教育王國

標題: 細囡PN面試之我感 [打印本頁]

作者: maggie_devilkin 時間: 12-3-3 23:05 標題: 細囡PN面試之我感

純粹分享個人經驗
囡囡28／12／10出世，諗住先試下做細囡，唔得先做大囡，同埋打算讀半年後會再搵K1,所以搵學校是大包圍式。
我係上年8、9月就上網搵屋企附近的學校資料同評價。我本身住港島東，唔想阿囡太攰，所以冇校車的無揀。最後報左聖安娜，明我，啟思，衛理堂，民生，迦南同寶寶。
其他如維記，SPN,蘇浙因為有限9月後出世唔收就放棄，救世軍要有出世紙即刻排隊先得就無法。

作者: maggie_devilkin 時間: 12-3-3 23:17 標題: 回覆：細囡PN面試之我感

聖安娜：阿囡11個月大就in, 大概是要小朋友在課室自己搵位玩玩具，老師會輪住問家長問題如日常習慣同興趣，我阿囡輪尾二，本來坐定定，玩左10mins後開始走去攞其他玩具都未問到佢。結果是waiting list。

啟思：13個月Interview, 事前學校有Open playground俾小朋友玩。之後playgp形式，小朋友坐前面大人坐後面，先同人形公仔打招呼握手，跟住老師俾蘋果，要單手攞，俾媽媽，再擺番入籃，之後再唱歌掂下眼耳口鼻（大概），老師會派禮物，再拖手出班房。阿囡做到70%,都是waiting

作者: maggie_devilkin 時間: 12-3-3 23:42 標題: 回覆：細囡PN面試之我感

明我： 13個月大時interview,好多人感覺似去做証件。流水式作業，先是家長同小朋友在一個好嘈的area等，之後嗌number去第二個area玩玩具，但是玩具不足以分俾咁多小朋友，中間D小朋友會俾人嗌出去再有D新的入，得1個老師睇場（唔知有冇mark分）。

之後會有人嗌number叫你見老師，個area是十張獨立枱，每枱相距1個大人位置，邊個counter有位就見邊個。一問就問阿囡邊個帶佢來，爸爸係邊度。再要佢攞蘋果同碟，俾張圖佢睇問阿囡是乜嘢（電視同車）

中間老師comment阿囡乜都唔識講(13mth想點？！），最好笑係in個陣隔離枱個老師未有嘢居然同阿囡玩peekaboo

最後再排隊去校長室拎禮物，老師剩講話會收9月出世的先。結果都是waiting list

作者: maggie_devilkin 時間: 12-3-4 00:28 標題: 回覆：細囡PN面試之我感

衛理堂：安排好妥善，老師好有愛心。先在Church入面等，之後上班房，自由選擇要的玩具同坐的位置，中間老師會陪小朋友玩下。跟住會圍圏坐，先同兔仔公仔打招呼握手，再輪住派沙槌，跟隨音樂玩同停，再跟住老師將沙槌掂頭、身、腳，將沙槌放番入籃，拖手出班房。阿囡完成80%,都是waiting list

作者: maggie_devilkin 時間: 12-3-4 00:37 標題: 回覆：細囡PN面試之我感

迦南：安排唔差。老師一開始集合大家做簡介會同參觀校舍。之後就同其他小朋友在班房玩玩具，再2個家長陪小朋友去第二間房面試。坐底老師問佢同邊個嚟，跟住同阿囡玩推車仔，要推番俾老師。之後玩Lego,都砌到上去但唔穩陣。又有4幅交通工具相叫阿囡指，有巴士、van仔、飛機同的士，走個時老師送禮物俾佢，阿囡90%完成，終於有pm offer

作者: karenbabe 時間: 12-3-4 00:42 標題: 回覆：細囡PN面試之我感

細女真係好唔著數，細仔就更甚。
做大女吧

作者: maggie_devilkin 時間: 12-3-4 00:45 標題: 回覆：細囡PN面試之我感

寶寶：有校長主講的簡介會，講明唔會interview同不限年齡，會用地址選學生，不收手續費。校舍較細，老師較少，但有蒙特梭利教材，學校有熱誠，而家等結果。
民生：仲未收到信interview,遲D再寫會考乜

作者: maggie_devilkin 時間: 12-3-4 01:03 標題: 回覆：細囡PN面試之我感

總括經驗，細B較易攰同分心，前一日要休息夠。面試多數要等，我會帶定幾本書仔俾阿囡坐定D。事前15mins可以同BB去學校附近的公園玩下熱下身。Group Interview好像playgroup形式最好坐第3-5張椅子（左右靠運氣），咁BB可以模仿前面個幾個又唔使等太耐先分到玩具。重有唔好坐超大B附近，一來表現有比較，二來好多時阿B玩的玩具會俾大D的小朋友扲左去玩，咁阿B就無表現可言

最後，其實interview 結果都是一命二運三風水，大家順其自然啦。
希望其他媽咪都分享下，幫到其他及下年的細B家長啦

作者: IPSSJ 時間: 12-3-4 01:07 標題: 回覆：maggie_devilkin 的帖子

Even my girl is big girl, same feeling as u~ so stress!:;pppp:

作者: heihei225 時間: 12-3-4 08:30 標題: 回覆：細囡PN面試之我感

雖然我囝囝係大仔，面試都係靠運氣，佢有次剛病完，90%好番，狀態勁差，結果等緊見時勁摟計，係咁要抱同要走，無奈地唯有放棄唔見。其實佢無事嘅話，都表現唔錯㗎。民生下星期要註冊了，仲未in? 我感覺呢間學校係逐啲逐啲放位出來~ 可能仲有機會的~

作者: sophiamok1024 時間: 12-3-4 08:39

乜民生有 pn 班㗎咩?定係 playgroup呀?

作者: anniemyy 時間: 12-3-4 10:12 標題: 回覆：細囡PN面試之我感

maggie_devilkin,我都是東區媽媽，我

作者: anniemyy 時間: 12-3-4 10:22 標題: 回覆：細囡PN面試之我感

maggie_devilkin,我都是東區媽媽，我
個仔係10年7月b,報左啟思、迦南、明我和衛理堂，都係得啟思pm offer咋！感受同你一樣，但你個超細女都可以揀出年做大女，我個仔唔大唔細，冇得揀lu！

作者: maggie_devilkin 時間: 12-3-4 16:07 標題: 回覆：sophiamok1024 的帖子

北角民生有playgp, 都有PN呀，不過我知道有好多人已經in左加註冊左，有冇位剩真是未知之數

作者: maggie_devilkin 時間: 12-3-4 16:10 標題: 回覆：anniemyy 的帖子

我自己最鍾意衛理堂，其次就是啟思，至於am定pm真是無所謂

作者: joeywong000 時間: 12-3-4 23:36

no school accept my son yet.. he is sept , 2010

he did very bad during interview

作者: maggie_devilkin 時間: 12-3-5 00:49 標題: 回覆：細囡PN面試之我感

其實阿囡8個月個陣上過協康會辦的playgroup, 所以坐得定聽老師講嘢。至於拖手出入班房，收拾玩具，同人揮手講多謝就要每日在屋企要做，訓練好。真是要預備面試，可以多用手偶同BB玩，因為好多學校都有要BB同puppet握手。重有是大部分學校是用中文應試，要多用中文同BB傾計，認身體部分。

作者: McBonnie 時間: 12-3-5 09:59

我細女9月10年, PN面試問佢邊個係媽媽都唔識, 即用眼望我或指我都不懂. 只會攞比野人. 連BYE都唔識講. (我係屋企已經成日教) 相反, 大女6月生, 個年佢面試PN, 已經識指出邊個媽媽爸爸, 講BYE BYE, 根本好大分別.

作者: maggie_devilkin 時間: 12-3-5 18:13 標題: 回覆：細囡PN面試之我感

其實都是教得幾多得幾多，始終每個小朋友都有佢自己的成長步伐，所以每次我囡囡有小小進步我已經好開心

作者: De1020 時間: 12-3-5 21:44

提示: 作者被禁止或刪除內容自動屏蔽

作者: maggie_devilkin 時間: 12-3-5 23:44 標題: 回覆：細囡PN面試之我感

我諗要睇校評報告先知邊間好D，但我自己較喜歡啟思，一來有宗教背景，二來近屋企。不過好似啟思學費貴過迦南。

作者: tc001039 時間: 12-3-23 02:16

睇完我反而覺得，n班都係比bb返學開心玩，但又要interview，又要測試e樣果樣，好似bb得10幾個月人仔就push佢要識d咩咁，又要比較邊d bb 識多d嘢而收生~~~呢一代ge小朋友真係慘

btw 我女2011-8-31，係大b定細b?幾時開始報學校??? 我重諗緊讀n班好定等到k班先入學

作者: maggie_devilkin 時間: 12-3-30 13:41 標題: 回覆：tc001039 的帖子

一般9月後出世先叫細B。我自己若果是全職媽媽又可以成日陪BB的話，我諗我會等BB讀K1,之前個年上下playgroup就算

作者: jlglkl 時間: 12-3-30 14:08

回復 maggie_devilkin 的帖子

我都覺得協康會辦的playgroup真不錯, 老師教小朋友坐定定及訓練小朋友唔好搶玩具。值得一讚!!

作者: maggie_devilkin 時間: 12-3-30 20:14 標題: 回覆：jlglkl 的帖子

協康會的playgp我都好鍾意，可惜收得好少學生，成3個月先有班，同埋先到先得，成日都報唔到

作者: lovelytoki 時間: 12-3-30 21:05 標題: 回覆：maggie_devilkin 的帖子

協康會的pg 喺邊度上堂架？
我都係住東區^ ^報嘅n1都同樓主有啲相同，個仔係2010年9月，得啟思，明我，嶺南躍思收，聖安娜，明慧waiting, victoria同衛理堂就無去in. 好快我地可能又要in k1，我個仔而家仲未係好識守秩序，又唔識講野，而家好擔心。

作者: lovelytoki 時間: 12-3-30 22:42 標題: 回覆：maggie_devilkin 的帖子

我想問下，個pg名叫樂兒社交遊戲小組呀？

作者: maggie_devilkin 時間: 12-3-30 23:38 標題: 回覆：lovelytoki 的帖子

協康會在柴灣同將軍澳都有center,唔同年齡有唔同的pg,要上網search

作者: Julie830 時間: 12-3-31 00:27

回復 tc001039 的帖子

You better start looking for school now,most of the Pre-nursery application start from Sept, don't miss it....my baby girl is 2010Aug and I miss a lot of application last Sept..

作者: maggie_devilkin 時間: 12-3-31 20:00 標題: 回覆：細囡PN面試之我感

今早終於in民生，但是阿囡扭眼瞓，表現好差，可能要收reject letter

面試前學校有indoor playground 俾小朋友玩，都幾多大型玩具。之後嗌名入課室，6個小朋友連同2個大人。跟住坐低玩玩具，老師會過來叫小朋友，問佢爸爸媽媽係邊，要佢指，跟住要佢give me five,俾玩具媽媽同老師。之後有外藉老師的story time 。臨走會送玩具。面試其間老師都有耐性，做唔到都會問多幾次先俾分。同埋interview都用好多英文, 平時只用中文的小朋友會輸蝕D

作者: lovelytoki 時間: 12-3-31 23:22 標題: 回覆：maggie_devilkin 的帖子

點解咁遲先in 民生嘅？

作者: lalamike 時間: 12-4-1 00:10

我都係東區mama，囝囝係6月b，in的學校同你相若，其中，只係報咗但無in衛理堂，同埋無報迦南！
識好多mama，大b(指的是1-3月出世果d)的通常10間in8間收，過9月的，機會就已細好多了！雖然我bb唔算細b，有時都鄧其他bb唔公平！
其實你囡囡好叻，12月細女入到迦南！要鄧佢開心呀~~加油！
不過，如果不是太心儀迦南，出年再報n1做大女，其實好有着數！好多學校一定爭住收！

作者: tc001039 時間: 12-4-2 00:39

回復 Julie830 的帖子

Thanks for the reminder

作者: nlj1216 時間: 12-4-2 19:44

My daughter was born on 29 Dec 09...we initially didn't want to send her to PN for admittance 2011/2012 so we applied for 3-4 PNs only. Two accepted her to their PM (the location is inconvenient, the other one is far from home), one didn't even her for an interview as their PN class is all full and another one put her on waiting list. The one that she was on the waiting list ...ultimately notified us in Dec 2011 that she can join in Feb 2012. We feel that it is highly unlikely that they will really offer as they will take all kids who have reached 2 years old at the time they start school first before admitting the ones later on (well both from a development perspective; and also from commercial perspective).

作者: olivia511 時間: 12-4-3 08:39

我個女住南區, 係1010B, 我唔鍾意佢未到一歲就去interview, 成舊飯咁! 失敗率高, 到時我忍唔住鬧佢蠢過D大B就無謂啦!

所以我係拖到啟思網上報名close之前一刻先入form, 最終係3月頭佢17個月大時interview, 得到PM offer~

其他就更加係呢個星期近歲半先入表, 都真係好多會已經預晒位俾大B, 唔再安排interview住, 學位似乎係少過想入學既人數好多, 爭唔到都好平常....

作者: florence118 時間: 12-4-3 13:31

協康會playground大約幾錢

作者: SYHC 時間: 12-4-3 16:39

我個仔1月出世, 大B啦, 不過都係要睇間幼稚園囉, 評分準則唔知係咩. 佢IN LH, 我個人認為阿仔表現好好, 100%完成, 一樣WAIT LIST, 有人話佢地留番D世襲位比個D雖然表現唔係太好, 但因為有家姐阿哥讀緊. 所以話, 唔止係細B唔著數, 其實第一個小朋友都係無咁著數架啦....同埋真係好睇間學校準則囉, 不過LEE樣嘢就通常估唔到, 所以做家長要睇開D, 覺得自己個仔女係寶就得啦

作者: maggie_devilkin 時間: 12-4-3 18:10 標題: 引用：協康會playground大約幾錢

原帖由 florence118 於 12-04-03 發表
協康會playground大約幾錢

唔同年齡唔同價錢，仲有分認知或體能的班。幼兒playgroup外的班是俾有自閉同ADHD傾向的小朋友，要上網睇清楚。

作者: maggie_devilkin 時間: 12-8-25 20:55 標題: 回覆：maggie_devilkin 的帖子

推post

希望上年面試的經驗可以幫到今年的細B媽媽作參考。

作者: Peababylau 時間: 12-8-25 22:24 標題: 回覆：細囡PN面試之我感

Thank you for the detailed info!!

作者: ekhc 時間: 12-8-25 22:43

very nice sharing ~~

作者: everchan 時間: 12-9-5 16:33

唉, 慘啦, 我個2隻豬仔, 依家13個月大, 好似咩都唔識咁. 只係識拍手, 叫佢拜拜基本上90%係冇反應. 其他野更加係唔識. 咁點去interview丫.....

作者: 菠蘿媽媽 時間: 12-9-5 23:20 標題: 回覆：細囡PN面試之我感

我都想同大家分享。首先，我個囡係Sep 2010細b, 我只係報屋企附近慨KG,因為方便d.因為自知細女輸蝕，所以平常心面對，有人收就讀，冇就K1先再戰。
好好彩一開個就有間新開嘅學校有AM offer, 咁其後嘅interview 就好輕鬆。就因為咁反而收到兩三個offer.
個人經歷，我覺得揀家長多過揀小朋友，因為咁細個人仔可以有咩expectation 呢，即使大b都未必表現好。
所以，平常心最重要！

作者: mickey_lai78 時間: 12-9-6 23:32

Maggie, thanks for sharing ! 咁你1月插班後諗住出年原校上K1 or 再報其他學校K1 ? or N1 again then become 大仔?

作者: maggie_devilkin 時間: 12-9-7 17:38 標題: 引用：Maggie,+thanks+for+sharing+!+咁你1月插班

原帖由 mickey_lai78 於 12-09-06 發表
Maggie, thanks for sharing ! 咁你1月插班後諗住出年原校上K1 or 再報其他學校K1 ? or N1 again then beco ...

Update下近況。阿囡而家一、三、五返太古城寶寶幼兒學校下午（~2hrs), 二、四返Victoria playgroup AM(~1.5hrs)。下年二月足兩歲2個月會讀返迦南。今年我會報考心儀的K1同部分只收大囡的N1。若果唔得就原校升讀下年再考K1。其實都怕阿囡細個返學會好攰，而家睇下佢適應成點，再睇下cut 唔cut playgroup。

作者: mamath 時間: 12-9-7 18:12

maggie_devilkin 發表於 12-9-7 17:38
Update下近況。阿囡而家一、三、五返太古城寶寶幼兒學校下午（~2hrs), 二、四返Victoria playgroup AM(~1.5 ...

Thanks for sharing. My son is a Dec 2011 small b, I think I need to adjust my expectation and prepare for the worse... In fact, how did a 13 month baby take interview? Did you train her at home?

作者: Makminnie 時間: 12-9-7 18:42 標題: 回覆：細囡PN面試之我感

我個女係今年6月出世，想揾定資料，邊間N班要出世就要報吖？維多利亞play groud我就報咗啦！

作者: maggie_devilkin 時間: 12-9-7 20:30 標題: 引用：Quote:maggie_devilkin+發表於+12-9-7+17:3

原帖由 mamath 於 12-09-07 發表
Thanks for sharing. My son is a Dec 2011 small b, I think I need to adjust my expectation and prep ...

大部分的訓練都融合在日常生活。例如執玩具，我一開始（~9mths)是將波波池的波波倒落地,再要佢用手執，再放落布籃(Ikea)，一來訓練手指活動，二來俾個concept about "Tidy up",每次玩完玩具都會唱首tidy up song，久而久之佢就學識放番玩具去原位。記得用玩的形式，佢做到小小都勁讚佢，同埋大人自己都要有手尾，好快就學到tidy up。

作者: maggie_devilkin 時間: 12-9-7 20:32 標題: 引用：我個女係今年6月出世，想揾定資料，邊間N班

原帖由 Makminnie 於 12-09-07 發表
我個女係今年6月出世，想揾定資料，邊間N班要出世就要報吖？維多利亞play groud我就報咗啦！

...

我剩知救世軍同Victoria playgroup要一出世就排

作者: maggie_devilkin 時間: 12-9-7 20:41 標題: 回覆：細囡PN面試之我感

重有是多撘唔同種類的交通工具，再不厭其煩咁講佢知，平時玩的車仔是巴士，的士同小巴。阿囡13mth考迦南，見到老師提佢會知要揮手，老師一拎起架車就即刻叫Car。問佢交通工具佢唔識講未識指但都會眼定定望住正確答案。同埋老師俾禮物佢，佢望我一下，我掂下分禮物話拎得佢先攞。所以果次佢拎到offer,其他都是waiting

作者: wilsus 時間: 12-9-8 01:24

回復 everchan 的帖子

everchan,ha ha 我隻仔都係13個月..都係淨識拍手同腳仔落地..
其他byebye,比野,叫媽都未識..來緊11月巳有d開始in..
點好le??

作者: szesze127 時間: 12-9-8 06:23 標題: 回覆：wilsus 的帖子

我仔而家12個月，基本上叫佢byebye九成不會做，但如果見到鍾意的人，會自己揮手hi，同埋我真係唔覺得咁細個會識認圖認顏色喎？

我都好擔心！

作者: torunpoland 時間: 12-9-8 10:05 標題: 回覆：szesze127 的帖子

Don't worry! It is not your kid who had problems in the interview. However it is the nursery which has unreasonable demand on such young kids. Take your time to teach your kid some basic knowledge with no pressure on them, as a kind of parent-kid activity. Accept that they can't do it when they can't. There's nothing to worry about!

作者: mrsma1120 時間: 12-9-8 10:58

THANK YOU SHARING

作者: rabbitnok 時間: 12-9-8 11:57 標題: 回覆：細囡PN面試之我感

我個B囝係2011/12細B, 多謝你哋的分享，我要幫佢開始練習吓!

作者: mrs.frog 時間: 12-9-8 17:49 標題: 回覆：細囡PN面試之我感

細B媽媽們，努力啊

作者: mimi1102 時間: 12-9-9 08:53 標題: 回覆：細囡PN面試之我感

我女見到陌生人會喊，都唔知點算

作者: choikiuma 時間: 12-9-10 12:07

thx for sharing

作者: maggie_devilkin 時間: 12-11-21 09:16 標題: 回覆：細囡PN面試之我感

今年的細B同媽媽們要加油呀

作者: Catonmama 時間: 12-11-23 10:22

Maggie, 我見到你之前講話會上寶寶一,三,五下午, 是pg嗎? 因為我都有報佢地pg...但係仲未排到我呀~~ 同埋pg好似排到兩歲前, 我個仔都已經16個月, 都唔知排唔排到呢~

作者: maggie_devilkin 時間: 13-9-28 16:11 標題: 引用：推post希望上年面試的經驗可以幫到今年的細

原帖由 maggie_devilkin 於 12-08-25 發表
推post希望上年面試的經驗可以幫到今年的細B媽媽作參考。

今年再推post分享。希望幫到大家。大家加油！

作者: mmlaw 時間: 13-9-28 18:50 標題: 回覆：細囡PN面試之我感

如果面試時小朋友扭計大家會點做？

作者: maggie_devilkin 時間: 13-9-28 19:38 標題: 引用：如果面試時小朋友扭計大家會點做？ +

原帖由 mmlaw 於 13-09-28 發表
如果面試時小朋友扭計大家會點做？

無辦法

當同學校無緣份

或者可以試下俾粒糖氹下佢睇下有無機會乖番

作者: mmlaw 時間: 13-9-28 19:47 標題: 回覆：細囡PN面試之我感

如果面試時小朋友扭計大家會點做？

作者: mmlaw 時間: 13-9-28 19:55 標題: 回覆：maggie_devilkin 的帖子

小朋友扭起計上黎真係點氹都無用

有時候好地地但忽然間又會扭計，唉～～

作者: apple_love 時間: 13-9-28 20:52 標題: 引用：小朋友扭起計上黎真係點氹都無用有時候好地

原帖由 mmlaw 於 13-09-28 發表
小朋友扭起計上黎真係點氹都無用有時候好地地但忽然間又會扭計，唉～～

...

我會由佢，因為我仔扭計時如果夾硬迫佢坐定聽指令，佢會更扭。我會嘗試氹下佢，晤得都冇計

作者: yellowbena0308 時間: 13-9-29 12:00 標題: 引用：唉,+慘啦,+我個2隻豬仔,+依家13個月大,+好

原帖由 everchan 於 12-09-05 發表
唉, 慘啦, 我個2隻豬仔, 依家13個月大, 好似咩都唔識咁. 只係識拍手, 叫佢拜拜基本上90%係冇反應. 其他野 ...

我仔快12個月，情況同你一樣，身同感受。其他人成日話我要教佢多啲，但我唔想咁細個就迫佢吸引咁多野。好矛盾

作者: bbgoolooo 時間: 13-9-30 23:37

我個仔而家13個月, 我幫佢applied左兩間PN. 請問 INTERVIEW 時駛唔駛阿B坐櫈仔? 還時家長可以抱住?

作者: apple_love 時間: 13-10-1 01:07 標題: 引用：我個仔而家13個月,+我幫佢applied左兩間PN.

原帖由 bbgoolooo 於 13-09-30 發表
我個仔而家13個月, 我幫佢applied左兩間PN. 請問 INTERVIEW 時駛唔駛阿B坐櫈仔? 還時家長可以抱住? ...

我聽好多媽媽話要坐櫈仔，媽媽坐隔離，老師坐對面。如果group in阿b坐前面，媽媽坐後面

作者: bbgoolooo 時間: 13-10-1 01:32

Thanks apple_love!
咁就大獲啦...我個仔坐唔定, 一坐佢就要扭計要走! 咁點算呀?
另外, Group in 阿b坐前面, 媽媽坐後面...咁係坐地下還是阿b同阿媽分開兩張櫈坐呀?

作者: apple_love 時間: 13-10-1 02:36 標題: 引用：Thanks+apple_love!+咁就大獲啦...我個仔坐

原帖由 bbgoolooo 於 13-10-01 發表
Thanks apple_love!
咁就大獲啦...我個仔坐唔定, 一坐佢就要扭計要走! 咁點算呀?
另外, Group in 阿b坐前 ...

唔駛客氣。你b宜家先13個月，應該係細b,細b通常遲d先in,好多都係去到出年先in,成幾個月之後，到時會無咁痴身架啦。至於group in,有d會各自坐櫈仔有d前後坐地下，我都係聽人講咋。group in通常考唱歌跳舞搖下啷啷，遞下嘢俾老師咁，所以其實你都好難可以抱住佢

作者: bbgoolooo 時間: 13-10-2 21:58

Oic..thanks! 咁有冇桌架? 阿B坐張大人櫈定係櫈仔呀? 如果我有我坐, 老師坐對面, 阿B又自己坐, 阿B咁細粒..老師會見唔倒阿B囉??

作者: maggie_devilkin 時間: 13-10-2 22:58 標題: 引用：Oic..thanks!++咁有冇桌架?++阿B坐張大人櫈

原帖由 bbgoolooo 於 13-10-02 發表
Oic..thanks! 咁有冇桌架? 阿B坐張大人櫈定係櫈仔呀? 如果我有我坐, 老師坐對面, 阿B又自己坐, 阿B咁細 ...

唔使緊張

Group in是冇枱，小朋友坐前排，媽媽坐後排，通常大家都是坐小朋友椅，有D係坐地下。老師就在前面講故事或唱歌或玩puppet睇小朋友會唔會跟指令。

作者: bbgoolooo 時間: 13-10-3 14:50

哦! 好難唔緊張, 阿b咁細, 要同d大b 爭學位

可唔可以講吓如果唔系 group in 既坐位安排? 謝謝!

作者: maggie_devilkin 時間: 13-10-3 15:24 標題: 引用：哦!++好難唔緊張,+阿b咁細,+要同d大b+爭學

原帖由 bbgoolooo 於 13-10-03 發表
哦! 好難唔緊張, 阿b咁細, 要同d大b 爭學位
可唔可以講吓如果唔系 group in 既坐位安排? 謝謝! ...

單對單in會有枱，老師坐對面，小朋友同家長平排坐，一人一張椅。你太擔心小朋友坐唔定，一係去報playgroup習慣下，一係在屋企玩「扮見老師」遊戲。平常心啦，大人太緊張，細路仔仲驚仲扭，表現出來差D仲弊呀。

作者: bbgoolooo 時間: 13-10-3 17:01

回復 maggie_devilkin 的帖子

唔該哂!

作者: apple_love 時間: 13-10-3 17:32 標題: 引用：回復+maggie_devilkin+的帖子唔該哂!+

原帖由 bbgoolooo 於 13-10-03 發表
回復 maggie_devilkin 的帖子

唔該哂!

唔好擔心啦，我仔係大b都坐唔定架，迫佢坐會發脾氣，所以我都係平常心面對。

作者: JamBBoy 時間: 13-10-4 08:48 標題: 回覆：maggie_devilkin 的帖子

Maggie媽媽真係好有心幫細B，你嘅sharing好有用，多謝你！我個係12年10月細B，剛有學校安排11月面試，到時我B正正得13個月大！我會參考你嘅意見去train下阿B先，希望唔駛陪跑有offer

作者: everchan 時間: 13-10-4 10:56

舊年去pn interview, 有時覺得d學校問的問題真係好白癡, 個14,15個月人仔, 問佢識唔識講自己個名, 叫佢拿個紅色的物件俾老師....講真, 顏色我個仔依家2歲, 都未必得清丫..

作者: bbgoolooo 時間: 13-10-4 14:38

回復 JamBBoy 的帖子

對啊! 多謝Maggie 媽媽同 apple_love 媽媽的分享! 我都要努力 Train 吓我個b先! 大家加油啊!

作者: maggie_devilkin 時間: 14-6-27 07:18 標題: 回覆：細囡PN面試之我感

見到最近又多左細B家長的煩惱，希望差不多3年前的經驗，可以俾大家一個分享

作者: lambeanmama 時間: 14-6-27 08:48 標題: 回覆：maggie_devilkin 的帖子

very useful info.my boy is Dec 2013 baby, think will skip the N class interview this year.... too competitive... bext year, will try both N and K together

作者: tmko 時間: 14-6-27 10:02

我囡都係2013年12尾出世的超細B，都係搵緊出年入學的PN，大家加油﹗

作者: bin 時間: 14-7-15 11:00

我都係13年12月B 女, 我都會嘗試今年搵屋企就近的N 班, 睇下可以唔可以二月插到班~

作者: lemonkum 時間: 14-7-19 12:23

先同人形公仔打招呼握手，跟住老師俾蘋果，要單手攞，俾媽媽，再擺番入籃，之後再唱歌掂下眼耳口鼻（大概）

我B12個月未識指任何野喎....

作者: lambeanmama 時間: 14-7-19 22:34 標題: 引用：我囡都係2013年12尾出世的超細B，都係搵緊

原帖由 tmko 於 14-06-27 發表
我囡都係2013年12尾出世的超細B，都係搵緊出年入學的PN，大家加油﹗

但就算收左，都要2015年12月足兩歲先開學，學校會等咁耐嗎？

作者: tmko 時間: 14-8-2 12:19 標題: 引用：Quote:原帖由+tmko+於+14-06-27+發表我囡都

原帖由 lambeanmama 於 14-07-19 發表
但就算收左，都要2015年12月足兩歲先開學，學校會等咁耐嗎？

博插班

作者: c_kai_ming 時間: 14-8-5 13:51

我個人感覺係看家長的成分比較多。有次同老師們傾計，佢地話其實小朋友咩都唔識係好正常。但就佢地觀察，如果家長本身係屬於計較型又或者本身欠缺禮貌，d小朋友一般會比較難管，而且不愛分享。諗落都有d point.

作者: Lucent 時間: 14-8-5 22:48 標題: 引用：見到最近又多左細B家長的煩惱，希望差不多3

原帖由 maggie_devilkin 於 14-06-27 發表
見到最近又多左細B家長的煩惱，希望差不多3年前的經驗，可以俾大家一個分享

...

Maggie, 想請問你小朋友最後做大B定細B？我想安排小朋友repeat k1, 去考一間好的幼稚園，因為我估做細B一定無好學校或任何學校收

作者: ivyleung0517 時間: 14-8-6 10:22 標題: 回覆：細囡PN面試之我感

我女都係13年12月細b,準備今年報東區pn,各位媽媽加油

作者: maggie_devilkin 時間: 14-8-6 21:14 標題: 引用：Quote:原帖由+maggie_devilkin+於+14-06-27

原帖由 Lucent 於 14-08-05 發表
Maggie, 想請問你小朋友最後做大B定細B？我想安排小朋友repeat k1, 去考一間好的幼稚園，因為我估做細B一定 ...

最後做細女waiting入左女龍校，真是好好彩。

作者: Lucent 時間: 14-8-6 21:51 標題: 引用：Quote:原帖由+Lucent+於+14-08-05+發表Magg

原帖由 maggie_devilkin 於 14-08-06 發表
最後做細女waiting入左女龍校，真是好好彩。

真幸運，我要努力訓練下小朋友先

作者: c_kai_ming 時間: 14-8-7 18:11

回覆 Lucent 的帖子

細細個就repeat ,真的無需要。好多學校唔收細b係因為佢地個牌唔比收，而唔係細b差。
我見間很多細b都不知進步得幾快。

不要浪費小孩同自己時間^^

作者: Lucent 時間: 14-8-7 18:40 標題: 引用：回覆+Lucent+的帖子細細個就repeat+,真的

原帖由 c_kai_ming 於 14-08-07 發表
回覆 Lucent 的帖子

細細個就repeat ,真的無需要。好多學校唔收細b係因為佢地個牌唔比收，而唔係細b差。

你意思是如果有學校收照做細B不用夾硬repeat?

作者: c_kai_ming 時間: 14-8-7 23:00

回覆 Lucent 的帖子

我個人認為係架。萬一大個左中學或預科有須要重讀的話，你的小孩不是比其他同齡的小朋友再慢多兩年？
這點是其次，最重要的是小朋友差一兩個月的差別真的有那麼大嗎？可能剛剛第一個月你會覺得小朋友喺學校戇居居乜都唔識，但過左一個月之後當小朋友熟習左學習環境後便會大好大進步。但家長其實唔應該將小朋友互相比較。點解人地小朋友咁叻識，自己的就好似舊飯咁。小朋友喺一至三歲時嘅學習能力係最快，所以喺佢地長期在一個用英/普/甚至係其他語言的環境下學習對佢地大個學習該語言係好有幫助。

如果有學校收，建議比小孩按正常進度去。

其實現時有些pn係專收細b,我喺其他post都有提過，因不是每間學校都可以收細b,所以好多都要等bb多歲先比佢地插班，令家長都以為細b比大b差。說穿了只是那些學校怕被投訴姐。

之前識一位校長，佢地係專收細b,仲為左收細b額外付出很多來拿到正式牌照。

如果你有興趣可以pm我，到時你聽下專業的意見。

歡迎光臨教育王國 (/)