教育王國
標題: 讀緊s 位是否應轉出主流i 位或e 位？請建議。 [打印本頁]
作者: 01shirley 時間: 12-3-1 11:31 標題: 讀緊s 位是否應轉出主流i 位或e 位？請建議。
仔仔而家3月9月，1歲9個月時評為自閉証，排S 位
當時除了大肌正常外，語言表達及理解都遲了9個月, 認知遲了3個月，
排位期間我地同佢做了很多不同的訓練
到3歲3個月入了 S 位，
剛剛讀了半年, 前兩天與班主任見面, 講解了上學期的情況, 並解釋下學期的訓練計劃。
現在仔仔情況如下：
1. 大小肌 => normal, 識得扣鈕, 穿珠, 寫直線, 橫線, 勉強寫到1, 2, 3 數目字, 識踢波, 拋球, 接球 等等
2. 認知 => normal, 識晒 a-z, 順序數 1-100, 懂得大小, 長短, 高矮, 上下, 顏色, 形狀, 認字認到大約50-60個,
3. 語言理解 => 日常生活對話佢都大致明白, 如"你要搭巴士定搭西鐵?" 但應該仍有 delay
4. 語言表達 => 最差, 未能表達曾發生的事情, 但一般簡單對答OK, 如"我想自己刷牙", "我想玩LEGO", 但可能都delay 起過1yr
5. 自理 => ok, 著褲, 著鞋, 扣鈕, 食飯 (有時要餵), 飲水, 大小便都可表達及自行處理
6. 社交 => 最差, 唔識同人玩, 只係鐘意自己玩
7. 固執 => 老師話佢係學校無乜固執, 但屋企就有固執行為, 亦有情緒
8. 刺激行為 => 以前會玩眼, 自轉, 而家已無玩眼, 但有時仍會自轉, 但叫佢佢會停
早排新年期間我地曾在主流暫托, 佢以前的班主任就覺得佢語言表達同社交最差,
建議我地比佢係s 位執好先出黎讀 i 位,
但前兩天 s 位班主任話佢語言表達同社交係 s 位好難train 到有大進步,
可能係主流反而比到刺激佢, 建議我地轉i 位或e 位
s 位老師建議我仔如出主流最好由k1 開始讀, 即是如今年9月出去讀, 就repeat讀k1, 唔好讀k2,
唉.. 我都唔知點揀, 打去cac 想醫生做評估, 但又話而家只會升小一前先會評估, 中途唔會再有評估,
只會叫s 位老師send 份評估報告比醫生決定是否可以轉位，大家覺得點？請指教。應該:
1. 留返s位讀多一年, 出年5歲出去讀k2 or k1
2. 新學年轉出去i 位 repeat k1
3. 新學年轉出主流 repeat k1, 轉e 位
唔好意思, 太多資料。謝謝。
作者: Capricorn2521 時間: 12-3-1 12:04
本帖最後由 Capricorn2521 於 12-3-1 12:17 編輯
回復 01shirley 的帖子
個人意見，你依家係最好的，有S位廉價而密集訓練，又有主流暫托(at least 2 hrs)的同儕刺激。我覺得言語表達仍delay1年，都要上言語治療。等孩子不用午睡時，轉返下午班。又或者半年後，言語表達已經大大進步。
我吾同意班主任話語言表達同社交係 s 位好難train 到有大進步。語言表達係可以train到大進步，同成人的社交都可以train到，但同小朋友的社交就比較難了。
作者: 01shirley 時間: 12-3-1 12:13
s 位老師話如果讀多年s, 出年5歲讀k2, 佢社交更加跟唔上....
難道5歲仲要repeat K1 嗎？
佢認知, 大小肌都似乎OK, 只係社交同表達問題要佢lum 2年, 我覺得好慘...
>__<!
作者: Capricorn2521 時間: 12-3-1 12:22
本帖最後由 Capricorn2521 於 12-3-1 12:33 編輯
回復 01shirley 的帖子
吾一定一年，半年都可以。而且主流暫托佢以前的班主任都建議比佢係s 位執好先出黎讀 i 位。
上次精神科醫生同我分析應該讀咩位時話，如果父母肯揹上身(即自費及自教)的話，可以吾要I/E/S位。
作者: 01shirley 時間: 12-3-1 12:32
唔係太明, 你意思係黎緊8月照讀S 位, 讀多半年嗎？
但之後如果想轉 I 位或主流, 人地開左學, 都未必有位啊！苦惱!
請指教！
作者: Capricorn2521 時間: 12-3-1 12:44
本帖最後由 Capricorn2521 於 12-3-1 12:47 編輯
回復 01shirley 的帖子
冇錯，I位依家係多D位，但亦有人讀緊I等轉S或E，咁就有位。
如你轉E，就更加不用煩。找一些收生不足或下午班的學校，人數少D，照顧好D。根本不用理會幾時deadline報名，最好9月10月人地收曬生，先去問仲有冇位。
作者: 01shirley 時間: 12-3-1 14:49
我家樓下有一間 I 位幼稚園, 個間而家仲係排到10年1月....=_=
我仔係10年2月做評估的 ... 我感覺係好多人排, 而且好少位, 一間得6個 ...!
仲有就係, 以前N 班的班主任建議我仔適合 I 位多過E 位,
因為I 位每日都有半小時的PST, 而且I 位老師又可以長期觀察我仔, 幫助佢同其他小朋友交流, 係咪應該 I 位更適合佢呢？
作者: Capricorn2521 時間: 12-3-1 15:10
回復 01shirley 的帖子
我本人要返工，比較鐘意i位。但好多媽媽都仲意E位，尤其全職媽媽，E位有個別OT而I位沒有。I位只有ST上堂，而OT及PT的task就由I位老師負責。
作者: 01shirley 時間: 12-3-1 16:11
我都要返工的！平時也盡量請假同佢上學校的個別訓練，
s 位老師就係話我仔其實大小肌已追上, 可能只是需要SI training,
但佢話我每日帶佢去公園已足夠 = OT 做既training,
所以覺得出面讀 I 位或轉主流 + E 位更適合我仔。
作者: cecilau 時間: 12-3-1 17:14
我仔仔都是k2 由s位出去i位. 我仔仔e位都有去過, 對要上班的媽媽來講, i位真係好過e位的, i位的老師會有訓練, 又會有社交訓練, 又會留意小朋友的發展. 你仔仔的發展唔錯, 我讚成你出i位不要留在s位.
你仔仔的學術都不錯, 可試讀k2, 不要repeat k1啦. 有需要先再repeat k2啦.
作者: 01shirley 時間: 12-3-1 17:24
但老師話佢無可能跟到K2 的社交, 分分鐘會遭到挫敗,
所以強烈建議我一定要由K1讀起,
仲話再讀多年S先出去都最好由K1讀起 ......對佢會好D ...
但5歲先黎讀K1... 我唔係太想啊!! ><!
所以我真係好擔心會幫佢做錯決定 ...
作者: pocoyo123 時間: 12-3-1 20:35
出到主流社交真係好重要, 要點樣和一班小朋友相處, 而其他人又唔排擠你, 真係好難在三言兩語裡學到.
其實如果S位說你兒子可轉出I位, 你可先排隊先, 相信今年9月都未必有位, 轉左出I位後, 要自己在出面上ST, 因I位係一個月只有2堂半小時的訓練, 重讀K1比較好, 因為可以同全班小朋友一起升級, 如果你先試K2, 到時唔得, 自已留班就唔好啦.
其實係S位出來, 學術上一定追唔到, 所以讀K1, 係比較容易追
作者: Capricorn2521 時間: 12-3-2 09:24
你睇吓呢個website啦，有每間i位今年9月的空位及輪侯人數。如果怕你家樓下果間多人，可以簡間多d位或少d人排嘅學校。
http://www.swd.gov.hk/doc/rehab/VL_IP_2012.pdf
作者: 01shirley 時間: 12-3-2 10:08
回復 pocoyo123 的帖子
如果可以令佢順理融入主流, 其實我唔介意今年比佢repeat K1,
佢以前的N班班主任係上個月暫托時有留意過佢,
話佢係唱遊堂可以模仿老師做動作, 亦跟到節拍跳舞,
做勞作都可以坐定定,
但係一到講故事/上堂時間, 佢就遊雲或者兩頭擰或者想起身行開,
Free time 時間亦未能同小朋友一齊玩, 只係自己玩,
人地邀請佢一齊玩, 佢都唔肯一齊玩的。
我係擔心佢咁樣出主流是否拉牛上樹？
學術上, 主流老師話k1 要識既野, 佢都基本上識 (包括數數, 顏色, 形狀, 對比等等) ,
係擔心佢社交同言語, 主流無密集的訓練比到佢。
作者: 01shirley 時間: 12-3-2 10:09
回復 Capricorn2521 的帖子
我樓下個間得2個空缺....=_=
但係有2x 人排緊!!
不過我仔係10年2月評估的,
佢排到10年1月, 我地是否仍有機會呢？
作者: cecilau 時間: 12-3-2 10:26
出去真係唔駛由k1 讀起的, 你仔仔學哂k1的野的.
如果真係擔心, 你可能係s位讀到畢業都得, 再讀小學, 都無所謂的. 唔駛出去讀主流幼稚園的. 講真, 你仔仔的情況唔差, 可以試下讀 i 位. 現在仔仔有無機會接觸出面的小朋友呀? 可能社交有進步的.
作者: 01shirley 時間: 12-3-2 11:36
s 位老師的建議就係: 一係早d 出去主流, 一係就唔好出, 直接上小學!
但我唔會比佢係呢間s位讀3年, 只會拖慢佢!
我原本係諗住讀多一年的, 但老師話, 如果出年先出主流, 不如今年!
社交方面, 屋企一個比佢細1歲9個月的正常細佬 (現在2歲),
細佬講野已叻過佢, 又好主動同佢玩, 佢有時都會show下細佬，
但佢都係比較鐘意自己玩lego, 睇書, 玩電腦... etc
我仔現在除了s 位, 平時我還幫佢報了一個感統班, 一星期2次,
周日我地會去教會崇拜, 有機會同出面的小朋友玩的。
我現在係咪應該cut 左感統, 去幫佢報私人 st 同社交班呢？
作者: 01shirley 時間: 12-3-2 11:40
回復 01shirley 的帖子
因為細佬都將會入呢間幼稚園,
所以我想2個同一間,
接送方便d! 但真係勁多人揀!!! 
作者: cecilau 時間: 12-3-2 12:16
如果老師都suggest 可以出去, 不如試下讀 i 位先啦. i 位有社交/st 訓練, 不用太擔心. 你仔仔的情況, 比我仔仔 i 位的同學仔情況更好. 應該無問題呀.
作者: BeBe媽媽 時間: 12-3-2 12:54
我仔嚟緊都要出去讀，我簡左e，等仍未搵到幼稚園k2(望9月入讀）
我而家都心大心細，簡唔簡番i好。
北區有雙非，所以幼稚園好爆
作者: 01shirley 時間: 12-3-2 14:19
回復 BeBe媽媽 的帖子
BeBe 媽媽, 想請教你係點樣轉E？
係咪 S 位老師填FORM 定SEND 評估報告比 CAC?
你仔仔讀了幾耐S？
作者: 01shirley 時間: 12-3-2 14:23
回復 cecilau 的帖子
cecilau, 可以講下你仔仔K2 轉出去主流的情況嗎？
適應到嗎？
社交方面是否有很顯著的進步？
作者: cecilau 時間: 12-3-2 14:43
回復 01shirley 的帖子
出主流無問題, 因為我仔仔的社交能力高, 他現在讀k3, 同學仔都喜歡和他玩.
speech delay 是我仔仔最大的問題, 但在i 位, 他的語言能力真是提高不少, 講野叻左好多呀.
看你的形容, 我覺得你仔仔可以試下讀 i 位, 因為幼稚園會有support, 社交都會有幫他.
如果要轉位, 可以叫s位社工寫信, 再通知cac 的社工, 咁就轉到位的啦.
作者: 01shirley 時間: 12-3-2 14:56
昨日我打去問了CAC,
CAC 都係叫S 位老師SEND 份評估報告比佢地問醫生,
看是否適合轉 I 位或 E 位,
但 S 位老師又話 CAC 應該有份FORM 比佢地填...
等我再同S 位社工跟進下！
作者: 01shirley 時間: 12-3-2 15:02
回復 cecilau 的帖子
離開s 位後, 讀了 I 位, 你地還有額外的訓練嗎？
點樣可以增強社交能力呢？
我真係好想幫佢,
在家我地每晚做完功課/家居訓練,
都會再用大約20 min 同2個仔一齊玩"集體遊戲",
如 "London bridge is falling down",
"卷腸仔" (輪流搵張被卷住佢地, 然後很快推開佢)
"拋波, 接波"
但佢都係好被動, 只鐘意自己玩。
有小朋友探訪, 佢都無興趣同人玩, 或者share 玩具,
但細佬就超興奮熱情! 見到佢地個分別 ... 真係好大!
作者: apple~y 時間: 12-3-2 15:03
回復 01shirley 的帖子
你小朋友都唔錯,好叻
大小便都可自行處理,巳經好好啦.......嘩我都想仔仔都做到
我仔仔都未攪得掂,
如果我係你會比小朋友番i位,肯定有書讀同無0甘大壓力
又有言語,社交刺激比小朋友,
s位老師講0野係保守0的,好小心要你repeat k1包無衰
我覺得你仔仔能力巳比k1小朋友好,
我係你就番K2 i位
而且家中仲有細佬,環境刺激都好夠
最後要睇小朋友肯唔肯踏出同人溝通第一步
作者: cecilau 時間: 12-3-2 15:09
回復 01shirley 的帖子
有再加st 的訓練, 現在上的都是普通小朋友k3有上的中/英/數的班, 預備佢上小學.
你已經做得好好啦. 可以和細佬一齊玩已經不錯. 慢慢來啦.
s 位真係好難訓練社交的, 在i 位真係一個好好的訓練社交的地方, 由期身邊的小朋友會和他傾計啦.
作者: 01shirley 時間: 12-3-2 15:33
回復 apple~y 的帖子
多謝你安慰,
其實我仔真係一d 都唔叻,
拍埋同齡正常小朋友, 真係一睇就睇到分別,
佢一係就無時停走黎走去,
一係就自己坐埋一角自己玩,
好少會安定咁與其他人相處,
感恩的是佢做功課/家居訓練時可以坐上1個小時！
近幾個月佢既變化係, 佢開始鐘意同我玩, 但可能都只係幾分鐘only,
佢會主動同我give me 5, fist bomb, 玩小明上上下下, etc,
我同佢說話時, 佢亦會望住我聽我講 (以前眼神接觸都好弱),
但佢無興趣同其他人 interact, 人地同佢講野, 佢好似聾左咁,
要我同佢講, 佢先聽！
s 位老師講到, 佢上k2 一定唔得, 我唔敢搏啊 ....
我諗我都會試下排 i 位, 如果屋企樓下個間 i 位有位,
我可能比佢試下, 希望佢突破到。
作者: 01shirley 時間: 12-3-2 16:10
回復 cecilau 的帖子
其實 i 位可否先試k1, 如果社交/語言有進步,
跳上 k2, 可以嗎？
s 就好 rigid, 我仔就算有進步,
但佢地都唔肯下學期幫我仔轉叻d個組,
我見其他組的小朋友有d 都好叻 (當然個d 年紀可能大我仔1,2年)!
作者: pocoyo123 時間: 12-3-2 23:20
我兒今年都係S位出來重讀緊K3, 上到主流會發現同S位係兩個世界, (我兒S位之前是讀I位)
開學前我其實不太担心兒子社交, 因兒子是一個多咀仔, 過份熱情, 好客, 但開學後發現原來多咀小朋友都有社交問題, 社交不是佢和其他人玩咁簡單, 有時你肯埋堆, 人地也不和你玩, 因為主流的學生係要求你互動形式去玩, 即是要識玩, 知道遊戲規則, 有時玩分組遊戲時, 更要求你王醒些, 不要連纍大家輸, 真係好難的.
所以, 如果言語有遲緩, 不太主動, 重讀K1, 是好的, 因K1小朋友比較細, 對同學要求相對無咁高, 這樣你兒有機會識到新朋友一齊玩
作者: Capricorn2521 時間: 12-3-3 19:13
回復 01shirley 的帖子
其實我覺得吾洗咁擔心，排到I位後要interview，到時再同校長/i位老師商量吓小朋友應該讀k1,k2 定k3。半年至1年，小朋友可以好吾同，進步好多好多。
作者: 01shirley 時間: 12-3-7 11:22
回復 pocoyo123 的帖子
社交真係一個好kick 手的問題，
老師叫我地帶佢去多d 公園等佢同其他小朋友玩,
其實我已經成日帶佢去公園，
問題係佢無意慾去"同人玩",
佢鐘意自己玩, enjoy 一個人跑黎跑去...
我唔知可以點幫佢 ....!!!!
我有學floor time 既介入法,
係佢玩緊玩具時同佢interact,
佢肯同我玩, 但只係一陣, 好短暫,
跟住又再跌入返自己既世界.... 灰!
作者: 01shirley 時間: 12-3-7 11:24
回復 Capricorn2521 的帖子
s 位上星期fax 左評估報告給cac,
cac 醫生同意我仔可以轉出 i 位,
我可以揀學校了！
我想問係學校 i 位老師決定我仔適合讀哪一級嗎？
作者: Reddish 時間: 12-3-7 14:29
而家係老師叫你出去試l位,不是你自己放棄S位,所以你可以同社工講,如果外面不適應,會隨時轉返入S位,咁兩邊試下,比較安全。
作者: 01shirley 時間: 12-3-7 16:29
回復 Reddish 的帖子
其實我都想問可否keep 住 s 位1,2個月, i 位 ok 先放返個位？
呢樣係要同cac 社工講, 定 s 位社工定主任？
作者: Capricorn2521 時間: 12-3-7 17:38
回復 01shirley 的帖子
我相信係吾可以同時keep 住S位 及I 位的，當學校pass咗你個要求去社署，社署就會自勳安排其他人補上。
好多媽媽當覺得自己小朋友可以試主流後，就會找一間主流下午班比小朋友讀，上午繼續讀s位，比較穩陣。進可攻，退可守。所以當幾個月或半年或一年後小朋友適應了主流，就即刻quit S位，再排/等E位。
作者: pocoyo123 時間: 12-3-7 19:50
可以, 一般同學校講想試i位, 佢地可以比你上午返s位, 下午可返主流學校, , 但最多三個月你就一定要決定走定唔走!!!
這是協康s位時我見其媽咪係咁安排,但其他s位學校就要check
作者: overcomer 時間: 12-3-7 22:29
本帖最後由 overcomer 於 12-3-7 22:32 編輯
那些主流學校係家長自己搵的, 並非係社署派的I位。不可同時KEEP 住I和S位。有咗I位, 要放棄S位, 如要咗I位後, 後悔, 想要返S位, 要重新排過，同一申請編號只能派一次S位。 如想主流試讀, 應自己找主流學校收, 並非等派咗I住先。
作者: pocoyo123 時間: 12-3-7 23:22
overcomer 咁你啱啦, 佢地係自己搵普通學校下午班, 而不是I位, 我講錯左.
記得社工同我講過, 服務只可有一次, 自己放棄S位後, 如要再返去係要從新排過, 所以好多媽咪先自己搵普通學校試左三個月先, 自我評估小朋友能力得唔得, 跟住返去S位再去排I位/E位
作者: Capricorn2521 時間: 12-3-8 09:22
咁嘅情況通常會要E位，吾要I位。因為已經適應咗間下午班學校，遲D又要轉去適應I位學校，會有點浪費時間。我地D仔通常適應能力比較慢。遲D又要轉去升小學.......
不過，大前題係最好有全職媽媽。
作者: 01shirley 時間: 12-3-8 10:07
但我不是全職媽媽，如果要搵主流下午班，一來要搵人接送，二來正式途徑去找學校都不一定順利搵到 .... ><!!!
唉, 都係要搏一鋪報 i 位 ......... 驚!
作者: BKVIP 時間: 12-3-8 15:20
本帖最後由 BKVIP 於 12-3-8 15:24 編輯
請問同時讀2間，如上午s位，下午主流是 否只限3個月時間？即3個月後就要決定要留s位還是轉走？
作者: BKVIP 時間: 12-3-8 15:28
shirley, 你可以先試下找主流pm，找到就轉e 當係私人訓練補底(因自費好貴架)。如找不到先轉i 位。這是我的想法。
因為我都諗緊同時讀2邊，因為已有主流收我仔讀pm，但我仔仲未派到s位，應該今年9月先有s位，所以如3個月試學期對我來說行唔通，但你可以試下。
作者: 01shirley 時間: 12-3-8 16:34
但我不是全職媽媽，如果要讀主流幼稚園, 一來無人手接送, 二來以正式途徑搵主流學位唔係咁易! 我諗都係要返 i 位!
希望阿仔黎緊呢半年可以突飛猛進啦~~~ ><!!!!!
作者: 01shirley 時間: 12-3-8 16:54
回復 BKVIP 的帖子
我都有諗過轉 E 位,
但後來我衡量過,
E 位提供的PT同OT 不是我最需要的,
反而PST 同 ST 的訓練對我仔更重要
I 位的PST 是每天半小時, ST 也是1個月有1小時,
E 位的ST 訓練與I 位一樣,
但PST 訓練反而在I 位每天都有,
所以綜觀各方因素, 似乎I 位比較適合我仔,
理想D 諗, I 位老師可能會特別關注我仔的社交情況, 從而幫助他。
所以我覺得我仔應該較適合I 位。
作者: BeBe媽媽 時間: 12-3-8 19:12
我仔有一年i位經驗：但無每日pst,係咪每星期有？我都唔知道。
總之，間間i位都唔同，要每間問清楚呀！
作者: BeBe媽媽 時間: 12-3-8 19:16
仲有，係咪有i位學校都咁明白、了解、支援我地既小朋友？我話你知，我仔果間唔係囉。
所以如果你搵到間包容、有愛心既幼稚園（非i位）時，真係要諗下繼唔繼續番底！
仲有st堂不一定每星期2堂，而係每年有幾多次。
所以有時會一個月得一次35分鐘
作者: BeBe媽媽 時間: 12-3-8 19:18
我想話不一定一個月2次
作者: Capricorn2521 時間: 12-3-9 09:13
回復 BeBe媽媽 的帖子
係呀，BeBe媽媽都講得好啱，學校質素有好有壞，亦都好睇老師夾吾夾小朋友。我都係剛剛收到社工通知可以簡i位學校，因為我的舊編號好前(2009/07) ，入心儀校機會好大，所以我只選了一間。不過，其實無論學校的訓練如何多/少，我都會在星期六比亞仔再上自費訓練，穩陣d，自己又可以跟緊d。
作者: BKVIP 時間: 12-3-9 13:36
請問所謂既社交班，係咪即係好似playgroup 型式上堂？
作者: BKVIP 時間: 12-3-9 13:44
講開i 位，真係每間學校投放在小朋友身上的時間都唔同，找間有愛心既好緊要。我仔2歲時俾佢讀i 位幼稚園的普通位，當初老師叫我地帶佢做評估，其實我地一早做左，只係想俾多d 羣體生活俾個仔所以送佢入讀，因為個時咩服務都無。到後來阿仔返4個月病足4個月，最終退學。而當數月後，我地想返個間學校暫托或重新入讀，由於間學校已知道阿仔係a仔，又話學校轉左新校長，所以無人手資源暫托，其實我覺得學校老師係有愛心的，但學校管理層無愛心。i 位學校都咁，其他學校又會點看待我地呢d 小朋友呢 
作者: 01shirley 時間: 12-3-9 14:40
回復 BeBe媽媽 的帖子
哇！真係多謝bebe 媽媽提醒我,
我今天打左去我揀既其中一間 i 位去問,
i 位老師解答很詳盡,
佢話佢每日都會有個別訓練或社交小組比6位i 位小朋友,
st 大約1個月2-3次,
ot 同 pt 3個月1次,
我講左我仔情況佢知,
佢話佢地會係第一個月去觀察佢, 再決定佢是適合k1定k2。
我仲問埋如果學校老師請假, i 位老師是否要代課？
佢話一般情況下佢都唔需要入組, 但有時如果有多一位老師請假,
佢就會幫下手，
佢都幾關注佢手上的 i 位小朋友！
希望我仔入到呢間 ...
呢間既排位係 10年1月！
作者: overcomer 時間: 12-3-10 01:38
I位老師就算每日和小朋友做訓練, 但佢地D訓練質素冇保證, 佢地只係讀咗一年PART TIME 課程, 就做得I位老師, 佢地所設計的訓練可能唔係咁好。曾經有I位老師俾的訓練功課, ST一睇, 即刻話, 嘩, 咁都得, 亂來。E位在PST質素方面有多些保證, 起碼管理人員俾普通幼稚園校長更懂得特殊。且好多校長會找I位老師成日做其他嘢, 同家長又點會講我會成日找I位老師做其他嘢呢。
社交小組? I位那6個小朋友, 由K1至K3都有。K3那些小朋友會被K1的拖累, 學D淺嘢。而E位多人, 可幾個K3程度的學生夾到一齊上社交小組。
有幼稚園老師講過, I位=冇服務。(真正只得ST個別)
作者: BKVIP 時間: 12-3-12 15:33
回復 overcomer 的帖子
無錯，不要將i 位太理想化。i 位只係有個保障，堂s位一出黎有得返主流咁解，但真正可以得到几多服務俾特殊小朋友，真係唔敢講。所以即使有i 位，最好都係出面再補底。
至於e 位，小兒正在e位上堂，講真，每個月所俾到既上堂時間真係好少好少，只得2次pst, 仲要其中一次係成班小朋友小組形式。ot / st / pt 就只得1堂咁大把，真係好靠家長做家居訓練。
作者: Capricorn2521 時間: 12-3-12 16:07
回復 BKVIP 的帖子
即係話，現在讀緊s位的家長要好好珍惜同ot/st/pt/pst每月的見面時間，講座及學校活動，盡量問多d，學多d。到出咗s位，無論e位或i位都好有限服務，見面時間更少。私人嘅，又分分鐘同你計算。
作者: 01shirley 時間: 12-3-26 14:54
上星期四同學校主任及高級幼兒導師開會，
開完仲更加迷惘!!!
主任同我講, 治療師對我仔的case 都有不同的意見,
st 就覺得我仔未ready 出主流, 因為語言社交都未catch up 到!
ot 就覺得我仔應該揀E 位, 因為保證有3T支援!
但班主任同高級幼兒導師就suggest 我地揀 i 位....=_=!!!!!!!
真係開完會搞到我地心情仲亂!!
煩~
作者: apple~y 時間: 12-3-26 16:05
唔使煩,總有方法安排好
至少你仔仔有能力出去試0下,我小朋友未得,未走得
我都好期待
我個人覺得班主任係最了解小朋友情況
始終班主任對住小朋友時間比治療師多,所以班主任意見可以再諗諗
係咪就快大派位??
作者: 01shirley 時間: 12-3-26 16:25
好似4月派位, 其實我之前已排了 i 位,
如果到時選擇留返s 位, 唔知日後是否可以再排 i 位？
其實對呢間S 位真係有D 失望...
導師話如果我係要求加強佢認知同社交語言呢3方面,
佢話佢地呢度真係比唔到!!!!!
所以建議我地出去試 I 位,
但另一方面, 我係擔心佢學習基礎未穩固,
出去主流是否可以跟上大班？！
唯有再睇呢半年既進度如何！唉 ...
作者: apple~y 時間: 12-3-26 16:34
你間S 位係咪協康會?
作者: 01shirley 時間: 12-3-26 16:35
係啊!!!!! -_-!
作者: apple~y 時間: 12-3-26 16:53
你間S 位又會0甘講?
唔係可以調去能力好些一班
0甘你等派0左i位,見老師再傾0下
作者: BKVIP 時間: 12-3-27 13:34
你問佢咁佢地加強左你小朋友邊方面另佢地覺得佢可以出去i位。
| 歡迎光臨 教育王國 (/) |
Powered by Discuz! X1.5 |