教育王國
標題: 請問讀英中的仔女 英中大部分科用英文教,真的聽得明嗎? [打印本頁]
作者: princessisjudy 時間: 12-3-1 17:37 標題: 請問讀英中的仔女 英中大部分科用英文教,真的聽得明嗎?
請問讀英中的仔女 英中大部分科用英文教,真的聽得明嗎? 其實英文小學不多, 上到中學全部用英文教, 而果d老師英文都未必講得正, 你地d仔女上堂是否真的明白, 或是有些老師還會用中文再解釋一次(尤其數學, 科學) 定係出去補習, d 先生再用一次中文解釋清楚先明白? 我細個係band 1英中, 但以前係英文書中文教, 我d數學科學先明白噃, 你叫我聽英文??我估我上堂都唔會明得哂!! 或者現在時代不同, 小朋友英文的聽力真係進步神速?? 請現在的家長分享一下
作者: Yanamami 時間: 12-3-1 21:45
本帖最後由 Yanamami 於 12-3-1 21:47 編輯
No problem at all. Kids are used to English TV programmes on Pearl/ Discovery/ TLC/ Home & Health....etc.
作者: ChiChiPaPa 時間: 12-3-1 22:09
英語科無問題。其它英語教的學科，在某些課題上會出現悶場，孩子就可能難以留心，不能完全理解和掌握有關課題的內容。始終，英語不是每位老師的母語，因此未必可以生動，有趣和深入淺出地表述每一課題。孩子可嘗試自行研習有關課題。中學是為大學作準備。去到大學，孩子不可能依賴教授會詳教每ㄧ課題細節，總要自己自行學習。
作者: Yanamami 時間: 12-3-1 23:21
係呀, 要先備課, 教完再溫習, weekend再大溫就perfect.
作者: gabriela0407 時間: 12-3-3 00:50
Yanamami 發表於 12-3-1 23:21 
係呀, 要先備課, 教完再溫習, weekend再大溫就perfect.
e+ d 中學生有冇時間做到e 樣野呀??? 小學生都冇時間啦.~~
作者: Lilo 時間: 12-3-3 00:53 標題: 回覆：請問讀英中的仔女 英中大部分科用英文教,真的聽得明嗎?
我地以前都係咁升啦，當年仲無咁多機會接觸英文，咪又係咁讀，冇乜問題？如果真係怕追唔上，暑假咪睇下d教科書，查定字典
作者: ChiChiPaPa 時間: 12-3-3 08:08
回復 gabriela0407 的帖子
無時間，因要打機，上網，追劇，刨小說，看短篇，睇漫畫，行街，課外活動......不過，我覺得只要上課時留心，不明時發問，都OK。
作者: CrabPincers 時間: 12-3-3 17:39
gabriela0407 發表於 12-3-3 00:50 
e+ d 中學生有冇時間做到e 樣野呀??? 小學生都冇時間啦.~~
還每晚有時間上FB
溫書, 練琴
BTW, 佢中一暑假時, 已經自己預習中二的MATHS
作者: vincher 時間: 12-3-3 23:01
這方法不錯！都是網友教：is 科 多買一本中文版的
作者: gabriela0407 時間: 12-3-4 04:12
本帖最後由 gabriela0407 於 12-3-4 04:18 編輯
"e+ d 中學生有冇時間做到e 樣野呀??? 小學生都冇時間啦.~~"
各位朋友, e句說話唔係反對Yanamami 的說話, 只係覺得難做到"先備課, 教完再溫習, weekend再大溫", 當然做到就perfect, 做到的小朋友就更難得, 他們一定好叻, 好乖. 其實小朋友做到肯溫習, 在家長來講已經安樂.
講真現在的小朋友, 有邊個真係一樣課外活動唔駛去上(不計核心科目, 都要上樂器或運動其一)
打機，上網~~~~我家就只得電腦, 但不可上網打機, 但現在小學就要你做網上功課, 中/英/數/常/音(有d係硬性, 有d可不做), 內聯網簡中又有功課, 仲不只, 突然一張通告又叫你上個"天文, 地理, 數理, 語文".....之網, 個網又要做評核, 考試等. 跟本每日都一定要接觸下個電腦.
刨小說，看短篇~~~~學校要你寫閱讀報告, 英文報紙寫生字解釋, 寫感想. 而未必小朋友真心想睇自己喜歡的內容.
小學就更玩借圖書多有獎. 我唔係話睇多圖書唔好, 而係因個獎先去借多d圖書, 仲要係唔知個小朋友有冇睇. 所以我用個"借"字. (我小朋友果間係咁), 我相信不少家長在圖書館都睇過, 一個小朋友拎一大堆圖書在桌上不停低下頭係咁抄呀抄, 寫呀寫, 原來為交學校要求的一定數量的"睇圖書"功課. 希望拎"金獎".
至於追劇(爸爸要睇, 係想放鬆下個腦, 唔好諗公司野, 媽媽要睇又係放鬆下個腦, 同時比小朋友做功課, 不打擾他們.
睇漫畫書~~~~我家又係冇
行街~~~~我家都好少行街, 我日日在家做書童, 簡中發癲都想出家門行下啦.
日日睇住佢地6點/6點30起身, 背住個鬼死咁重的書包返學, 放學又話要上:紀律團隊, 泳隊, 球隊, 合唱團/樂器團, drama, 離校5,6點, 搭車回到家都6-8點, 咁你都比佢休息下, 隻眼隻望下個tv, 唔夠一陣又要佢洗澡, 食飯...都未完. 仲有大事等住. 食完飯.....又開始!!!
做一大批的功課,,,,,,,,,,,,,,,,,,,,有時睇見佢地咁真係好辛苦, 咁比佢地上下fb, 打下機, 追下劇, 睇下喜歡的漫畫. 又有何不可呢.(當然時間唔可以太長啦).
咁佢地做到放鬆d 的氣氛, 而又考試冇唔合格, 就好好了.
"我覺得只要上課時留心，不明時發問。上課留心非常重要"
以上2句, 我家都不時提到, 暫時我2個小朋友都叫做到.
小學生, 中學生真的很辛苦嫁, 累在兒女身, 痛在父母心.
作者: kilykilyk 時間: 12-3-4 21:05
本帖最後由 kilykilyk 於 12-3-4 21:19 編輯
princessisjudy 發表於 12-3-1 17:37
請問讀英中的仔女 英中大部分科用英文教,真的聽得明嗎? 其實英文小學不多, 上到中學全部用英文教, 而果d老 ...
我覺得視乎小朋友學習能力,我囝囝都係中文小學升讀band 1英中,IS係外國人教,
最初我都問囝囝會否聽唔明,佢話無乜問題,再睇番佢啲成績係唔錯,咁就放心了,
現在到咗下學期,囝囝話聽慣咗同講慣咗英文,有啲嘢慣用英文表達,唔記得中文點講,
話要練番啲中文,哈哈
作者: ha8mo 時間: 12-3-5 11:31
提示: 作者被禁止或刪除 內容自動屏蔽
作者: Wishsss 時間: 12-3-20 02:27
回復 gabriela0407 的帖子
累在兒女身, 痛在父母心
作者: presents 時間: 12-3-21 09:02
提示: 作者被禁止或刪除 內容自動屏蔽
作者: irisyan 時間: 12-3-31 14:56
應該沒問題，適應就好，亞女讀得比小學輕鬆多了，不用補習，學業成績基本滿意！
作者: rhizoid 時間: 12-5-19 12:38
本帖最後由 rhizoid 於 12-5-20 21:34 編輯
其實無問題架，因為一般F1課程好多同小學重複，只要上堂留少少心就好快掌握到，而且對學英文都叫有少少幫助添
況且真係唔明的話用中文問返個老師，我相信十有八九都肯答
其實所謂英文教授，係d terms用英文姐，唔洗太緊張
只要唔係有明顯既學習困難(完全乜都唔明，上堂訓覺)，就無問題架啦
作者: Caduceus 時間: 12-5-21 12:13
我覺得英文一定要１對１補
仲有補習老師一定要一係母語係英文，一係就海外回歸
我而家個仔都係甘樣補左２年
同鬼佬講野基本都無問題
作者: princessisjudy 時間: 12-8-17 16:23
多謝各位意見!!而家d小朋友真係比我地個年代叻, 記得以前我以在村校全級第三的成績入讀band 1英中, 我英文堂基本上未聽得明哂老師的要求及功課, 哈哈
作者: laumanwinnie 時間: 12-10-9 23:34
提示: 作者被禁止或刪除 內容自動屏蔽
作者: hw1115 時間: 12-10-10 06:27 標題: 回覆：gabriela0407 的帖子
哈!我有時都會好似你的想法：仔仔剛升中一個多月,一星期三日課外活動、我只求佢做晒功課,其他備課、溫書通通企埋一邊先，睇睇上學期戰績如何先啦!
作者: 142526 時間: 12-10-10 08:09
回復 hw1115 的帖子
我仔功課唔多,而家賴左好多,d英文spelling唔知點解會甘差?好似回到小三,d數學就從未見佢甘差,其實d數好淺.不知發生什麼事?英文科是外籍老師教,他說老師的說話佢地全班都明,無問題,但我就唔鐘意,因為由開學到今,只改過一次作文,
其它是上堂一起對,我想佢轉往小班教,因小班是香港人老師教,但佢唔制.其它科需然都係英文教,佢話聽無問題,不過快測唔合格者.無計.
作者: 瑄婷 時間: 12-10-10 08:16 標題: 引用：回復+hw1115+的帖子
我仔功課唔多,而家賴
原帖由 142526 於 12-10-10 發表
回復 hw1115 的帖子
我仔功課唔多,而家賴左好多,d英文spelling唔知點解會甘差?好似回到小三,d數學就從未見 ...
作者: 杰杰媽媽 時間: 12-10-10 09:48
本帖最後由 杰杰媽媽 於 12-10-10 09:49 編輯
我仔最差係中&英文,佢話有時會聽唔明老師叫做咩,但平時上堂既多數都聽得明,我係見佢有時唔知功課做邊,打去問同學,佢一開學已經拎左幾個同學電話
仲好開心咁同我講, 間中會俾中/數/中史老師讚佢note mark得好.
作者: hw1115 時間: 12-10-10 10:18
142526 發表於 12-10-10 08:09
回復 hw1115 的帖子
我仔功課唔多,而家賴左好多,d英文spelling唔知點解會甘差?好似回到小三,d數學就從未見 ...
d英文spelling + tenses 係阿仔的 weak point, 死症, 要靠佢自己有日開 hill 自己去記.
作者: Meikin 時間: 12-10-10 13:48
本帖最後由 Meikin 於 12-10-10 13:50 編輯
好快就適應, 因為好多科都是用英文, 工多藝熟.
頭半年會辛苦一些, 因為測驗考試超多英文字要記, 答題目一寫錯字就全題沒分, 唔似小學咁只係扣少少分. 但日積月累, 你會發覺孩子們下學期尾又比開學時好咗D, 今年阿仔升中二, 那天睇佢做份英文book report, 雖不至好好, 但起碼順暢好多, make sense好多.
作者: 杰杰媽媽 時間: 12-10-10 14:28
本帖最後由 杰杰媽媽 於 12-10-10 14:28 編輯
咁我都會俾一年時間佢適應,因為佢間小學d英文水平低,要多d時間補底
作者: chiu0128mama 時間: 12-10-11 10:52
回復 gabriela0407 的帖子
日日睇住佢地6點/6點30起身, 背住個鬼死咁重的書包返學, 放學又話要上:紀律團隊, 泳隊, 球隊, 合唱團/樂器團, drama, 離校5,6點, 搭車回到家都6-8點, 咁你都比佢休息下, 隻眼隻望下個tv, 唔夠一陣又要佢洗澡, 食飯...都未完. 仲有大事等住. 食完飯.....又開始!!!
絕對絕對同意 . 
作者: Meikin 時間: 12-10-11 15:31
係呀, 日日見佢哋早出黃昏歸, 只要佢攪掂好要交的功課, 上堂有聽書, 測驗考試前有盡力温習就算咯, 重每日温習預習咩, 太大壓力了, 我寧願佢成續平平, 但身心平衡惀快好了.
作者: pineapple0983 時間: 12-10-12 10:37
本帖最後由 pineapple0983 於 12-10-12 10:40 編輯
初時大多數都聽唔明，最好問多d 其它同學；做錯唔緊要，最緊要唔好個個arm 而係得你錯。好多早會都用英文的，連校運會都係。
過左一段時間，d學校講既野其實都係 3 幅被，習慣左就OK架啦；而且講英文既老師講既好多都係港式英語，唔係 native 嗰啲，唔難明。其實我估佢地都想講中文，不過冇辦法之嘛~
有d學校除左幾科一定用中文之外，直情唔準講中文，聽到講即罰~
學校亦會明白，對學生講英文的目的並非要為難d 小朋友，而係要訓練佢地習慣用英文；所以會照顧各種程度的小朋友。到考 DSE 時，英中的學生考英文就著數d掛？上到大學，多數野都英文啦~
作者: hw1115 時間: 12-10-12 11:05
d學校講既野其實都係 3 幅被， >>>>> 講得好 ! 也是事實.
作者: Meikin 時間: 12-10-12 11:49
現今社會做野, 點可以唔識英文.
其實初中開始面對英文是好的, 唔通等到讀大學時才學聽學講, d參考書/資料全是英文,到時面對咪重唔掂.
作者: KK07 時間: 12-10-12 12:10
係我呢個老餅既年代, 九成以上小學係中文小學,九成以上中學係英文中學, 一樣無問題,放心.
作者: Meikin 時間: 12-10-12 12:59
回復 KK07 的帖子
係呀, 當年我哋咪又係咁. 而家小朋友比我們當年聰明得多, 多才多藝, 而且小學的課程比我們當年深好多添, 反而中學課程就同我們當年差不多, 所以只要有心讀, 冇話唔掂的.
作者: cow 時間: 12-10-12 13:43
KK07 發表於 12-10-12 12:10
係我呢個老餅既年代, 九成以上小學係中文小學,九成以上中學係英文中學, 一樣無問題,放心.
...
九成以上中學係英文中學, 但有幾多成真係用英語教?
作者: like_travel 時間: 12-10-13 11:12
本帖最後由 like_travel 於 12-10-13 11:13 編輯
during the math class, teacher will explain in Chinese when some classmates saying "not understand "
作者: 杰杰媽媽 時間: 12-10-13 19:05 標題: 回覆：請問讀英中的仔女 英中大部分科用英文教,真的聽得明嗎
暫時我仔話各科都係全英既
作者: YC 時間: 12-10-13 21:35
香港讀書真係辛苦架! 我仔中中都係除左中史, 通識同埋中文, 其他都係全英上堂, 不過老師有D都會用下中文解俾佢地聽, 一星期三日以上都要一係DICT, 一係QUIZ, 日日不停見佢溫書
作者: cow 時間: 12-10-15 09:03
YC 發表於 12-10-13 21:35
我仔中中都係除左中史, 通識同埋中文, 其他都係全英上堂
| 歡迎光臨 教育王國 (/) |
Powered by Discuz! X1.5 |