教育王國

標題: N1讀德福定九龍塘英藝好呢 [打印本頁]

作者: jamielam88 時間: 12-3-5 23:59 標題: N1讀德福定九龍塘英藝好呢

如果兩個都係中英下午班，大家有冇好提議，因為英藝三月中要俾雜費同校服錢啦～謝謝

作者: estherangel 時間: 12-3-6 10:05

英藝我都收左上午班, 德福上星期IN 左但未有結果, 我都會先交英藝雜費同校服錢, 課程方面英藝係比德福深而又比德福多外藉老師, 所以我諗如果德福都收的話最後我都應該會揀英藝

作者: jamielam88 時間: 12-3-6 14:03

Estherangel, 你bb 是否細b?同意英藝係硬件同課程是較優勝
英藝學費都幾貴同佢九龍塘係新校，同埋interview 當日發現老師同負責收錢老師頗遊雲，但相返德福係開放日同校長傾過計，interview時老師亦有愛心同耐性，感覺不錯
有冇現在讀的家長可以俾下意見，謝！

作者: bobosasa999 時間: 12-3-6 17:46

如果決定唔到，你可以join 下德福個playgroup 先，佢地今個星期六係新的playgroup sem 的開始，又唔貴，你可以打去問下仲有無位，比BB試下鍾唔鍾意d老師同校園先，始終BB係用家

作者: mamalihome 時間: 12-3-6 18:38

FYI: 德福下午斑你英普, 英文班主任係外國讀完書返黎, 而德福英文pg個老師ms catherine 係外國人, 但唔會教國際班英文, 只教主流斑英文

另外, 德福個PG 一班都幾多人下(我試過最多12個人), 但流程好似返學咁, 俾小朋友feel下返學係咩野都好

作者: bobosasa999 時間: 12-3-6 18:49

回復 mamalihome 的帖子

你好，借樓主小小位，我囝囝報了德福英普IN1, 亦報了今個星期六英文pg, 你說英文pg是Ms Catherine 教，那英普班會是Ms Freida or Esther 兩位外藉做班主任嗎？還是另外留完學的中國人？因劇說三位Net 不錯才報英普的。請指教！

作者: jamielam88 時間: 12-3-6 19:03

其實open day 上過Ms Catherine 既demo班，佢都要小朋友守規舉,感覺有小小惡，因為仔仔太細未試過上英文pg同佢未識講野,都跟唔到ms Catherine 既指令，所以我報名時無揀英普班
上pg都係不錯方法，但今星期六仲要上York pg, 時間未必安排到，謝謝建議。FYI , York pg 都有約12人一班

作者: LittleButter 時間: 12-3-7 01:39

I prefer Telford International, because they have good NET teachers (my daughter is studying in IN1).

MS ESTHER雖然不是外國人的面孔,但很NICE, 起初也有點失望, 不過, 她真的很有愛心, 而且我個囡真係好快已經好鍾意佢, 因為她有兩位班主任, 一位外籍, 一位國語老師 , 兩位都不是香港人, 我囡囡返了兩星期學, 放學回家訓晏覺, 都會發開口夢見個NET, 因為成日叫住佢個名; 另外, 每晚, 我們會與她一同祈禱, 會請她提名兩個人, 然後一齊為那兩個人代求, 她總會立時說出她最愛的人, 而通常都會有齊兩位班主任既名字架~~~每天上堂英文和國語的時間係差不多參半, 因為我個囡好快就懂得講1-5既國語, 同埋識唱幾首國語歌。我個人認為小朋友見多D不同國藉的人也無妨, 因為英普班只是提供一個媒介讓她聽多D, 習慣了便不陌生, 又不懼怕了~~~我選德福既IN班, 就最主要原因係近我住的地區, 而這區據聞最好都算是德福了, 當然國際班就更理想啦~~~

作者: cclemon2009 時間: 12-3-7 09:05

我囝囝由15個月開始讀TF(現在23月），每個老師都好好，無論bb班定pn班老師都好nice，就連高班老師都識我囝囝名，每星期有兩天英文班，由Ms Catherine教的，最初囝囝上英文堂喊，但 ms Catherine都讚他勇敢，過咗兩三堂，老師話囝囝已經好喜歡英文堂，玩到吾願走。所以佢地課程ok，
至於ms Esther ，也是好nice，有愛心老師。

作者: CXYen 時間: 12-3-7 09:11 標題: 回覆：bobosasa999 的帖子

Hi bobosasa999
我囡也是今個星期六開始上eng pg 到時有機會say hi

But are u 9:30 class?

作者: estherangel 時間: 12-3-7 11:01

jamielam88: 我女係細b, 英藝最唔好就係貴, 但係因為我無乜其他offer, 就算有都只係下午班, 而英藝係上午班所以我係咪都要交左書薄雜費先, 到時讀唔讀再決定囉, 德福其實都好, 一來近我二來學費唔貴, 不過interview 時d 老師好似幾心急咁, 可能有好多小朋友趕住in啦, 我女好多指令都唔係好肯做所以我諗德福係唔會收我個女架啦

作者: ngngngkk 時間: 12-3-7 13:02

我個仔二月開始係英藝插班讀PN英普班，學校英文老師大部份from Australia，都有愛心，但只有英文班主任同Teacher Assistant，普通話老師就佔三份一時間，都有愛心。個人意見﹕英藝英文、普通話老師可以，Teacher Assistant就差d，課程深，PN學記A-Z(返屋企仲要填色)、晝線，一日返三個半鐘，學費係九龍塘區算中上，學校都算可以，我個仔返得都好開心。

作者: jamielam88 時間: 12-3-7 18:10

多謝大家既意見，好開心收到你地comment 起碼知道兩間都是不俗的選擇，希望德福收我囝囝，因為真係近好多，佢當天面試除左唔識講自己名外大致上都做晒，但英藝要15／3號前交雜費，德福就17／3先寄信，希望可以早啲收到消息啦！
另德福playgroup資料可以係邊度搵呢？website 見唔到

作者: bobosasa999 時間: 12-3-7 18:59

回復 CXYen 的帖子

Hi, 係呀！930 eng pg. 但今個星期會爸爸帶囝囝。到時見。希望咁早囝囝唔好扭眼瞓，佢平時十點幾先起身！

作者: bobosasa999 時間: 12-3-7 19:15

回復 jamielam88 的帖子

德福pg資料要去校務處攞，有逢1、3、5中／英文班，2、4英文班，每月計的。或星期六中／英文班，每季計的。希望幫到你！另你可約十四五号（英藝要交錢前）試試順便去校務處問下interview result,看看佢肯唔肯講！細校通常ok的，之前我in TF 想改時間打去話唔得，直接去校務處主任很好人即刻ok

作者: jamielam88 時間: 12-3-8 00:56

回復 bobosasa999 的帖子

請問一季幾多錢同幾多堂呢？

作者: bobosasa999 時間: 12-3-8 04:51

Pls check pm

作者: mamalihome 時間: 12-3-8 17:10

回復 jamielam88 的帖子

可以打去德福搵黃主任問下收唔收你小朋友, 唔使等寄信都得, 你話你好想讀德福, 但另一間又要文留位費, 想快d知ok就唔交另一間就得, 黃主任好好人, 通常都會答你

祝好運!

作者: carmen_sach 時間: 12-3-8 18:44

英藝德福 2間我都有offer, 我會揀德福, 因為我見佢小一派位都ok, 但英藝係新校, 吾知小一派位怎樣

作者: CXYen 時間: 12-3-8 20:23 標題: 回覆：bobosasa999 的帖子

Haha 咁下次再同你相認啦

作者: jamielam88 時間: 12-3-9 02:44

回復 bobosasa999 的帖子

Got it, thanks

作者: jamielam88 時間: 12-3-9 02:45

回復 mamalihome 的帖子

Really Thanks, I will try on next week

作者: jamielam88 時間: 12-3-19 02:24

回復 mamalihome 的帖子

多謝你地既意見，我打左俾主任，佢話應該waiting，所以都去左英藝交錢
但係去到英藝交錢，反而有另一種feeling，就係放心好多，因為果時咁０岩係下午班返學，見到d學生同老師，仲見埋校長，感覺佢地好nice同小朋友返學好開心，我問校服size佢地仲好細心話俾我聽唔洗擔心，我買一套校服又無話sell我買多套
因為前後都俾左四千幾，應該都會讀英藝啦

再次多謝你地意見

作者: estherangel 時間: 12-3-19 11:22

jamielam88

我女都應該會讀英藝, 佢10月插班, 你仔仔呢?

作者: jamielam88 時間: 12-3-20 02:09

estherangel, 我搵左九月中返學，讀主流下午，你囡囡呢？

作者: estherangel 時間: 12-3-20 10:43

我女係主流上午呀~

作者: jamielam88 時間: 12-3-21 05:24

回復 estherangel 的帖子

雖然唔同班，得閒交流下啦～

作者: mamavio 時間: 12-3-21 14:24

回復 estherangel 的帖子

estherangel,  我囡囡都係讀主流上午, 不過佢11月先插班
我地o既囡囡會做同學 =)  你有冇番英藝 playgroup?
我囡囡番緊星期二 & 四, 佢好鍾意, 次次都玩得好開心 !

作者: estherangel 時間: 12-3-22 10:43

jamielam88
好呀~ 大家keep in touch~

Mamavio:
我女女無返英藝PLAYGROUP 呀, 因為之前返緊其他, 而家岩岩完左, 我都諗緊好唔好比佢返英藝PLAYGROUP 定係唔好返等遲D 返學呀~

作者: gracedolly 時間: 12-3-22 11:15 標題: 回覆：N1讀德福定九龍塘英藝好呢

我囡囡上過英藝playgroup，也覺得老師職員好好禮貌，對小朋友好好~^^

歡迎光臨教育王國 (/)