教育王國

標題: Ａ仔的牙科手術 [打印本頁]

作者: muimui5 時間: 12-3-5 12:04 標題: Ａ仔的牙科手術

囡囡4歲，兩个月前開始間中食飯時大喊，初時以為生痱兹，後來有次吃糖都喊，才想起係蛀牙。上星期找私家兒童牙醫check過，話有隻大牙蛀得幾深，而亞囡又好唔合作，要安排全身痳醉(兒童牙醫專用果隻)，照X-ray睇吓需否先迫"道牙根"才補反隻牙。

我想聽多個意見，所以今朝帶佢去公務員牙科看了急症，蛀牙是confirm的，但佢果度攪唔掂亞囡，所以refer5月頭去麥理浩兒童牙科。Daddy問醫生亞囡會唔會要"全痲"才treat到，醫生卻認為為補隻牙將小朋友"全痲"風險几大。

想問有冇小朋友做過"全痲"的牙科手術？家長覺得有冇副作用？應該盡快在私家treat咗佢，定得睇埋麥理浩兒童牙科先決定？睇過麥理浩兒童牙科的家長又覺得果度treat A仔 OK or not？

作者: chamman2004 時間: 12-3-8 00:06

仔仔五歲在張虹莉牙醫處做全麻杜牙根、牙套及補牙，很快很好

作者: ivybibi 時間: 12-3-8 12:21

我個囝係私家醫生度做，佢地唔係叫全身麻醉，叫鎮靜!風險無咁大!先比D氣佢聞，聞聞下就瞓覺覺，之後有個麻醉科醫生在場睇住鎮靜藥物的濃度!做完牙科手術之後就會叫醒個小朋友，初時起身個小朋友好似未瞓醒發緊夢咁，半小時就同平時一樣。我個囝近4年做過2次，我唔覺佢有咩副作用!詳細可以打去問下兒童齒科的醫生!

作者: 路過的人 時間: 12-3-8 15:08

chamman2004 發表於 12-3-8 00:06
仔仔五歲在張虹莉牙醫處做全麻杜牙根、牙套及補牙，很快很好

請問妳仔仔是否一隻抑或多隻牙做杜牙根、牙套及補牙? 全部要幾多費用?

作者: muimui5 時間: 12-3-9 12:02

牙醫堤提供的資料刻都是「牙科鎮靜」，但該診所的鎮靜程序除了聞氣也有注射鎮靜劑。

問過去麥理浩兒童牙科，佢地初診後再排期去公立醫院做「牙科鎮靜」要等一年次以上。

既然亞囡在短期內變得冷靜合作的機會好底，我們唯有盡快在私家treat咗佢，以免僅餘的一年半黃金訓練期受這毛病拖累。已約了下星期去做。

作者: B媽-Blue 時間: 12-3-28 21:01

小朋友牙註得好快,等咁耐,3,2個月就註晒喇

歡迎光臨教育王國 (/)