教育王國

標題: SFA vs YW [打印本頁]

作者: YCDad 時間: 12-3-1 11:09 標題: SFA vs YW

如果兩間學校都收，你們會如何選擇呢？

考慮因素：

交通：返YW路程比較遠，不打算搬屋，如果讀YW，都會一條心讀YW書院，到時候便要挨多年長車程。SFA比較近。

每班學生人數：YW每班30人，SFA一班40多人。因為人數太多，SFA很難照顧每一位學生的需要。如果學生有紀律問題，老師更難處理。

課程：SFA乃英文小學，課程較YW深，壓力相對地較大，但是插班去其他名校成功率較高。

作者: bb@wonderland 時間: 12-3-1 12:00

識人讀 SFA (top 果d) 插班考 YW 成功, 轉去讀YW

作者: jeremyphlam 時間: 12-3-1 12:45

YW 和 SFA 都在深水埗，路程唔會差太遠啩？

作者: appleycma 時間: 12-3-1 13:04

100% YW,可直YW College.

作者: MATTHAW 時間: 12-3-1 13:07

YW 一定是最佳的選擇, 由小學直到中學都是

作者: Wenjo 時間: 12-3-1 13:11

Of cos YIng wa

作者: 小曳人 時間: 12-3-1 13:50

YW啦！
我睇唔到有乜嘢SFA俾到嘅，係緊要到要放棄YW
而且，SFA/YW本身都算近，點解你會話路程遠？你住SFA附近？

作者: YCDad 時間: 12-3-1 14:30

你們是否試過由調景嶺乘港鐵分別到石硤尾站（SFA)和南昌站（YW)?

作者: rc_ac 時間: 12-3-1 14:48

你可以試試在長沙灣站下車經發祥街直行去英華。可能會快上些。

之前我囝囝預備面試時,我問他最近英華的MTR站是什麼,他說長沙灣,因他比較熟荃灣線,我才發現長沙灣只是比南昌站遠一點·。

作者: YCDad 時間: 12-3-1 14:51

港鐵提供資料：

由調景嶺去南昌，要41分鐘；去石硤尾，要23分鐘。計埋由地鐵站行去學校，去英華單是車程來回便要兩個小時。小學可以乘校車，讀中學要自己搭車返學，一日浪費了兩小時乘車，唔係好化算。

作者: YCDad 時間: 12-3-1 15:04

本帖最後由 YCDad 於 12-3-1 15:21 編輯

我親身體驗過，由長沙灣站行去英華，比南昌站行去英華遠許多許多。所以，乘港鐵去英華，一定由南昌站出。

港鐵資料顯示，由調景嶺去長沙灣，要30分鐘，由長沙灣步行至英華，至少20分鐘。一程共50分鐘，而且幾乎全程無瓦遮頭。如果仔仔無帶遮又落雨，就大大鑊。

作者: hkmom 時間: 12-3-1 15:19

回復 YCDad 的帖子

講咁耐，不如兩間都收先算啦！

作者: YCDad 時間: 12-3-1 15:19

你們可以上centamap網站，肉眼比較最近英華的長沙灣站出口（A1出口），和最近英華的南昌站出口（A出口），便清楚由長沙灣步行去英華，是遠很多。

如果你需要10分鐘由南昌站行去英華小學正門，按地圖比例，你要花二至三倍時間才可以由長沙灣步行至英華，即是20分鐘。來回又是差不多兩句鐘。

作者: babybear 時間: 12-3-1 15:25

坐校車咪得囉！

作者: 502 時間: 12-3-1 15:30 標題: 引用：YW啦！我睇唔到有乜嘢SFA俾到嘅，係緊要到

原帖由 小曳人 於 12-03-01 發表
YW啦！
我睇唔到有乜嘢SFA俾到嘅，係緊要到要放棄YW
而且，SFA/YW本身都算近，點解你會話路程遠？你住SFA附 ...

完全同意，看不出有甚麼是SFA有，而YW不能提供！

加上樓主應考慮小學可以坐校車，地鐵的距離算不上重要！

作者: YCDad 時間: 12-3-1 15:31

中學生仲要搭校車？唔驚人話你仔仔係港童，自理能力有問題呀？

還有，真係見唔到有咩中學重有校車。

作者: YCDad 時間: 12-3-1 15:34

由於接近返工的地方，老婆一定唔肯搬，無計。

作者: hkmom 時間: 12-3-1 15:40

YC爸爸，你係咪兩間都收咗呀？

作者: hyatt 時間: 12-3-1 15:43

如果你放番yw出嚟，相信有很多人會感激你

作者: YCDad 時間: 12-3-1 15:51

唔係呀，英華無收，就是因為無收，當考慮是否扣門的時候，問仔仔的意願，他說喜歡SFA，原因是車程較短，我才醒覺有這一個問題。我都是希望入英華的，但是一考慮到交通問題，就三心兩意。

作者: hkmom 時間: 12-3-1 15:57

回復 YCDad 的帖子

既然阿仔喜歡SFA，那亦是一間好學校，他會讀得更開心！（話時話，你阿仔咁識諗，同有主見，值得恭喜！）

作者: YCDad 時間: 12-3-1 15:59

我記得第一次去英華小學，就是去聽簡介會。由長沙灣地鐵站步行至英華，用了25分鐘，因為中途你還要等幾個紅綠燈位，還要無瓦遮頭。

作者: hyatt 時間: 12-3-1 16:10

既然囝喜歡sfa, 又冇你的交通問題，就一心一意囉，可能係天意。

作者: Era 時間: 12-3-1 16:16

咁睇落樓主都冇野頭痛啦,個仔又鐘意SFA,交通又方便D,又唔洗再去叩門,一於就SFA啦.

作者: creamkkl 時間: 12-3-1 16:22

回復 YCDad 的帖子

你唸..英華收先唸啦,唔係唸就得

作者: creamkkl 時間: 12-3-1 16:24

回復 Era 的帖子

我記得你個仔英華收左,天日一齊去註冊..

作者: creamkkl 時間: 12-3-1 16:36

回復 YCDad 的帖子

我住得仲遠過你--西貢,我check過英華校車有條線經---維景灣畔

作者: YCDad 時間: 12-3-1 16:52

creamkkl 發表於 12-3-1 16:36
回復 YCDad 的帖子

我住得仲遠過你--西貢,我check過英華校車有條線經---維景灣畔

校車車程要幾耐？

作者: babybear 時間: 12-3-1 16:52 標題: 引用：中學生仲要搭校車？唔驚人話你仔仔係港童，

原帖由 YCDad 於 12-03-01 發表
中學生仲要搭校車？唔驚人話你仔仔係港童，自理能力有問題呀？

還有，真係見唔到有咩中學重有校車。 ...

你又諗得好周詳喎！

諗埋中學路程問題。

作者: YCDad 時間: 12-3-1 16:57

相信有中學做backup是很多家長選擇英華的原因。

作者: Babyarsene 時間: 12-3-1 17:28 標題: 回覆：SFA vs YW

你又未去扣門，扣咗又唔係一定收，到時先諗

作者: YCDad 時間: 12-3-1 17:34

本帖最後由 YCDad 於 12-3-1 17:53 編輯

如果結論是讀SFA更適合仔仔，就無謂同人爭啦！

有沒有人知道將軍澳線校車車程要幾耐？

作者: 小曳人 時間: 12-3-1 21:11

我細個每日坐一個鐘頭巴士(要轉車)返中學架！

btw， TKO唔係有巴士去嗰頭嘅咩？會唔會舒服dd呀 (雖然都應該成粒鐘，但總好過迫MTR又轉車呀！)

作者: sytw 時間: 12-3-2 02:59

YCDad 發表於 12-3-1 15:51
唔係呀，英華無收，就是因為無收，當考慮是否扣門的時候，問仔仔的意願，他說喜歡SFA，原因是車程較短，我 ...

YCDad
我地同你既情況好似，不過我地係 St Paul Boys VS YW，又係YW最後唔收，我之前考慮緊寫唔寫信叩門，不過最後我地決定會選SPB唔再叩YW，因為其實未有結果前我地已經好掙扎揀邊間，我鍾意YW，爸爸鍾意SPB，而我地住香港返學好遠，而家YW唔收，我地都覺得係神已經幫我地揀左，雖然知結果個刻真係好失望，我仲傷心到喊，因為呀仔in得好好，記得晒d野，但可能其他小朋友表現更好，佢又唔係林校長杯茶啦... 我地唔想最後好彩叩到時，又因為遠而放棄咁玩野，所以決定唔會再叩門啦！

作者: Era 時間: 12-3-2 10:26

creamkkl 發表於 12-3-1 16:24
回復 Era 的帖子

我記得你個仔英華收左,天日一齊去註冊..

creamkkl我個仔而家已經係YW既P3學生呀! 我都會去,係帶返學.

作者: YCDad 時間: 12-3-2 10:32

本帖最後由 YCDad 於 12-3-2 10:44 編輯

回復 sytw 的帖子

妳見林校長用了多少時間？我們只是見了15分鐘左右。

作者: creamkkl 時間: 12-3-2 10:47

回復 Era 的帖子

哈哈..師兄你好!!!

作者: Era 時間: 12-3-2 11:10

creamkkl 發表於 12-3-2 10:47
回復 Era 的帖子

哈哈..師兄你好!!!

代阿仔答: 你好! 入來讀得開心D,玩得開心D啦!

作者: sytw 時間: 12-3-2 13:56

Yanamami 有乜好喊呢? 塞翁失馬. 發表於 6 小時前

唉，可能係希望越大失望越大啦，知唔收果刻真係好down，仲要呀仔下星期生日，原本仲諗住會收到呢份生日禮物，都怪自己太樂觀..... 不過之後諗通左已經無野lu，我相信神已經安排左一間適合既學校俾佢

作者: sytw 時間: 12-3-2 13:57

YCDad 發表於 12-3-2 10:32
回復 sytw 的帖子

妳見林校長用了多少時間？我們只是見了15分鐘左右。

我地都係15分鐘左右

作者: chelsealam 時間: 12-3-2 14:13

sytw and YCDad, 我估個個都大概 15 分鐘左右; 好感恩, 收左我個仔, 不過如果有 SPB, 我會 pick SPB.

唔駛喊, 你有 SPB 都喊, 真係唔知點算...

作者: sytw 時間: 12-3-2 14:30

回復 chelsealam 的帖子

當然SPB都係好好既學校，我地都好感恩佢收左呀仔，只係我自己實在太喜歡YW，同埋覺得YW岩呀仔性格讀多d。

恭喜你呀！祝你仔仔係YW有個愉快既學校生活！

作者: chicken 時間: 12-3-2 14:33

回復 chelsealam 的帖子

Hi chelsalam,

May I know why you pick SPB but not YW?

作者: shatinyauyau 時間: 12-3-2 17:42

孟母三遷都是為了仔女學業，父母要舒服，不如揀屋企附近算吧！

作者: madamewong 時間: 12-3-2 20:42 標題: 回覆：小曳人的帖子

TKO 去係巴士? Van ? 有無號碼?

作者: lawping 時間: 12-3-2 22:15

巴士 296c

作者: sr20det_fung 時間: 12-3-3 00:33 標題: 回覆：SFA vs YW

本帖最後由 sr20det_fung 於 12-3-3 09:12 編輯

我老婆就係因為英華收左個仔而將會喺今年七月辭職唔做，話要車個仔返學，因家住新界，要六點半上校巴，佢想個仔訓多d，車佢返學可以俾佢瞓多差唔多成個鐘，同多d時間睇住上了小學嘅仔仔同已經讀緊小學嘅家姐D功課。

作者: YCDad 時間: 12-3-3 08:34

sr20det_fung 發表於 12-3-3 00:33
我老婆就係因為英華收左個仔而將會喺今年七月辭職唔做，話要車個仔返學，因家住新界，要六點半上校巴，佢想 ...

你賺得多丫嘛，我搵得少嘛！

作者: YCDad 時間: 12-3-3 09:30

本帖最後由 YCDad 於 12-3-3 09:34 編輯

shatinyauyau 發表於 12-3-2 17:42
孟母三遷都是為了仔女學業，父母要舒服，不如揀屋企附近算吧！

孟母年代的搬屋成本，同今天搬屋成本比較，唔知點計！

作者: YCDad 時間: 12-3-3 09:31

sr20det_fung 發表於 12-3-3 00:33
我老婆就係因為英華收左個仔而將會喺今年七月辭職唔做，話要車個仔返學，因家住新界，要六點半上校巴，佢想 ...

到你仔仔上了英華書院，你太太會否繼續車個仔返學？

作者: YCDad 時間: 12-3-3 09:39

本帖最後由 YCDad 於 12-3-3 09:41 編輯

lawping 發表於 12-3-2 22:15
巴士 296c

每隔11-13分鐘一班車，車程55分鐘。

計埋等車時間，重耐過搭地鐵。不過，落車位置正好在英華對面。

當然，讀到中學先讓他自己搭巴士啦！

作者: kochiman2004 時間: 12-3-4 00:03

YW la ...

作者: 已刪除用戶 時間: 12-3-4 01:23

同意上天安排了. 既然已定, 何苦三心兩意. 去年識得人叩門yw都無回音. 一係就叩咗先算, 唔好比自已後悔. 再過多幾天, 叩門都唔夠誠意啦. 但睇你一家人的說法, 似乎早有定案. 就放開心情去慶祝一下啦. 免得仔仔諗係咪你覺得佢做得唔好之類....

作者: W_ngan2006 時間: 12-3-6 23:19

我都係兩間都有offer,最後比仔仔決定；YW

作者: liktin 時間: 12-3-8 00:53

I had same case, YW and SFA 兩間學校都收 one year ago. I had struggled one month, I already paid $3500 to SFA for the seat. Finally I choose Ying Wa.
Besides, I also need to have 1 hour travelling, so I moved to Lai Chi Kok this school year.
For your information, one of my son's classmate trasferred from SFA in P2 also.

作者: momama 時間: 12-3-8 09:12

The only concern to take YW is whether you have sufficient manpower to send him to-and-from school for ECA, as you must take one sports and one art, which is also very demanding in time. On the other hand, you are free to take any ECA at SFA.

作者: Chloe.Mat 時間: 12-3-8 14:57

論學術, 兩間各有千秋.
論升中, YW有保障, 現時YWC係1B.
論學費, YW平一半.
論師資和學校設施, YW也不錯.
論學校活動, YW較多.
論宗教, SFA天主教, YW基督教.
當年, 我都有以上煩惱, 最後都選擇了YW. 其實SFA和YW都好, 但考慮到升中的問題, 真的不想再冒險. YW都好aggressive, 你要有心理準備小朋友會好忙! 如參加校內校外活動和比賽, 亦要安排人手去接送小朋友, 自己的經驗是逄星期一至六, 有四天都參加課後活動而留校/回校, 要安排工人姐姐接送呢! 但是小朋友真的讀得好開心, 好鍾意返學, 小朋友又不斷進步, 所以也是值得的!

作者: momama 時間: 12-3-9 09:25

緊記: 值得之餘, 要做得到, 唔好搞亂全家作息. YW 係適合獨生子而有工人候命

作者: jeremyphlam 時間: 12-3-9 10:30

回復 momama 的帖子

又冇咁誇張，我地都係雙職，一個工人，兩個細路

作者: hellojenny 時間: 12-3-9 10:30

Hello, Chole.Mat.

請問如有課後活動, 一般是幾點才放學? 有第二輪校車走的嗎? 謝謝!

"自己的經驗是逄星期一至六, 有四天都參加課後活動而留校/回校, 要安排工人姐姐接送呢!"

作者: YCDad 時間: 12-3-9 11:48

印尼擬逐漸減少輸出外傭到2017年完全停止
商業電台 – 3月9日

作者: Chloe.Mat 時間: 12-3-9 12:15

本帖最後由 Chloe.Mat 於 12-3-9 12:20 編輯

hellojenny 發表於 12-3-9 10:30
Hello, Chole.Mat.

請問如有課後活動, 一般是幾點才放學? 有第二輪校車走的嗎? 謝謝!

通常星期一至五是3時開始有課後活動, 大約4時便放學. 課後活動是沒有第二輪校車服務的, 要自己安排!

作者: gifthoney 時間: 12-3-9 12:19

回復 YCDad 的帖子

Thanks for the news, YCDad!

What a bad & surprising policy! Maybe many HK family will be affected.

作者: hoihoima 時間: 12-3-10 23:11

回復 gifthoney 的帖子

If there are two kids in the family and they have different schedules, then really need to have two maids......

歡迎光臨教育王國 (/)