定要PASS, 不過次次唔係中文唔合格, 就係數學唔合格, 又或英文唔合格. 次次理由都係話好深, 又話自已唔合格都排全級80-98/180之間....... 總之理由多到你都唔想同佢駁. 激氣到無聲出.
作者: Ahling2004 時間: 12-4-20 17:03
去到呢個地步, 我真係可以放下成績, 只要佢知道佢的前途係最緊要就OK啦.
作者: Ahling2004 時間: 12-4-20 17:07
回復 samuel89 的帖子
絕對同意
作者: samuel89 時間: 12-4-20 17:16
Ahling2004 發表於 12-4-20 16:51
在讀書方面, 我都係好少要求. 只同佢講: 中, 英, 數每次考試一定要PASS, 不過次次唔係中文唔合格, 就係數學 ...
你試下同佢甘講: 唔好再"拗"考試PASS唔PASS既問題啦, 只要你俾我睇到你有盡力, 對你自己既人生負番你自己既責任就ok啦.....
作者: torunpoland 時間: 12-4-20 19:20
踏入青春期, 性格變, 表達變, 都係預計之內的事. 你要放下呀!
作者: Ahling2004 時間: 12-4-24 09:44
係架, 要放下了. 青春期就好比天氣報告, 晴天,陰天,下雨天可以眨下眼到來, 令你透唔到氣; 也可以眨下眼消失, 變的風平浪靜.
作者: weiwei 時間: 12-4-24 10:49
Who bought the games to them?
Remember, once bought it, you should know the result.
作者: weiwei 時間: 12-4-24 10:59
Better discuss with him, if not work, try to find 3rd party to talk to him.
作者: RT 時間: 12-4-24 14:23
Ahling2004 發表於 12-3-21 17:58
係呀, 我都有學你咁SET CONTROL, 但佢好唔開心, 同我爭拗的好勁. 依家我都學精了, 睇佢心情來講道理. 但係 ...
其實SET CONTROL應該係佢小學已經開始要做, 依家F.3太遲喇...
咁你知唔知佢識的朋友仔係點架?有冇的你都識既?? 老實講朋友講一句好過你講100句, 依家你同佢點講都冇用架喇, 唯有希望佢識到班用功既朋友, 咁就可以近朱者赤
作者: Ahling2004 時間: 12-4-24 14:40
歸根到底就係識左班非常喜歡上綱打GAME或用電子產品的不太好的同學仔, 影響威力好勁. 不過有些係知道自已除了打機之外, 讀書都好緊要. 所以玩開那班人都有些係頭幾名次的. 只有我個仔, 唔懂的控制自已, 就沉迷成咁.
作者: fattykitty 時間: 12-4-24 18:34
提示: 作者被禁止或刪除 內容自動屏蔽
作者: Ahling2004 時間: 12-4-25 10:43
無可否認社會進步, 科技發達係好事. 但太多電子產品真係會令時下青年失去理性, 不知外面世界, 只生活係自已影子下. 身邊人的勸告,佢只會當係好煩的囉唆. 其實, 凡事只要懂得控制自已, 咁一切都好辨.
作者: Ahling2004 時間: 12-4-27 10:18
突然係度想: 既然個仔這麼想生存在無父母的狀態, 即係完全聽不入父母的勸告, 父母每出次聲都係煩擾聲,每次都係立即出言打斷父母... 咁的情況下, 做父母的是否可以暫停同佢溝通一段小時間呢, 等大家都平靜心情. 但又怕會引起後遺症, 例如: 令個仔更加覺的無人管, 更加當父母不存在, 更加放肆打機, 唔見人.... 我真係好想試下完全唔理佢, 等佢反醒下自已. 不過, 我明白90%是行不通的, 個仔日日躲在房中不見人, 就算我地唔理佢, 佢都當無回事. 唉....
作者: 小林太太 時間: 12-4-27 16:50
我個仔自從有了智能手機後, 一日機不離手, 上wifi, fb, download 歌. ,打機, 成績一路跌落去....只能試升班。我自己也不自覺地囉囉唆唆.我一出聲就說[煩]。
一鬧交, 佢講野又無大無細。
一路落去, 都不是扮法。管教一個反叛的男孩真係好吃力。
因為見到佢打機我就忍唔住出聲, [當然見到打了好耐機], 我又會黑面。現在試著不給他壓力, 唔好同個仔講野, 由個仔先問我野,發覺係有唔同, 反而可以同佢傾吓計, 但我不會講太多........ 現在努力緊.
見到身邊的大哥哥, 又問過學校社工, 到了中四, 佢地自然會受同輩的壓力, 開始緊張自己的成績, 雖然會打機, 但會放多時間在學業上。現在維繫[關係]最緊要.
當初為了某種原因出了部智能手機, [其實等於一部電腦], 真的好後悔! 但已成事實, 不再想太多.... 身邊的大哥哥說上了中學好難避免唔用電腦和手機, 其實係學習自律才是關鍵。
樓主, 一起加油吧, 謝謝分享.
作者: Ahling2004 時間: 12-4-30 13:03
回復 小林太太 的帖子
係呀, 係呀, 你同我一樣. 我都係好後悔當初升上中學第1年幫佢部腦UPGRADE 及出左部智能手提比佢. 依家講咩都無用了, 佢一個人係間房, 想比黑面佢都睇唔到. 出街又係望電話, 屋企吃飯10分鐘又入房. 真係無話可說. 由佢啦, 希望佢自已自律及控制時間, 我都想佢快的升F4, 到時可以生性些就好啦. 反正我地現在勞心勞力都無用, 總要攞來自已激氣. 真係攞命.
作者: 142526 時間: 12-4-30 13:36
回復 小林太太 的帖子
Hi 各位家長 :
我剛剛將這個題目由頭看到尾 , 因為我在一小時前跟個仔因打機而面左左 , 他是小六生 , 我記得他大約在小三時已很沉迷,但其實我一早便知道電腦是危害小朋友最大的禍根 , 及加以規勸,但身邊的親朋好友都認為我過份緊張 ,現在到了這地步...我實在很心痛, 我對他的評價很低 , 我心亦很淡 , 不想面對他 ,我想過送他讀寄宿 ,但他不願意 .跟住來的日子 , 似乎很難過.
作者: Ahling2004 時間: 12-5-2 15:25
回復 142526 的帖子
好明白你依家的心理狀況, 大家都係為人父母, 遇到咁的情況一定好唔開心. 你個仔依家才小六, 前面總有好長的路等著你去支持及輔助佢. 千萬唔好放棄, 個仔係自已架, 就算佢點唔好, 都要支持落去. 我依家都係咁, 抱著絲絲的希望等個仔醒覺. 你都係呀, 一定要堅持, 放鬆自已,加油, 加油.
作者: 142526 時間: 12-5-3 13:05
回復 Ahling2004 的帖子
我希望佢好似有D人會大大吓識諗 ,不要沉迷打機.
作者: Ahling2004 時間: 12-5-5 09:54
總覺得我們的希望一定會成功的, 加油, 家長們.
| 歡迎光臨 教育王國 (/) |
Powered by Discuz! X1.5 |